91
44
29
港鐵柯士甸站 F 出口, 步行約4分鐘 繼續閱讀
電話號碼
23787673
開飯介紹
每日供應豐富的早、午、晚自助餐,周末設有下午茶,另有中西菜式供選擇。 繼續閱讀
營業時間
今日營業
06:30-23:00
星期一至日
06:30-23:00
付款方式
Visa Master 現金
座位數目
130
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
加一服務費
招牌菜
日本刺身 長腳蟹 燒海鮮 鐵板燒
食評 (177)
等級4 2016-11-24
15008 瀏覽
這家自助餐的團購優惠,三人價錢,四人受惠,平均每位少於一百元,所以今天全家就到此享用下午茶自助餐。提前看到網上評價一般,所以對這裡的食物没有太大期望。果然真的很一般,即是正正常常,無太大的驚喜。有茶啡,小食,沙律,酥點,三文治,熱盤,甜品糖水。  幸好客人不多,每枱客人相距很遠,也没有嘈吵的遊客,亦算是很幸運了。  各款食物之中,覺得最好味的款式,就是蒜芯炒牛肉了。牛肉味雖不太濃,但應該没有加入梳打粉/鬆肉粉,肉質仍然嫩滑,配上豆豉,辣椒等重口味配料,我和家人添完又添了。而青綠的蒜芯脆口又清新,可以作中和濃味的牛肉。唯獨個人覺得,豬肉片中伏了。視覺:回到座位再看清楚時,看得出豬肉表面的肉紋,好乾好硬。手感:下刀時,要用力鋸。口感:肉質纖維好乾好硬,咬不開。可能是豬肉放在加熱盤上的時間太長,把豬肉的水份都烘乾了。難怪當時取食物時,這盤豬肉排列那麼完整,原來是無人問津。這個自助餐最失望的食物就是豬肉。來到最後,還要以現金付小費。以原價計算,4人的小費只是60元。再加上買團購的3百多元,4位合共400元,十分抵食。但對比價格及食物質素,真係一分錢一分貨。 繼續閱讀
(以上食評乃用戶個人意見 , 並不代表OpenRice之觀點。)
不過不失 焦點食評
等級4 2016-09-28
16854 瀏覽
位處佐敦的龍堡酒店,有著地利因素,若果從地鐵站信步而行,沿柯士甸道往廣東道走,大概是5至10分鐘路程,相當方便。以往慣例,都是以Seafood Station行先,今次反行其道,想先介紹即煮意大利粉。而最值得推介的是龍蝦Pasta,Penne依然有嚼口,配上忌廉黑松露汁,的確是幾惹味。北京片皮鴨每隻都是熱辣辣即片,可說是皮脆肉香,略嫌師傅切得太厚,影響了口感。Seafood Station生蠔選用了半開美國蠔,夠大隻,非常creamy,但蠔味好淡。畢竟是將貨就價,蟹腳、凍蝦、蜆及青口都算合格,要求不能太高。刺身位處較遠位置,三文魚、鮑片、甜蝦,客人可以任取,其實幾方便,只可惜有部分客人亂摷,一係就狂挾,吃不完就放棄,做成浪費,未免有點可惜。CarvingStation火腿扒只切了一小片,有嚼口及肉味,不錯。熱葷在場中間位,是熱葷位置,美式焗蜆太乾身;啤酒辣根燴牛肉丸淡淡的酒香,不錯;刴椒蒸桂花魚不會太辣而魚肉幾嫩。 其實幾喜歡蘿蔔花螺煲,花螺煮得太耐,肉質有點韌,反而蘿蔔炆得入味又夠稔,少許辛辣就更惹味。另外還有意大利燉羊肉、意大利黑醋焗雞槌、紐奧良雜錦飯、玉桂燒南瓜、蕃茄魚頭煲及澳洲芝味魚柳。湯在Buffet中有三款湯算多了,在蟲草花老鴨湯、鮮蝦粟米周打湯及青紅蘿蔔魚尾湯中,個人偏好老鴨湯,夠火喉,又有鴨香,很清潤的感覺;青紅蘿蔔魚尾湯在家中偶爾都有煲,所以興趣不大。甜品亮點一定是Dreyer's雪糕,有American Pistachio、Belgian Triple Chocolate與及New York StyleBlueberry Cheesecake,先來每款一杯,口感大滿足。其他甜品有士多啤梨卷、意大利車厘子奶凍、鮮果乳酪、芒果巴巴來士、楊枝金露、紐約芝士餅、雲石芝士餅、士多啤梨拿破崙、麵包布甸、朱古力胡桃批及紅豆沙。飲品有汽水、橙汁及咖啡,大人小朋友都啱飲。穩陣一點,只取了芒果巴巴來士、楊枝金露及拿破崙,不會過甜,而且水準平均,可以一試。 公道一點,雖然網上有不少負評,但以Buy One Get One 而言,算起來不過是 $250左右,在現今上快餐店都要六七十蚊位,畢竟這裡選擇多,仲要有Dreyer's雪糕,所以整晚都是人頭湧湧,唯一要考慮的,當買一送一優惠完結後,生意未必能維持到。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-30
1513 瀏覽
呢間性價比高,蠔新鮮,我朋友食完又拎,表示味道好,都大隻!我就最鍾意北京填鴨,好新鮮,有師傅幫我地切鴨,好味多汁,海鮮都吾錯,價錢又吾貴,有咁的服務同食物質素,我已經滿意,我3位朋友都滿意。粥好味,甜品都合格,生果都甜汽水任取,仲有咩挑剔呢? 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-26
2421 瀏覽
落雨天,重要諗食晏,突然收到龍堡自助午餐快閃優惠電郵,出發!而家食一餐閒閒地都要成百蚊,都只可以揀一個種類。今日決定食回本先,魚生 - 自己任攞,肉夠厚 。大大煲秘製魚旦墨魚丸,唔辣 至愛 - 食咗2碗。意粉一貫水準 - 師傅即叫即煮。 Pizza 足料細細件 - 剛出爐 驚喜喺 ... 豆腐花 質地夠滑....有紅荳蓉、黃糖、糖漿自己加 ... 好開心講真HK$110蚊我唔會要求超級豐盛,不過,有個舒服嘅環境hea住嘆一個鐘。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-08
2902 瀏覽
一直都搵緊自助餐食,因為工作壓力關係,想多d選擇既地方食野會開心d,跟住又比我搵到呢間算係平既。老實講要搵400樓下既dinner buffet真係難,呢間就做到,用佢優惠卷可以$468 「二人同行一人價錢」,即係半價呢個價錢其實我唔期望有幾高幾好架啦,不過都還好,居然有生蠔,燒乳豬同片皮鴨!生蠔屬爽肉品種,不過比佢洗到冇晒海水,好淡,而且第二輪開始唔凍,有d擔心乳豬唔錯,唔係中式做法,冇左脆皮,不過肉非常嫩滑,廚師仲好大方比左3,4件我睇過其他依評知道佢片皮鴨出名,試左一件,味道可以,但面皮太大而廚師比得一塊,而且廚師片得厚,唔似酒樓只片皮,算過得去至於飲品有即磨咖啡,檸茶檸水,仲有橙汁,另一邊就有超懷舊樽裝汽水,我地每人飲左一支,啹晒 繼續閱讀
(以上食評乃用戶個人意見 , 並不代表OpenRice之觀點。)