53
13
5
港鐵荔枝角站 C 出口, 步行約3分鐘 繼續閱讀
所有分店 (2)
電話號碼
23506238
開飯介紹
由女子組合Super Girls成員 Yanny及其拍擋開設的東南亞菜餐廳,招牌菜包括海南雞飯、咖喱喇沙及檳城炒粿條等。餐廳每逢星期六邀請到專人幫食客「打小人」,更設有小紙條讓食客寫上心情。 繼續閱讀
營業時間
今日營業
07:30 - 22:00
星期一至六
07:30 - 22:00
星期日
全日休息
公眾假期
全日休息
付款方式
Visa Master AlipayHK 支付寶 現金 八達通
其他資料
當面支付
食評 (85)
等級4 2021-01-09
0 瀏覽
一間裝修設計風格都幾有特式嘅東南亞菜餐廳🍴,開咗都有一段日子,近期在荃灣仲開咗分店。食物味道又幾唔錯,而且份量都幾大碟,比較慣常嘅多,性價比很高⤴️———————————————————————————🍽圍威喂!炒金邊粉🍝💬賣相已經贏晒,金邊粉炒得好乾爽,大蝦🦐勁彈牙,而且又夠正宗,豆乾、芽菜、花生碎🥜、辣椒粉🌶️,絕對有誠意🤤.🍽無骨海南雞飯🐓拼迷你肉骨茶💬無幾何可以一個餐食到呢兩種人氣招牌主食,海南雞🐔都有好多件,除雞翼外其他都去了骨🦴,正宗三色醬料亦都齊備,油飯香濃;肉骨茶有豬骨、豆卜,濃算是香濃但可以再滾熱辣啲更好😎.☕️榛果拿鐵💬雖然唔可以跟餐,但習慣每日一啡都想飲一杯,聽說是台灣師傅沖調,有拉花又夠滑,大滿足😳 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-14
223 瀏覽
呢一間餐廳玩味重,從餐具, 餐紙,餐廳嘅佈置已經睇得出落足心機!(仲有一幅粉紅色霓虹燈牆添)其實望落真係唔知佢主打泰國菜當晚前菜叫左個青木瓜是豬頸肉沙律,超級清新!豬頸肉夠爽,青木瓜都好爽,配上大大粒嘅車厘茄簡直係Perfect match!主食要咗一個炒金邊粉,餐廳好用心用蛋絲包住整碟粉面,份量都幾多而且味道都幾泰式,不過個蛋絲就煎得有點乾同無味。最後仲叫多咗份串燒,牛就燒得幾好啦!不過豬同埋雞呢就比較乾身,好彩有個沙嗲醬挽救一下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-09
177 瀏覽
早左到公司公司,要搵小小野依肚,趁今日早左成個鍾,可以行遠小小搵野食,唔洗來來去去都係長沙灣廣場.呢到都幾偏僻下. 地方唔大,座位有點窄.佢既早餐,同普通茶餐廳有D分別, 都幾有特色.叫左個雞扒流心蛋吐司.吐司有成兩大塊,仲要烘到脆卜卜,好得. 其實淨係食兩塊包都好飽..雞扒好大塊下,下面仲有塊生菜同埋番茄,原來仲有沙律醬既..如果我知道有,我會叫走醬.蛋醬加埋吐司一齊食,真係絕配!下次想試埋豬扒流心蛋吐司.順帶一提,佢杯熱檸菜好好飲, 飲完我搞一搞,發現有塊青檸仔.難怪同出面係有D唔同,佢茶底唔係苦澀個種,但加左塊青檸味道仲好飲左. 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-24
249 瀏覽
荔枝角站C出口上地面行過去對面油站就會見到裝修醒目嘅圍威喂好難得響本身唔起眼嘅位置有間似樣嘅餐廳存在嚟潮食吓東南亞菜-檳城炒粿條 $98其實我已經嚟過堂食3 次 每次都會叫炒粿條好鍾意食即炒 粿條夠哂濃味朋友覺得蜆肉少咗d我就無為意喇 我食到啖啖都有蝦Size夠大碟 我覺得已經俾足料你食-泰式古法冬蔭公海鮮鍋 $148唔識古法即係點總之好飲就得 我地清哂一鍋入面有大蝦, 青口, 蘑菇等等 又係好足料-板燒豬頸肉青木瓜沙律 $85必點, 開胃爽口大份量到好似一個正餐咁寶島百香果蘇打 $22木瓜奶果昔 $36-就咁睇主餐牌可能會誤會有點少貴其實品質份量 絕對對得起價錢幾個人share就好抵食喇!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-18
235 瀏覽
今日同友人係荔枝角lunch,簡咗好耐終於簡到呢一間 圍威喂。如果冇記錯呢間係名人開既店黎既12點左右黎度,唔洗排隊就入得去啦 餐牌,原本唸住試粉紅撈金邊粉 但原來有唔同時間先供應圍威喂!炒金邊粉簡咗一輪就嗌咗呢一個,等咗十幾分鐘有得食啦首先唔講味道住先,金邊粉炒到一舊好難夾同分開啲粉 呢一點真係有啲扣分。味道還可以嘅 泰式咖喱配白飯 雞球 青咖喱普普通通 雞冇雪藏味,但都冇乜雞味台灣蜂檸蜜 總結,食完之後明白點解lunch都唔太多人食我唸食物方面有待改善啦 繼續閱讀
(以上食評乃用戶個人意見 , 並不代表OpenRice之觀點。)