235
42
17
| 餐廳: | 國金軒 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
米芝蓮推介當代粵菜食府國金軒，由屢獲殊榮的行政總廚主廚鄧浩宏師傅主理，致力傳承粵菜精髓，為饕客呈獻當代粵菜，主將不時不食，顯現各種食材味道的細緻性之餘，更別出心裁地揉合各種鮮美旨味，打造精緻，細膩，和諧的用餐體驗！
繼續閱讀
獎項殊榮
米芝蓮二星餐廳 (2011), 米芝蓮推介食府 (2011-2024), 《南華早報》2023年度「100 Top Tables」(2022-2023), 永續餐飲指標 (2023 – 2025)
營業時間
今日營業
10:30 - 15:00
18:00 - 22:30
星期一至五
11:30 - 14:30
18:00 - 22:30
星期六至日
10:30 - 15:00
18:00 - 22:30
公眾假期
10:30 - 15:00
18:00 - 22:30
以上資料只供參考, 請與餐廳確認詳情
有關獎賞計劃
相關文章
家常便飯無需講究體面，選址 IFC 的國金軒，本為品嚐太史五蛇羹真傳而來，喜出望外，所有菜式皆水準之上，配合環境服務，物有所值的高消費！8人細房，樓底非常高，玻璃大窗維景海景相伴，獨立洗手間，雅緻舒適。鵝肝醬乳豬鍋巴鍋巴做得很好，名副其實脆卜卜，咬碎有聲，組合有意料驚喜。乳豬與鍋巴的薄脆交替，鵝肝醬變得低調，成為潤滑劑。水晶大蝦球白雪巨大，爽口得來保留蝦味，蘸少許蝦醬很適合。太史五蛇羹真的細緻，刀功出色，冬菇絲、雞絲、蛇絲切得幼細，粗幼一樣；檸檬葉、菊花、芫荽及胡椒粉。鮑汁脆皮婆參炆得很軟嫩，外層－層薄脆，鮑汁滋味。碧綠油泡方脷球魚肉嫩滑亦夠厚內。脆皮鬍鬚雞雞皮薄如紙，雞肉嫩滑。生炒臘味糯米飯真正生炒，色澤亮麗，米飯粒粒分明，非常香，口感一流，平日不吃飯的我亦添吃。蓮子蛋白杏仁茶幼滑香甜，有質素。脆皮煎堆仔蓮蓉餡料，水準唔錯。
繼續閱讀
今次友人生日，挑選了平日中午任食點心套餐，剛好是2人的關係，2選1的選項均可以全部試曬，所有點心全部試均。前菜：蜜餞黑豚叉燒 配 四季春煙燻上素卷 - 叉燒腍滑有肉汁味道足熱度剛好，煙燻味輕輕帶過，驚喜素卷係凍點，令到濃味慢慢變淡。點心只講特別好食：- 蝦餃：真真真皮薄餡靚，大隻蝦係入面，正價都要$80/籠(3件)，encore 2次。- 蜂巢荔芋角：好耐冇係酒樓食，食完唔覺得滯&膩，口感幼滑。- 黑松露野菌餃：又係皮薄餡靚，料多夾起唔穿。- 魚米雞粒鹹水角：唔癡牙，外皮脆、內餡份量適中。- 頭抽香煎白腸粉：腸粉煎得黎冇焦，腸粉收汁處理很好，手工功不可抹，值得贊賞。瑤柱蛋白炒飯：白飯粒粒香，夠鑊氣。四川椒麻擔擔麵：湯底味道、麵柔靭度、份量恰到好處，唔會太多或過少。另加$60 老火湯 (蟲草花煲烏雞)：淡如飲水，失望。甜點：- 紅桑子凍糕 & 楊枝甘露：酸甜開胃，令到整體上冇咁飽。- 蛋白杏仁茶湯丸：湯丸皮太厚，杏仁茶味再濃會更好。服務員上菜模式、擺位有心思，而且態度良好有禮。
繼續閱讀
一分錢一分貨，但係好食嘅嘢，即使比貴啲嘅話都要食雖然依度的點心一啲都唔平，但係join咗佢嘅Mira Plus會員之後，可以有七五折。折咗之後係比貴少少，但係食物質素真係同出邊差好遠。呢度嘅鵝肝荔芋角超好味！必食！而且叉燒腸一啲都唔Hea，係一粒粒完整嘅叉燒，可以算得上係皮薄餡靚，食完依度嘅叉燒腸，真係唔可以喺出邊食得返。（好味道唔記得咗影相。😭😭😭）另外，個芝士海皇卷超級好味，又係出面搵唔到，不過，都幾漏下….個人覺得，如果係喺呢度食一餐同出邊冇咁好味嘅酒樓食幾餐比，咁我寧願食少出面酒樓幾餐，喺度食一餐啦😋
繼續閱讀
嚟過幾次，環境、服務態度、食物質素整覺都算可以，咪諗住試吓佢哋個燒鵝，點知得四個字 - 又韌又硬，無試過咁差既燒鵝，真係燒鵝既價錢蔗渣既䝿素，仲要係酒店添， 非常失望，無下次。
繼續閱讀
位於尖沙咀的米芝蓮推介當代粵菜食府 — 國金軒，由得獎名廚鄧浩宏師傅主理，多年來屢獲米芝蓮指南推介，入選《南華早報》「100 Top Tables」及Trip Advisor卓越認證大獎，更屢獲Wine Spectator「最佳卓越大奬」，以及Trip.com 2024 Trip.Best Asia 100，備受百分百肯定。中菜行政總廚主廚鄧浩宏師傅一直致力傳承粵菜精髓，以精湛烹調技巧，精巧手藝及創意，巧手融匯時令頂級食材，切合隨時代而轉變的環保和養生飲食文化，為饕客呈獻奢華精緻，細膩和諧的當代粵菜。聚物天美、老饕垂青 $1188/位🦋黑魚子百花釀乳豬香口酥脆的乳豬皮下釀入彈牙的鮮甜蝦膠，口感豐富，脆不膩口，配合矜貴的魚子醬點綴，帶出鹹鮮香味，色香味俱全。🦋鮮杏汁花膠雪蓮子燉白肺湯嚴選本地新鮮豬肺、排骨、雞肉及雞腳，配合梅頭肉、花膠、每日鮮磨杏汁、雲南雪蓮子熬製而成，真材實料，滋補養顏，啖啖滿滿骨膠原。🦋黑松露鍋巴百花元貝皇｜欖菜辣子爆澳洲龍蝦 (+$300)重量級的元貝皇釀入鮮甜爽彈的蝦膠，底下以酥脆的炸鍋巴承托住，帶來一軟一脆的口感交雜，配搭黑松露忌廉醬汁，滿口奶油香氣久未散去，真是令人回味無窮。靈感源於避風塘炒法，以欖菜炸香至乾身取代炸蒜，加入雲南辣椒乾、自家製淮鹽和紹酒爆炒增添無窮風味，搭配彈牙嫩滑的澳洲龍蝦肉，必食推介。🦋脆皮法國乳羊腩配黑芝麻醬及腐乳醬選取來自法國的乳羊，先以十款秘製香料醃製再炸得香氣撲鼻，酥脆肉嫩，襯托口味和諧融合的黑芝麻醬及腐乳醬，帶來難以抗拒的味蕾衝擊。🦋鮑汁蝦籽扣柚皮經典傳統的手工粵菜，師傅提前3－4日耐心處理柚皮，完全不帶苦澀味，再以鯪魚、蝦米、薑蒜、金華火腿等慢火熬煮柚皮，最後灑上來自本地大澳海鮮場的蝦籽及淋上鮑汁芡，入口鬆化，充份表現師傅誠意及心思。🦋上湯本地珠龍伊府麵外層彈牙、內裡嫩滑的龍蝦，加入上湯，配搭上等伊麵，麵條完美地吸收了龍蝦精華，滿載鮮味，帶來不絕驚喜。🦋生磨蛋白杏仁茶湯丸🦋國金軒新疆棗皇糕最後以甜而不膩的傳統中式甜點，溫和暖胃，為華麗的盛宴畫上完美句號。
繼續閱讀
您可能會有興趣的...