坤記煲仔小菜

營業中

休息中

原本打電話預約,但打了數次也打不通到最後見時間尚早只是6點多便直接到了餐廳睇下WALK-IN要等幾耐一去到問了一位店員幾時有位 她叫我企去對面等等 然後便入左去做野現場所見食客滿座 但沒有人在等候等左十五分鐘覺得唔對路 再問另一店員要等大約幾耐同埋洗唔洗拎飛點知職員態度惡劣 一副臭臉說沒有提前預約你等到9點半後吧我第一次問的時候那員工不直接跟我說要等到9點半後 只是叫我去對面等等如果我不再加問 便要傻傻地等下去這樣的服務態度叫人如何想幫襯你 比錢你賺仲要受氣 甚麼道理以後沒有飯食都唔會再黎

雖然西環「坤記」的煲仔飯超級出名，但自問愛食好東西的我昨晚才首度幫襯。七點左右去到，人多，同老闆娘講留位九時再來，呢段空檔便和朋友去附近的酒吧hea吓。九點來到人更多，但有留位下很快便安排到搭枱。來坤記當然要食煲仔飯，朋友不喜歡吃鱔，便叫了窩蛋牛肉及臘味雞兩款煲仔飯。另外，呢期練跑練得多，便叫了個招牌豬骨煲補下腳骨力。先上枱的是豬骨煲，夠晒大堆頭，豬骨湯內除有大有細的豬骨外，還有雞腳、蘿蔔、粟米、唐芹、馬蹄及腐竹，湯愈煲愈入味，膠質也愈來愈重。而且大件的豬骨內的骨髓好多呢，有點吃啫喱的感覺！而食到最後亦附送蔬菜，比你清清腸胃。等了一段不短的時間，期待已久的煲仔飯終出場了。先上的窩蛋牛飯賣相誘人，飯煮得粒粒分明，冇黏在一起，證明火喉一流，甜豉油味道調得剛好，伴起飯來相得益彰。最欣賞個飯焦唔會太燶，香香脆脆，之後又用些豬骨湯泡飯焦吃，變成另一極品也！後上的臘味雞飯有臘腸，潤腸，臘肉及雞，同樣出色，不過朋友話下次食的話會全選臘味，才會感到滿足。值得一提的是吃不完的豬骨加點湯拿回家，放雪櫃後第二天變成豬骨凍，加點水加熱後再吃依然好味呢！

呢日天氣涼涼地由中環遊電車河由西環遊到西營盤，落車見到呢間有煲仔飯食又排哂隊等位，於是走嚟試下，好彩入到嚟等一陣就可以搭枱、呢度裝修飲舊式酒樓，地方不算太乾淨，人多嘈雜，坐底之後眼見都好多人食煲仔飯或煲仔菜我哋就點咗兩個煲仔飯：白鱔雞同白鱔田雞，侍應講要等45分鐘但其實等咗大約半個鐘都有得食、白鱔田雞都幾滑飯唔夠乾身、但個煲仔飯豉油好好味盛惠$100/煲都幾貴，另外都有好多人叫豬骨煲同椒鹽鮮魷應該幾唔差

有fd喺fb post坤記開飯相，好似好好味，所以諗住今晚去食啦~七點左右去到，行入去攞位，側邊亦有內地客攞位~阿姐講完電話，淨係叫我喺出面等，我問"唔攞飛咁點知邊個先後？"拿，我冇話唔等，亦冇唔禮貌，純粹疑問咋~阿姐跟住大大聲講+趕客手勢"出面等呀，唔鍾意就去分店！"我行番埋fd度討論轉去邊食煲仔飯，原先喺我側邊內地客都俾阿姐用普通話"沒位" 趕走埋。。。我嚟食飯咋，唔係嚟攞位都要受你氣嘛，我自問態度冇問題，你洗唔洗咁呀阿姐！😡無論你地有幾出名，有幾唔休做，都唔洗咁架嘛，大不了你咪同我講句冇book就冇位囉~呢位阿姐連做人最基本禮貌都冇要我受埋啲咁既氣，我寧願唔食算！全香港又唔係淨係得你地一間有煲仔飯食，亦唔會得你地一間出名囉~如果你地啲店員keep住咁既服務態度，我真係要祝你地生意興隆囉~

睇新假期推介，今晚大老遠從新界過黎食，我都知多人架啦，一埋去拎位，個惡女人浄係問你有冇book 位，態度極差，原来呢間大排擋冇book 位係冇得食，你想等位都唔俾你等，失望！以後唔會再黎

白鳝拼排骨100，我窝蛋牛肉88，好味程度以讹传讹，美味核心来自豉汁白鳝，没有白鳝的我强烈心理暗示自己吃到了好吃的堡仔饭尤如银翼复制人深信自己是自然人(然而并不是），只推荐有白鳝的饭

有冇其他選擇， 請告知🙏🏻🙏🏻剛剛過咗中秋，記起上星期食咗佢，係，又係佢！煲仔反水平之作，冇驚喜但一定不會失去望，一條友最好選擇！碟相只是比你望望，冇特別！

呢間係西環比較出名嘅煲仔飯，今日見放工遲咗就食好嘢啦。去到見到都滿座，就只好留位啦。個老細都幾串，完全講都冇講話OK定唔OK。之後我就再問留兩個位，佢先話要再等等。點知有另外三個人嚟咗問有冇位，咁啱有張細枱走人，我就諗住我哋先啦因為我哋你先，點知佢俾咗個三個人。都唔緊要，之後我見到佢出面放左一張摺檯，有個男人行咗過去自己開咗張枱，個老闆娘竟然過去問佢食咩。我心諗點解佢唔開張摺檯俾我呢？佢完全冇問過我可唔可以係出面食。算～等左四個字，終於入得。叫咗一個白鱔田雞煲仔飯同埋油鴨髀雞肉煲仔飯。等左大約三個字，飯到。佢個田雞同埋白鱔都幾好食，可惜有鴨髀太乾，個飯底亦都唔錯，有焦。 但服務態度唔好咩都冇嘢講，本身一個煲仔飯已經成舊水，服務態度差我唔會再去。

绝对是人生中最好吃的一餐煲仔饭#白鳝田鸡煲仔饭# 酱料一绝，原本上边淋了类似豆瓣酱的料，又给了一碗甜甜的酱油汁 人间美味锅巴是我吃过最脆的！有小小糊 但这都不是事看着邻桌单点小菜也特别好 但是我实在不能眼大肚子小浪费粮食下次打算人多再来一次！

年多前嚟過冇位就去咗分店食，十分唔錯，今次再嚟有位啦~天氣開始熱，所以冇乜意欲食煲仔飯，哩度煲仔飯咁正唔食有啲可惜，下次吧。整體鑊氣好夠，價錢合理椒鹽九肚魚 - 一流。原本想叫椒鹽蠔但是日冇蠔，唯有叫九肚魚。粉薄到近乎冇咁滯，唔知係咪錯覺好似有啲蛋香添。Anyway, 就係惹味囉~腐乳蒸雞 - 雞好滑，唔油；腐乳味剛好唔太咸，好食~西蘭花炒魚燒 - 原本想叫炒斑球，阿叔話冇斑球只有斑腩(即係預製組件啦), 佢就建議炒魚鬆，就試下。魚鬆粉多，麻麻，但除咗西蘭花仲落咗啲菇加番啲分，還可以。蘿蔔牛腩煲 - 牛腩香濃，但蘿蔔應該係後加唔夠林又唔入味，扣分

因為出名，所以長期要等位，成晚出面都有人等位，我地有朋友攞位先，所以去到即刻有得食!😆雖然要等位，但勝在唔會催人走，我地食足2個幾鐘。👍👍👍餐牌: 好多選擇，即叫即煮，每碟菜都夠鑊氣，夠入味!👍薑蔥生蠔煲 $100生蠔大隻，汁醬入味，連啲薑蔥都好好味!炒䙺 $70味道唔錯，但啲蜆爭咗啲，有啲唔開口。臘味滑雞飯 $85食咗2個煲仔飯都非常好食，食材有質素，啲雞肉好滑好諗，食到最後啲醬油加埋飯焦又脆又好食!窩蛋牛肉飯 $83牛肉一樣夠滑夠諗!椒鹽鮮魷 $85外面炸到好香口，裏面啲鮮魷仲有汁!炒麵 (唔記得幾錢，我估$60左右)朋友話唔錯，本身冇乜期望，點知又幾好食喎。我地本身只係想食下小菜，但食得七七八八嘅時候，見周圍好多人叫豬骨煲，又好吸引咁，就想叫煲嚟食，點知賣晒，當時八點幾咋，所以想食嘅朋友記得一早落單。埋單每人$100左右，好味又抵食!

前後去左幾次次次都好多人食唔到, 今日有時間特登早D去, 6:30去到個場已經半滿,即刻坐低正! 叫左椒鹽中蝦同臘味雞飯。椒鹽蝦上先。味道正常, 幾香口。等飯上時食蝦頂住肚先。要留意煲仔飯即叫即煮, 起碼要等半個中。建議叫個小食一邊食一邊等會冇咁悶。飯終於上啦! 未開蓋已經聞到香味, 倒埋是油, 滋滋聲響, 香味即刻出晒黎。臘味香雞件滑, 飯焦香脆唔會太硬,好味見到隔離台食鱔好似都好好食, 下次要食鱔!

我哋九點半左右到，入面坐滿人，出面就開左4張枱，仲有2張未開。不過店員一開始唔肯開張枱俾我地。我哋要等再派個靚女問咗幾次問埋老闆先肯開一張枱係出邊，等左10分鐘算係咁。本土香港服務係咁上下。我哋叫咗嘅小菜好快就到。叫咗椒鹽鮮魷，生炒骨和菜心炒牛肉。小菜係一般貨色，但唔係貴，都可以接受。肚餓唔通唔食咩。另外叫咗兩個煲仔飯一個係鹹魚滑雞飯，另一個係臘味排骨飯。煲仔飯等了太耐，等左50分鐘先有第一個煲仔飯，另一個煲仔飯再要等多10分鐘，真係慢工出細貨。煲仔飯的飯焦係好食嘅，飯焦夠脆又唔會太燶食唔到，而佢個飯就比較濕，仲有就係好多餸！鹹魚滑雞，我鐘意舊鹹魚，好正！臘味嘅味道唔錯，我比較喜歡潤腸同臘肉，臘腸就一般啊。如果唔使等位，不妨來食下煲仔飯。如果我下次再來，一定係為飯焦而來！

好少黎西環一帶，但平時到對呢個地方充滿好感！知道呢頭美食盡多 環境舒服！今日就同朋友黎試食，因為知呢到都幾出名下，叫左個豬骨煲，個湯底重味，係唯獨豬骨未有太多骨髓食。煲仔飯真係必食，一試難忘，飯焦香而脆口！有機會 會再黎食！

好多時，一間好食既餐廳，總會有佢自己既規矩，例如：用粗口鬧你，唔比相機食先，食得勁急⋯等等，正正就係因為想食好西既心情，會令人多左份突如其來既耐性！就好似今次介紹既《坤記煲仔小菜》咁，佢既煲仔飯個個愛食之人都一定聽過，所以佢只係會招呼預先Book位既客人，如果Walk in真係一位難求⋯不過其實打電話book位都好難嫁。同埋呢，屈小姐睇Mr.O 就有好多人都會話呢度既服務態度點點點，不過呢，將心比己，佢地其實都已經忙到踢晒腳，但都盡快幫你，難免有時會粗魯少少既，其實真心佢地都好helpful，呢度又唔係高西餐廳，只係一般茶餐廳，仲好接近大牌檔文化，坐膠圓櫈，圓木槢枱，有啲仲係路邊食添！今次賴生好有幸，(打第11次電話就通左 屈小姐表示極爆欣賞賴生既耐性) 可以訂到位，仲邀請到屈小姐同佢好姊妹一齊食，3個人可以叫多D野麻⋯！窩心小提示：1）想食既，朝早11點開舖時打去訂位2）煲仔飯係等你落order之後，新鮮用炭火由生米煮既，要預最少30分鐘先上枱，請比D耐性，美食係需要等待既!3)  如果真係肚餓既，預先叫定小炒⋯會比煲仔飯快好多上枱!我地今次叫左3個煲仔飯同1個菜！先黎個賴生情義結