影片
開飯介紹
九龍城的馳名中式糖水店，以芒果班戟、楊枝金露、合桃糊等最受歡迎。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
相關文章
地茂館甜品 📍：九龍城福佬村道47號地舖🚗：宋皇臺地鐵B3出口 步行5分鐘📞：+852 2382-5004💲：~HKD40/head for dessertFood quality✔️：蛋白燉鮮奶、星洲靚喳咋、美人桃膠杏仁茶👌🏼：紫米杏仁茶小丸子總結：😋個人覺得老字號嚟計呢間中式甜品🍮係該區數一數二 愈開愈多分店 但始終都係九龍城本店環境最有feel 食物最地道嘅一間😋次次嚟九龍城最尾都係以地茂館甜品作結 價錢合理仲係舊式嗰種卡位座 可惜要同人搭枱 遊客本地人都愛嘅地道甜品舖🫡😋招牌蛋白燉鮮奶真係好動L 用匙羹🥄筆落去嗰下真係好治癒 蛋白鮮奶嘅味平衡得剛好 好食養顏之選😋星洲靚喳咋足料大碗 滿得瀉出嚟 香口又夠濃 老餅之選‼️😋杏仁茶係地茂嘅招牌 桃膠杏仁茶呢啲咁美顏養生嘅甜品真係好吸引🤩桃膠好多骨膠原充足 同香而濃郁嘅杏仁茶好夾😋環境行舊式路線 所以好適🈴影菲林相 🤔比起桃膠 紫米小丸子同杏仁茶就唔太夾 唔錯唔會話太怪 但都係建議大家試返啲正宗配搭😣😨餐廳格局係傳統茶餐廳室打位 人龍店所以二人樓下都要搭枱 所以坐得好逼下 同埋本身嗰卡位已經唔大 仲要卡一半 所以坐得唔舒服🥲
繼續閱讀
鋪頭細，座位逼，仍會有人為支持小店及傳統風味而幫襯，屈就自己在毫不舒適環境下食。疫情過後，大家明白外賣回家吃，不用同人逼，只要好吃仍會幫襯。可是到了店不大而欺客，外賣仍要受你氣，以後唔會專程去買。一個收銀機加張枱仔，在上方吊個牌，食完俾錢望上去叫「收銀處」，入門方向望叫「外賣處」，好生意到俾錢要在「收銀處」排隊，然後同時又要買外賣嘅去「外賣處」排隊，收銀阿姐自己嘅規矩竟然係所有顧客「應該知」，佢會先做「收銀處」，無人俾錢先會變成「外賣處」。（大家考慮幫襯「應該要知」），我呢啲平常人，以為自己守規矩，「排錯咗」前面67個人嘅「收銀處」買外賣，去到排第一叫外賣，阿姐指住上面個牌，「買外賣唔係排呢度」，然後堅持舖頭有所有人都應該知嘅規矩，先幫後過我入鋪頭嘅阿伯落單。既然你哋咁有道理，我亦無需要迫自己支持「小店」，自命不凡嘅傳統手磨芝麻糊同合桃糊再見啦！
繼續閱讀
剛落雨，唔想濕晒，走入來食吓糖水啦，叫左個芒果椰青凍小丸子（內有西米）,平時叫外賣食芒果西米露，楊枝金露都，今次這個就好失望，又唔係椰子味，又唔係芒果味， 好似唔中唔西， 只知道好似食左一碗凍野落肚， 唔建議大家試這個🙅🏻♂️
繼續閱讀
天氣咁熱真係好想去食碗糖水雖然好熱但唔知點解中式糖水，我覺得一定係要食熱食朋友都好驚訝，點解我30幾度叫凍嘅紅豆沙叫熱嘅紅豆沙？可能呢一種就係無謂嘅堅持紅豆沙真係好好味我另外加錢叫咗四粒湯圓平時如果有薑水湯圓，我覺得係好味啲就咁叫湯圓呢四粒入邊有三粒個皮係超級厚感覺上比之前係遜色咗我係夜晚六點幾去食最神奇就係星期四嘅晚上都可以係full house 香港人係咪而家會揀食完糖水？之後先再去食晚餐嘅呢？感覺真係好得意
繼續閱讀
經過九龍城，想食下啲傳統嘅糖水，就入咗嚟呢間地茂館， 呢間糖水平時晚飯後係好多人排隊，要排到出路口，不過佢哋交枱都好快，都係等一陣就有位，我嗰日五點幾就唔係太多人啦，所以唔使等位。我叫咗個佢哋招牌既蛋白杏仁茶，送到嚟嗰陣已經聞到好香嘅杏仁味，但同出面平時叫嗰啲杏霜唔同，出面有啲係甜味多，杏仁味可能得兩三成，但佢呢個杏仁濃度都有七分，食落去呢其實食到有啲好幼嘅粒粒，應該係即磨出黎嘅杏仁。👍🏻建議如果諗住食完晚飯嚟食糖水嘅話呢，最好就留返少少肚，因為其實食完呢碗蛋白杏仁茶都會幾飽下😍😋
繼續閱讀
您可能會有興趣的...