國泰美食 (已結業)

聲大夾惡，有時候，並不是趕客的態度。因為有一些小店的店主，本身個人就係咁，態度可能未必人人受得到，但他們煮出一手的好菜，食用時再回看他們見到客人 enjoy 時露出的歡顏，客人，熟又好，唔熟又好，都會顯得不介意。是日同太太做完野之後來到觀塘，吃點點東西再去下一個地點辦事。我人在鴻圖道，吃茶餐廳/飯堂又好似人太多，而且個人呈半飽狀態，心想都是找個地方輕食比較好，行下行下，來到觀塘廣場，看見地下大堂的車仔麵店，是我多次進來都未有光顧的傳奇名店，反正只想輕食，就來到《國泰美食》一試了。 本題目是說惡人。對的，首先我留意到，《國泰美食》的一位阿姨，每當客人在她面前猶疑，或點菜慢了點，或是在問三問四時，兇巴啦的態度就來了。尤其是有客人在排隊時，佢會立即兇人，叫人想好後再回來排隊。在排隊的我看得出，姨姨只是想 speed up 整個做車仔麵既流程。我在未排隊時已大概想好了，所以沒有被惡姨姨責備，我要了三個餸，豆卜，豬紅同鴨腎，再加上腩汁，造成了一碗最傳統，滿是所謂下欄野的車仔麵。 食車仔麵，愛食的，一定會揀油麵。吸滿了腩汁、湯汁的麵條，又爽又滑，而且入口帶甜。其他的配料，都同個湯汁夾得好好，味道濃

又係要醫肚時候！我知道近馬會附近有一間好好味嘅車仔麵！就係國泰美食喇首先講下我食果碗油麵加豬皮，蘿蔔本人覺得食車仔麵一定係要配油麵要辣，仲要腩汁...腩汁濃郁好味豬皮稍遜，炆得唔夠入味...又唔夠淋，還是爽口的！辣辣地好夠味, 蘿蔔超得！切得大大舊，已炆淋，好清甜..唔係落咗糖既甜，係鮮甜既甜，仲無渣，正！油麺索晒啲湯撈埋啲麻辣汁好夾商場路口位、環境衛生就一般！我次次去都要清潔左對筷子先！如果可以改善下就更好了。

呢間鋪頭好自助形式，首先去排隊買車仔麵先拎完麵再搵位叫左個河粉，牛肚，魚皮餃，雞翼，跟住我話要辣汁！如果無睇錯，好似筆左咖厘魚蛋個兜汁比我竟然係甘下次都係腩汁好D再加佢D辣椒醬，好好味就擺左係整完車仔麵個位，仲有蔥花！好味雞翼都幾入味，牛肚好多件，仲好正！魚皮餃係正常，好味果隻！佢比湯都算比得多，有時其他鋪真係加湯加到岩岩好個麵上面

一間老字號車仔麵店坐落官塘廣場地下層～店少少但好多人去～食飯時間一定要等位因為得幾張枱～仲要快D食完讓坐俾其他人～有好多車仔麵餸可以選擇～有豬紅、豬皮、魚蛋、鷄翼、鷄翼尖、蘿卜、豬頸肉、魚腐、牛孖根………2人行叫咗2碗油麵底～4個餸有豬紅、豬頸肉、魚腐、牛孖根～豬紅好入味又唔會“鞋”～豬頸肉薄片夠入味～魚腐夠大塊又彈牙～牛孖根汁濃軟熟～湯底唔算太深色夠味加辣汁仲正～比起其他車仔麵價錢偏貴但份量還可以～

這車仔麵店在觀塘算是出名，已經經營了多年，在歷史悠久的觀塘廣場地庫那層，也即是在馬會隔壁。每間食店都會以膠櫈顏色去辨別自己的範圍😂今次點了豬紅，煎魚餅及菜甫煎蛋。豬紅能做到"煙煙韌韌"的感覺👍煎魚餅算是大塊及厚身，很彈牙。菜甫蛋的確很多菜甫😂放在湯裡，吸收了湯底，一起食就真的是舐舐脷😋湯底相信是獨特調製的，有些甜甜的感覺，熱辣辣的，會一囗接一囗。可選擇辣或不辣，我選的是小辣，辣醬也是頗特別的，有點惹味。今次選了伊麵底，印象中其他車仔麵店未必有這選擇。店舖的餐牌。也有提供三文治及飯類，保証早午晚都有食物合你心意😂總括而言，價錢相宜，份量夠多，值得去食。另，午餐時會較多人，但請放心，取餐后姐姐會好積極幫你找位的👍👍

諗住快快地買粉番公司食,點知中伏!之前一直知尼間野又貴又唔好食，不過今次趕時間先會買!一埋到去個呀姐勁無禮貌...呼呼喝喝!!!無錯!!! 真係呼喝 (超不爽樣子): 都話麵先呀??!!!全程黑口黑面...似係唔想做生意  我明白.尼間野位置方便，多一個客咖多，生意唔憂做~幫你買野要受氣,真係無下次!再講食物...本身睇到個呀姐，畀腩汁做湯底以為好夠味~點知係味精個味，說好的腩汁淡到極點....滷蛋都係一樣,,,無味最勁係連D米粉都好硬，成碗野魚腐最正常...真係唔洗止意有下次..........

趕時間來快食一餐。點左烏冬+牛腩+牛筋+豬紅，牛腩好味 林又入味；牛筋好有嚼口；豬紅切到細細舊 ，無渣得來又爽口。想食滷蛋但無曬lu整體好味，但係食完好口渴，應該好多味精。下次應該唔再試啦

早幾日去買兩碗車仔麵外賣，佢用一個好細嘅膠袋裝兩碗麵，袋口又唔打結，佢一手找錢一手比個麵我，我放係佢前面張枱到，我收埋散銀，上面個碗麵自己就跌左落地，之後唔比過碗我，我話佢:你地個袋咁細點裝兩個麵呀，個袋又唔打結。個呀叔仲話三十年都係咁袋。搞到我仲要去買其他野食

咁既環境咁既質數咁既份量，再去都應該係儍既$45一碗車仔麵，一個粗面，3舊齋(難食)，4粒豬紅(正常)，4塊2cmx2cm豬皮(正常)，5粒1cm豬腸(好味)，貴到呢！痴左線，可樂7元環境熱，污糟，唔會再去x100000

習慣食車仔麵一定叫油麵碗麵既份量適中 叫左一麵三餸 三十幾蚊分別叫左九菜餃 魚腐 鹵水蛋 （腩汁底）九菜餃： 嗌麵果時已經見到佢係度包緊批新既 我個人偏向多九菜 超少豬肉做餡料 而佢就正正岩晒我心意 食落九菜帶爽口 確係帶啲驚喜魚腐：吾係順德魚腐 係平時打邊爐四四方方果種 正正常常 鹵水蛋：幾失望 無乜鹵水味 淨係食到豉油既咸味湯就正常 無話特別甜同咸 雖然叫做腩汁 但肉味欠奉但九菜餃確係值得一個好評整體： 5.5/10

今日有事嚟觀塘，唔係太肚餓唔想食飯，見呢間車仔麵排隊，於是就食呢度。去counter 揀嘢食，都幾多平時車仔麵冇嘅料喎，不過$6-10一款有少少貴，所以揀咗兩款，就係$8嘅煎魚餅同菜甫煎蛋，跟$12米粉同埋辣汁，配埋一罐$7 zero，一共$35。叫咗唔夠一分鐘就整好。攞咗麵去搵位，有八張圓枱，每張又幾張膠凳，但係都坐得幾滿。唯一冇人嘅一枱，枱面有兩碗食完嘢麵，仲有d 雞翼尖骨喺枱面，都幾核突，不過都唯有係咁坐。之後食咗一陣，阿姐就嚟清枱，仲好好禮貌。湯底：係味精湯加咗沙茶醬再加辣，簡單講就係cheap 嘢。煎魚餅：有手掌心咁大，剪成四件，彈牙香口，唔錯。菜甫煎蛋：仲大件過煎魚餅，內含大量菜甫碎粒，但係又有足夠嘅蛋去承托，仲要煎得啱啱好唔會太老，齋食偏鹹，但作為一個餸就啱啱好。米粉：正常無乜特別。總括嚟講，$28車仔麵唔算好平，但係有大大件特色餸，都值，可以encore。

呢度係排隊叫的, 要乜麵乜餸同亞姐講就得ga la~~跟住自已揾個位坐...其實點餸時我完全唔知價錢的, 諗住車仔麵都唔會太貴的, 坐低先見到原來有餐牌的, 而價錢都唔平的...我叫左油麵, 牛筋, 魚餅, 豬腸同雞腎, 全部都係我喜歡食的, 同都好好食呀! 樣樣都好入味, 好滋味呀!只係貴左dd~~4餸一麵加一盒檸檬茶盛惠$53蚊呀~

在觀塘上班己七年，發現這一檔車仔麵的歷史尤舊，但永遠都排長龍，我久不久也光觀一下，因為國泰的車仔麵品種很多，而我今天吃的是豬皮豬紅粗麵，加上楠汁和辣汁，自家製的粗麵很有口感，豬皮新鮮爽口，豬紅也很入味，再加上秘製的楠汁，真的吃到停不了口!

因為3點就要搭車去見客，無可能有時間食lunch，唯有2:40出去食個麵就搭車啦，因為間野近地鐵站，所以快既方法就係呢度食10蚊淨粉麵，再最少點2個送，價錢係6,8,10蚊一個2個6蚊加一個8蚊送，同埋10蚊麵，總數30蚊味道不會太濃，但不知為何感覺很油，湯汁好似同油混合了而在表面不擦覺甘或者係因為油麵的緣故豬紅不太差，但好碎，魚腐只是凍肉店的那種鳳簽都係凍肉店那種，但調味做得不錯，成碗野最好食就係鳳爪了不過....要快的話，一般都是沒有什麼可以選擇的

今次嚟到觀塘嘅國泰美食試車仔麵. 尼到d檯排哂係商場嘅公眾地方, 有小小似大排檔 我見到好多人都食緊, 於是就抱住試試無妨嘅心態入咗去尼到嘅車仔麵任你配搭, 配菜由兩款起, 即係最低消費係$22, 對坊間嘅車仔麵檔嚟講都較貴.我叫咗個雞翼魚腐粗麵, 二十四蚊, 點知原來係一個大伏首先講下佢d配菜. 魚腐幾甜幾有咬囗, 還算可以但雞翼就完全唔得, 醃得幾入味, 但就超細隻佢d粗麵先恐佈! 一d囗感都冇, 用料唔靚, 而且煮得太耐總括嚟講尼間車仔麵水準好低, 應該冇下次