圓方餃子粥麵

營業中

休息中

呢間餃子店一早已經收藏左，難得男友出嚟西九龍，晚餐主食特登食少D，就為左留番少少肚嚟試餃子😏。店內除左多人點餃子外，粥品都有唔少人柯打。我自己係衝著餃子嚟嘅，所以點左個淨白菜豬肉雲吞，在場多數食客都點西洋菜餃，我都唔執輸，買左盒生餃番屋企第二日煮嚟食🙊😌。白菜豬肉雲吞 $31/8隻個雲吞皮有別於傳統嘅梘水皮，比較似餃子皮多D。皮好薄、好滑、好輕盈，餡料唔算飽滿，多菜少肉，第一次食白菜餃可以食到咁濃菜香!!😯魚湯好淡好水，少許胡椒味，唔飲唔會可惜。蝦米腸 $15我地無睇清楚原來係蒸蝦米腸😂，腸粉好滑，蝦米都有唔少。西洋菜生餃 $28/打原來多人點佢係有原因，真係好驚艷!!🙉 同堂食雲吞一樣，餃皮薄、又滑，餡料多菜少肉外，西洋菜非常香濃，而且好爽脆!!🤤 唔好以為菜多就無肉味，由於肥膏比例比瘦肉多，所以依然食得出豬油香🙊。餃子SIZE唔大粒，我可以一口一粒。

餃子啲皮好滑😊有家嘅味道😋價錢都好抵食👍🏻👍🏻餃子可以再嚟食😊簡簡單單又一餐❤️粥底好綿😍材料普普通通啦😛炒麵就真係好唔得啦🫠因為好硬好似鐵線😖

✨係我在香港吃過最中意嘅餃子🥟！ 沒有之一！！！ 專門跑過去深水埗買外賣，結果真係超級好食👻🥟點佐一份「魚湯西洋菜餃」，一份「魚湯韭菜餃」，加點佐兩份青菜，一共82hkd✨餃子皮薄而且超級滑口，仿佛我吃緊雲吞一樣！作為廣東人，我最喜歡皮薄的餃子，而且魚湯底飲起身就勁鮮甜！💡更加冇霖過，西洋菜餃，原來係感甜！完全係蔬菜的甜味，唔係加佐砂糖的果種調味，而韭菜餃就相對普通。✨個人超級推薦西洋菜餃，而且有時間一定要堂食。我打包帶走到屋企再吃嘅時候，餃子皮泡太耐，有d都破口了🥹。下次再去專門買d生水餃翻屋企自己煮！

睇住佢開張覺得佢啲雲吞都算咁多年keep住質素有新開的7成，價錢都算唔貴，因為唔飲魚湯所以都係買生的，就算早年突然間話豬肉貴了佢都係加價得好少這個係值得一讚的，而今日叫了家人買2盒回來，打開看到一盒有水氣真的有點不爽，即打開篤看看石頭硬的，買就是要買新鮮，你竟然給我入過冰櫃的，以後買真的要看清楚，當然做生意不可以浪費食材，但這些入冰櫃的你應該另外處理或售賣的時候說一聲吧（上面有個吞字個盒就係入冰櫃貨硬的硬如石頭）

我係多蔥怪之好食餃子館😄黎開長沙灣整車牌，男朋友第二次帶我黎食呢間餃子，老實講上次黎食覺得佢麻麻地，但係今次食有驚喜！可能今次平日下午黎，人唔多，慢慢品嚐下，發覺魚湯底唔會好重味精，食完返到屋企都唔會有種好頸渴既感覺。而今次叫左西洋菜豬肉餃同白菜豬肉餃各有特色，西洋菜味道濃啲，而白菜豬肉清清地，同啲湯好夾，兩款都中意。上次黎食人多，叫左腸粉，腸粉一般所以印象麻麻，今次只叫餃子，仲要求多蔥，好感度又返返黎啦

係深水埗想食餃子都有好多選擇，今次黎到呢間朋友推薦既圓方，小店風格，午餐時間都座無虛席，主打無味精既魚湯餃子，仲要價錢好抵，$31有八隻，真係又好食又抵食😋 1️⃣魚湯西洋菜餃（$31） 湯底清甜飲到魚香，仲有少少麻油香。湯底好好飲，最後我飲曬成碗🤤呢度既餃子皮算薄而且好滑，餡料西洋菜味道好香而且冇渣👍菜同肉既比例都唔錯，感覺幾健康～  2⃣️魚湯韭菜餃（$31）韭菜餃都好出色😌一樣皮薄餡靚。呢度既餃子唔係爆餡果種，而係走平實路線，感覺食落好舒服好好味～而且湯底真係好唔錯😚

深水埗向來有好多價廉物美既美食，而呢一間係其中一間令小編念念不忘既小店😍 呢到既價錢平，餃子🥟份量多，亦都真材實料，雖然簡簡單單望落唔特別，但係清淡健康又好食😋 係一個平靚正，令人窩心既選擇👍🏻 西洋菜餃🥬🥟、韭菜餃🌱🥟同埋上海雲吞都好出名，好值得黎試下😜 另外仲有生餃🥟可以買走tim😎 而小編每次黎都會食西洋菜餃😍 (5 😍 係滿分，🤩係半分）魚湯西洋菜餃子🐟🥣🥬🐷🥟 - $30 (好味指數：😍😍😍😍🤩)西洋菜🥬🥟唔係好常見，不過小編好鍾意食所以一見到就叫左😌 呢到既餃子🥟全部都係人手製造既，皮薄餡靚，晶瑩剔透，每一隻都脹卜卜咁，表皮好滑又有啲彈性，同埋啲姐姐會包到啲餃子🥟係元寶形，以防止漏餡，保持煮既時候唔會穿，食到餃子🥟既原汁原味～西洋菜🥬好容易會老，但呢到用既鮮嫩唔會有渣，味道清香，而菜🥬同肉🐷既比例大約係7:3左右，咬落去好juicy有層次，香口爽脆又唔會有好多脂肪，質素穩定～ 淨湯餃一碗有8隻，食完都夠飽～ 奶白色既湯底🥣係由魚🐟同豬骨熬左好多個鐘，清澈同埋幾鮮甜又唔會腥，飲埋都唔會口渴，證明無點落味精，落左心機熬既😜不過魚味🐟可以再濃啲咁就更加突出到餃子🥟既鮮味～好味指數

同屋企人嚟開深水埗買嘢 諗住買啲小食食下細佬就推介咗呢間啲餃子個皮超薄，餡又足料，外賣$31蚊8粒女仔應該可以當lunch食， 餃子個湯係魚湯，都幾鮮甜！ 食完之後仲忍唔住買多三盒生餃㖭！

懷舊系列路過深水埗，抽起條筋想食餃子，二話不說就走去圓方，深水埗都有唔少賣餃子食店，食過幾間，都係圓方煎餃最啱我因為當飯食，叫左兩份，即係6隻。大大隻，皮薄且脆，餡鮮爆汁，韭菜咬落索索聲，有足夠水份又唔老，肉餡比例啱啱好。6隻餃當然唔夠飽，所以叫多碟炒麵。炒麵比較普通，印象中應該係用上生麵炒，唔係即炒當然預左，而佢翻熱用微波爐，偏乾。我食過有啲舖頭用煎pan炒熱，感覺完全唔一樣。而且呢碟配料比較少。下次食餃子配粉麵好似更穩陣。

圓方其實去過好多次，不過次次都係買生餃子，咁啱星期五下午出深水埗買電腦，經過見有下午茶優惠價，原先$30/碗韮菜餃，優惠價$21，梗係要食啦，另一款下午茶特價係墨丸河，但黎得就梗係食餃子，所以冇叫，再另加一碗招牌西洋菜餃，老實講，一上枱碗魚湯有啲腥味（我個人怕腥，但朋友就話ok）落咗d胡椒粉就好好多，本身我都鍾意韮菜餃，但2樣一齊食，西洋菜餃就明顯嬴左，食完就梗係指定動作，買2盒生餃返屋企看門口啦，好滿足

ssp 名店了西洋菜餃不太常見一咬下去西洋菜的香氣四溢仔細嘴嚼的時候會發現店家選起來西洋菜相對較嫩的地方使得不會出現有殘渣而其中一個人被忽略的加分位西洋菜一點沙都沒有很加分了湯頭是鮮魚湯濃濃的魚味配上餃子好夾一口餃子，一口湯，就是一個早餐的好選擇如果要說其中一個可惜地方就是缺少了一個驚艷的辣椒醬或者辣菜脯吧（某程度上被太子那些店寵壞了）另外一個個人很喜歡的炒麵的甜醬可能個人口味吧就一直停不下來可以試試

👍🏻魚湯韭菜餃 $21/8隻味道不過不失，豬肉既比例偏少，但依個價錢黎計，絕對收貨🤣魚湯偏淡，就算怕腥都食得下午茶時段$21，係我地見過最平既餃子😂如果大家知道有仲平既餃子，歡迎報料🤣味道：7/10性價比：10/10-📍#圓方餃子館深水埗福華街104號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #深水埗打卡 #雲吞 #餃子 #圓方餃子

一向都好中意食餃子，今次就嚟左深水埗呢間好出名嘅餃子店🤤佢餃子嘅款雖然唔算多，不過全部都好平，$30就有8隻餃子/ $30就5隻餃子加粉麵，於是我叫左碗白菜豬肉餃加河粉😋餃子嘅皮真係好薄，而且餃子夠大隻，咬落去好多肉汁，好滿足！😍大家經過深水埗不妨試吓呢間餃子店！😋👍🏻

春夏秋冬都岩食既餃子，夏天無乜胃口天氣涼涼地，食一碗餃子，滿足又幸福🥰我同咩咩🐏本身都成日食，今日睇翻@kikimay 出片介紹，口痕所以捉左🐏過黎食，仲記得疫情前夜晚都仲要係門口排隊，依家唔洗等位直入～🥟西洋菜豬肉湯餃 $29/8隻🥟韭菜豬肉湯餃 $29/8隻望落去塊皮已經好通透，餃子皮似係用雲吞皮咁，食落去滑嘟嘟，大大隻都好飽滿。菜同肉既比例大概係7:3，用料新鮮。西洋菜，韭菜無渣，整體味道好鮮甜，清新。係其他餃子店食唔到既味道。魚湯方面，尼間都出名魚湯正，見其他人都有飲曬，仲可以額外再叫魚湯，但我同🐑就覺得都有魚味既，但無話特別出色，🐏通常都會加醋加辣椒油🤣（佢食雲吞麵個d次次都加醋🙊）😋😋UMAI：8/10🥟韭菜豬肉煎餃 $17/3 隻尼度就靜係得韭菜豬肉有煎餃，不過就好大隻，外表煎到脆卜卜，不過就要趁熱食，擺耐左會lum，建議食到差唔多收尾既時候先叫，食物都黎得好快。餡料方面同湯餃有d唔同，會比較濃味，好多汁。不過就有d油，建議可以點醋食。😋😋UMAI：6/10🍝炒麵 $15同普遍港式炒麵有d唔同，麵體比較幼身，欠缺口感。用左蔥，韭菜，芽菜炒，唔鍾意既朋友仔要自己挑走啦～整體

廳餐員工上餐時發現碗嘢疑似小昆蟲，差d上枱給食客見到，即時拿去廚房處理，怎料廚房員工只是蹲下用手將疑似小昆蟲拎走，沒有倒掉，原碗再上給食客食，非常冇品又不合衞生，我坐在附近見狀，也不會再幫襯，太恐怖了。