62
27
11
餐廳: 坤記竹昇麵
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵長沙灣站 C 出口, 步行約4分鐘 繼續閱讀
電話號碼
34849126
開飯介紹
客人可以隔着玻璃看到店內的製麵過程,招牌的竹昇麵爽滑可口,除了堂食外,也提供外賣服務。 繼續閱讀
營業時間
今日營業
10:00 - 22:30
星期一至日
10:00 - 22:30
付款方式
現金
招牌菜
手打竹昇麵
食評 (109)
等級4 2021-08-26
0 瀏覽
坤記標榜自己係竹昇麵, 剛開張時仲間中見到師傅在門口壓麵, 現在已經見唔到了環境 : 一入去就有店員叫客人掃碼量體溫,  每張枱中間有隔板, 防疫算係唔錯.食物 :  中午來到一般都係叫午市套餐的多, 包一款湯麵, 一個菜, 一杯飲品.湯麵 : 有雲吞, 水餃, 牛腩等,  有四粒, 麵的份量少了點, 男人應該食唔飽的.油菜 :  除了大路的菜心, 通菜, 還有雲耳, 昆布, 紫菜等,  選擇多樣化 (今次選的係上湯昆布, 好食)飲品 : 有即磨咖啡, 也有豆漿, 酸梅湯等.價格 : 午市套餐, 50蚊, 有上述三款野食, 雖然份量少了一點, 但雲吞味道唔錯, 竹昇麵的走鹹走得好 沒有鹹水味, 湯底亦無味精 (或好少味精), 飲完都唔會口渴, 性格表好高的. 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-14
553 瀏覽
食咗個撈麵,雙拼鮮蝦雲吞加紅燒滷肉。雲吞有成5粒咁多,加$9雙併,滷肉都有3大塊!價錢唔平,但都唔孤寒喎,讚!雲吞用料十足,完隻蝦再加肉,味道鮮甜!滷肉都好入味,差啲想食埋啲皮個肥膏!未叫嘢食,大叔攞咗一杯熱茶過嚟,飲落唔錯!食完個面,阿姐又問我要唔要多杯熱茶,好窩心!枱面仲有1493辣粉:20萬度純天然享辣原味,梗係要試!試左少少,係辣既!正~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-27
555 瀏覽
不知不覺間,都有兩年冇黎坤記食麵。中學年代,會透過櫥窗,望老闆自己喺度䟴面,值得世世代代流傳嘅傳統手藝。又想食魚片又想食魚蛋,就整一個魚片魚蛋雙拼麵$32 雙拼加$9 魚片魚蛋一樣出色好彈牙,個湯底一啲都唔鹹,鹼水麵味道剛剛好。老公就最鍾意食 柱候牛腩撈麵$46 最鍾意食撈麵叫加牛腩汁,牛腩炆得彈牙入味,口感很好, 最怕嗰啲炆得太淋, 冇口感嘅牛腩。再加一匙羹坤記秘製辣椒油,辣得過癮。最後仲買咗一盒竹昇麵,一樽大地魚粉回家慢慢食。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-05
1763 瀏覽
見到店舖寫住無梘水味嘅竹昇平街麵,又見到米芝蓮張証書(好幾年前的), 又咁啱3點半下午茶時間,就入去試下!見到餐牌好多下午茶套餐,就簡簡單單試個雲吞撈粗,仲見到有即磨咖啡,心覺一間麵舖竟然有即磨咖啡,真係好少有,老闆娘仲話佢d咖啡豆靚嘢嚟,試下就知!粗麵好爽好彈,堅無梘水味,雲吞新鮮即包唔會有腥味, 碗大地魚湯夠香濃,無味精!杯咖啡果然唔係一般捷永咖啡豆,好香好滑!整體真係唔錯,承為$49😆抵! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-11
1681 瀏覽
長沙灣係基層市民聚居地方,七,八十元一個麵餐實在係基層的貴價選擇,但和何洪記,麥奀記相比就當然抵食。麵係自家製,雲吞係自家包,保證新鮮!菜單選擇多元化,除了自家包的水餃雲吞,還有牛腩,撈麵就用蝦籽蓋在麵上,大地魚湯底。一個餐包括菜及飲品,份量對一般男士都夠飽,女士有機會食唔晒。地方清潔乾淨,侍應服務態度積極良好,做足防疫措施。另外,還有可以外賣雲吞及水餃。開車去呢,附近有不少街位!長沙地鐵站出行五,六分鐘! 繼續閱讀
(以上食評乃用戶個人意見 , 並不代表OpenRice之觀點。)