影片
港鐵九龍灣站 B 出口
繼續閱讀
營業時間
星期一至日
08:00 - 21:00
以上資料只供參考, 請與餐廳確認詳情
疫情影響下，每日返半天的工作，出門也差不多正午，食早餐？食午餐？倒不如食個All Day Breakfast. 土司工房的全日早餐，還是第一食。有：煎蛋煙肉火腿蕃茄茄汁豆兩片多士營養豐富，再加一杯奶茶，為繁忙的一天工作，作鼓勵，打氣！食物或許是預先做好，食物不太熱，要扣分。另太多油，再扣分。希望努力做好食物！加多點❤️
繼續閱讀
平日夜晚六點半左右，見又唔係咁肚餓，又有掛住toast box既土司，就諗住黎輕食個套餐。呢個時間沒咩人，大把角落位置適合一個人坐。本身諗住嗌餐，但見個哥仔換緊個燈泡，咁我都好配合咁企係到1 2分鐘等下佢，點知落黎原來係拎第二個燈泡。嗌餐果陣完全唔望人一啲服務態度都沒 咁個傳統土司餐主要有奶茶(新加坡果隻)，煎蛋，同牛油椰漿土司。奶茶味道岩岩好，甜甜地保持到水準。三分鐘後，煎蛋黎到，不過不失，雖然係屋企都自己煮到果隻。再六分鐘後，重點土司出場。真係跌哂眼鏡 係我太耐沒食定點 縮哂水迷你版咁，有一刻真係後悔38蚊咁食呢個餐。咁等左十分鐘咁以為會烘得好好啦，點先原來係凍既，烘既程度恰到好處，但個溫度真係唔得，完全沒新鮮出爐熱同暖既溫感。 真係好失望入面既牛油同椰漿沒鬆手，依然好食，但比兩塊凍既多士夾住真係扣哂分。總括黎講，我都會繼續食呢間既，始終奶茶同土司既味道出色，但就一定唔會再幫襯九龍灣呢間分店。
繼續閱讀
上次又係淘大諗唔到食咩想食toast box，但佢冇晒喇沙所以放棄左。今次去到其實想食咖哩雞扒，但佢又冇晒。。。唯有食喇沙啦。。。其實係星期日夜晚8點幾，唔知點解咁快乜都冇晒。淘大門口咁旺既位都冇乜客，D枱其實好唔乾淨，唔知係咪人手問題。湯底叫做合格，香椰奶味，但海鮮味唔重，同埋佢勁少湯，好驚食食下乾晒 🙈 都叫做足料。雖然要加錢，但都比較欣賞佢個檸檬薏米水，檸檬夠新鮮味道好出，薏米軟硬適中。希望下次想食果樣有果樣啦。。。
繼續閱讀
今朝有事做請了半天假，辦完事就乘車到淘大，打算食點東西再回公司，去到商場見到土司工坊，心想很久沒有來這裡了，就不如在這裡食個麵吧！這裡的環境舒適，座位寬敞，坐下來感覺好休閒。本來想着食喇沙麵，誰知見到一個新加坡蝦麵的海報，賣相相當吸引，所以就不如試一試新出品。再叫了一杯凍蜂蜜檸檬水，可以慢慢坐下品嚐。蝦麵到來，蝦的香氣四溢，先飲一啖湯，嘩！好濃的蝦味，湯帶有少少辣，因為裡面有叁峇醬，湯還用上鮮雞湯和海蝦殼製成，提升了湯的鮮味，我都好不其然的喝了很多湯，麵底是油麵，油麵軟硬適中，煮得好好，面頭有兩隻大蝦和數片魚旦片，再加上一些芽菜，大蝦好爽口彈牙，加上芽菜和魚旦片，口感豐富，真的很美味！食完還想吃多一碗，哈哈！！
繼續閱讀
之前去左另一間喺旺角既新加坡餐廳食咖椰吐司，上次叫錯左野，未能一完咖椰心願，記得之前同媽媽嚟過呢度食，又覺得幾唔錯；咁啱今日想嘆d咁自己食野，就決定去toast box🍞。叫左一個傳統吐司套餐：一份咖椰加牛油吐司，兩隻半熟蛋，一杯熱奶茶☕️。吐司麵包烘得脆脆的，未至於過焦會黑黑的，而是金黃色的。咖椰微甜，配合一大塊牛油，哇😋讓人不禁一口接著一口地吃；因為這個配搭不會好漏，香香甜甜。面包烘完難免會有d乾，將煮得剛好半熟的🥚打開用來沾吐司麵包，就剛好填補了這一點不足。（其實不沾也可以，因為有奶茶喝嘛）。不一會兒，就吃完了啊！🤣奶茶是順口的👍🏻😋 不會太多奶味甜味，茶甘味也足夠，剛好中和吐司的甜。
繼續閱讀