66
9
9
所有分店 (2)
電話號碼
27800225
開飯介紹
主打土耳其菜,另外亦供應印度料理。裝潢充滿特色,如瓷磚、燈飾及餐碟均帶有民族色彩,打卡一流。 繼續閱讀
營業時間
今日營業
11:45 - 16:30
18:00 - 22:00
星期一至日
11:45 - 16:30
18:00 - 22:00
*16:15; 21:45截單
付款方式
Visa Master AlipayHK 支付寶 現金 八達通 AE 銀聯 Apple Pay 微信支付
座位數目
42
其他資料
網上訂座
Wi-Fi
酒精飲品
自帶酒水 詳細介紹
電話訂座 詳細介紹
賞訂座積分
外賣服務 詳細介紹
加一服務費
電視播放
清真認證食品
素食
以上資料只供參考, 請與餐廳確認詳情
有關獎賞計劃
食評 (90)
等級4 2022-08-18
582 瀏覽
今日屋企無飯開,又係附近找野食。呢間野都想試好內,因為土耳其菜比較罕有,今晚終於有機會食啦!店內設計時尚新穎,燈光光猛柔和,燈飾好有當地本土文化,仲有電視機睇添。閒日晚間時段竟然都爆場,好彩等一陣就有位。浮雲沙律沙律色彩繽紛,鮮豔奪目,菜切成一絲絲,份量好多,當中有車厘茄,椰菜,青菜,橄欖等等,味道清新爽口,感覺好健康。南印度瑪薩拉雞看起來好似好辣,但食入口原來都只是帶點微辣,我不吃得辣都接受到。香葉味好香,紅椒青椒蕃茄配菜多,雞肉嫩和好入味,再用烤餅點汁吃,非常惹味。蒜油烤餅烤餅薄香而脆,仲好香蒜蓉味,即叫即煎,送到黎還是熱辣辣的,一份有4大片,真係夠晒喉。風味雞軟骨粒味道幾特別,又唔辣,鹹鹹甜甜,雖然係雞軟骨,不過當中我又唔係好食到有軟骨係裏面,但我都幾鍾意呢個菜式。芒果乳酸乳酸味好重,略帶輕輕既芒果味,食到咁飽,飲返杯乳酸都開胃d!好多都好想食,不過個胃有限,留返下次再試下其他。菜式幾特別又好食,唔係周圍都可以食到,怪不得閒日都咁多人食。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-25
646 瀏覽
📍「土耳其小城」- 元朗⭐️特色土耳其餐廳 Mango Lassi必嗌⭐️#alldayeating_元朗 今次食食食之旅嚟到元朗😌前排元朗廣場附近開咗個土耳其餐廳,👧🏻一直都好想試,今次終於有機會試到😇📷餐廳裝修富有土耳其色彩,牆身係土耳其磚,仲掛有土耳其吊燈,好靚🥰店員大部分係外地人,上菜速度都算快,不過要小心漏單🫣🍴二人餐💰HK$238✨推薦指數:6/10🍴浮雲沙律🥗✨推薦指數:5/10沙律都幾大兜,而且幾新鮮,有沙律菜、青瓜、蕃茄仔等等,好fresh 咁😛佢仲有少少炸角仔咁嘅餸,不過油益味比較重🥶醬汁偏酸,仲要愈食愈酸,似係面頭落咗沙律醬,下面加咗醋,但係醋太多,所以最後酸到連👧🏻都食唔落🫣🍴土耳其芝士條🧀✨推薦指數:6/10一碟有3️⃣條,面頭淋咗沙律醬;食落外皮唔算太厚,中間嘅芝士都好多,而且有拉絲,好煙韌嘅口感😍不過可以再熱多少少🤏🏻,咁就會好食啲🤣🍴草原牛肉卷餅🌯✨推薦指數:8/10卷餅切開一分為2️⃣,睇得出料都幾多😇入面有滿滿嘅牛肉、生菜、洋蔥,材料豐富🤗食落出面層皮唔算太厚,牛肉醃得好入味,連埋洋蔥炒好香,生菜都好新鮮😋連埋一齊食啲菜中和咗牛肉嘅磨味,亦有好fresh 嘅感覺,口感好豐富🤩🍴香烤野雞水稻飯🍛✨推薦指數:7/10一碟飯有齊沙律菜、烤雞同飯,營養非常均衡🤗烤雞醃得非常入味,面頭淋咗醬,幾夾,送飯一流🤤可惜啲雞肉太碎,口感冇咁好,可以厚身少少🤏🏻就好😆沙律菜都幾新鮮,正常發揮🤗原來水稻飯係指白飯上面加粒橄欖,飯身比較乾同硬,好咬口😂😂😂🍴芒果奶昔💰+HK$14✨推薦指數:8.5/10呢杯好有驚喜‼️飲落芒果味好濃,口感好rich,而且甜度岩岩好,必嗌🤩🍴檸檬水(熱)✨推薦指數:6/10正常發揮👦🏻👧🏻💬食完之後覺得土耳其菜同印度菜好似😆有機會想試佢哋嘅烤雞同烤羊架,感覺吸引過我哋嗌嘅二人餐🥹🥹🥹建議大家散叫或者嗌其他餐🙈 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-25
1697 瀏覽
土耳其小城 (元朗)元朗就不嬲好多好嘢食,今日被土耳其小店嘅門面吸引,就同媽咪入咗去食啦,入邊嘅裝修勁新,充滿土耳其燈做裝修超級靚,員工非常熱情❤️‍🔥喺呢度食飯都有喜悅嘅感覺,光明溫暖,唔怪得咁多人book枱嚟呢度食飯。南印度馬薩拉雞$92雞肉好滑,入口鬆軟,夾烤餅來食一流,微辣,土耳其🇹🇷風味,順帶一提佢嘅洋蔥青椒紅椒煮得幾淋,配菜都好食😋夾烤餅清爽一下口感,有菜有肉有澱粉質,營養夠晒‼️蒜油烤餅$24必食‼️焗到超鬆軟,淨食都好好味呀,未點醬咬一啖已經覺得想食落去,充滿蒜蔥味道,少少咸剛剛好。雞肉卷餅$60💡高度推介雞卷,生菜🥬卷皮同雞絲配合得天衣無縫,其實食一舊都夠飽,生菜清新,雞肉鮮嫩唔會攝牙,醬汁不膩不沾,一啖食落去嘅口感好澎湃。浮雲沙律$52上枱嘅時候就已經聞到好香,一食落口就唔係普通食開嗰啲沙律🥗絕對有土耳其嘅香料風味,蔬菜新鮮不在話下,佢嘅沙律醬都與別不同。蘋果白露$38好甜嘅青蘋果味芒果乳酸$38芒果打造嘅Milkshake,濃郁芒果香🥭 繼續閱讀
(以上食評乃用戶個人意見 , 並不代表OpenRice之觀點。)
等級3 2022-09-27
0 瀏覽
呢排同男朋友講起想搵啲特色嘢食下,唔再食傳統菜式,之前聽朋友推介呢間土耳其餐廳好有氣氛就過左黎一試。行入餐廳,見到餐具擺放整齊,有不同款式嘅醬汁整齊排列。土耳其茶 $15土耳其食物有多種多樣,淨係得一樣嘢永遠唔會喺餐檯上消失,嗰樣嘢就係茶。土耳其茶入口有少少苦,但佐餐一流。木炭烤羊件 $138免治羊肉同芫荽籽簡直係完美搭配,羊肉味好濃之餘都炭烤得好香呀~土耳其薄餅 $28啱啱烤製完成嘅土耳其薄餅配上特製香料同芝麻,為濃厚香脆口感更添幾個層次,都令我同屋企人讚不絕口。香酥茄子夾雞 $68茄子被炸到好香脆,有少少油脂會流出黎,而且雞肉都非常滑,菜肉搭配都好健康~ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-09-27
0 瀏覽
今日同朋友行街,行到有少少肚餓就搵間餐廳去醫下肚。而呢間土耳其餐廳好有特色風格,睇門口嘅招牌已經感覺到充滿異國氣息。🇹🇷烤野雞肉卷餅 $65呢個烤雞卷餅一份切開兩卷,份量勁大!! 入面配有雞肉,生菜,蕃茄,洋蔥同埋有啲沙律醬,食落口感層次非常豐富。🇹🇷木炭烤羊件 $138芫荽籽完美減弱左免治羊肉嘅羊羶味,羊肉肉質都相當嫩,羊膏唔多,完全唔會有肥膩嘅感覺,再加上經靚鹽烤過嘅肉係非常入味呀~🇹🇷芒果乳酸 $42濃厚嘅乳酸同酸酸甜甜嘅芒果簡直就係十分完美嘅配搭,係炎炎夏日一定需要嘅冰涼飲品🥭🇹🇷薄荷茶都係一大重點,用新鮮薄荷葉放入杯,再倒入啱啱好嘅滾水,加上蜂蜜,清涼之餘又非常清甜~🍃🇹🇷蒜油烤餅 $28啱啱擺入口,蒜香同牛油香味一齊攻佔左我嘅味蕾,餅都唔會淋,啱啱烤好非常脆口,會想再嗌多d。 繼續閱讀
(以上食評乃用戶個人意見 , 並不代表OpenRice之觀點。)