土司工坊 (荷李活商業中心) (已結業)

一路都有幫親開，由以前開始到依家，之前最鍾意個雞翼椰漿飯同喇沙。點知依家真係越黎越難食。椰漿飯唔似椰漿飯，喇沙個粉成Pat嘢咁。依家唔單止成間鋪得幾樣嘢食，仲要越黎越求其。唔知係咪因為疫情，但要去到成間鋪頭淨係有一個餐可以叫，不如讓間鋪位比其他餐廳吧。真係失望透頂。

今天買了外賣肉骨茶，湯很似水咁，三片荳卜，二件小排骨，沒有菇或任何其他够材料，女士食也不夠飽，破壞了我對肉骨茶的好味感，非常之失望。職員態度又很差!上次買過的拉茶淡而無味

一心出嚟旺角見到有Toast Box ，心想上次將軍澳站叫外賣都幾好食，咪試吓其他分店囉旺角荷里活中心堂食點咗個特價的叻沙米線$38，不包任何飲品連清水和紙巾均欠奉，(無得洗餐具㖭) 好彩我有自備紙巾另外叫咗一個T5煉奶花生醬厚多士煎雙蛋，餐飲凍奶茶少冰，但杯奶茶無少冰又唔甜自己取餐，對於我這種傷患人士是有點吃力，攞得碗麵，就攞唔到T5餐，仲要放埋餐具在同一托盤上，卒之都係倒瀉咗少少杯凍奶茶，下次都係返將軍澳叫外賣好啲，起碼無咁危險

一向好少食食評，但今次都要破例。平時去呢間 Toast Box 都係不過不失，驚喜欠奉。貪佢坐位寬敞，佈置舒適。但今日直頭失望。唯一可取是速度。落完單冇幾耐就有得食。今日呢個Laksa餐有折，價錢方面$60有找，係相宜。但食物強差人意。Laksa 只係辣，一點椰香都冇；啲蝦同雪到冇晒味；魚片固然無味，還雪到死實；連豆腐卜都唔掂。平時杯咖啡濃得來又夠甜攞到分，今日呢杯又淡而無味。唉，如無必要我諗都唔會再去了。

三十幾度行街加埋個口罩真係好辛苦，所以想叫杯Kopi O坐低唞吓！Toast box 食咗好多年亦試過好多間，一向都差唔多正正常常但估唔到今次真係好失望！點解叫一杯招牌黑咖啡都可以出事！等左幾分鐘去攞杯咖啡埋位，發現杯低有啲嘢，原來係檸檬！咁就叫佢換過杯，再等幾分鐘，杯Kopi O就走糖！Kopi O 係黑咖啡加糖。今日係閒日成間舖得兩三枱，想幫你搵個理由話忙中有亂都唔得！P.s. 之後有一對男女入咗來，其中男仔去order 但聽到佢同女仔講乜都話賣晒，最後見佢哋坐左一陣冇「得」幫襯就走左

連鎖店土司工房 Toast Box , 星加坡食品，那年到星加坡旅遊，忘記了，有見過這店嗎😀運動後，特別肚餓，近近哋，就在這店吃吧噢！部分食物暫停供應，選擇太少了... 哼！呀！等候時間 差不多10-15分鐘亮燈啦，自行去取食物練奶花生🥜醬厚吐司套餐 $38(包括蛋、咖啡或奶茶，凍飲$4）愛吃 花生🥜醬 ... 挺多，粗粒 好味😋配搭香脆多士，口感不錯2隻煎蛋，味道ok 可接受熱奶茶 🤗 nice整體來說： 環境寧靜 舒適 ，值得再來😊

一間主打新加坡食品的食肆，選擇已經不算多，午飯時段的menu有一半以上的食品没有提供，但又没有預先通知，只得幾款三文治及多士，麵食就只有港式出前一丁，真好笑，要吃出前一丁我去港式茶記啦！點了一份多士及一份三文治，卻連芝士也没有，幾乎點乜冇乜，不如米開啦，那收銀姐姐一句"唔好意思"都欠奉。好啦，點餐後等了10多分鐘，以為食物會新鮮即做，但諗多咗啦，多士是凍冰冰的，三文治好小小，麵包熱卻不脆，而且薄如紙，麥cafe比佢好幾倍，唔明如此質素的食物竟要客人等10幾20分鐘，别怪没有食客，如此的質素和服務，完全是貼錢買難受

店員態度極差，點餐時，一個約米8高眼鏡男收銀員極不耐煩，問非所題，串串貢，不知所謂，令人極不快。不建議光顧，除非換左個收銀員。食物還不錯，不太貴，可惜心情不快，導致食之無味，實在可惜。

購買時職員對我的提問已顯得極不耐煩，態度超差，之後我叫佢抺枱，因枱上有水漬，職員走過來黑面說已抺，但我問他已抺為什麼會有水，佢說最後的凍檸茶未抺，那就是未抺吧！之後又黑面，收工收得夜只想是但食點野填肚，想不到反而要受氣！然後，可以拿菜，問佢拿2杯水，杯中全是污糟野！叫職員換，職員只是大叫為什麼洗得咁污糟，然後才換過2杯較乾淨的杯！食物質素更差，多士又乾又凍！麵煮得太耐已糊掉！十分差，食咁多次toast box!最差是這次！不會再光顧！

一個人行到又攰又肚餓，正想搵間Cafe坐低抖抖順便食下野，咁岩見到toast box就坐低叫左個經典咖咉吐司套餐。叫完餐等咗大概15分鐘先有得拎，但當時人流唔算多，又冇乜人執枱，好似唔係好夠人手。多士水準keep 到， 脆脆麵包入面夾住簿簿嘅牛油同埋咖咉醬。兩隻生雞蛋我轉咗做普通煎蛋。另外加$8轉飲美祿恐龍。美祿恐龍真係好好飲，成杯野都係好濃好濃嘅美祿味道，上面嘅冰又鋪滿美祿粉，好正。

其實我是Toast Box 的鐵粉，因為我超愛吃他們家的星洲叻沙。今次見到這間不用排隊之餘，仲要座位闊落，就立刻吃多次。Toast Box的叻沙都比坊間重椰漿，椰奶香氣更濃郁。這正正是我喜歡吃這家叻沙的原因之一。面頭的辣油給椰漿中和了辣度，吃落剛剛好，不會辣得搶喉。而米線，非常爽滑，又不會怕像油麵般吸湯後變淋。豆卜，次次都會吃完，吸哂湯的精華，好吃炸魚片，黃金色的外皮，彈牙甘香蝦仁，就是正常的急凍蝦，口感算彈口，可惜無蝦味。飲品係薏米水，每次必叫，特色飲品之一。薏米好足料，成底都係鐵粉就是會連湯底都喝光光

我本身好鐘意飲呢間既咖啡，亦都好鐘意食呢間既喇沙，這已經食過很多間分店！今日路經此地，心思思又想飲，順便叫個五香肉丁蛋配出前一丁！賣相很吸引，但一食落去，麵係硬既，未熟！咁浸左一陣總算食得落啦，點知食舊肉丁係「酸叔」味！oh my god！成碗即刻食唔落！剛好店員收東西，我同佢講你既肉丁係「叔」左，但店員回應：哦！他就收野走左了😂唔知係咪唔止我一個中招，其他分店未試過係咁，希望呢間分店要再改進及改善！

今天等侍朋友期間，天氣好凍🥶唔想周圍行，想搵個靜靜地既地方坐下，但Starbucks同埋M記人又唔多，又冇位😔結果行到荷里活商業中心入面，見到吐司工房好多位，環境又好寧靜，於是買件cake坐低休息下🤓🍰《斑蘭蛋糕》$16蛋糕唔算大件，望落同美心差唔多🤯首先質感較乾，唔多濕潤，尤其是啲側邊位，乾到爆，唔知係咪因爲擺得太耐呢？不過中間部份都算鬆軟，斑蘭味都有既，但唔算好濃，一分錢一分貨，唔能夠抱太高期望😳

是日陪友人出旺角整手機, 所以就係整手機附近搵野食~友人話剛剛經過土司工坊唔使等位, 於是二話不說就拉我過去了~佢一行到過去就點餐, 叫左個傳統多士套餐+熱奶茶, 然後佢就入左去坐底~而我就繼續係出面睇下有咩好食, 望左兩望終於見到有樣野岩!叫左一個煎蛋雞扒椰香飯+熱檸茶, 買完之後就行去拎定餐具備用,怎料.........那個不太良好的環境我才剛消化, 但當我拎匙更、叉......我真的有點想要爆!!在那自取的餐具中, 基乎全部都係洗唔乾淨的!!!!係冇選擇之下拎左所需既餐具返座位自己慢慢抹.....友人感覺到我的怒火, 跟我說: 算喇, 係旺角唔使等位,唔要求得咁多~我跟友人說: 枱面D野冇人執、冇人抹枱都算, 但餐具洗完都係污糟仲要擺出去比人用, 我真係覺得好差好差好差!係呢個氣氛下, 友人的餐有了, 佢話奶茶比起其他分店味道係爭D, 而佢個多士就不過不失咁話~至於我的飯也都可以取了, 青瓜上面既醬係好味既, 但雞扒係用好多粉炸個隻、而且個雞扒係完全冇味的!檸茶就是普通沒有特別的那種~總括:一定冇下次! 我明白飲食業人手係短缺, 所以唔執枱事小, 但既然安排左人手去洗餐具, 點解

記得兩年前曾幫趁過銅鑼灣的「土司工坊」，印象中挺不錯，今日經過荷里活商業中心地下，看見「土司工坊」在此開設分店，就在這裏吃午餐。我楝好馬來滷麵套餐$60，餐飲楝咗熱薏米水。餐廳是自助式，沒有服務，使用紙杯與紙碗，滷麵材料不多：一隻蛋（軟心蛋黃尚算不錯）、幾小粒炸豆腐、兩隻爽爽滑滑的中型蝦肉和少許青椒、蒜蓉乾.....濃稠的滷湯，帶甜也帶有輕微的辣味，但吃完感覺有些口乾，幸好有熱薏米水解涸，份量不多，適應我的雀仔胃。