四眼仔腸粉

營業中

休息中

又是老婆以前工作時的回憶小店, 這家在粉嶺開了二十多年的小食店, 無論任何時間都維持着一條長長的人龍, 等候着它的蒸類小食, 並不是什麼驚為天人的菜式, 就是從前小時候一定接觸過的小食: 腸粉, 燒賣, 牛肉球, 粉果……首先有穩定的人流, 就不會難食到那裏, 因為店家會不斷製造新的小食, 做完即蒸即點即食, 夠熱燙又怎會難吃呢!由四五元四條, 現在變成八元四條, 又是通貨膨脹的結果, 和另一腸粉名店合益泰比較, 米奇香差不多, 口感更加順滑但豉油少了鹹香, 整體來說不錯. 其他小食最深刻的是墨魚丸和陳皮魚蛋, 前幾者有墨魚粒的口感, 後者有陳皮甘香, 真的可說名副其實. 無論如何, 滿足老婆的回憶味道, 這比當中的美食更重要.My wife has tried the rice roll of this shop at Fanling when she worked many years ago there. The cost has increased a lot but luckily the flavour and texture are dull as good as bef

之前介紹過上水名物明記腸粉 好多朋友仔都話粉嶺四眼仔腸粉都好食 最近安排咗單車一日遊🚴終於試到.今次星期日2點去到 前面大概排咗5個人店面細細 不設堂食姐姐都係有人落單就係蒸爐拎出4條黎去貨快 溫度都保持得好好.⭐️腸粉 ($8/4條)👍腸粉小小硬身得黎口感滑溜 呢度同明記唔同 唔係自由卙落完單直接同姐姐講要咩醬就可以相比之下我會鐘意隨時自由卙多啲咁我就可以喪落麻醬同芝麻🤩👍甜醬麻醬杰度適中 👍姐姐落咗好多醬 食到最後一條仲有大量甜醬.#四眼仔腸粉 (粉嶺)地址：粉嶺和隆街40B號地下.⭐️評分：味道：4/5環境：2/5 (街坊小店)服務：-/5 (上網好多人話外賣姐姐惡 我又唔覺)抵食：3.5/5.#hkfunfoodrecord窮遊香港#hkfunfoodrecord_粉嶺..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#粉嶺美食 #小食 #小食店 #腸粉

呢間腸粉店成日排長龍又真係抵佢嘅，因為佢嘅腸粉同埋魚蛋味道真係幾好。雖然都係啲簡單嘢，將啲腸粉蒸返熱佢同埋蒸熱啲陳皮魚蛋，但係就成日引到好多人專程嚟食，我就係其中一個。多麻醬多芝麻係我對混醬嘅要求，一份腸粉加一份魚蛋合共$12 ，咁低嘅價錢相對高嘅質素，喺邊度仲搵得到呢？

幫襯四眼仔咁多年，身為佢腸粉支持者，近年越來越失望，除了咖喱質素唔稳定，仲要受佢啲女員工呼呼喝喝，唉！估唔到今時今日仲有咁既服務態度。好彩，粉嶺呢幾年多咗好多好餐廳，佢再不是唯一選擇。

由細吃到大既香港小食 四眼仔腸粉 腸粉夠熱又夠煙韌 口感岩岩好 雖然無左豬皮 但加埋魚彈燒賣 20蚊有找 大大碟食餐飽 加醬方面 記得千奇唔好話咩都要 如果唔係個腸粉面會好多辣醬 下之後要咩醬都要 走辣多麻醬 唔知有無芝麻加

四眼仔腸粉🤘🏻粉嶺聯和墟抵食指數9/10好味指數7/10推薦程度8/10👍🏻👍🏻👍🏻👍🏻👍🏻👍🏻👍🏻今次試左腸粉魚蛋燒賣三寶。腸粉食落去好夠滑，而我覺得切出嚟嘅長度係好重要😹太短 會散曬，太長 好似食撈粉咁(好似某啲周街都係嘅腸粉鋪咁😏)而四眼仔係做到果種適量嘅質感🤭魚蛋燒賣方面，咁多年都仲係用緊嗰啲來貨，質量Keep得到。今時今日仲肯用果皮魚蛋既小食店唔多，咬落去真係有浸果皮味攻上黎 優秀！👍🏻 個人認為普通魚蛋比咖喱魚蛋更好食，咖喱魚蛋咖喱一pat pat蓋過晒其他味道。燒賣就比較普通，但冇話蒸到過火林曬。普通嘅食物，令佢昇華嘅原因就係佢隻醬。✨個豉油係由老闆佢哋較過先拎出嚟，係好Match腸粉既！（建議加埋芝麻仲好食）成間舖有嘅選擇唔多，除咗外賣嘅腸粉燒賣魚蛋之外，都仲有牛肉球、墨魚丸同埋粉果比我地揀。💸💸💸腸粉 $8蚊 4條魚蛋 $4蚊 7粒燒賣 $4蚊 4粒總結老實講😂食左廿年 佢已經冇以前咁平不過小食黎講 佢都仲係好平味道方面，始終食咗咁多年，係覺得比以前失色咗啲，但仍然值得推介一試。佢亦唔係令你咬落去會話哇一聲嘅料理😹但質素係有係到既，黎粉嶺食野 個肚要留個位比佢既。🤭🤭

尼間腸粉店係由細幫襯到大嘅 佢嘅價錢咁多年都唔係加左好多 仲係reasonable 良心小店 去到有三樣嘢係必叫：腸粉、咖喱魚蛋、燒賣，魚蛋一定要叫辣嘅！（唔食得辣嘅朋友仔另計啦）本身如果就咁樣得d腸粉其實係好普通，但係d精髓就係d醬到，我通常係叫去比曬甜辣同花生醬，辣醬可以唔要但其他兩隻一定要落🥴然後魚蛋係辣嘅話更加香！至於燒賣其實都係普通嘅魚肉燒賣 但係尼個組合我覺得係最經濟實惠又好快食到飽嘅，想試新嘢嘅話建議可以叫埋牛肉！好結實唔會霖bebe 幾好食！

今日同男朋友入粉嶺，網上見好多人話聯和墟好多好野食，我緊要bookmark 定一啲想食既店啦，呢間四眼仔腸粉就係其中一間🤓呢間小食店出名平同好食，因為我地真係唔熟粉嶺，但我地開住google map 都好易搵，可能係因為weekday 冇乜人排隊，我一見到個menu 已經大為震驚😱😱 點解？ 因為宜家真係冇乜邊到賣緊$4/7粒魚蛋😱😱😱 仲要係買少見少既陳皮魚蛋😻😻😻因為我地當時好飽，所以叫左魚蛋，燒賣同腸粉外賣，因為疫情關係舖頭唔比堂食，我地又唔想周街除口罩，所以唯有拎返屋企食（留意返，我地住九龍，要搭成個鐘車先返到）🫣any 肥，我地返到屋企，個肚冇咁飽，嗱嗱臨試食😋陳皮魚蛋不負眾望，係小時候既味道，燒賣唔會係好淋果隻，都幾有咬口😙 腸粉$8有4條真係算好多。如果我係住附近，我會成日幫襯，尤其是糧尾😂😂😂不過買野果時有個小插曲，就係比錢時我地比左個$10 硬幣係有少少污跡，而我地本身係唔知道既，點知呀姐拒收仲要加多句：呢個我找比客佢都唔要啦！ 之後我比張$10 紙佢，但佢個態度已經係變差，成袋野食少少大力咁放落枱，令人感到負氣！

一講粉嶺好多人都會諗到聯和墟💈一講聯和墟好多人都會諗到雞髀包🍗🍞但我今次要講既歷史悠久 • 價錢勁抵既街頭小食🤑燒賣 · 魚蛋 · 腸粉......🧆~•~•~•~•~•~•~•~•~•~•~•~•~•~•~•~•~•~•~• 我買依袋𝟒樣野都係$𝟏𝟖.𝟓🙆🏻‍♀️$𝟐𝟎有找，係$𝟐𝟎有找呀，係$𝟐𝟎有找呀😱.我買左💁🏻‍♀️▪腸粉 • 4條 ($8)▪魚蛋 • 7粒 ($4)▪牛肉球 ($3.5/粒)▪墨魚丸 • 2粒 ($3).魚蛋有得揀🤎咖哩味🤎哩味(記得嗌既時候要同姐姐講明🙇🏻‍♀️💁🏻‍♀️)腸粉都幾滑🧏🏻‍♀️，不過對我黎講食腸粉最重點係......個醬呀🤭大家鍾意加咩醬或者有咩醬一定唔加？🧐我呢就......小孩👧🏻先需要選擇，所以我全部(醬)都要🤤(不過同大王🤴🏻𝐒𝐡𝐚𝐫𝐞，所以走左芝麻😮‍💨)醬汁份量足夠，唔會開到稀𝐍𝐞𝐥𝐍𝐞𝐥😝.雖然店舖🍽只有𝟔款野食，但夠滿足到車仔檔童年回憶種感覺🥰除左我食左既𝟒款，仲有粉果($3.5/個) & 魚肉燒賣($4/4粒)最鍾意就係每款粒數唔會好多💕岩晒我選擇困難症成日揀唔到， 但又乜都想食𝟐啖既死港女💃🏻.~•~•~•~•~•~•~•~•~

香港人最愛美食之二︰魚蛋同腸粉，簡簡單單的兩樣食物，造就這一家長期排隊的名店。其實好奇怪，呢間野賣的食品都不是自家製而係出面交貨來，不過味道就真係幾好食，可能係溫度，可能係處理手法，總之呢一間就係人見人愛的小店。腸粉好滑兼有彈性，魚蛋就係細細粒的陳皮魚蛋，混醬就梗係必需啦，撈埋一碟就成為人間美食。

四眼仔由細個讀書食到大，耐唔耐都專登搭車過嚟食，基本上食親都要排隊，價錢咁多年嚟都夠晒親民，買十幾廿蚊已經大大包飽死🤣🤣腸粉加咗價變咗$8 4條，對上次食係$7 4條，不過加完都平過出面個d 又貴又唔好食。燒賣$4有4粒，魚蛋$4有7粒，墨魚丸$3有2粒，基本上我淨係配呢3款。另外牛肉球呀，粉果個d 就冇食過喇。今日叫咗$4燒賣，$3墨魚丸同$8腸粉，咁樣都係$15 咋大佬，佢d 腸粉夠滑，燒賣唔會淋晒一pat 野咁，墨魚丸夠彈牙。正，飽晒😆

腸粉🙃$8/4條燒賣😎$4/4粒咖喱魚蛋🍡$4/7粒無乜幾何入去粉嶺聯和墟🤣當然要試吓當區名物😆見到好多人介紹食呢間🤓去到已經見到好多人排隊😏好彩唔算排好耐😇餐牌款式唔算多😆見個個都係叫腸粉、燒賣同魚蛋😁我都係每樣叫咗一份🥸由於無堂食，結果響附近公園消滅佢😜腸粉唔錯，燒賣幾好食👍咖喱魚蛋就真係一般般😬整體都OK，勝在夠平同抵食😝四眼仔腸粉 (粉嶺)粉嶺和隆街40B號地下

腸粉、魚蛋加燒賣，簡簡單單又一餐，不過此店的腸粉真的很滑，難怪常常有很多客人支持。魚蛋是陳皮魚蛋，很好吃。可惜燒賣只屬一般，下次光顧只吃腸粉和魚蛋已經非常滿足。

這間小店喺聯和墟 都屹立咗好多年專賣腸粉魚蛋燒賣小食 腸粉：滑滑的 唔粉口唔會條條黐住黐住咁留意已經加咗價 $8/4條之前係$7/4條 都係加咗一蚊人之常情 佢好耐都冇加價陳皮魚蛋：真係買少見少一口一粒 粒粒都彈牙細細個 係啲公屋附近巴士落車總會有好幾個車仔檔 買魚蛋腸仔市面而家好多魚蛋 大大粒 $7/10粒好似好抵食 但係好粉四眼仔都係買$4/7粒性價比好高醬油：係你同佢講要咩佢落比你 唔係任你加如果本身好鍾意麻醬的話佢比你嘅份量一定唔夠同埋我覺得佢哋啲麻醬 開稀咗麻醬味唔重 所以重口味嘅你要留意啦

晨早收工之後突然間想食腸粉, 諗起聯和墟有喲叫四眼仔腸粉…出哂名平靚正, 於是就去排隊。 一早去到已經有好多人排隊 ， 但我都冇擔心過冇腸粉賣, 20蚊有找已經有腸粉燒賣魚蛋, 仲要大大份.. 先講魚蓉燒賣, 咬落去吾會太粉, 而且好Q , 再加上醬汁既加持… 一粒普通嘅燒賣即刻好食十倍。魚蛋方面就一般般…冇咩特別, 唔覺特別有魚味 , 覺得醬汁還醬汁, 魚蛋還魚蛋。 至於主菜 - 腸粉, 基本上都係以價錢取勝, 廿蚊就可以食到飽飽…仲想點…希望呢個兒時回憶能一直保存。