67
19
13
港鐵尖沙咀/尖東站 J 出口, 步行約2分鐘 繼續閱讀
電話號碼
23899588
開飯介紹
餐廳設計優雅,以米色為主調,帶出大自然的感覺。主打韓國素食,更可預訂寺廟素菜餐單,另外亦提供韓式肉類菜餚,以達致葷素共融。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
Visa Master 現金 AE 銀聯
座位數目
106
其他資料
網上訂座
酒精飲品
自帶酒水
切餅費
賞訂座積分
外賣服務
加一服務費
以上資料只供參考, 請與餐廳確認詳情
有關獎賞計劃
食評 (122)
本來提供韓式寺院素食的土生花餐廳於最近2個月轉為半肉半素的餐廳,之前來過幾次都是坐10人的包廂房,裡面的設計特別有Fine Dining的感覺,而且可以看到維港夜景,私隱度亦較高😊食物方面,今次直接由店員發辦第一道菜是紅菜頭蘋果沙律,顏色非常豐富,擺盤好像一件藝術品,滿足視覺享受。蘋果及紅菜頭都好清新同鮮甜,好開胃。腐皮福袋這個賣相好可愛,裡面有粉絲及菇等材料,但味道較清淡,最好食是墊底的蘿蔔,因為燉得好入味,而且夠軟。接著是山藥天婦羅,這個很合我胃口,因為我既喜歡食山藥,又喜歡食天婦羅,這道菜邪惡又帶點健康,即時減低罪惡感。香煎豬五花及豬頸肉,一大盤肉,味道不錯,但未算驚艷人蔘雞湯我挺喜歡人蔘雞湯的,因為裡面除了有雞肉,還會有糯米,泡湯一起吃跟吃湯飯一樣滿足。韓式炆牛肋骨這個要贊裡面的馬鈴薯,因為燉得夠入味又軟,但略媾牛肋條肉質較實在。蕃茄伴面這個是模仿水冷面的煮法,味道甜甜酸酸,麵條很滑口,湯頭帶甜,味道夠特別但我還是喜歡咸食的面。最後一道、亦系我最喜歡的一道菜·泡菜炒飯配搭紫菜及麻油真的不會輸。 繼續閱讀
(以上食評乃用戶個人意見 , 並不代表OpenRice之觀點。)
「土生花」都開左一段時間,一直都好想去但又遲遲都未去,一來就係價錢比較貴啦,二來就係見啲comment都幾唔同,有讚有彈,所以都十五十六。之後有屋企人試完,話超級好味喎,所以都係決定黎試下。「土生花」既menu都幾多選擇,如果唔想揀既話,就可以直接order tasting menu,另外佢地仲有afternoon tea set,鐘意high tea既話都可以黎試下。餐廳既環境唔錯,啲座位好闊落,枱同枱之間都有啲距離,唔會覺得逼,每枱客都有返一定既私穩度,都係fine dining既格局。送上每一碟菜式既時候職員都會做簡單介紹,等客人可以了解下每道菜式。上菜既時間都安排得好好,會按返次序上菜,唔會話上左飯都未上前菜。先黎既係紅菜頭蘋果沙律 Apple & Beetroot Salad,顏色非常豐富,視覺享受唔錯。蘋果同紅菜頭都好清新同鮮甜,係一道好適合既開胃菜。接住落黎係其中一道我最鐘意既菜式 - 酥炸韓式豆腐三文治 Deep Fried Tofu Sandwich。豆腐外層炸到脆卜卜,入面就維持濕潤嫩滑。豆腐夾住啲菇,真係成件三文治咁既樣,好得意。依個成Fish & Chips咁既樣其實係人蔘天婦羅 Ginseng Tempura。食落去唔會太重蔘味,就算唔鐘意食人蔘既都可以淺嚐一下。香煎韓國沙蔘 Grilled Deo Deok個樣勁似韓國既燒五花腩,但依個就健康好多,仲唔洗傷害啲豬添!雜菜辣炒年糕 Teok Bok Ki本來係街頭少食,喺土生花賣到二百幾蚊一碟,期望當然係異常咁高啦。平時既辣年糕主要得年糕、泡菜同魚膏,咁土生花依個辣年糕既配菜就多好多,營養更加豐富。個汁唔算好辣,一般香港人都食到。雖然味道同賣相都唔錯,不過用二百幾蚊食一兜辣年糕都係有啲肉赤。另一樣要試既係韓國人成日食既炸醬麵 Jajangmyeon。餐廳用左啲蘿蔔同薯仔等既蔬菜黎取代原先炸醬入面既肉,口感爭左啲啲,如果用啲豆乾之類扮返肉醬可能會更好。黑蚊蚊既醬睇落好似好濃味,但實際上有ok喎!食完炸醬麵,又點少得蔬菜拌飯 Bibimbap呢。飯撈左啲薑黃粉,啲顏色睇落好靚,另外仲有勁多芽菜,如果係石鍋拌飯有埋飯焦就perfect喇。最後一道、亦係我最最最鐘意既一道菜就係泡菜炒飯 Kimchi Fried Rice。睇落好似好簡單,但真係好食到唔識形容!估唔到加左啲紫菜同麻油係可以令味道有幾何級數既提升。之後返屋企有試過整,但始終整唔到佢果種味,唔知有啲咩秘方呢。總括黎講成餐既體驗都唔錯,計返人頭每人$400左右,個個食到個肚漲卜卜,都算係咁啦!食完依餐令我記起喺首爾食既寺院素食,同樣都係好吸引。喺可以去旅行之前,要試韓國素食,全港就只此一家喇。 繼續閱讀
(以上食評乃用戶個人意見 , 並不代表OpenRice之觀點。)
📍韓國菜唔單止食炸雞燒肉 都可以食得健康又清新! Musea K11 高層 有間韓食素菜餐廳 環境雅緻舒適裝修頗有襌味 以木系傢俱配合素色植物如芒草等 令客人可以享受到心靈清静嘅用膳環境餐廳仲推出咗Afternoon Tea Set將韓國寺廟素食既概念融入其中 食物以時令蔬果 配以簡單調味 可以食到食材既原本風味味道偏清淡 分量一口size為主 適合小鳥胃朋友 性價比較低 咸點方面:①韓國飯卷: 無特别 雖有泡菜在內 但沒有辣度②高麗菜卷配麵豉醬: 好Raw &Fresh③酥炸時令野菜: 呢款幾好食 以山藥裹上炸粉 炸粉薄而脆 沾上少許蜜糖 簡單而美味④韓式漬物飯糰: 呢個腐皮壽司嘅飯係混入咗泡菜汁 微辣甜點方面: ①薑味貝殼蛋糕: 小巧精緻 蛋糕質感不夠鬆化 食到少少薑絲而甜度不高②韓國富有柿合桃卷: 杮味濃而爽口 不過個人不太喜歡③韓式麻糬 韓國米通: 正常發揮 是日口味為可可粉配花生味麻糬④石榴子啫喱: 清新微酸 甜度不高⑤芒果撻: 呢個係最好食既甜點 芒果新鮮 加入芒果啫喱粒粒 口感清新不甜膩⑥自家製椰子糖: 一開始完全唔知係椰子糖 好似薄荷糖😂 食落口感好似啫喱糖咁 椰味不重 不推薦啊!如果純粹想搵個地方坐下傾下偈絕對係上上之選 因為環境清幽 空間感十足 如果坐窗邊 仲可以睇到海景 假日下午可以chill住過🙈 繼續閱讀
(以上食評乃用戶個人意見 , 並不代表OpenRice之觀點。)
等級1 2022-06-27
0 瀏覽
朋友仔聚會,行完街就開始覓食,沿途逐層行下行下,就上到7樓呢,見到呢間土生花,食裝修都唔錯喎!時令蘆筍配韓式醬油溏心蛋,蔬菜好新鮮,不會過份調味,食到蔬菜原本嘅味道,溏心蛋用醬油烹調,所以會濃味一點。韓式秘製牛肋骨,牛肋骨雖然大件但都煮得好腍身,秘製醬個味帶好輕微嘅甘甜同人參味,薯仔係有炸過先再放落去炆,上面仲有芝士同松子,所以食落好香。秘製人蔘乳鴿湯,平時飲開都係雞湯,呢度有乳鴿湯,梗係試下新野,飲落同雞湯不太大分別,但鴿香多少少,成個湯飲完暖笠笠,個鴿肉仲可以食埋。韓式粉絲雜菜腐皮福袋,個福袋包得好實淨,而且腐皮好索汁,裡面有韓國粉絲、芫荽,咬落好juicy泡菜炒飯,炒飯唔錯,粒粒分明,上面仲有海量紫菜。個泡菜醃得好好,唔太酸帶微辣,配埋大醬湯,個大醬湯仲有菜架。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-25
17 瀏覽
現在餐牌加入了肉類,選擇多了,故決定來一個三素一湯,分別order咗薯蓉蒸菇、松露醬蘆筍蘭花碎、韓式粉絲福袋和人蔘雞湯,三個菜各有特色,味道也很清新,天氣熱是不錯的選擇,而湯也人參味濃,比起傳統做法,似乎更好飲。整體而言,份量雖然精緻,以這個價錢,係足夠嘅,故可以説是合理的。而在服務態度和環境當然係正,侍應在上菜時會簡單講述菜名,以及提醒雞湯先可先行試味,再決定是否加鹽,可算窩心,環境可以,不過餐廳可播放韓式音樂更好! 繼續閱讀
(以上食評乃用戶個人意見 , 並不代表OpenRice之觀點。)