國穗軒

營業中

休息中

餐廳是經典的中式酒樓格局，寬敞明亮，桌距適中，沒有壓迫感，坐得舒服自在。週年慶推出的「晚飯孖寶」優惠，選擇豐富，定價確實超級經濟實惠，在高級粵菜廳中屬難得一見。🌟孖寶一：油鹽水莆田聖子浸勝瓜 + 瑤柱貴妃雞🥢油鹽水莆田聖子浸勝瓜莆田聖子個頭不小，肉質新鮮爽嫩，處理得乾淨無沙，湯汁清澈，鹹鮮味恰到好處。勝瓜吸飽了湯汁和聖子的鮮味，清甜可口。🥢瑤柱貴妃雞雞肉皮滑肉嫩，雞胸肉不鞋，雞脾位更加係嫩滑有肉汁。🌟孖寶二：清蒸沙巴斑仔 + 蜜汁叉燒 🥢清蒸沙巴斑仔斑仔約一斤重，大小適中。火候精準，魚肉剛熟，口感嫩滑細緻。蔥絲、薑絲鋪面增加鮮味。 🥢蜜汁叉燒叉燒賣相紅潤亮澤，肉質入口鬆化，油脂甘香，不會過甜。🌟餐廳額外贈送了紅豆沙與綠豆沙。紅豆沙起沙，口感綿滑；綠豆沙同樣軟糯，甜度溫和適中，為整頓晚餐畫上完美句號。🌟餐廳整體體驗令人滿意，環境舒適乾淨，服務在滿座情況下仍有效率。週年「孖寶」優惠極具吸引力，絕對會再黎。

約咗舊同事食晚餐。之前喺位於灣仔合和中心嘅國穗軒飲過早茶，覺得味道唔錯，所以今次嚟試下佢哋嘅晚餐。國穗軒晚市有好多優惠，選擇又豐富。我哋點咗椒鹽瀨尿蝦，$188有八隻！特惠孖寶揀咗叉燒拼豉椒炒蜆又系$188，好抵食。另外加一份金銀蛋莧菜，份量多到差啲食唔完。瀨尿蝦嘅火候掌握得好，同事食到舔舔脷，好新鮮同甜美。炒蜆粒粒開口，完全冇沙，蜆肉又脹又嫩，口感超級好。叉燒我哋叫咗瘦叉，味道正常，但整體上都唔錯。金銀蛋莧菜色澤翠綠，份量又多，真係好食。最開心嘅係，國穗軒冇限時，我哋可以悠閒咁聊天，完全唔怕尷尬。座位寬敞，服務又好，見到我哋食海鮮，仲特意提供濕紙巾同換碟，服務無得頂。呢餐食得好滿意，國穗軒真係一個值得推薦嘅好地方！

自從無左薈軒，變為這間酒樓後，大家都知道這家國穗軒嘗試走高尚路線，輕奢華風，服務態度應該也要配合到。。但價錢的確比薈軒貴了，食物質數只可以說部份勉強keep到，服務質數方面，真是跌了40%！！一次約了一些朋友（10人）12noon到國穗軒飲茶，大約11:30am到達，見酒樓內只有1、2圍細檯客，有內裡的侍應問我們多少位後請我們入座。。坐下來沒有幾分鐘，另一侍應走過來再次問我們多少人，亦問我們朋友什麼時候才到，因朋友們都是12noon到，那位侍應要求我們先走出去外面坐（即酒樓門口外等），不允許我們先開枱，必須到12noon才可以入內。。另外他們規定1.5小時交檯，但實質他們會沒到時間就想趕客離開做多一檯客。。我們後來12noon入座，但才1pm未夠就有侍應問我們是否已經食完叫幫我們安排買埋張單，我們反問不是1.5hrs咩？為何這麼快？雖然我們嘴上這樣說，但沒過多久我們便埋單了，只是其中一位朋友需要食藥，而水很熱，所以我們只好坐著等多一陣，怎知道，一位侍應又走過來，再次叫我們快點離開，所以我們已經坐了1小時有多，而且已經買單，就應該立刻離座。。真是非常差勁，為什麼他們有著這樣的待客之道？！

開心孖寶### 上湯焗西澳洲龍蝦上湯焗西澳洲龍蝦是一道令人垂涎的海鮮。龍蝦的鮮美與湯底烏冬的濃郁香氣瞬間吸引了我的注意。龍蝦肉質鮮嫩，經過焗制後，外層微微焦香，內裡卻保持著多汁的口感。湯底的精華充分滲透進龍蝦肉&烏冬中，讓每一口都充滿了海洋的鮮味。這道菜的調味恰到好處，既不過於鹹，也不會掩蓋龍蝦本身的鮮甜。讓人一口接一口，欲罷不能。### 脆皮吊燒雞脆皮吊燒雞則是一道雞皮的酥脆與肉質的鮮嫩形成了完美的對比。雞肉經過精心的醃製，外皮金黃酥脆，咬下去的瞬間，香氣四溢，讓人感受到一種無法抗拒的美味。內裡的雞肉則保持著多汁的口感，搭配上特製的醬汁，讓整體的味道更加豐富。這道菜的調味非常到位，既有鹹香，又帶有一絲甜味，國穗軒 (灣仔)灣仔皇后大道東183號合和中心7樓701號舖

週末飲茶，我們來到國穗軒，午市人山人海，幸好取票等五分鐘便可入座。落了柯打之後，煎炒炸物一湧而上，差點放不下！卜卜脆的春卷的蒜味突顯；而煎釀尖椒的魚肉厚身，豉汁更是極度惹味！燒腩仔沒有辜負脆皮的名字，皮脆之餘肉質還是鬆化的，肥位更能添香！到乾炒牛河，份量大，未食已嗅到香氣，牛肉多而嫩，河粉跟豉油完全混和到位，加上芽菜、洋蔥及韭王，非常可口！食完香口的點心之後，我們呆坐了約莫三十分鐘，仍然未見任何蒸點的踪影，問一問部長，他問過廚房後回覆：「蒸緊，等多陣啦。」最後蒸點要四十分鐘才到！灌湯餃的湯乃濃中帶清的雞湯，湯裡有超多的瑤柱絲，竹笙腍而爽口，湯餃有勁多的肉餡！百花釀魚肚和蝦餃的蝦調味甚佳，魚肚吸盡汁液，仍滋味。食物是不俗的，惟很明顯落漏了單，上菜的速度絕對需要調整。

灣仔合和中心有間中菜都幾抵食！晚餐有$188起超值孖寶🫶🏻仲有$388澳龍加半隻燒雞孖寶🦞🐔環境同食物質素都唔錯 啱晒帶屋企人嚟食👏🏻我叫咗個燒鵝配梅菜蒸菜心孖寶 $188，燒鵝十分出色，皮脆肉嫩，又香又脆又多汁，唔會太肥膩，點酸梅醬食唔停口。梅菜蒸菜心好靚仔，菜心綠油油得嚟好腍，梅菜唔會好咸，味道剛剛好。仲食咗椒鹽鮮魷伴雜果沙律 $138，脆卜卜好夠味，加枝啤酒勁爽！最後食埋個甜品，有酒樓經典嘅心形芒果布甸，好香芒果味，同杏仁蛋白，足料又潤肺。

我最近去咗灣仔國穗軒，主要係因為見到佢哋一周年有慶祝特價孖寶同晚市套餐，由$188 起有海鮮及燒味或小菜。餐廳裝修高貴寬敞，坐得舒服，招呼殷勤。朋友話佢海鮮新鮮，見到優惠忍唔住就約埋一齊試試。我哋嗌咗個海鮮孖寶A，$238真係抵到爛！清蒸沙巴斑仔啖啖肉，魚皮滑唔腥，蒸得啱啱好，連淡淡的蔥油香都滲入魚肉，配埋燒腩仔，外皮香脆，肥瘦分明，唔會死咸。再單點伴菜水荷芹炒鮮淮山，爽滑無渣，簡單健康。而甜品亦好抵食，只需$12起蛋白杏仁茶滑溜唔會太甜，香濃有杏仁味；宮廷桂花糕，淡淡桂花香，唔會太甜膩。

朋友呢晚帶咗我嚟呢間喺灣仔嘅中菜餐廳食晚餐🤣海鮮孖寶 $238「清蒸沙巴斑仔（約1斤）配 蜜汁叉燒/燒腩仔（小食）」🤣揀咗「燒腩仔」：外皮燒到脆脆哋，燒腩仔脂肪含量極充足，燒得香口好豬味🤣「清蒸沙巴斑仔」：沙巴斑仔夠新鮮，肉質鮮甜，蒸到啱啱熟，所以魚肉食落亦都比較嫩滑🤣$128「蝦乾浸勝瓜」：勝瓜超級新鮮，口感爽滑，加埋味道濃郁嘅蝦乾一齊蒸，咁味道層次又提高啲啲🤣$60「紅燒B鴿」：BB鴿細細隻，燒到外皮脆脆哋顏色紅卜卜，肉質就幾軟熟，香口好食🤣$16「白飯」：要咗啲蒸魚嘅豉油嚟撈白飯食，好正🤣食完之後，酒樓仲送糖水，揀咗紅豆沙同埋綠豆沙，唔係好甜，都好味🤣

今天晚上，我約了老友，去到 灣仔合和中心7樓國穗軒（灣仔） 晚飯。晚飯孖寶(片皮鴨) $298我和朋友享用了美味的晚餐。我們點了招牌的片皮鴨。這道菜色香味俱全，鴨皮酥脆，加上多種來的配菜， 口中的味蕾也在跳舞。搭配油鹽水的菜心，口感相得益彰。海蜇青瓜 $55除了片皮鴨，我們還點了海蜇青瓜，清爽的口味讓人耳目一新。五香牛展(小食) $60最後，我們還加點了五香牛展作為小食，這道五香味十足的牛肉讓我們滿足。整體餐費為445元，加上 服務費後，最終埋單為490元。這頓晚餐，不僅讓我們享受了美味的食物，還增進了彼此的情誼，真是一次愉快的用餐體驗！

過來新開的合和商場行街，找點好的酒樓吃晚餐，於是來了合和中心的國穗軒，原來晚市有很多優惠套餐。這次我們點了開心孖寶套餐，有燒雞一隻及上湯焗西澳龍蝦（烏冬底）。我們另外點了奶皇流沙包及蛋白杏仁茶，搭配出色，充分展現食材原味，是不容錯過的美味選擇！燒雞醃製得宜，皮脆肉嫩，外皮金黃酥脆，肉質保持多汁，每一口都能感受到滲透的醬汁，能提升風味，讓人欲罷不能。上湯焗西澳龍蝦的肉質甘甜，搭配濃郁的上湯，焗至入味。底部的烏冬吸收了龍蝦的鮮味，整體口感豐富，視覺吸引又味道驚艷，龍蝦的鮮甜與湯底的香濃形成完美平衡。奶皇流沙包外皮柔軟，內餡香滑，咬下時奶皇醬瞬間流出，甜而不膩，令人陶醉。這道甜品在口感和味道上都恰如其分，是完美的餐後選擇。至於蛋白杏仁茶清新可口，杏仁香氣撲鼻，搭配蛋白的細膩口感，既消暑又滋潤。國穗軒 (灣仔)地址：灣仔皇后大道東183號合和中心7樓701號舖

女女放暑假，我又得閒，就同她出街行下搵下野食😍灣仔國穗軒個場幾大，座位多，店員都幾有禮貌同勤快。💗💕🫖🍵茶位 每位16元🥢竹笙鼎湖上素128元食下蔬菜健康d,材料有竹笙，木耳，紅蘿蔔絲，芽菜，菜心及唔同嘅菇。🥢拔絲新鮮咕嚕肉138元新鮮菠蘿好甜，咕嚕肉大舊又脆口，酸酸甜甜。🥢乾燒伊麵128元好大碟，炆得好香，集醬香、麵香、菇香和韮黃香於一身。🥭甜品叫咗芒果布甸，部長仲送咗個紅豆沙俾我哋，nice😍🥰灣仔皇后大道東183號合和中心7樓701號舖

🫢🫢有冇諗過響合和食到$388龍蝦燒雞孖寶？🫶🏻$388開心孖寶呢個combination真係好吸引 諗都冇諗即刻叫❣️脆皮吊燒雞雞皮燒到勁香口 食落卜卜脆好薄身雞皮底下嘅脂肪已經燒晒出嚟食落唔會有一層厚厚嘅肥膏雞肉醃到好入味 食落有鹹香 仲保留住肉汁 就算係雞胸位都好滑溜 一啲都唔柴❣️上湯焗西澳龍蝦配烏冬好欣賞佢棄用傳統嘅伊麵 用烏冬代替感覺更加健康 稻庭烏冬入口彈牙亦非常掛汁上湯充滿着蒜蓉嘅香味 濃稠到剛好 唔會膩龍蝦大大隻 肉質鮮甜 爽口彈牙 勁滿足另外點嘅～❣️海皇什菜煲有珊瑚蚌、斑片、大蝦、鮮魷、帶子海鮮份量超級足料 湯底亦有濃厚嘅鮮味雜菜有西蘭花、小棠菜、白菜仔、菜心啱晒鍾意食菜嘅我呢度嘅店員服務好殷勤 更換碟好頻密枱與枱中間都有空間感 唔會好侷促當然最正就係個地點 勁近地鐵站 約朋友食飯勁方便

國穗軒😘😘😘豪華版小菜灣仔合和中心、豪食酒家小菜、明亮燈光、環境寬敞、家庭聚會、生日飲宴、可以預約房間、食得開心更歡暢！✨海蜇青瓜開胃小食、青瓜清爽可口、鲜脆爽嫩、海蜇微咸中带着海味、彈牙有嚼口、令人開胃。✨片皮鴨二食稱烤鴨、是著名北京菜、片皮鴨精髓在於烤製後將鴨皮和鴨肉分開、呈現出皮脆肉嫩口感、鴨片薄如紙、帶有肉、用薄薄軟綿綿餅皮、甜麵醬、青瓜絲、蘿蔔絲、紅椒絲、酸菜絲、京蔥𢇁、酸薑片等等、包卷著食、口感豐富、一試難忘🤩-麽麽（ 一打）、包卷片皮鴨肉的薄餅、材料、面粉、水、食用油搓混和、蒸透👍🏻-醬爆西芹炒鴨絲鴨肉折絲、西芹切段、青脆爽口、鴨絲鮮香、搭配蒜蓉和酱油翻炒、味道濃郁、口感層次分明、滋味又惹味🤩-鐵觀音茶、茶香濃郁、清新回甘、滋味醇厚、令人心曠神怡！國穗軒灣仔皇后大道東183號合和中心7樓701號舖港鐵灣仔站B出口

2025年7月期間去飲茶，服務員的惡劣態度，嚴重影響了用餐體驗當日入座時，我們被安排在靠近風口的位置，因該處溫度過低難以忍受，遂向服務員提出更換座位的請求。服務員嫌麻煩、不願多做功夫，態度敷衍地拒絕了我們的合理要求。多次問你坐邊度，不想我們轉位置，當日酒樓空檯甚多。我們提出可以自己搬返個茶壺過來，亦未order食物，服務員晦氣地講咁你哋自己搬啦。不是一個服務員態度如此，你大聲問她是不是不可以調位，才晦氣地叫你自己把茶壺搬過嚟，服務員欺善怕惡全程態度消極、缺乏基本服務意識。此外，當時鄰桌顧客因點餐系統的QR code存在問題，導致點心被重複下單。該顧客及時告知收銀員，本意是避免浪費，不料這位服務員卻上前揶揄，稱「不懂用QR code就不要用」，還指責顧客「浪費紙張」，言語間充滿輕視與不尊重。此次經歷令人感到香港合和中心的酒樓點解變到咁？該服務員不僅忽視顧客的合理需求，更以惡劣言語傷害顧客，嚴重背離了服務行業的基本準則。希望香港服務行業能夠得人認同，酒樓能加強員工培訓，提升服務質量，避免類似情況再次發生。

今晚喺灣仔買完嘢，突然心血來潮好想食龍蝦伊麵。見近近地合和中心有一間中菜廳國穗軒，就去左食喇。我哋兩個人七點左右嚟到差唔多已經滿座。一坐低就叫咗半隻脆皮吊燒雞同主角上湯焗西澳龍蝦伊麵。上湯焗西澳龍蝦伊麵（$368）：龍蝦好好肉。煮嘅時間控制得宜。肉質彈牙。淨係計啖啖肉嘅龍蝦肉粒都有差唔多成十粒，真係好滿足。伊麵吸收晒上湯嘅味道，好味呀。脆皮吊燒雞（$38）：餐廳慶祝回歸，有短期優惠，$38就有半隻燒雞。沒有將貨就價。燒雞皮脆，肉嫩多汁。非常抵食。芒果布甸（$20): 喺酒樓食晚飯就係習慣叫返個花奶芒果布甸作結。布甸震揗揗咁，而是兒時回憶返晒嚟特別想讚嘅係，職員好勤快咁樣幫我哋換骨碟換咗好多次，又俾咗好多張濕紙巾俾我哋抹手，非常貼心