95
51
32
港鐵柯士甸站 F 出口, 步行約4分鐘 繼續閱讀
電話號碼
23787673
開飯介紹
每日供應豐富的早、午、晚自助餐,周末設有下午茶,另有中西菜式供選擇。 繼續閱讀
營業時間
今日營業
06:30 - 23:00
星期一至日
06:30 - 23:00
付款方式
Visa Master AE 現金 JCB
座位數目
130
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
加一服務費
招牌菜
日本刺身 長腳蟹 燒海鮮 鐵板燒
食評 (194)
等級2 2018-08-21
28 瀏覽
凍盤海鮮有生蠔、長腳蟹腳、青口、蝦及蜆。生蠔OK 新鮮, 因為我有D怕腥, 好小食生野,但生蠔可以入口, 冇腥味~~長腳蟹好咸, 好咸好咸, 一隻就算~ 熟食算係好好, 雖然款小, 但係好味的~~有扁皮鴨、豬仔脾、羊肉、烤牛肉、串燒、牛扒......刺身方面,感覺不太新鮮。甜品方面,有好多款, 食落都不錯, 不會太甜另外有兩款中湯,其中的蟲草雞件湯, 味道夠濃。  其實280 蚊的自助餐, 有生蠔, 扁皮鴨, 燒牛肉算係不錯, 味道好好, 真係一分錢, 一分貨~~但地方熱, 好似冇開冷氣!我朋友出晒汗~~ 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-15
325 瀏覽
此餐廳的口碑麻麻,但因有工會的優惠而一試。用餐後,感覺真的一分錢,一分貨。 我們1900到達,現場所見,座位及食客多,有約九成滿,但食物區算小。 凍盤海鮮有生蠔、長腳蟹腳、青口、蝦及蜆。其中,生蠔頗大隻,但有穀碎,味道淡,而且感到生蠔有點不凍,甚至有點暖的感覺,感覺十分難食(對於生蠔控的本人來說,本人從未劣評過任何生蠔,這是第一次);而長腳蟹則算多肉,味道清甜;而其他海鮮則一般。 熟食方面,有扁皮鴨、豬仔脾、羊肉、烤牛肉、串燒、牛扒等,除了扁皮鴨有點「梅」的感覺外,其他尚算不過不失。值得一提的是,通常酒店的自助晚餐也會有中式點心供食客選擇,唯此餐廳則未有。 刺身方面,本人只品嚐了三文魚,感覺不太新鮮。 甜品方面,大多甜品也一般,幸好有D字頭的開心果味雪糕,可讓我們甜一甜。 另外,餐廳內有三款中湯,其中的蟲草雞湯味道夠濃且鮮,不錯。 總括而言,這是本人第一次食到暖的生蠔,而整體的食物質素及環境也認真一般,唯以優惠價後約250元一位,則尚算合理。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-30
1419 瀏覽
經過Austin Road的童軍中心,上到2樓就有自助餐吃。當天正做著7折優惠,正價$150再加一。有沙律吧,麵檔,pizza,三文治,壽司,熱食 有麵包仔,甜薯,咖哩薯餅,蔬菜,炒飯,意麵等好在 分量很够,沒太多人。但有些食物放久了 不太新鮮和好吃。甜品還是不錯的,好吃的有豆腐花和雪糕。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-21
2896 瀏覽
我諗好多人都係因為買一送一嘅關係而去試依間buffet。我都唔例外。上個月一樣有依個優惠,但係第一日打電話去book已經成個月full晒。所以今個月又有買一送一,諗都唔諗就即刻book定先。六月尾打去book七月,對方竟然話7月16號之前已經full晒。16號之後的就只剩下weekday。咁樣我唯有揀左20號星期五。成間餐廳地方非常大,但係食物只放在一邊。好彩我地位置係近食物,如果唔係每次攞野食都要行到好遠先有得攞。雖然餐廳位於一樓,但因為佢係開放式,和地下正門打通。有時門口的熱空氣走晒入去,所以難免出現冷氣唔夠嘅情況。平時都有食開其他buffet。多數第一時間都係去試d海鮮。依間buffet種類都算多。有蠔,長腳蟹,蜆,青口同蝦。第一啖試即刻出事。d青口同長腳蟹非常非常之咁鹹,而且唔新鮮。一d鮮甜味都無。d蠔比較好少少。非常肥美,味道鮮甜。可惜清潔功夫做唔足。有好多隻食落果度碎殼。食咗一轉已經唔想食。到左刺身,以為係即叫即切。原來全部切好晒放喺度比人夾。如果d人夾得好夾得整齊都好d。如果夾到亂七八糟既話,望見都唔想食。刺身仲算合格。好鮮甜就唔講得,但係入得口嘅。仲有我第一次食d希靈魚咁多細骨。而且口感鞋身,同平時食果d分別好大。壽司種類唔係好多。但係全部一件件包住咗。俾人感覺總算衛生。但係唔知點解我覺得好似爭鮮嘅壽司。無啦啦比幾百蚊黎食爭鮮壽司。熱盤方面,好壞參半。中間位置的熟食,有一半或以上都係辣。我有時都會食少少辣。但係d熟食辣到我都頂唔順。水煮魚,避風塘蝦,咖哩魚蛋,花枝炒四季豆,珊瑚螃炒豆角…等等等等。全部都係辣! 唔食得辣既話,熟食當堂變得好少選擇。為一最好食係燒牛肉。肉質嫩口多汁,不過有少少酥未,所以開左食嘅時侯仲以為係羊肉。最後就到左甜品。種類唔算多。雪糕只有Dreyer's。共三個口味:朱古力,芒果及開心果。不過味道OK,唔係太甜。但係就冇乜太大驚喜。經過今次,有時真係唔好貪平。寧願比多小小錢,去d高質少少嘅buffet食。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-07-06
3709 瀏覽
見食評好壞參半,最好梗係親身嚟試下。由於訂得比較遲,安排坐嘅位置比較後。不過唔緊要,最梗要有得食。首先黎個沙律,選擇唔算多,但啲蔬菜都好新鮮。蟹腳啲肉質唔鹹,可口。雖然生蠔唔係即開,但肉質厚身味甜,蠔有蠔味!(如果你試過食即開生蠔,肉細又冇味,你就唔會堅持即開一定好) 蜆冇沙,啖啖肉,冷蝦夠彈性,唔錯!到咗廚房區,師父不停喺度炸天婦羅,由於人流夠,炸物夠香口,特別好食!(怕熱氣另計)天婦羅款式都算多,因為我第二輪行返去嘅時候,已經見轉咗第二輪食物。串燒有雞肉、牛肉、魚片等,大路款式。但肉味適中。片皮鴨師傅不停喺度切,成晚見佢好似切咗六、七隻鴨。熱盤都有幾多選擇,有燴牛尾、燴魚柳、時菜珊瑚蚌、青口、時菜花姿片同中式蒸魚,都幾老少咸宜。到咗甜品區,件件都係一口甜品,可以一次過試多幾款。雪糕汽水當然唔少得,實行黎過大放縱。因為有買一送一優惠只係需要280蚊,呢個價錢,如果你要求一個優雅寧靜嘅環境,我諗真係諗多咗。佢哋自助晚餐真係好熱鬧,但我見啲客人都好斯文,大家都好守規矩排隊冇打尖 (如果你食自助餐見過搶食情況你就會明) ,而啲員工都好有禮貌,不停喺度收碟同加食物,所以我個人覺得收貨! 繼續閱讀
(以上食評乃用戶個人意見 , 並不代表OpenRice之觀點。)