地茂館甜品

營業中

休息中

員工掛住係後廚吹水玩成張單甩咗都無人理 又無人埋嚟問主動性又唔夠唔走去問真係坐係度十世都無人理以前都重好地地 一換班員工就出事糖水就愈來愈細碗愈做愈縮唔再改進真係搞唔掂

今晚十點幾去到叫咗2碗糖水+1舊糕點桑寄生蓮子茶，趁熱飲好好味、而家好多糖水舖已經無呢款養生既糖水，而且味道適中、又唔會有苦澀味，不過美中不足既係間中會有幾粒蓮子芯喺蓮子入面/糖水入面，不過整體我都好滿意😀香濃杏仁茶，杏仁味尚算香濃，而且上枱時溫度很足夠相當唔錯馬豆紅豆糕，好欣賞一舊糕點有2隻款式（紅豆+馬豆），味道好、真係唔會太甜，而且$6/件，cp 值好高👍可能價錢吸引、味道又唔錯，所以食客不斷

有一日去買甜品，買完之後發現冇餐具，之後問佢攞 ，佢話要俾錢嘅時候就要講聲？ 但點解唔係個收銀收錢嘅時候問客人要唔要呢？我又唔係喺嗰度做 我係唔會知道你嘅流程，十分之奇怪

同朋友喺市中心食完晚飯，再搵糖水舖傾吓偈，味道同埋價錢都正常，性價比較高👍🏻只係太少位，太多人等，我哋都唔好意思坐咁耐。楊枝甘露 - 清爽可口，芒果的甜味與椰漿的香滑相得益彰👍🏻合桃露 - 合桃的香氣濃郁，口感滑順，喝起來非常滋補👍🏻👍🏻紫米露 - 紫米的香甜與濃稠的口感讓人感到滿足，富含營養，搭配少許椰漿更是增添了風味👍🏻桑寄生蓮子茶 - 桑寄生與蓮子的搭配不僅健康，還能舒緩心情👍🏻👍🏻

幫襯左好多次，直至食到呢個喳喳，決定寫返個食評，好濃厚既兒時味道，佢足料既程度，係成碗都係豆/料咁濟，入面既糖水，濃到好似精華，好似落左個串生粉打茨咁。紅豆馬豆糕都可以一試，感覺唔會好多粉。綠豆沙就不過不失，好食既，基本發揮坐位就迫啲，但都夠坐既，但如果岩岩買完野一袋二袋就有啲煩。

必食嘅甜品舖👏🏻星期日嘅晚上七點左右去到，嗌咗幾樣甜品🔽✨雪糕芒果紫米露小丸子✨$40加埋個豆腐雪糕，依碗入邊嘅所有嘢都十分之夾，同好食🤤女仔嚟講，食完都OK飽，可以當半個晚餐😮豆腐雪糕隻味，唔算太甜👍🏻粒粒芒果肉好足料🥭紫米露係就一向好食嘅甜品，同小丸子好夾～✨芒果班戟✨$37好似算小貴，但係足料大件好食👍🏻✨紅豆馬豆糕✨$6

同朋友食完飯想吹多陣水，最岩食糖水！發現屯門夜晚10點幾仲開嘅糖水舖唔多，好彩有地茂館🤭1.芒果椰青凍小丸子（$33）我最中意食煙煙韌韌嘅野，所以必叫小丸子！最正係啲椰青凍，真係好Q彈🤤中意有口感嘅人可以試下😋2.榴槤雪糕芒果紫米小丸子（$42）都唔錯嘅配搭，值得一提係榴槤雪糕，好有榴槤香味 。大家都秒清😂

市中心嘅糖水鋪要收得比較晏嘅都應該只有佢，可能係因為咁所以都要等左陣位，同埋佢鋪頭座位都比較少同迫，所以食完好快就要走人，好難坐多陣傾計。呢次叫左椰汁紫米露小丸子<$28>同埋楊枝甘露加湯圓<$38>，先講紫米露佢唔會太甜紫米都幾林，小丸子都幾有咬口，楊枝甘露未去到甜但都唔係酸，初初以為湯圓係會另上，冇諗過佢係會放埋落去碗楊枝甘露到，雖然有少少古怪但好彩湯圓都幾好食，整體而言，糖水都發揮到正常水準。

想食d甜野, 滋潤一下, 叫左個熱的桃膠蛋白杏仁茶, 等左一陣送上, 份量都唔少, 不過全部用即棄餐具實在太唔環保😅, 試一口, 唔係太甜👍杏仁味勁濃😋, 飲落覺得好潤口☺️, 入面比得好多桃膠, 蛋白食落好香滑😍, 貪靚的你一定喜歡😀, 另外試左個擂沙湯丸, 食落不錯, 芝麻饀超豐富, 但我個人覺得甜左d, 如果無敢甜會更加好, 不過依度以中式甜品為主, 市中心食西式甜品比較多, 這裡都係一個食甜品的好地方, 價錢就一般, 都可以接受😆

琴晚食完飯，就諗住天氣熱熱地去食糖水，但奈何屯門市廣場附近真係無咩糖水鋪，突然醒起地茂館喺附近，就帶左同行朋友一齊過去食糖水一嚟到，可能因為9點後都比較多人，繁忙時間，所以都要排隊，加埋同行朋友總共4個人，所以可能等耐少少先有位，唔緊要一坐低 就有個後生侍應行過嚟 勁無禮貌咁問人食乜 其實我岩岩坐低 都未諗好 就要人落單 係咁chur住落單😇，咁算啦，我地叫左桃膠蛋白杏仁茶，蛋白杏仁茶，芒果仙草同蛋白燉鮮奶，老實講，桃膠份量又少，蛋白得果少少，又稀，又甜，咁就40蚊真係唔抵，芒果仙草同蛋白燉鮮奶真係好普通，如果要排隊入嚟食真係唔值得食到咁上下，無啦啦個侍應就收走我個碗，我未食完仲要收走我碗野，態度差，個侍應行到hea住嚟行，仲要冇無禮貌，想趕人走🫠真係激到一肚氣，仲要眼啤啤，收銀果個又十問九唔應，唔知係咪轉左手🙂‍↔️食物質素差左，員工質素差，印象中之前果班都好好禮貌，點都冇諗過會有咁差嘅體驗，態度惡劣！

天氣熱，諗住搵間糖水鋪抖一抖，記得屯市有間地茂館，之前食過cp值都幾高，又平，都幾好食！去到嘅時候都好多人，要排隊，不過好快就到我地諗住落單嘅時候，叫嚟叫去都無人應，叫左好耐，終於都有人過嚟落單，但個樓面行過嚟 ，講咩佢都聽唔明，好似唔識聽咁，講左幾次都唔明🙄明明落左蛋白杏仁茶，又落左蛋白燉鮮奶🫠🫠要榴連仙草小丸子，又落左芒果仙草小丸子同返落單果個講 佢又唔知我講乜 好混亂咁😓😓然後個蛋白杏仁茶又得好少蛋白我記得之前一直嘅服務態度都幾好，但依家服務愈嚟愈差，唔明點解唔識講廣東話又唔識聽，以前服務好果班員工好似已經唔同晒樣😓😓，今次咁嘅體驗，未必會再食，仲要排隊，比錢買難受！

去搵屯門牛朋友，食完雞蛋仔飽飽地又仲想食野🙃，所以去左食甜品🤗～8點幾去到有位坐～環境都ok，夠新夠乾淨，叫完好快有得食👏🏻🔅雪糕芒果仙草小丸子 ($40)芒果夠甜，仙草都唔少，小丸子唔會太腍👍🏻。雪糕揀左豆腐味，幾大球，但俾芒果味搶晒所以食食下都唔係好食到豆腐味😂🔅香滑芝麻糊(加小丸子) ($26+6)芝麻糊朋友叫既～熱辣辣幾香幾滑，不過會食到成個嘴黑色所以我淨係偷食左幾啖🤭🔅軟滑糖不甩 ($21)糖不甩幾有咬口，但啲花生粉唔夠多，撈得一半🫢💬雖然用外賣餐具，但隻羹有層coating(?)所以無咁易腍都ok，甜品唔算貴，環境夠光猛乾淨有加分✨

今天幫襯，叫左旦白杏仁茶和桑寄生蛋茶，味道尚可以，但卻超級極度甜。甜到立住喉嚨，結果是甜到3人都無法食完。不喜歡吃深度極甜的人要三思。九龍城老店似乎水準比較好。

📍地茂館食飽飯緊係想食甜品😋今次同大家分享既地茂館係近期既人氣糖水舖幾乎每間分店一到夜晚都大排長龍買糖水👍🏻👍🏻🥭芒果西米小丸子 （$33）所有芒果類型既糖水相信大家都好中意🥳呢碗芒果西米小丸子好多配料芒果果肉甜👍🏻西米同小丸子煙煙韌韌呢個配搭既糖水一定會好食✅推薦大家可以試下佢個芒果系列🥭地茂館仲有其他唔同款式既糖水咁多選擇絕有一款岩你口味😋😋😋

屯門好似已經無咩糖水檔。。。難得重有一間係市中心，即管去試下。十點零鐘嚟，排咗一張枱，人都唔算好多。排隊時已經諗好食咩，所以一嚟即叫，上菜超級快。佢主打食舊派糖水，叫咗芒果紫米小丸子，芒果豆腐花，凍紅綠，但我唔鐘意用紙碗上。芒果汁味道有少少似以前某涼茶店，唔算好甜，但紅綠就一般般。