影片
以上資料只供參考, 請與餐廳確認詳情
相關文章
今日咁啱好想打邊爐，經過呢間餐廳，見到佢話食滿$400有公仔送，咁就一於嚟試吓啦。雖然我哋嚟嘅時間只係六點幾，但係入面已經好多客人，大家上嚟亦記住book位或者早啲到啦。雖然好多客人，但係呢度嘅裝修好開揚闊落，就算多人都坐得好舒服。侍應好細心咁介紹話原來呢度嘅湯底係親自煲出嚟嘅，而且就算加水都係加真正嘅湯底，咁就一於試個雙拼啦。我哋就叫咗椰子雞湯拼冬陰功蝦湯，佢叫我哋未打邊爐前就要飲咗啲湯底先，因為好香甜。我自己就最欣賞呢個椰子雞湯底，佢真係同屋企煲出嚟嘅一樣。椰子非常清甜，而且飲落唔會太膩，越飲越開胃。朋友就話冬陰功蝦湯比較出色，因為佢比較鍾意食辣，酸酸辣辣咁又係好開胃。我哋見到好多台都有叫呢個海鮮寶盒，一開盒佢仲加咗唔少乾冰，有好多煙噴出嚟，非常適合打卡。而且入面仲有好多唔同種類嘅海鮮。我最欣賞嘅就係呢個生蠔，因為佢除咗好大隻之外，而且非常新鮮，淥一陣就食得啦，完全唔使點任何豉油醬汁，都食到佢海水嘅清甜。另外呢個手打蝦丸都非常出色，喺呢度自製嘅蝦丸。而且食落好多蝦，唔會好似好多麵粉嘅感覺，又係唔使點醬汁都好好食。因為朋友唔食牛肉，所以我哋就揀豚肉。平時我唔係特別鍾意食豬肉，但係呢個豚肉非常大塊，而且食落肉質好好，食落簡直可以媲美牛肉，非常推薦唔食牛嘅大家嚟試吓。甜品方面，我哋就叫咗呢個椰皇奶凍。佢嘅賣相非常好睇，估唔到食落唔會太甜，而且份量好多，食完奶凍之後，仲有好多椰子肉，簡直為呢個晚餐畫上一個完美嘅句號。
繼續閱讀
之前喺Airside分店食過午市，一直好想食埋晚市，星期四晚終於去咗沙田新城市幫襯啦🤩我哋叫咗節日歡樂二人聚餐 $688，可以揀單拼或雙拼鍋，當然揀雙拼好似抵啲😂 我哋揀咗椰奶雞湯鍋拼慢燉牛板腱清湯鍋，椰奶雞湯有濃郁嘅椰子香，配跟餐嘅泰式金邊粉，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰依個餐最正係有個海鮮金盒，裡面有鯇魚片，鮑魚仔，帶子，墨魚膠，蝦， 蠔，珊瑚蚌，全部都好新鮮肥美。肉方面可以揀日本黑豚肉或美國嚴選牛板腱，我哋揀咗牛板腱，好有咬口，肉味濃郁😍套餐仲有小食泰式手打蝦餅，外脆內軟，好有蝦味。跟餐+$38有一杯飲品，我哋叫咗泰式芒芒碌碌，好colorful, 好清新又解渴，芒果味仲好濃，好似飲緊楊枝金露咁；爆珠馬蹄椰子水，好清新解膩。最正係依間火鍋係加湯唔係加水，唔會愈溝愈淡，茶水同埋手工醬料費15蚊一位，已經包咗任食嘅泰國蝦片，真係好抵，全部侍應服務都好nice，講解又詳盡，環境又舒服，餐廳仲好貼心有供應圍裙同埋usb位可以叉電，值得一讚😍評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉翻兜指數：🩺🩺🩺🩺四面泰泰式火鍋沙田正街18-19號新城市廣場一期7樓708號舖📍沙田港鐵站A3出口5分鐘路程
繼續閱讀
泰式打邊爐我未試過，今次係上網見到好吸引一定要黎試下，呢度裝條好靚又大，又係商場入面超易揾😚用左泰式嘅湯底去煮海鮮同牛肉真係好正，同平時打邊爐真係完全吾同，超正嘅體驗😋🌟慢燉牛板腱清湯鍋入面有煮左嘅牛板腱同竹笙。味道十分新鮮！店內都有其他唔同嘅鍋底，例如鴛鴦湯底,秘制冬陰功椰奶雙併同招牌冬蔭功湯底，好多鍋底都有香茅同檸檬🍋盡顯泰國美食特色🌟牛板腱雪花十分靚，放入煲入面煮10秒就熟，一啖一片十分滿足😍🌟海鮮金盒啲海鮮又靚又大隻 其中有海蝦4隻🦐台山桶蠔2隻🦪爽脆皖魚4片，帶子2隻，鮮活鮑魚仔2隻，手打墨魚丸2粒等😍店家對食材處理好好，鮑魚洗得好乾淨，生蠔同鮑魚都有將殼分開👍店員十分nice同耐心去，會介紹每隻海鮮要煮幾耐🌟蝦餅用料十分足，入面有好多新鮮嘅蝦 再點埋d醬 蝦餅嘅味道更提升一個層次😍🌟金邊粉建議煮一分鐘就夠，配合個湯底一流👍👍👍🌟芒芒碌碌係芒果沙冰，甜度適中，芒果味十分濃郁🥭
繼續閱讀
平時經常去7樓食飯 知道洗手間距離四面泰比較遠 小朋友只有2歲幾 又係戒咗尿片嘅階段 有專門帶個水樽以防佢食食下飯要wee wee由於小朋友飲咗椰青水 不斷需要去洗手間 其中兩次佢話要poo poo 我已經直接帶去同層殘廁俾佢去(每次帶住小朋友行過去起碼5分鐘) 正常洗手間仲要落一層 起碼行10分鐘 小朋友中途一次wee wee 係水樽未嚟得切倒 飯後再次要wee wee 水樽因為太滿 我有叫小朋友stop 但佢太細控制唔到 停唔到落嚟 唔小心屙咗係地下 事後我哋已經非常抱歉一直講唔好意思 一直清理返座位同地上嘅尿 後面小朋友再次要poo poo我帶咗出去返嚟先知貴店店員一直黑面 拖地嘅時候非常晦氣地話: 忍唔到就同佢著片啦🙄 我阿姨已經同佢解釋咗 小朋友戒咗片 又飲咗好多椰青水 我哋始料不及先造成事故 而唔係故意為之 仲不斷同佢講抱歉 但店員依然黑面相對 甚至我係帶完小朋友返到四面泰 唔知呢件事嘅情況地下 依然同呢位店員講抱歉 店員先生你可以鬧我哋大人處理不妥當 我哋完全接受冇問題 但你嘅態度同埋去要求個小朋友嘅話語 我實在接受唔到 我同樣都係做餐飲業 亦係一位媽媽 我哋自己鋪頭一樣遇到過小朋友同樣嘅情況 我哋都唔會以呢種態度相對 而且報以理解 並同對方講唔緊要 小朋友呢個時候好正常 清潔返就可以了 希望貴店店員能夠多一分理解 你自己都係去商場洗手間 你都知道有幾遠 如果我哋係方便去嘅 一定唔會選擇俾小朋友用個樽wee wee 對於呢個事故 我哋再次非常抱歉對你哋店造成嘅不便 但你哋嘅態度 令我不會再想光顧!
繼續閱讀
雖然端午節啱啱過咗，但係見沙田新城市廣場7樓嘅四面泰仲有節日二人火鍋套餐❣️$688 提供鴛鴦湯底，有海鮮，肉，菜，炭燒手打蝦餅，仲有金邊粉… 呢個咁豐富嘅套餐，絕對適合放工唔想用腦嘅香港人😊😊▫️自選湯底包括秘製冬陰功鮮蝦鍋、椰奶雞湯鍋和慢燉牛板腱清湯鍋～ 唔執輸，梗係揀鴛鴦湯底😏 我們選擇了冬陰功鮮蝦鍋 x 椰奶雞湯，湯底香氣撲鼻，酸辣適中，蝦肉鮮甜；椰奶雞湯濃，椰香和雞肉味道相融合，十分美味▫️海鮮🦐金盒～份量十足，海鮮包括生蠔，鮮蝦，鮑魚，元貝，魚片等等！海鮮新鮮，鮮蝦過咗30分鐘依然生猛😆▫️美國嚴選牛🐮板腱～肉質鮮嫩，搭配不同湯底各有風味▫️炭烤泰式手打蝦🦐餅～外脆內嫩，風味獨特，令人聯想起泰國街頭的小食▫️套餐還提供了金邊粉兩份～吸附了湯底的精華，是與火鍋搭配的完美選擇整體而言，食品湯底配搭多樣化，展現了泰國料理的獨特風味。值得一試👍🏻👍🏻🌟食評指數：8/10💁🏻♀️人均消費～HKD400🗺️ 地址：四面泰泰式火鍋 (沙田)沙田沙田正街18-19號新城市廣場一期7樓708號舖👀想睇更多餐廳分享，請like & follow @_jolly.foodie_ 🤍#tstfood #tstjollyfoodie #JKHK
繼續閱讀