影片
以上資料只供參考, 請與餐廳確認詳情
相關文章
今日咁啱好想打邊爐，經過呢間餐廳，見到佢話食滿$400有公仔送，咁就一於嚟試吓啦。雖然我哋嚟嘅時間只係六點幾，但係入面已經好多客人，大家上嚟亦記住book位或者早啲到啦。雖然好多客人，但係呢度嘅裝修好開揚闊落，就算多人都坐得好舒服。侍應好細心咁介紹話原來呢度嘅湯底係親自煲出嚟嘅，而且就算加水都係加真正嘅湯底，咁就一於試個雙拼啦。我哋就叫咗椰子雞湯拼冬陰功蝦湯，佢叫我哋未打邊爐前就要飲咗啲湯底先，因為好香甜。我自己就最欣賞呢個椰子雞湯底，佢真係同屋企煲出嚟嘅一樣。椰子非常清甜，而且飲落唔會太膩，越飲越開胃。朋友就話冬陰功蝦湯比較出色，因為佢比較鍾意食辣，酸酸辣辣咁又係好開胃。我哋見到好多台都有叫呢個海鮮寶盒，一開盒佢仲加咗唔少乾冰，有好多煙噴出嚟，非常適合打卡。而且入面仲有好多唔同種類嘅海鮮。我最欣賞嘅就係呢個生蠔，因為佢除咗好大隻之外，而且非常新鮮，淥一陣就食得啦，完全唔使點任何豉油醬汁，都食到佢海水嘅清甜。另外呢個手打蝦丸都非常出色，喺呢度自製嘅蝦丸。而且食落好多蝦，唔會好似好多麵粉嘅感覺，又係唔使點醬汁都好好食。因為朋友唔食牛肉，所以我哋就揀豚肉。平時我唔係特別鍾意食豬肉，但係呢個豚肉非常大塊，而且食落肉質好好，食落簡直可以媲美牛肉，非常推薦唔食牛嘅大家嚟試吓。甜品方面，我哋就叫咗呢個椰皇奶凍。佢嘅賣相非常好睇，估唔到食落唔會太甜，而且份量好多，食完奶凍之後，仲有好多椰子肉，簡直為呢個晚餐畫上一個完美嘅句號。
繼續閱讀
📍 四面泰 | 香港品賞泰國火鍋天堂 🥥🔥同老婆再嚟沙田 四面泰 ，真心係泰式火鍋嘅天花板！🥳 餐廳環境舒適，燈光暖暖哋，超適合情侶約會，影相打卡一流！📸 點咗佢哋嘅 秘製冬陰功 同 椰奶雙拼湯底，一辣一甜，簡直係味蕾嘅party！冬陰功酸辣開胃，椰奶湯底香濃順滑，兩款都超正！🥣招牌 海鮮金盒 真心誇張，入面有鮑魚、帶子、鮮蝦、珊瑚蚌同生蠔，件件新鮮到爆，食落鮮甜無敵！🦪 美國嚴選牛板腱 入口嫩滑，油花均勻，沾啲特製辣醬，辣得過癮又唔會蓋過牛味，絕對係肉控必試！🐄 仲有 泰式手打蝦餅，彈牙到飛起，外脆內juicy，配上甜酸醬，停唔下來！😍 泰國金邊粉 吸晒湯底精華，滑溜溜又夠味，完美！全晚最驚喜係 青提蜂蜜椰冰！呢個刨冰真心係全港Top 1！刨冰細滑，青提清新多肉，蜂蜜同椰香混搭出無可匹敵味道，甜而不膩，夏天食簡直係無敵嘅甜品！🍧 服務員好親切，仲幫我哋推介咗唔同湯底配搭，感覺好貼心～質素同份量黎講真心抵！同老婆食得開心又滿足😋 想食正宗泰國風味嘅朋友，記得bookmark呢間！💚#四面泰 #沙田美食 #泰國火鍋 #冬陰功 #海鮮控 #刨冰控 #HKfoodie #約會美食
繼續閱讀
🍽️ 四面泰泰式火鍋 (沙田)夏日熱辣辣好想食啲酸酸辣辣嘅嘢🍋🟩🌶️🇹🇭泰餐就最適合不過了 同朋友仔啱啱好兩個人就可以叫呢個「節日歡樂二人聚」👭🏻 份量剛剛好 食到捧住肚走✨「節日歡樂二人聚」 💰764秘製冬陰功鮮蝦鍋（可自選湯底）味道酸酸辣辣 香料味十足 但唔會過酸 勁惹味而且湯底勁足料 有蝦有蕃茄 鮮味十足食材吸曬冬陰功湯嘅精華 火鍋前可以先飲一碗 正到呢‼️海鮮金盒二人份量有六款新鮮海鮮🦐鮮脆珊瑚蚌、手打墨魚丸、爽脆鯇魚、扇貝、鮑魚仔、海蝦海鮮全部都好新鮮 味道鮮甜用個寶盒裝住仙氣滿滿 打卡一流睇得又食得👍🏻美國嚴選牛板腱牛肉肥瘦相間 重牛味 一啲都唔韌🐂泰國金邊粉送到嚟見到平平無奇 但其實好好食🫣特別係用冬陰功湯底煮 索曬啲湯汁 酸酸辣辣娃娃菜🥬擺盤勁靚靚🌼泰式手打蝦餅（一份2件）炸到金黃金黃 好吸引🤩而且好香口 配上青檸片味道 又可以食多五件‼️重點粒粒蝦肉 唔係蝦肉泥 質地有咬口泰式芒芒碌碌 💰42飲得嘅楊枝甘露 有芒果同椰奶 都幾好飲 可以解下辣🌶️鮮芒芝士奶蓋 💰42香甜鮮榨芒果汁配鹹奶蓋 推薦‼️唔係打爛曬 仲有芒果肉碎 口感十足+加購甜品🍧多肉龍眼蜂蜜椰冰 💰118 份量超足大大份 最愛刨冰係椰奶冰底🥥配上味道清甜 粒粒飽滿的龍眼 仲要冇核😗中間餡料仲有椰果同龍眼肉碎✨建議可以唔使淋咁多蜂蜜 因為本身龍眼夠曬清甜～‼️每日限量發售‼️可以落定先 食完就上得見到每一枱都有叫 因為真係勁足料 勁上鏡📸佢哋一嚟就會送上蝦片🦐 仲要任食蝦味重 脆卜卜 食多幾塊即刻覺得抵返曬😂*注意會有醬料及茶水費$15一坐低店員就會介紹醬料配搭勁貼心💗🍋🟩青檸汁 海鮮🌶️椒麻豉油 百搭🌶️泰式酸辣醬 肉類味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤎🤍🍽️ 四面泰泰式火鍋 (沙田)📍 沙田沙田正街18-19號新城市廣場一期7樓708號舖
繼續閱讀
同朋友好想食泰式火鍋🥘，所以緊係去位於新城市既四面泰食，佢個湯底真係無得輸👍，店員會不斷refill 相應既湯底🔁，所以湯底味道不會變淡！椰奶冬陰功雙拼鍋濃郁又開胃😋，椰奶唔會蓋過香料味，反而令湯底更加滑口。節日歡樂二人聚餐入面，海鮮金盒🦐🦪海鮮新鮮，每種都好鮮甜，🐮美國牛板腱肉紋好靚✨，肉質夠厚身，淥一淥就啱食，配埋娃娃菜🥬好清新平衡⚖️。蝦餅都唔係嗰啲冰咗再炸嘅，手打口感彈牙，正！金邊粉吸晒湯汁🥢，食落爽滑又有味道😋。醬料茶水費包咗蝦片任食，呢個設計好正💡！最後嗰杯芒果椰冰🥭🥥🧊真係畫龍點睛，香甜冰涼🌀，解膩一流！四面泰火鍋真係好有泰國風味🌴，值得一試✔️！
繼續閱讀
去咗四面泰一間超正嘅泰式火鍋$688二人餐真心抵食又豐富💥由湯底到海鮮、主食、甜品，樣樣都驚喜✨🔥節日歡樂二人聚餐$688🔥自選湯底🍲可以單拼/雙拼，我揀咗秘製冬陰功鮮蝦鍋同椰奶雞湯鍋🥥酸辣、甜香並全，冬陰功鍋越滾越惹味，湯汁酸辣鮮甜，用上新鮮蝦煮成，充滿泰式風味。椰奶雞湯，用老雞煲6小時，再加入椰子肉、椰子水同椰奶，味道香濃，雞腿肉滾完依然嫩滑🐥 🐔🥥🦐海鮮金盒二人份量🐚(鮮活帶子、海蝦4隻、台山桶蠔、爽脆皖魚、鮮脆珊瑚蚌、鮮活鮑魚仔、手打墨魚丸)海鮮金盒上枱好有氣派，一打開有仙氣🤣整體都好新鮮，帶子夠晒大隻，味道鮮甜；海蝦爽口彈牙，蝦肉結實；台山桶蠔脹卜卜好肥美，入口即化，充滿海洋嘅鮮味；珊瑚蚌口感爽脆。泰廚嚴選肉品（二選一）日本黑豚肉/ 美國嚴選牛板腱🥩我哋揀咗美國嚴選牛板腱，油花分佈平均，涮幾秒就食得，配冬陰功湯底同椰奶雞湯都好夾！田園時蔬（二選一）唐生菜/娃娃菜街頭炭烤 - 泰式手打蝦餅🦐外層炸得金黃酥脆，入面蝦肉彈牙，真係有粒粒鮮蝦肉，點泰式醬汁更有風味。美味主食 - 金邊粉兩份🍜金邊粉好滑溜，吸晒湯底嘅味道🥹我哋兩邊湯都試左，份量夠多，食完好夠飽。甜品 - 多肉龍眼蜂蜜椰冰🥥🍧甜品額外叫左個甜品，椰奶冰清新解渴，包住好多龍眼肉，配上蜂蜜，甜而不膩，仲有粒粒椰果，增添口感。食完火鍋再食呢個甜品真係大滿足😍
繼續閱讀
您可能會有興趣的...