影片
行過樂富UNY，竟然見到以爆餡糯米糍而聞名嘅深水埗知名老字號「均香餅家」開咗限時快閃店，佢哋出名嘅手工糯米糍每日新鮮製作，口感柔軟且拉絲，內餡充足，提供多種人氣口味如開心果、芝麻和花生等，仲要係限量發售，今次真係唔使出深水埗唔使上淘寶，我即刻買曬四隻口味嚟試！開心果💚呢隻新口味可以話係佢哋依家知名度最高嘅招牌！真係好好味！雖然開心果嘅味道唔算好濃郁，但係外皮煙韌，內餡多到爆，食落去甜甜脆脆，開心果獨特嘅醇厚香味令人食指大動，就算好大粒食完都係想繼續食！朱古力榛子🍫好似金莎嘅口味！甜美嘅朱古力醬，加上脆口嘅榛子粒粒，係大人同細路仔都會鍾意食嘅口味花生🥜經典口味1號，經典點解係經典，就係因為佢歷久不衰點都好好食！花生碎加埋椰絲，簡簡單單就係幾代人嘅美味記憶黑芝麻🖤經典口味2號，佢同其他三隻口味唔同嘅地方就係佢唔甜，係好單純嘅黑芝麻，冇炒燶炒苦好香黑芝麻嘅香味，推薦比各位唔好太甜嘅朋友四隻口味都好好食，而且每一隻口味嘅外皮都香甜煙韌，厚薄適中，同埋限時店嘅店員叔叔姨姨都好親切好有禮貌，即使唔係去咗深水埗店我都覺得好有親切感
繼續閱讀
您可能會有興趣的...