四川風味小吃

營業中

休息中

看到招牌已經嘩然然，想不到涼拌粉可以有這麼多種，實在很多元化。有薯粉，涼皮，涼麵，涼粉，酸辣粉五種，本來夏天沒有什麼食慾，因為天氣太熱，看見餐牌馬上精神為之一陣，選擇之多讓人眼花繚亂，心花怒放，精神為之一振。選了薯粉，看見已經很開胃，晶瑩剔透，沾著滿滿醬汁，sh一聲滑入口中，煙煙韌韌，每條薯粉都包覆著香香辣辣的醬汁，吃完透心涼，太好吃了。26元，餸另外收費，價錢不算貴，算是挺合理的。我點了木耳，才8元，很合理，爽口不韌好吃

今日我喺太安樓買咗個酸辣粉係加呢個魚皮同埋萵筍，返到屋企發覺淨係得啲酸辣粉啲餸冇曬！都唔知係咪特登嘅！用八達通佢就話冇我話啱啱睇住其人用完八達通佢至死死地氣攞個八達通機出嚟嘟！唔想做生意咪算囉買咗兜酸辣粉加兩個餸55蚊結果啲餸冇曬!下次都唔會幫襯呢間嘢！

夏天冇乜胃口 想食啲凍嘢 💦💦行入太安樓見到呢間有得食涼拌😍😍😍揀咗涼拌薯粉 $28 👍🏻👍🏻份量足夠一個女生食佢仲有加配唔同食材 都係以麻辣為主 🌶️🌶️我加咗雞絲🐔$10 佢係薯粉同雞絲撈埋一齊令雞絲都有麻辣味👍🏻👍🏻👍🏻亦可自由選擇辣度🌶️ (BB辣/小辣/中辣/大辣)本身諗住小辣🌶️唔太辣 點知後勁凌厲🥵🥵🥵如果唔太食得辣，可以叫BB辣配料好特別 除咗花生之外仲有一種炸豆 味道好似蠶豆🤤🤤🤤

🇭🇰四川風味小吃·四川涼皮$28 l 麻辣魚皮$15呢間我之前食過覺得幾好食 所以個日想食涼皮就決定買一碗😎佢呢間個涼皮好滑 而且調味都好好 辣得黎好惹味 唔會淨係死辣 不過呢間既配料就比較貴 雖然佢份量好多 但係我會寧願佢平啲 咁我可以嗌多幾款 無咁單調😈😂😂佢個麻辣魚皮質感好好 好彈牙 不過呢個就真係太辣啦 上面好多辣椒籽 食到超辣 所以我最後要過水先食到🫢🫢·📍筲箕灣筲箕灣道57-87號太安樓地下A37A號舖·#rbyeat#rby西灣河#rby港式

今天晚上去了買涼皮食，加了好多配料，製作過程中，姐姐突然間夾了一片涼皮去房入面，出來時筷子涼皮已消失，並且嘴部隔著口罩都見到有明顯咀嚼動作。心裡非常忐忑，到底係覺得加調味料時有問題定涼皮質素有問題，問了姐姐是否有問題，佢表示冇，之後用我聽唔明既方言同佢拍檔溝通。我最後選擇俾錢買走左盒野，因為都見到整好左，而且係港島區想食到咁既口味都比較少。但心入面好多疑惑，食既時候亦很不安。雖然眼不見為淨，但係現在見唔到佢係咪直接用筷子食，令我非常之感覺差…..

今日因為打風既關係 好多食肆無開見到四川風味有開 所以揀左食酸辣粉今次食bb辣酸辣粉配雞腎 最初以為係涼拌 點知原來係有熱湯浸住打風涼浸浸 食返啲嘢暖下個胃好舒服雞腎係另上 份量都好多個湯底比較多油 不過都好好食😋

一直都好中意食呢間既涼皮，但次次都要過九龍先買到，依家終於港島都有分店啦！ 雖然太安樓距離屋企都係唔近。。 不過好過冇，希望將來灣仔上環個邊都會有分店我每次都係食死一味手工涼皮，今次轉一轉，食涼伴薯粉，基本上都係一樣味道，都係個d 汁料，我習慣係叫BB 辣多蒜水，重口味呀正。。平時油麻地分店叫BB 辣都幾辣下 (我食唔到好辣），呢度BB 辣係真BB 辣, 叫薯粉有個好處係拎到返屋企隔左兩個鐘先食都唔會林哂，薯粉都仲係彈牙，如果即刻食的話可以叫返涼皮都得