城寨風味

營業中

休息中

浩楠飯局今次有兩位美女，傅淖鈴Gaga 同亞洲小姐王家敏帶浩楠食好野，今次我地去到九龍城廣場1樓既城寨風味進餐。先來一壺菊普，邊品嚐靚茶，一邊看餐牌點菜，不過花多眼亂，樣樣都好想試。服務員就好貼心，跟我們介紹必食推介，我們就在推介中選了，《招牌即燒乳豬》、《蜜饑燒鱔片》 、《蜜餞欖角骨》 、《頂角蒸糕蟹糯米飯》再炒一個菜《蒜容白菜仔》。《即燒脆皮香豬》，做得不錯，皮很脆，不會太油，點了乳豬醬很美味。《蜜饑燒鱔片》夠晒大條，很肥美肉厚，皮煎得很香脆。《蜜餞欖角骨》，肉質很美味，咸咸甜甜，很開胃，餸飯一流。《頂角蒸糕蟹糯米飯》，個蓋加了很多配料，仲好多糕，口感豐富，蟹汁流落糯米煮成熟飯，味道一流，做主食非常不錯的選擇。

This restaurant is located in Kowloon City Plaza, moving from the original site in Nam Kok Road. I remember we had a good meal before they moved a few years back, and having seen the TV programme introducing the specialty dishes, decided to revisit and try them out.Arriving very early in the evening, we are one of the first groups seated. Sam, who handled our table, provided great service and shared with us the recommendations. The setting of the restaurant is good, with a lot of traditional art

年初去過，懷著忙碌的心情用餐，未能盡嚐。今次較舒閒，三人坐在卡位，很舒適。不約而同，今次點了跟上次同款菜式，不同心情有不同味道，今次更感好味。招牌脆皮乳豬，一碟六件，皮薄肉嫩，不肥不膩，是食店之寶，到此不得不叫；脆口咕嚕肉，見賣相已垂涎，外皮果真很脆口，內肉很有嚼勁，味道酸甜適中，白飯至此已經剩下半碗；沙茶牛肉，配搭芥蘭，牛肉很有味，沙茶的濃伴著剩下的半碗飯。三碟餸菜很快處理完畢，碟光如鏡。飯後送上生薑熱茶，很薑很熱。這裡確是一間很值得常到的食肆。

One of the best Chinese restaurant in Hong Kong! This is not an understatement! The delicacies served was simply enticing! Every dish ordered was executed perfectly! And most importantly, the value for money was very reasonable! You couldn’t find it elsewhere with this price and quality! The menu held an array of choices, 4 of us shared 6 main dish and 1 clay pot fried rice. If you are looking for something sweet and sour, the yuzu shrimp was really addictive! Simple delish! Another must

好耐冇見嘅一班朋友若然要聚首一堂梗係食返中式菜館就最為方便喺九龍城食泰國菜就食得多中菜館又真係第一次喎🙈門口充滿住中國特色朋友話一早網上訂左位，仲預留左片皮鴨、手撕雞同蠔仔粥，真係好貼心嫁姐❤️刀拍青瓜作為前菜正正常常，不過好後先上黎😂呢碟係魚黎，上嗰陣個個都睇佢唔出但佢熱辣辣，調味恰到好處！個人覺得好食啊！期待左好耐嘅片皮鴨我個人真係好熱愛呢個餸嘅關係喺香港真係食過好多間不過呢個鴨我係有少少失望嘅上到嘅時候唔熱，可能片嘅時間耐導致佢已經冇哂溫度配菜冇特別，比較傳統所以其實佢嘅水準不過不失，但值得一讚食多幾件都唔會又漏又濟！只係我對佢期望太大所以先會有少少失望另一碟要預訂嘅菜，手撕雞佢賣相好靚，砌返哂願隻雞出黎雞皮底下係調好味嘅雞肉調味足夠，雞肉嫩滑乾煸四季豆正常表現，好啱食飯，正！蠔仔粥鮮甜唔腥，蠔仔肉都幾大粒當日佢地比較忙，上菜老實講後期都真係幾慢下，預左時間慢慢食先好食物份量足夠，唔會話碟大大餸少少環境都係舒服嘅，相信平日少人啲會更舒適見佢好多野係餐牌冇要預訂，想食嘅記得打去問定留定餸當日我地唔知道原來隔離枱嘅蟹係要預訂嫁，個樣好正！有預算想一班人食野嘅話都可以考慮呢度

今日去開九龍城，朋友突然想食中菜，見到依間食評唔錯，就試下啦。門面裝修行古典中式style,加上近新年，有對對聯，更添氣氛。首先叫咗個頭盤:海蜇併鎮江餚肉海蜇彈牙夾口，餚肉層次分明，肉味好香。最好味係碟醋，食得出唔係下價貨式。醋好香醇，唔係得個酸字，一d都唔搶喉，仲提升食物嘅香味。見到話枱枱都有叫乳豬，我地又叫咗1/4客。賣相好靚，應該係即叫即燒。仲係片皮😍😍，將肥膏完全片走晒，好窩心。皮好脆，好似依緊炸魚皮咁，好香口，肉好嫩滑，唔怪得枱枱都叫。桂花炒魚肚:好大碟，魚肚好多，加上炒香咗嘅瑤柱絲，配埋芽菜，口感一流。叫咗依碟，可以唔駛叫菜，真係好大碟。蜜餞欖角骨，本來諗緊叫唔叫拔絲骨，不過朋友見到蜜餞欖角骨，話上面好少見，想試下。賣相好靚，好有fusion 菜feel ,骨炸得外脆肉軟d肉好juicy,加上外好皮好夠，可以吸收到醬汁，好野味😋😋。欖角本身嘅咸香味，俾蜜餞嘅甜味中和咗，非常合拍，我朋友話依款係男人食嘅山炒骨😂😂😂今日嘅主角，古法焗魚腸。因為功夫多，宜家好少地方有得食。提提大家，依款菜要焗大約20-25分鐘，想食記得要住坐底即刻叫。焗魚腸最緊要面頭焗得夠焦黃，焗出魚腸嘅油香，

同班朋友好耐無見，要搵間坐得舒舒服服又傾到計嘅餐廳都唔易。有朋友就推介呢間餐廳，評價唔錯，決定一試😌我地預先訂左片皮鴨同埋手撕雞，果然有驚喜！城寨即燒片皮鴨，片皮鴨配埋醬料，另有青瓜同大蔥做伴菜，食落唔太油膩，包埋一齊食都唔錯😋鳳舞手撕雞，賣相好靚，一上菜嗰下係諗，點解明明我叫手撕雞，但唔係一碟雞絲撈埋咁上嘅呢？原來師傅係將手撕雞收埋喺雞皮入面，要一塊塊雞皮揭開先會見到佢嘅真身🤣另外我地嗌左個手拍青瓜，酸酸地再加埋大蒜，味道唔錯仲有頭抽班頭腩，一上菜啲朋友都覺得唔太似魚，不過食落又幾好食喎👍🏽最後就係欖菜肉鬆四季豆，雖然係家常小菜，但係炒出黎有鑊氣，不錯不錯😋總括而言，呢間餐廳都算坐得舒服同埋食物味道不錯，仲要同班朋友傾到收鋪都唔趕我地走，服務態度一流，值得再黎😋

城寨之命，很有氣勢。地方算寬躺，環境也舒適。午市時間尚算熱鬧，只有一兩張空枱，但不太滿意是預訂了枱卻被安排在近門口位置，不是較內的位。叫了兩個套餐加多一碟脆皮乳豬，夠四個人享用。套餐有芥蘭炒牛肉、拔絲咕嚕肉、豬腳仔、咸蛋黃炸魚皮，附送樽裝可樂。很多人也說這裡乳豬好味，確實，乳豬皮脆肉嫩，咬落卜脆聲，肉不靭，蘸醬汁更美味，一碟約十件，約一百七十蚊，算是貴了一點。咕嚕肉味道也很適中，面層很薄，不是半肥瘦肉，適合不吃肥肉的人。炸魚皮黏了很薄層的咸蛋黃，很惹味，魚皮很脆口，如果用作佐酒小吃，實屬一流。豬腳仔沒有很大特色，味道不過爾爾，如果加酒可能會更香。這裡食物價格較貴，但食物水準也不差，人均價一百七十蚊。

由於今天是尾牙，所以公司一行六人就去到城寨風味吃晚飯。我們點了六個菜，包括：即燒脆皮香豬、城寨風味雞、拔絲咕嚕肉、古法焗魚腸、日式山葵蝦球、薑蔥日本生蠔煲即燒脆皮香豬(即是乳豬)：這道菜不過不失，乳豬也不是太肥，可以接受城寨風味雞：我們等到食完所有菜都還未上枱，我便問店員是否漏左單，點知店員回覆是因為有三圍枱食團年飯，廚房要完成晒三圍枱的餸菜才能弄我們這道菜。我聽到之後簡直嬲到無法形容，如果煮隻雞要等這麼久，為什麼我們落單時不說明清楚。最後我們跟店員說取消，但不到三分鐘店員便拿出這道菜說已經煮好了，但是我們堅持要取消拔絲咕嚕肉：起初見到賣相不錯，以為會好好味。點知這道菜真係離曬大譜，有六成都係肥豬肉，咬落去都係滿口油老實講，198元食肥豬肉，感覺真係想死。不過始終都係尾牙飯，不想有不愉快，所以唯有硬食啦古法焗魚腸：店員走來跟我們說沒有魚腸，所以幫我們取消了！日式山葵蝦球：這道菜沒有難道，只是將冰鮮蝦炸了之後再拌上芥末醬，所以味道也是不過不失。薑蔥日本生蠔煲：生蠔很細隻，味道還可以。成餐飯最最最離譜就係當第一道菜上枱時我們便叫了四個白飯，當第三味菜都上了枱但白飯還未到，我們便叫店員跟進下

今次同壽星朋友預祝生日，因為佢好好鍾意片皮鴨，所以經朋友介紹就嚟咗九龍城呢間咁有特色嘅餐廳試下城寨風味！凰舞手撕雞： 賣相好有霸氣！而且係雞肉位置一早已經撈好，仲逐塊雞皮鋪返上去，掂呀！而且撈得好均勻，呢個係餐牌上面原來已經冇，好彩有朋友介紹一早預訂咗！北京片皮鴨：壽星最期待呢道菜，鴨皮燒得好脆好香，雖然肥仔不過陣油香味好正！另外個皮都算整得好薄！蠔仔粥：我自己就最喜歡呢個，性價比算幾高，而蠔仔都俾多，加上有芫茜香味！頭抽斑頭腩：上菜嘅時候朋友都好好奇，個樣都唔太似魚，不過食落味道又唔錯喎！總結嚟講都食得開心而且坐得鬆動，我地傾傾下人地臨關門都冇趕我地走！值得再嚟！

多年前曾到光顧過「城寨風味」，原來，最近已由地鋪轉戰入大型商場內，是夜與友人短聚，順道慶祝聖誕，交換一下禮物，就來了「城寨風味」的新店，看看水準如何？踏入餐廳，依舊是走古樸風路線，我們坐在近門口的卡位，看到通花的木窗戶，甚有在客棧用餐的情懷。「城寨風味」的小炒了得，先來一客「城寨小炒皇」（$198），材料豐富，炒得又甚有鑊氣，入口集爽、脆、香於一身，味道又帶點辣勁，十分惹味，配啤酒一流。惹味過後，來一道清爽的菜式作平衡，「桂花炒魚肚」（$188）簡簡單單以蛋漿、銀芽、魚肚、炸瑤柱絲配搭而成，口感紛陳，卻又清爽、清新，食味不俗。還來多一道素菜「頑石點頭」（$108），以紅燒豆腐為主力，再加入冬菇絲，豆腐入口十分嫩滑，醬汁又調得濃郁芳香，伴飯良伴。餐後還奉送簡單的中式糖水，而且，招呼不錯，店員也很有禮貌，食物的水準亦沒有走樣。

知道「九龍城廣場」搞咗個「光影聖誕城」展覽活動，將香港電影同大戲院文化舊貌還原，雖然規模唔大，但幾個場景佈置都做得似模似樣。小弟喺啲老派人，專登嚟睇睇懷緬吓昔日情境。而搵食方面，睇到廣場內嘅「城寨風味」嘅風評不俗，是日晚餐就在此落腳。餐廳環境幾有新色，古雅盎然，餐牌首頁有介紹牆身用上青磚紅泥牆做法，喺模仿番九龍城寨嘅感覺，配合其歷史背景及清初江南特色。如再周圍睇睇，就會發現更多古典氣息嘅仿舊擺設。餐牌內頁，除咗有九龍城寨嘅少少歷史及餐廳嘅介紹之外，雖賣嘅喺中菜，但就集多個地方嘅大成，不拘一地。而翻一轉餐牌，由小食、湯品、燒味、海鮮、各式小炒、煲仔菜、飯麵，以及素菜都有，而絕大部份菜式均圖文並茂。另有一大張硬板餐牌，喺「食客十大推介」，相信唔會喺食客票選，但寫得出嚟，應該都喺店家嘅撚手菜式。翻去後面，原來佢哋仲有做私房菜，需一天前預定，但只列出唔同款式嘅菜色，但就無一個價錢作參考，有興趣嘅朋友要自行問問店家。自家製酸木瓜先放低嘅喺開胃小吃酸木瓜，酸爽脆口，喺幾開胃。頑石點頭 $108單睇個菜名就梗喺唔知搞邊科，不過，菜式名下面有註明喺北菇紅燒豆腐，友人鍾意多素，所以，呢道菜式啱晒。冬菇唔

以前舊舖食過一次，個乳豬令我十分難忘，於是今次就帶我一家人去食呢間新舖。乳豬：舖頭招牌菜！之前問過員工說叫乳豬要等大約15分鐘，但勁快就上到菜，應該預先整定左，所以食落口有d凍左，對此有丁點失望，但那塊皮照舊很脆很好食👍🏻芥蘭煲：意外出其好食！用黎餸飯一流👍🏻味道岩哂我地一家人，芥蘭軟硬度剛好！金沙豆腐：必點！豆腐外皮脆而薄，裡面軟綿綿，口感好正🤤👍🏻金沙蝦：這碟味道雖好，但太油了，食完會覺得很濟。鮑汁野菌伊麵：好食！燒雞：我地食哂所有餸先上到枱，證明真係即燒的,可能我地食到最尾已經好飽，覺得個燒雞無咩特別，係覺得好油。

自7月城寨搬遷後，昔日的街道店鋪轉變為商場內餐廳，還記得樓閣掛著的紅燈籠、牆壁上的彩雀、以及透過櫥窗看著廚師正在忙著用火爐燒乳豬的畫面。以往裝潢紅色古香風味濃厚，如今一改格調以香檳金黃色為主，感覺清幽風雅。見牌如見舖，還有中國名畫清明上河圖。懷念即燒乳豬。涼拌青瓜(餐前小食)一坐下先奉送餐前小食，青瓜爽口清新，微辣易入口，開胃一流。黑蒜螺頭燉雞湯(原盅燉湯)先喝個湯水打頭陣，為胃裡帶來一絲暖流。材料有豬肉、雞肉、栗子以及大大粒黑蒜等，味道濃郁，湯盅看上去似乎不大，但實質喝下去已經很快感到滿足。涼伴海蜇溫暖過後就吃個透心的冷盤海蜇小食，爽口清涼，味道不濃不淡，芝麻和麻油香味更添美味，超棒！拔絲咕嚕肉不同於平時所吃的咕嚕肉，外層好像多了一層炸皮的殼包著的肉，多了一層外脆的口感，肉質亦有別於以往所吃的硬崩崩，吃落軟熟又容易咬開，又不失撕裂的口感。更採用了泰國鮮菠蘿伴碟，味道鮮甜可口。薑蔥焗日本生蠔煲有薑蔥、燒肉、當然還有大大隻蠔肉，惹味香濃，鑊氣十足。紅豆沙最後是日甜品紅豆沙，富滿粒粒紅豆，甜而不溜，圓滿美味。

曾經看過電影內描述的城寨，曾經是「三不管」的地方。這天帶家人到這個小城走走看看，從前這個地方變得有規劃很多了。走到九龍城商場，被城寨風味的門面吸引了，聽說是私房菜質素呢，當然要試一下。店內設計也保留了城寨的感覺，牆身和城寨公園所看到的磚很相似呢。「不由人算」這句很有意義呢。 很多時候很多東西都不是人可以控制的。和家人都很喜歡吃蠔仔粥，當然要試一下，內裡有很多蠔呢，令到整個粥底都很有鮮味。即使分了四碗都是滿滿的蠔，而且肉質鮮嫩，很高品質。這個古法焗魚腸不是一般地方可以吃到，來到這兒當然要試一下，果然是不錯，魚腸很軟，配上蛋很香，不覺意可以將整碗吃下呢！這晚的重點～要吃一下龍躉。這味菜有兩種煮法，喜歡吃濃味、脆點的可以試一下左邊炸的，脆脆的配上燒汁很惹味。如果喜歡清淡些的則可以試一下右邊的，還可吃出龍躉的質感肉質，非常特別。自問是粉絲迷，這個炒銀絲真的很入味，吃了一口後吃個不停。和家人吃好東西，那種美味會倍添。