65
11
9
電話號碼
27188834
營業時間
今日營業
10:30 - 22:30
星期一至日
10:30 - 22:30
付款方式
現金
座位數目
45
食評 (99)
坤記又如何 焦點食評
等級4 2018-04-23
1013 瀏覽
有一次到一個網頁,看看究竟香港有什麼牛腩出色的餐廳🤔,當然看見熟悉的大埔群記清湯腩,然後又看見,之前經常經過的這間「坤記牛腩」。於是,經常都心思思,不如下次來九龍城的時候,來這個坤記試一試😏,於是這天下午茶時間,發現內裏人流不多,當然立即內進。真巴閉,最低消費$46,即吃魚蛋麵要加配飲料?看到牆上或者餐桌上面,餐牌好像有不少選擇🤔,但是其實,來來去去,都是牛腩、牛筋、幼麵、伊麵、米粉、河粉,只是配搭不同😪。看到餐牌沒有牛坑腩或是爽腩的選擇😕,於是就隨便點了個牛筋腩幼麵,可以一次過試牛筋以及牛腩。麵端來後,試試湯底,其實味道挺香濃,亦都有點兒甜香,再加上面頭那些青蔥,味道的確夠香濃。剛剛來到的幼麵,其實非常之幼條,就像髮絲那麼細,非常幼細的麵條,吸湯能力也不錯。但是這款牛腩的味道,雖然還是有點甜,亦都煮得非常之入味,不論牛筋,抑或牛腩,其實滷水味都挺香濃。但是與本人一向喜歡哪一種清湯腩的甜香,卻有少許分別😑。牛筋,其實非常軟林,軟林得來又不會覺得太化🤗。牛筋上面亦都不會黏着有毛,這個值得一讚。而牛腩,夠林,瘦處亦都不算非常痴牙。辣椒油的味道算香濃,不算是一味死辣,有點粒粒在裏面,但不知是什麼,好像有點輕微花椒及蒜香😯。總括來說,由於牛腩不是我最喜歡的部份,而且湯底也不像清湯腩那般,感覺上滷水以及柱候味的味道比較濃郁,因此不算非常之欣賞這間坤記牛腩的味道,和港島區那間九記一樣,都是試一次便夠了。 繼續閱讀
(以上食評乃用戶個人意見 , 並不代表OpenRice之觀點。)
唔‧坤你 焦點食評
等級4 2018-02-06
1595 瀏覽
乜都貴,胃的福利很受影響。火鍋店,雖說用「倫哥公式」(任食加送靚海鮮盤、靚牛肉等,每位收費三百多元的 business model) 做出些成績,但食材價格影響了水準:銅鑼灣皇室堡的一家酒樓,供應這種火鍋放題,但吃了三次,一次比一次叫我失望。而百多元預算的,我近期的體驗是無法入口 (鵝頸橋附近的一家,未換招牌前是我的心水之一,後來名稱改了,試一次可謂冇下次)。一百元以下的呢?連快餐店的火鍋餐都上見七十多元,所以看見這火鍋老區的新丁牛腩店,在這時節提供88元的選擇,沒有不試的道理。店主是相對年輕、優皮模樣的一個人,看外表無法想像他經營的「落地」。這店已是他在這區的第二個嘗試。來歷說來有趣,他另外的店僱了一位員工,以前有這方面的經驗,他便打本開了此店,讓員工再展才能。成人之美,本來就是件美事;大家有心機做,會差得到哪裡嗎? 不單套餐設計和用料值得俾like,「架生」的來歷同樣有段故:原來是店主早前去日本旅行,發現這種瓦煲和爐具,地點是100円店,於是逐間店掃,搵都幾多買幾多,然後托番香港!這壓根兒是小店的出汗細活,得來的就是品質的保證、和自己的滿足感。 牛頸脊的咬口和濃香,那「標誌」和質素是入口即知的。追加也不過$48,是616那種水位,客人「追」得放心,店家也立不敗之地。其他配料也具水準,美中不足的是一加就要加六七粒,對獨行俠不夠friendly;其實可按定價邏輯,增加$21-22牛丸魚蛋雲吞每樣一粒的選項。向店主反映時,他說未有其他客反映過;其實需要可能不是製造出來,卻肯定是發掘出來,唔試點知? 回到同街另一家店工作的店主,見我們食飽離開經過,急急腳冒著寒風出來,站在街上問我倆的意見;那可說是比隨便給個折扣更有誠意 (當然,若有折也樂意接受喇!)。那份認真,令他配得把食肆生意做到這個規模。做食肆,幾時都係要用腦 (其實有乜嘢唔係呢?)。與其生意差,推說是市道唔好,不如問為何客人都跑到別處去了 (肯定不是絕食) 而不是到貴戶光臨。而質素,肯定從來都是基本一環。在這一家,我看到了腦筋,也嚐到了質素。有了連鎖店沒有的貨式與品質、沒有了連鎖店有的洶湧與危險,九龍城不是個方便的地區,這次卻讓我們不枉此行。當然,有些是不可抗力。我們前往的下一家店 (http://fungpc1.blogspot.hk/2018/01/the-darkest-hour.html),當明白這一道理。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-20
3763 瀏覽
今日同柑太行完九龍塘,但行到肚餓就發覺四圍都無好野食,於是就殺落九龍城,係滿街林立的食肆中,我們選了坤記牛腩做晚餐落腳處,九龍城食肆一向數一數二多,但做牛腩既店舖就只有佢一間做到好出名,店內貼滿不同雜誌報章介紹,食客亦多得如貨輪轉。我地坐好後,柑太好想食爽腩,而爽腩只可以淨食,於是我地就叫左一份淨爽腩,再加一個咖哩牛筋腩撈麵,發覺佢地有自己手包餃子,就點左一份淨水餃。淨北京水餃($42)每隻都大大隻,而外皮幾厚,但並不代表內涵,相反係內涵太豐厚,唔用厚厚既餃子皮包住的話,一定會漏晒出黎浪費左。皮厚但煙韌,內裡有香濃韮菜味,而食落啖啖肉,非常好味。淨爽腩($160)絕對係招牌菜,湯汁係濃濃的牛骨味,飲落非常有層次,可以慢慢細味出當中的骨和肉的不同味道,慢慢到最後感受到鹵水的香味,亦因為加入了鹵水,湯底會較其他湯深色。佢地既爽腩絕對無呃秤,好多出面食肆都係用絕對帶筋帶肥糕牛腩扮爽腩,但真正爽腩,牛腩肉中間是夾了一層薄薄的筋膜,而肉之間可以咬到因為脂肪而流出來的肉汁,呢道出品絕對無花無假。又煙韌多汁彈牙的爽腩煮得實在非常出色。咖哩牛筋腩撈粗麵($68)一上碟發覺大大堆的咖哩汁滿佈粗麵及牛筋腩之上,起初還以為牛腩的分量很少,但一撥開後發覺筋腩其實差不多佔了半碟,牛筋既爽滑又彈牙,而且煮得極腍,牛腩芳香味濃,肉質軟滑。最出色反而是那個咖哩汁,食落不覺有加入奶去調和,反而是以咖哩香料煮出來,每一口都係濃濃的咖哩味,微微的辣刺激食欲和味蕾的感覺,配合牛腩牛筋令肉味更特出,實在想不到這裡的咖哩如此出色。最後柑太食到要飲多支可樂黎爽一爽,呢一餐實在無可挑剔 繼續閱讀
(以上食評乃用戶個人意見 , 並不代表OpenRice之觀點。)
滋味咖哩牛腩!!! 焦點食評
等級4 2017-10-16
2212 瀏覽
除左雲吞,牛腩基本上係廣東麵食既主角,牛腩麵可以話係成行成市,但做得好帶係唔易!今日同朋友去九龍城試坤記牛腩!聽聞水準一流餐廳店面全部都係牛腩既介紹,睇相已經非吸引店內人頭湧湧,好多人都俾牛腩吸引,前來一試除左清湯腩,就係咖哩腩,麵方面反而無傳統既生麵,係粗幼麵,米粉同伊麵。因為想試咖哩牛腩,但又想試原味,所以叫左一碗牛骨湯!!湯既牛肉味勁濃,入口好似放左一堆牛肉落口感。係門口睇過報紙報導佢用牛骨牛頸去熬,所以真係非一般既濃!!而且呢個牛骨湯仲有少少滷水汁既feel。等左無耐咖哩筋腩麵就上枱!我比較鍾意幼麵,因為掛湯力極強!而咖哩既汁又濃又香筋腩既份量都比普通麵店既多,牛筋係香腍既質地,膠質亦好夠而牛腩夠香腍入味,加上咖哩既微辣,非常惹味而麵質雖然唔係生麵係幼麵,但佢都有生麵既爽脆感,十分神奇!未試過咁有彈性既幼麵湯真係無得頂,咖哩味夠哂香濃,而且唔係一般咖哩魚旦既平咖哩 繼續閱讀
(以上食評乃用戶個人意見 , 並不代表OpenRice之觀點。)
一食再食 焦點食評
等級4 2017-09-08
2114 瀏覽
香港周圍都有得食牛腩麵,但好食的真係唔多,其中我食得最多的一定係坤記,因為近屋企,去鋪頭食或者用APP叫外賣都得,仲記得對上一次食就係同朋友係屋企打牌打到唔願落街食飯,跟住就用APP叫外賣送去屋企一路打牌一路食,哈哈~星期日又黎到坤記,今日真係超好彩,眾所周知九龍城係極級難搵到個錶位,但今日竟然我地一去到就係坤記門口有架車走,實在係太好彩了坤記係好傳統港式麵店的隔局,但比起一般的較為光猛,同埋乾淨得多,好多麵店都係成地紙巾牙籤的,身為香港人的你一定明白想揀食物記得望住個牆啦,整間餐廳的牆都貼滿餐牌,除左牛,仲有餃子同手打丸淨白菜冬菇水餃 ($42)食過呢間餐廳咁多次,第一次食水餃,水餃係店鋪自家製,一碗5粒,每粒都饟到漲卜卜好大粒,一口咬開清楚睇到入面的新鮮材料,兩個人SHARE食當係前菜唔錯咖哩牛筋腩撈伊麵 ($72)每次都一定會忍唔住叫咖哩牛筋腩撈伊麵,牛筋腩俾得好多,牛腩用上靚部位,無肥肉但食落好淋,咖哩香得來唔辣,相信唔食得辣的人都可以食到,伊麵有咬口,湯亦係每次都好期待,好難得香港有麵店跟撈麵個湯係無味精的,飲落似牛肉清湯,每次我都會成碗飲晒上湯牛筋腩撈伊麵 ($72)平時我地係會一人一碟咖哩牛筋腩撈伊麵,但我就諗無理由食左咁多次都唔試下個原味,上湯牛筋腩撈伊麵基本上只係少左份咖哩汁而換上上湯,更加食到牛筋腩的原汁原味,如果想清淡D就可以揀呢個每次去旅行長少少,都會掛住香港的食物,特別係香港獨有的那些,食物唔一定要貴先好,有時我最想念的反而係一碟簡單的牛筋腩撈伊麵 繼續閱讀
(以上食評乃用戶個人意見 , 並不代表OpenRice之觀點。)