95
36
25
| 餐廳: | 國金軒 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
國金軒代表著本地餐飲業的新面貌：獨特的室內設計、全海景緻，塑造出優雅的氣氛，讓賓客在充滿時代感的環境中享受精緻而健康的中菜。這裡擁有城中數一數二的美酒佳釀。國金軒供應的高質粵菜，憑其精緻、新鮮和以獨門醬汁做出的風味小菜，水準極高。國金軒榮獲「香港企業領袖品牌2011」的「卓越商務宴會品牌」大獎，並將於2011年以「國錦軒」品牌在北京及武漢開設分店。
繼續閱讀
特色
同客食飯
附加資料
中午有落場時間, 2:30pm(假日3:00pm)是last order, 廚房會收, 6:00pm才重開
營業時間
今日營業
11:30 - 15:00
18:00 - 23:00
星期一至日
11:30 - 15:00
18:00 - 23:00
公眾假期
11:30 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
食評 (200)
上網睇見到mira shop做緊2人套戲優惠國金鮑魚和牛盛宴(2位起) 原價$1576/位經mira eshop預訂只需$928/位 (已包加一服務費及茶芥) , 優惠仲高達59折, 而套餐供應期至30/9～西班牙黑豚肉叉燒皇 拼 江南熟醉蝦半肥瘦叉燒，吃下去蜜味淋甜醉蝦新鮮彈牙，配上濃郁的酒味，更有提鮮作用！蝦頭仲有少量甘甜蝦膏，尤其滿足！花膠陳皮黃魚羹每一口的餡料超充足豐富，食到生拆黃魚🐟仲有啖啖的陳皮，當然最吸引嘅係新鮮花膠啦每一啖羹都好滿足廿二頭南非吉品鮑伴花菇鮑魚大隻，吃下去非常彈牙，配上芡汁一起吃，更可突出鮑魚鮮味！更配上花菇及生菜🥬，吃下蔬菜更可中和一下口腔的飽膩感羊城辣醬湘椒炒日本和牛和牛🐮juicy嫩淋，配上湘椒一起炒，辣味充足惹味！平時少食辣既我, 都覺得呢碟好好食!!15年陳皮皇子乳鴿肉質鮮嫩juicy的乳鴿, 蘸上濃郁的陳皮汁, 乳鴿更為入味!香菇肉醬炒飯米飯粒粒分明, 上面淋上微辣的香菇肉醬, 再將醬汁和米飯拌勻, 味道更為豐富香芒草莓青蘋果凍•懷舊芝麻卷天時暑熱, 最適合吃一個冰凍的青蘋果凍, 上面放上粒粒香芒草莓, 口感更加fruity芝麻卷有超濃郁的芝麻香, 而且一D都唔甜, 為這頓飯畫上完美句號~
繼續閱讀
2262 瀏覽
麻雀姨姨請客，特別揀去肥肥家族少幫襯嘅中環名店「國金軒」，一早寫定餸兼訂埋海景房，當真盛設得很！鴻運片皮金豬全體（$1,588/隻）：晚宴打響頭炮先有紅噹噹嘅片皮乳豬，乳豬皮巧薄香脆，手撕乳豬肉亦相當軟嫩。海南椰青燉翅：每份燉翅原隻椰青上，賣相震撼程度絕不比金豬全體遜色！滑溜嘅翅翅份量當真溢滿整隻椰青，每一口食落去都散發著芬芳嘅椰香，滋潤尤甚。北京片皮鴨（$988/一道）：反哂光嘅北京片皮鴨皮層脆薄肥膏少，黐住嘅鴨肉潤而不膩，沾上甜醬再包入青瓜同蔥，即能添上口感及惹味。芝士焗龍蝦：已分好每人半隻嘅龍蝦爽脆彈牙，最正係人人都有足量嘅芝士，香潤無比！古法雙冬羊腩煲：滾住上嘅羊腩煲熱力十足，炆得夠腍嘅羊腩皮層滑嘟嘟，羊肉更為鮮嫩非常，索盡精華嘅配料香濃入味，冬天食落肚特別補身，極品也！豉汁蒸魚雲：魚雲係主人家專登為大肥爸爸所點嘅，佢大讚魚雲鮮濃嫩滑，一個人食咗半碟，絕對捧場呀！嘻嘻，怕骨嘅XO仔就搵咗相機代食。薑汁芥蘭遠：翠綠嘅芥蘭唔會太粗，所以好易入口，咬落仲卜卜脆架！生菜絲鴨鬆炒飯：金黃亮麗嘅炒飯炒得好夠乾身，鴨鬆唔肥，混入夠多生菜絲同洋蔥絲，所以咬落索索聲，怕食澱粉質嘅小肥最鍾意佢料多過飯。蓮子燉薑汁奶：微甜嘅燉奶好似布甸咁軟滑，奶味香醇溫和，陣陣薑味好有消滯暖胃嘅感覺。煎堆仔，馬拉糕：結尾嘅煎堆仔外層鬆脆餡甜美；馬拉糕則鬆潤柔軟，輕巧不膩口。中環IFC名中菜廳「國金軒」雖為商場餐廳，樓底高高嘅靚景廂房竟然備有私人洗手間，專人招呼周到，高級粵菜高質美味，當真感激長輩悉心安排及款待！
繼續閱讀
好多時同朋友出去中菜都唔係首選，難得搵到底子深厚又有新意嘅中菜，好岩口味。西班牙黑豚肉叉燒皇肉質超級嫩，蜜汁嘅甜香同炭燒味並重。 江南熟醉蝦清爽彈牙，有淡淡酒香，兩款一齊食，濃淡相得益彰。花膠陳皮黃魚羹湯底濃而不重，黃魚嘅鮮甜同花膠嘅軟糯完美融合，飲落去順滑又回甘。廿二頭南非吉品鮑炆得軟硬適中，咬落去有彈性又有鮮味，花菇厚實多汁，吸滿醬汁嘅香氣。羊城辣醬湘椒炒日本和牛肉質軟滑，羊城辣醬同湘椒嘅麻辣味好過癮，辣得夠爽但唔會搶風頭，好味。鵝肝醬乳豬鍋巴名不虛傳，乳豬皮脆肉嫩，鵝肝醬甘香唔會膩，襯托酥脆嘅鍋巴，三種口感一齊爆發，好有層次。香菇肉醬炒飯炒得乾身香口，香菇嘅濃香同肉醬嘅鹹香好夾，食落好有家嘅味道。香芒草莓青蘋果凍清新開胃，懷舊芝麻卷軟糯，甜度岩岩好。
繼續閱讀
今晚收工同朋友來到bookmark好耐既國金軒。餐廳位於IFC, 有特高樓底及落地玻璃窗，可以欣賞到維港美景，餐廳服務認真專業，是宴請朋友家人的好去處☺️🍽️國金鮑魚和牛盛宴原價$1576/位, 經mira eshop預訂可享優惠價$928/位 (已包加一服務費及茶芥) , 優惠高達59折，套餐供應期至30/9🥰✨西班牙黑豚肉叉燒皇 拼 江南熟醉蝦🦐黑豚肉叉燒皇肥瘦適中，充滿光澤，口感超柔軟，肉汁豐富亦帶點甘香。江南熟醉蝦酒味唔會好濃，覺得岩岩好提升到蝦既鮮味😜✨花膠陳皮黃魚羹🐟用料好豐富，有滋補花膠、甘香陳皮、一小塊一小塊黃魚，鮮甜細嫩，鮮味豐富😍✨廿二頭南非吉品鮑伴花菇鮑魚大隻，口感細膩，肉質鮮嫩彈牙，配上花菇、生菜，可以解膩🤪✨羊城辣醬湘椒炒日本和牛🐮和牛十分軟嫩juicy, 配上羊城辣醬湘椒，好惹味😋✨15年陳皮皇子乳鴿乳鴿肉質嫩滑，醬汁鹹香帶有陳皮的淡淡清香，醬汁滲透入肉，更加入味🥰✨香菇肉醬炒飯🍚炒飯粒粒分明，香菇肉醬香氣十足，將醬汁和米飯拌勻，口感豐富😜✨香芒草莓青蘋果凍・懷舊芝麻巻🍓🍎香芒草莓青蘋果凍十分清爽，懷舊芝麻巻芝麻味道濃郁，完美結束今晚呢餐🥰
繼續閱讀
前菜一上枱就已經好吸引，黑豚肉叉燒皇色澤油亮，切得厚薄適中，肉味香濃之餘又唔會太肥膩。醉蝦酒香滲入蝦肉，酒味唔會太濃啱啱好，蝦肉亦夠爽口彈牙。花膠陳皮黃魚羹好足料，黃魚肉質細嫩，配埋陳皮嘅香氣入口即溶冇腥味，成碗羹飲落去暖笠笠咁。廿二頭吉品鮑咬落去有彈性又夠鮮味，醬汁收得好，唔會太鹹。花菇就吸晒鮑汁，口感厚實。湘椒炒日本和牛就比較重口味，辣醬香而不嗆，帶有少少羊城風味。和牛切得唔會太薄，保留咗肉汁，一人兩件啱啱好。陳皮皇子乳鴿有驚喜，咬落去有煙燻香，陳皮味滲入鴿肉但唔會太搶戲，反而令味道更有層次。
繼續閱讀