影片
營業時間
今日營業
12:30 - 23:30
星期一至日
12:30 - 23:30
以上資料只供參考, 請與餐廳確認詳情
之前都嚟過呢度食糖水，今日喺沙田同男朋友行街，行到攰攰地想食糖水搵個地方坐吓就搵返呢間糖水舖嚟食 成日都要搵一輪先搵到🤣🤣個Menu應該大同小異，因為食過豆腐花，所以今日就想嗌一個熱一個凍嘅甜品 嗌咗芒果沙冰小丸子加涼粉同埋一個招牌食開嘅鮮奶燉蛋白，因為$28實在太抵勁快上台呢個，質素好穩定淡淡嘅奶香又唔會太甜，凝固得非常之好加咗個涼粉， 佢分開上有半碗袋啲呢個沙冰等一陣，都幾大碗好靚仔，小丸子口感一流，軟綿綿充滿糯米味 佢個沙冰好似棉花冰咁，呢碗嘢如果加涼粉都係$35超抵整體而言食得滿足，亦都唔會細細碗唔夠喉
繼續閱讀
今日同屋企人食完飯，突然好想食糖水，諗起好運中心有間糖水舖未試過，就入去食吓。 叫咗三樣嘢：**星洲靚喳咋**桑寄生蛋茶**同**香草綠豆沙** 個喳咋料算足，但椰汁味唔夠香，普普通通；桑寄生蛋茶茶底幾清甜，不過隻蛋煮得過咗火，蛋黃硬咗少少；最好食係個香草綠豆沙，綠豆煲得夠綿，甜度啱啱好，食完幾舒服。 整體嚟講，味道正常，冇乜特別驚喜，經過想食碗糖水可以試吓，但唔使特登去。價錢都算合理，三樣加埋$75，算係抵食嘅！
繼續閱讀
講到香港甜品界嘅經典，地茂館一定榜上有名！今次試咗佢哋嘅芒果西米丸子🥭一上枱，呢碗芒果西米丸子就好吸睛😍！大大粒嘅新鮮芒果肉鋪滿碗面，金黃色澤好誘人，睇落就充滿住夏日氣息。粒粒西米晶瑩剔透，圓滾滾嘅糯米丸子軟糯煙韌，咬落去 Q 彈有嚼勁，口感超豐富！芒果嘅香甜同西米、糯米丸子完美融合，每一口都充滿幸福滋味🥰。無論係炎炎夏日想降降溫，定係夜晚食完飯想食返碗甜品，呢碗芒果西米丸子都絕對唔會令你失望！
繼續閱讀
食完晚飯又想食糖水特登前來沙田好運中心地茂館，地方不算太大，只有七至八張枱，繁忙時間需要排隊但流量算快好快有位. 它們除咗馳名的中式糖水外也有時令甜品。我地叫左：白果腐竹糖水， 好多白果，重豆味不太甜芒果豆腐花， 不過不失，豆花夠滑芒果小丸子西米露加雪糕， 小朋友好鍾意，丸子Q Q，芒果甜，椰子味雪糕特別👍腰果露， 好少地方食到，腰果打到醉曬仍然香滑不膩口，又唔甜，夠熱岩我口味品質仍有九龍城嘅水準而且價錢大眾化。 唔錯嘅選擇
繼續閱讀
係沙田搵糖水舖難，專心做傳統糖水嘅鋪更少見。呢間我都係第一次幫襯，佢保留到食物原形味道，最鐘意桃膠蛋白杏仁茶，杏仁茶濃度剛好，唔太甜，蛋花都打得靚。芝麻糊濃度足，不過芝麻糊食到中途就會好「漏」。但係都好食嘅。糖水姨姨都幾nice，有講有笑。會再嚟試埋其他。
繼續閱讀
您可能會有興趣的...