坐忘

營業中

休息中

喜爱咖喱又偏爱米饭的强烈推荐，环境比香港大多数冰室快餐都要讲究很多，尤其是最近搬了新地址，内部装修简洁治愈。我去的那天，一整场放的是周柏豪和周杰伦的歌，歌品在线。🉑必须人均消费满60元✔️😃猪软骨野菜咖喱饭当之无愧是招牌，非常推荐。每次必点，米饭软糯还有玉米粒碎作为补充点缀。饱和的暖色调看起来就很赏心悦目。里面除了萝卜，生瓜西兰花等蔬菜外，还有大份量炖烂入味的猪软骨，咸甜口平衡的很好，里面会有一块能吃到Q弹的猪软骨，心情极其愉悦。猪肉炖的极其入味，因为据说是有提前腌制炖了七小时，原材料新鲜很难不好吃。✔️😃柚子烤鸡亲子定食这个虽然卖相一般，居然也出乎意料的好吃。鸡块腌制的微微咸，鸡肉很嫩一点不柴，是很好吃的鸡块，跟他们家的烤鸡块味道很接近。营养又兼顾美学的一顿简餐注意的是店内只收现金或者八达通，记得提前准备好。

-地點：3/5😣距離地鐵站有點遠，夏日炎炎，若果好怕流汗，實會介意。-衛生環境：4/5🥸環境整潔，但座間較擠迫。另外筷子容器沒有蓋掩，會擔心食客湯汁污染筷子。-服務：3.5/5😗手機落單，沒有什麼服務可言。不過上餐速度相當快，由點餐到開始進食，只是三分鐘內的事情。-食物：4/5🤠豬軟骨入口即溶！醬汁偏甜，配搭野菜，撈飯一流！只是食到後段，醬汁開始降溫，整體會有點膩感。見隔離食客對於咖喱烏冬，亦食得津津有味！ -價錢：4/5😀價錢對得起食物質素，份量與味道兼備！

晚上想係嗰度食晚餐，餐廳裏面一個人都冇同我講話要人齊入座，咁嘅爛餐廳食唔食到罷就！完全沒有道理可言，就算食菜餐點幾好都冇用，咁嘅待客態度完全係呢個香港不能接受。

坐忘📍 香港鰂魚涌濱海街13號中興大廈地舖┄┅┄┅┄┅┄┅┄┅┄┅┄┅┄┅┄▫️ 豬軟骨野菜咖哩飯($75)豬軟骨經過7個鐘慢煮 極軟淋入味軟骨位食落「張住張住」好正( ´▽｀)連瘦肉位都好淋 一啲都唔鞋👏🏻可以拍心口講呢個豬軟骨係全港top tier!!日式咖哩我覺得個味調得好用心ദ്ദി ˉ͈̀꒳ˉ͈́味道喺甜同辣之間balance得好好亦唔會太重口味 撈飯一流！野菜有翠玉瓜、西蘭花、薯仔切波浪條等等呢堆配角就普普通通🤣┄┅┄┅┄┅┄┅┄┅┄┅┄┅┄┅┄

點解咁遲發現佢嘅存在? 其實因為之前太古坊有大工程, 好少行入去.雖然佢好多人, 仲要人齊入坐, 不過佢翻枱快, 一兩個人的話差不多都唔洗等.第一次:豬軟骨野菜咖喱飯($75) - 上菜超快, 豬軟骨真係透透地嘅軟骨, 啲肉又腍, 酸酸的味道, 開胃又好味第二次:黑芝麻牛肋野菜咖喱飯($72) - 牛肋條唔韌, 有真係有芝麻香, 好味第三次:棷香烤雞野菜咖喱飯($唔記得) - 其實我唔鍾意食棷香, 雞肉算嫩滑, 有少少香烤味, 好味佢啲飯仲要唔係淨白飯, 有味有粟米粒

平時會去生記食迷你粥同煎魚餅，但生記星期日唔開，於是要搵其他食。坐忘有好多like，價錢又唔貴。星期日開11點半，11點3去到，已經有人喺門口等開門，夠點開門，眨吓眼就坐滿一半人；人人都係叫豬軟骨，小妹都叫咗份，肉嘅份量好多、入口即溶，非常好味；咖哩色份量啱啱好可以撈晒啲飯。如果一定要喺雞蛋裡挑骨頭，就係薯仔生咗啲，翠肉瓜、紅蘿蔔可以保持爽口，但薯仔真係要軟綿綿至好食。

一定要推薦鰂魚涌呢間人氣日式咖喱飯店｢坐忘｣比大家食完真係令我哋念念不忘🥹不過平日lunch去真係好多人豬軟骨野菜咖喱飯 $75 + $8半隻糖心蛋招牌豬軟骨真係好出色🥰 經慢煮7小時 質感超級軟腍 feel到滿滿的骨膠原 入口即化🤤 而且好入味 飯粒口感粒粒分明 咖喱汁甜甜地 撈飯好好食仲有紅蘿蔔､西蘭花､翠玉瓜等豐富配菜🥦豬軟骨定食 $72 + $8半隻糖心蛋唔鍾意食咖喱嘅話可以選擇定食😝 一樣可以食到💯分嘅豬軟骨

嚟鯽魚涌搵朋友，唔知食咩嘅情況下揀咗呢間好多人推介嘅日式咖哩飯。店唔大，座位都唔算多，但六七點嘅時候並唔需要排隊。坐低之後見到有手寫嘅餐單，據講每日嘅餐單都會改。冇點最出名嘅豬軟骨，我哋一個人揀咗肥牛飯，一個人點咗黑芝麻牛肋條飯，都另外配咗蘋果汁。蘋果汁六蚊一杯，唔功唔過，只可以話係當水飲。肥牛飯同黑芝麻牛肋條飯嘅分量都好大，我哋兩個都冇食完。整體味道唔錯，兩款咖哩各有特色，一個輕盈一個厚重，都係好日式嘅風格。美中不足嘅係黑芝麻嘅味道唔濃，更偏向於係黑黑椒嘅味道。不過牛肋條肉好香，有牛油嘅醇香。食完之後埋單唔使加一，呢個價錢喺鯽魚涌算得上係平價實惠，適合當工作餐同同事兩三個人嚟食食快速解決一餐。

呢間餐廳好近地鐵站，交通好方便，而且唔洗等好耐就有位，食物質素不錯，價錢合理。餐廳環境都不錯，可以約下朋友黎傾下計，簡單食個晏。附近都係一啲上班族黎食飯，環境唔會好嘈。

咁啱嚟到鰂魚涌，見到好多人推薦呢間餐廳，就入咗黎試下佢地嘅豬軟骨d(`･∀･)b#### 1. 豬軟骨定食- **價格**：$72- **評價**：呢個豬軟骨定食真係好食！豬軟骨煮得好入味，肉質軟嫩，啖啖都好有嚼勁，真係食得好滿足。旁邊嘅小菜都幾清新，為成個定食增添咗唔少風味，值得一試！(,,・ω・,,)### 總結坐忘嘅豬軟骨定食性價比高，味道出色，無論係自己食定同朋友分享，都好適合，強烈建議大家嚟試下！ヽ(✿ﾟ▽ﾟ)ノ

lunch time真係超級多人，12:30未夠已經滿曬要等位，必試招牌豬軟骨，燉得軟爛入味，份量好大，同區嚟講好抵食。無論係揀烏冬/飯都有好多蔬菜，夠多纖維，算係比較健康嘅選擇。烏冬質地煙韌，配日式咖喱湯底好夾，推薦。

呢日喺附近做完pilates，行過見到原來坐忘就喺隔離街！即刻衝入去食🤣佢係專做日式咖哩，坐低見到幾特別就即刻叫嚟試下🍛黑芝麻軟煮牛助咖哩飯 $72牛助肉煮得非常軟淋剛好（不是落粉嗰種淋），肉帶有牛筋腩嘅油脂香咖哩微辛，尾調帶有黑芝麻香，牛助同咖哩配搭剛好唔膩而且非常香口蔬菜份量都好多而且厚身大件，帶來口感並中和濃味嘅咖哩飯亦見得岀好有誠意，用珍珠米再加上蘿蔔碎粒，微甘嘅口味簡直係咖哩嘅完美配搭店家食物份量超大份，女士們建議叫少飯😂——店內環境麻雀雖小，但五臟俱全，店員都好有禮貌，係街坊生意嘅感覺✨70幾蚊嘅咖喱大份夾抵食，值得一試再試👍🏻👍🏻下次一定帶埋朋友再嚟！🥳🥳

豬軟骨野菜咖喱飯🍛$75豬軟骨既份量超多，呢度既豬軟骨出左名煮得好腍，一啲都唔黐牙，骨軟肉腍，仲好入味！除左豬軟骨，仲有西蘭花🥦、薯仔、翠肉瓜同紅蘿蔔，菜量都好足夠。呢度既咖喱汁同出面食開既唔係好一樣，味道帶少少辣，偏鹹，但個人覺得有啲稀，可以杰身返少少。叫一個主食會送一杯培茶。成個飯好豐富，食完都真係好飽。如果鍾意食素食既朋友，仲可以叫十五種一日野菜咖喱飯。午飯時間去到已經大排長龍，但因為佢排隊時可以落定單同埋上菜都好快，所以等左半個鐘左右都入得。不過要留意返佢一定要人齊先入座，所以有朋友未黎到都唔可以入去坐住等。

呢間日式咖哩飯本身就已經係人氣店，lunch time已經見到超多人排緊，包括我地🍛【豬軟骨野菜咖哩飯】 $75 (8.8/10)配有凍日本焙茶一杯，次次食都有驚喜，咖哩味道溫和，同一般出面食唔同，咖喱同肉汁混合後剛好，配上慢煮７小時軟淋淋豬軟骨同埋野菜既雜菜飯，夠哂營養之餘勁飽肚，唔怪得日日都咁多人排#sorriso_鰂魚涌 #sorriso_東區 #sorriso_港島-📍【坐忘 Camper's】 鰂魚涌濱海街13號中興大廈地舖天后電氣道127號地舖🕑Mon to Sat 11:30~15:00; 18:00~22:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #yellowshop #foodstagram #foodphotography #鰂魚涌美食

坐忘好勁，上左內地大眾點評必食餐廳😂之前食過幾次係好食但勁多人排隊，今次專登早啲落，等左十五分鐘有位，保持到質素的。🍴豬軟骨野菜咖喱飯 $75 (8/10)食過幾次烏冬，今次食返飯，真係飯好食啲多菜啲！豬軟骨非常軟腍，軟骨係啫喱，滿滿骨膠原！份量足有三大嚿！飯係時令南瓜粟米飯，幾香幾煙銀！主觀醬汁同埋咖喱汁撈埋一齊都幾好食！鍾意佢有翠玉瓜西蘭花薯仔紅蘿蔔，營養均衡！好食！🍴熱焙茶 跟餐送正常！朋友叫左凍就勁多冰同淡，叫熱好啲？推薦指數: 8/10