地茂館中西餐廳 (已結業)

時間過得很快，差不多四個月了，係時候要去salon整頭，為了解悶，慳時間及醫肚餓，再次叫鄰舖地茂館的外賣，今次叫了 XO醬炒腸粉+凍檸檬茶：腸粉炒得恰到好處，不太韌，沒有燶，入口滑得來又有嚼勁；XO醬汁入味，伴以芽菜及芝麻，更香更可口，也令賣相更佳，使一碟本來平凡的腸粉，不致顯得單調！檸檬新鮮，味道清甜，茶沖得不錯，完全沒有澀味！

這天下午，到九龍城福佬村道一間髮型屋理髮，一次過做晒負離子直髮+染髮+焗油+洗剪吹，起碼四至五個鐘先搞得掂，坐得又悶又餓之際，見到 salon 職員拿著外賣紙，正準備打電話叫茶餐廳外賣，我即示意搭單，叫埋一份點了乾炒牛河+凍鴛鴦，由於是下午茶餐，份量比較少，不會太大盒，河粉混合了蔥及芝麻，炒得好香，唔太油膩，牛肉多汁，軟韌適中

星期六嘅早餐，行左入福佬村道一間茶記買左份三文治加熱華田等左一陣就有得拎，外賣加$1, 共$23，好唔抵呀，杯華田好淡，落左半包糖，有少少甜味，但近乎無華田味，應該連奶都無落蛋牛治餡料好混亂，咸牛肉爛得好緊要，好似醬咁，味道帶酸，蛋輕輕煎左，唔係幾知佢有無撈埋啲咸牛肉一齊煎，因為有部份係煎左做牛肉蛋餅咁，有啲又分開兩pat野咁三文治做紙袋裝住，兩件之間夾住張紙巾，我一接過份早餐即刻拆開已經見到啲餡料必晒出黎，紙巾濕左，痴住兩塊包，好核突賣相跟味道都唔合格，就連杯華田都麻麻地，無下次喇## 後退一步影餐廳名先知原來呢間係地茂館嘅中西餐廳地茂館甜品真係唔錯嘅，曾經我都成日食，今日先知佢開左分店喺附近做埋中西餐廳，不過似乎食評麻麻喎

地茂館粥麵同小炒, 一下子二合為一, 變成了地茂館中西餐廳了新裝修, 地方比以前光猛左, 舒服左, 樓面大部份都係以前d阿叔, 不過多了個阿姐, 服務都幾好的今日突然好想食雲吞撈麵, 雲吞都幾大粒, 入面的蝦肉幾爽的, 仲有點甜, 唔係急凍無味的玻璃蝦, 所以都幾好食架麵條都幾彈牙, 不過我都好想知佢用邊隻牌子蠔油, 因為味道好好, 好想自己買番枝碗上湯都幾甜, 間唔中兩注麵過一過湯食, 無咁乾啃麵幾有水準, 想食麵都會係我心水架

Went here for lunch. It's a typical 茶餐廳! Anyway, we were seated at a booth~ I ordered cold milk tea, which is good for digestion. The milk tea was good, not too sweet, again I ordered the one with little sugar. It was very good. Not too sweet and not completely bland, with strong milk tea flavor. Then my mom ordered wonton noodles and I went for the typical hainan chicken rice. The wonton noodles turned out to be just so-so, not very good. The hainan chicken rice was not bad, pretty ok!

我以前去九龍城, 好少會入地茂館食, 因為覺得唔夠乾淨, 不過, 早兩日經過佢門口, 見到有好多花籃, 原來係新裝修, 都幾乾淨, 就入去食野啦餐牌都係新整, 四四正正, 見封面的燒味好似幾好, 於是就食一碟雞脾飯, 要脾加十蚊一碟, 但係無所謂啦, 仲要埋例湯同油菜例湯係青紅蘿白湯, 好似咸左少少wor, 味道一般雞脾飯到了, 薑茸係另上, 佢個薑茸好好味, 高分; 雞肉都幾滑, 有少少咸味, 貴妃雞是也, 味道不錯, 飯幾香, 靚米嚟油菜係芥蘭, 我要全走, 芥蘭當做呀, 食油菜而家食芥蘭係時候喇, 個心好甜啊新裝修之後, 感覺好左

作為九龍城街坊, 又點會無去過地茂館, 由昔日六個舖過埋對面馬路到而家得番三個, 我都有長期幫襯夜晚一個人食, 炒碟牛河做晚餐, 中湯係節瓜湯, 老實講, 好味就唔可以講, 只不過就腳先會入嚟, 牛河無咩牛肉, 河粉勁多, 勝在味道唔會太咸, 油不多, 節瓜湯加o左兩粒蜜餞煲, 味道ok如果唔係街坊, 仲要開正我樓下, 又點會成日嚟? 你唔係街坊, 就唔使專登嚟了

一個人食午餐, 輾轉走進地茂館洋蔥豬扒飯一直以來是我最愛, 餐可以跟湯或飲品, 我揀了例湯, 因為係節瓜, 賣飛佛豬扒飯超大碟, 塊豬扒好大塊, 啖啖肉, 個洋蔥汁都好好味, 唔會太過咸, 又唔多味精, 得呢 個湯清清地, 幾好飲, 但唔好期望好似燉湯咁, 無可能!午餐時間, 唔算多人, 唔使點迫, 坐得幾舒服, 下次要再嚟

在九龍城吃碗粥,當然想到去市政大廈的德記,今次一轉,轉去福佬村道的"地茂館",小弟對此店的零碎記憶,是在多年前,曾經大伙兒來過吃糖水.此店分兩間舖位,一邊叫中西餐廳,一邊是燒味飯店,其實兩者也是一樣,早餐除例牌的西式煎蛋腸仔加沙爹牛麵等公式早餐之外,還有粥餐,生滾粥+炒麵+加飲品,盛惠$22,很便宜.炒麵份量夠,都尚算做得乾身,一大鑊炒定很難有甚麼期望,如果有細支裝余均益跟身,那就大派用場了.生滾粥要個艇仔粥,粥底偏杰,材料甚豐,同外面大多$10一碗的粥店比,又好一點.正在吃粥的同時,剛好遇上十多年沒見的中學同學,只見我身上的愛華頓球衣,他是紅軍,身穿著利物浦球衣,彼此沒有敵對的眼光,坐下寒喧一番,之後,大家又要各奔前程去.他回到晏菲路,準備周中主場對阿仙奴的大戰,為爭取英超冠軍而作最後努力,而我就朝著溫布萊的方向行走.....

今次真係好想同大家分享吓一間我覺得好值得去食既舖頭--地茂館!兩日前既下午, 我一個人去到地茂館食一碟切雞飯, 餐牌上寫住廿六蚊, 心想..都係一餐平常不過的午餐, 湯都是一碗味精湯吧出乎意料之外, 味道估不到的好, 雞肉好嫩滑, 唔知係唔係我撞彩, 但係仲有肶肉食添 廿六蚊播... 例水係一碗金銀菜湯, 沒有了大量味精的感覺, 反而有蜜早帶出的甜味, 加上白菜煲到糜爛, 好耐無喺街上既餐廳飲到咁既例湯了蔥油都好味, 廿六蚊一個好食既午餐, 希望你都去試!

4/12 食得多地茂館糖水啦, 今次試下呢間又叫地茂館, 但係食小菜既餐廳先, 我地叫左個田雞粥, 海鮮炒面, 同埋菱魚球田雞粥: 好足料呀, 果到起碼有一隻半海鮮炒面: 都係好足料, 不過油左少少菱魚球: 超級大粒囉, 平時出去食得佢一半到咋, 人地兩粒等如佢一粒, 都抵食既!埋單$84

呢度d野食真係好好好一般星洲炒米: 係足料既, 不過啖啖油, 食完見到隻碟d油多到不得了白粥: 好稀, 同埋淨係食到味精, 食完勁口渴我知道呢度係好多人既飯堂, 我相信大部分既人都係食呢度既感情, 話哂呢間野咁耐...呢度又乜都有得你食, 食物選擇真係好多, 粥又有, 雲吞麵牛腩麵又有, 中式小菜又有, 西式焗飯炸薯條又有... 加上座位多, 坐得都幾舒服, 又夠冷氣, 而且d侍應阿姐都幾好傾架不過真係唔可以話好食囉

跟男友到這裡共渡了一個勁SWEET的TEA TIME,分別點了雞翼沙律餐和燒鵝 瀨粉,還額外點了一碟炸雲吞先講雞翼沙律餐,雞翼對我來講可算是致愛的一款小食.兼且配上我的致愛沙律,幾好,但嫌沙律份量太少咯! 反之男友碗燒鵝瀨粉整得唔錯噃..份量唔算少,剛剛好.試左燒鵝味道真係唔錯.最後GE炸雲吞,跟平日酒樓茶點那一類完完全全兩回事,因為這裡供應的是一粒大蝦作餡,而平日酒樓那款是雲吞皮份量多於雲吞的份量呢.味道果然不俗,但最失望莫過於沒有酸甜汁配上.

師傅都有好耐冇黎過呢度食野, 屈指一算都有成年喇, 尋晚師傅就同好友黎左呢度宵夜, 見係地茂館就入左去喇; 今朝上黎諗住留番個食評先知舊嗰間執左, 而新嗰間個名又係叫地茂館, 所以都唔多覺!入到去真係唔覺得同以前有咩唔同, 兩個人求其搵個位坐底, 大家都唔使點睇, 即刻柯打野食, 師傅要左雲吞麵, 而友人就要左艇仔粥, 再加兩杯凍檸茶!碗麵同粥好快就擺左喺枱度, 粥底好似好靚好綿, 不過師傅冇試到, 所以不便評論; 而雲吞麵嘅雲吞係鮮蝦雲吞, 有四粒雲吞, 皮薄餡靚, d蝦夠大隻加上爽口非常, 好正; 而麵質煙煙韌韌, 爽口彈牙, 加上唔多覺有鹼水太味, 勁正; 凍檸茶就幾大杯, 茶味幾濃, 濃得帶苦, 間接覺得唔多甜, 一般d啦!總括黎講雲吞麵嘅質素頗好, 地方環境都普通, 價錢都可以, 十九蚊碗雲吞麵, 兩兜野碗艇仔粥, 十四雞凍檸茶, 不貴不平中價啦; 但同好友風花雪月, 宵夜聚舊卻是無價! 碗雲吞麵絕對值得一個笑臉, 下次一定會再黎!

今日既午餐得自己一個人食,都唔知食咩好,只好到茶餐廳食啦!食佢既原因係多野揀,因為佢仲係一間有燒腊野食既舖頭添!睇云餐牌,結果要左個义油雞飯,仲有一碗例湯相贈!不過問題係碟飯個賣相都真係幾醜樣,义燒同雞都砌到散哂咁..味道其實就唔難食,燒汁比較咸,油雞好得意,因為我覺得佢地呢個係似鹵水汁多d,變成係鹵水雞!不過好既一餐,唔好又一餐,廿八蚊,我俾個ok啦!