四寶食堂 (已搬遷)

入到天后嘅四寶食堂，第一印象就係貼心滿分👍！試咗「滑蛋叉燒飯」，蛋真係滑到流水，翻炒得啱啱好，個叉燒甘香唔肥膩，仲帶啲焦香邊邊，食落香甜得滯！飯粒分明，唔會黐笠笠，吸滿咗蛋汁叉燒味😋。而家講吓d飲品，凍奶茶攪得平衡得黎，甜度剛好，茶味夠胆，飲一啖好提神！餐廳環境潔淨，服務又親切，下次見到朋友就推介佢地嚟呢度。香港咁多食堂，四寶食堂嘅好，係尋常唔易覓。喂，你地又唔好得閒就嚟試下啦！🍚🍳🥤…查看更多

食物 : 滑蛋叉燒飯，豬排飯賣相 : 8/10 ，以冰室黎講賣相算好好味道 :8/10，味道不錯，而且份量相當多，尤 其係豬扒飯😋😋環境: 7/10，始終係lunch time ，排隊人龍比 較多價錢 : hkd 46/ 人性價比 : 8/10 …查看更多

Lunch time 諗唔到食咩嘅時候， 去四寶飯堂食飯一定無死又滿足。環境D間分店唔大， 連埋Bar檯位置，大約坐到30幾個個人。午飯時候，通常都要等位。今日4個人去，等左6分鐘度就可以入座。服務由於午飯時候比較繁忙，服務員排隊時回應幫我哋落單。 入咗之後唔夠兩分鐘食物已經到齊，非常快手。 留意，有個姐姐比較惡同無禮貌，同埋要齊人先入得食物我最鍾意食佢既叉燒滑蛋飯，食得太多次，所以 今次叫咗雞扒撈麵餐配 奶油豬同 炒滑蛋- 雞扒大件又嫩滑， 炒蛋生熟程度炒得剛剛好- 蔥油撈麵好香，大量蔥- 份量好足，食完要抱住個肚走價錢50蚊一個餐，包一杯飲品咁既價錢，份量同質素，值得番食再番食…查看更多

茶餐廳裝潢充滿工業風，玻璃窗外擺放多個盆栽，令茶餐廳格局變得清新。食物方面，茶餐廳提供早餐、午餐及下午茶。沙嗲牛肉麵，沙嗲醬濃稠、帶有花生粒，滋味。招牌作是蔥油撈麵及麻辣撈麵，蔥油汁和麻辣汁自家製，麵食更附送奶油豬仔包、炒蛋及熱飲，十分划算。輕盈來老餐，魚柳非常香脆而且好大份，而且仲有沙律菜，沙律菜新鮮翠綠，茄汁豆太陽蛋同火腿，仲有一份非常厚嘅牛油多士，非常美味。…查看更多

係砲台山呢頭附近，原來有兩間四寶食堂。兩間食啲野都有啲唔同，今次就講左呢間先。呢間啲裝修好工業風，好似平時入廠廈啲餐廳咁。星期六既午巿唔算多人，幾啱我舒舒服食一餐😘😘😘睇其他食評都係推介呢個滑蛋叉燒飯，一於試一試！上到枱見到又幾靚仔，滑蛋剛剛好仲留有少少蛋汁👍🏻。叉燒本身都香口又淋身，仲有少少甜鼓油俾我撈飯，我都忍唔到食哂。不過飲品我叫左凍齋啡，飲落好淡無乜咖啡味。原本諗住俾我醒下神，應該唔係幾得了。…查看更多

午餐冇時間食，所以下午茶要食豐富啲補番數！次次都食雞脾，今次就試下個部隊鍋。辛辣麵本身都好難煮得難食，加埋煎蛋、餐肉同火腿，辣得好剌激。不過略嫌三樣材料都煎得吾夠燶，吾夠香口。…查看更多

環境幾迫下，而且基本上一個人去一定要搭檯，因為餐廳太細，仲要係迫係同一張唔係好夠位嘅檯，食野黎講我最怕去呢種餐廳，隔離位稍為傾過黎已經食得唔舒服。環境窄、唔好坐對間餐廳黎講幾致命，因為香港人居住環境已經細，食野個種想闊落啲係正常嘅。試食當日嗌嘅下午茶餐等左三個字，仲話係即炸豬排，但食落唔脆唔香口，等三四個字完全唔值。 🍞食物方面🍞【雜綿蛋包飯】當日賣哂招牌蛋包飯，試下雜綿，味道唔錯，上面嘅蝦有點綴到。【炸豬排肉醬意粉+炸豬仔包】炸豬排劣，淨係覺得食緊炸粉，唔香，仲要唔係好脆。肉醬意粉普通，但我食左一兩啖肉醬已經唔想食。炸豬仔包稍為好啲，起碼食落脆嘅。…查看更多

話說今日午餐四人尼呢間食豬扒飯，尼過都知排半個鐘食四個字時間，D伙記仲好望住你食同好快收野，令你快D走回枱。是咁的，我地排咗35分鐘，差不多到我地就會落定單，點知落完等入時，有張四人枱走，佢為咗做多一個午餐，竟然叫後後面五人入先，話嗰張可以四加一，要我地等多陣等四人嗰張，其實佢地迫人食快走快嘅手法，雖然唔好，但起碼公平，但為咗賣多一個餐要我地再等真係幾過份，所以我地黑名單咗佢，仲會叫同事唔好去添！😡😡😡😡😡😡😡😡…查看更多

成日都想去半島但成日都要等位，自從有次唔想等位而去左四寶後，我成為左佢的粉絲。今日順路去左食午餐，入去都未諗到食咩，但見入面枱枱都食緊2樣野。一係蔥油豬扒飯，一係就叉燒滑蛋飯，見到咁的情況已經唔諗啦，叫左蔥油豬扒飯。普通的豬扒飯要索價$50，可能你會覺得貴。但當四寶俾到足料的飯俾你，你就會覺得物有所值。豬扒有成吋厚，而且係有肉汁的，好明顯係有心機咁煎而唔係九炸。 加上蔥油唔係死咸死油，好有蔥的香味，送飯一流。當出面$4X都係俾緊D 垃圾你食的時候，依度俾同樣的價錢而有相對應的料，應該要大力支持!!!!P.S. 成日去食佢個早餐，見到佢的雞扒係手拳咁大同好厚身，食完一餐可以飽到午餐都唔駛食~~~…查看更多

星期六，森仔都要反工😭😭😭果日仲要落好大雨，令我lunch time都唔多想出去食。所以，我地就叫左外賣！而公司附近好多餐廳都因為大雨而唔送，或者要等成一個鐘。因此最後只好會叫最近餐廳-四寶茶餐廳既外賣自取。一去到，外賣已經準備好。同埋，佢既職員亦幾風趣幽默同有禮貌，讚！講反食物質素。餐廳的款式不算好多。所以我地都選左d熱賣推介，包括叉燒炒滑蛋飯和香蔥豬扒蛋火腿飯！叉燒炒滑蛋飯：e個滑蛋炒得好出色，好滑，好好食！而佢既叉燒亦用左d半肥叉燒，食落口不會再硬，反之滿有口感！令到森仔我食唔停口，真係好好味。香蔥豬扒蛋火腿飯：e個香蔥豬扒亦都好好食，香蔥味好濃，但唔係咸果種，係香同撈落飯到好夾。豬扒亦係厚切的，咬落有口感外，豬味道亦好濃，沒有外間用好多鬆肉粉的味同口感。而蛋剪到有流心，食落真係好鬼正！100分！價錢方面，e2個都係48蚊，好抵食。而冷熱飲亦係同價👍🏼👍🏼👍🏼正😆😆😆，份量都算夠，而性價比都幾高下！…查看更多

開正係炮台山知名度極高嘅「半島」側邊 人流依然勁多！午餐時段嘅餐牌每日不盡相同不過最吸引我嘅都係佢地嘅特色焗薯餐($40)有3款口味焗薯選擇 1. 芝士肉醬2. 吞拿魚沙律3. 雞蛋沙律配菜方面就有1. 南瓜薯餅2. 炸蟹鉗3. 黑松露薯條4. 春卷咖哩角焗薯係炮台山唔係度度都有而今次就點左芝士肉醬焗薯配黑松露薯條薯 薯 薯 全部都係薯 非常之飽肚焗薯方面 醬汁略嫌未夠多（不過我係個好醬之人 同事就覺得剛剛好）黑松露薯條香氣濃郁 嗌左其他午餐嘅同事成日都忍唔住偷我兩三條食～…查看更多

午市時間, 去睇openoffice 前, 來到半島冰室後面的四寶食堂, 聽聞呢間餐廳好耐, 終於知道再哪裡。自己住北角都唔知有咩好野食😓。餐牌有兩面, 一面係午市套餐,另一面係常餐, 手快快點左滑蛋叉燒飯, 我阿哥點左香蔥油豬扒飯, 平均45-48蚊。午飯好快送達, 賣相精緻, 滑蛋香唔老, 叉燒好薄, 少少肥;配甜豉油和香蔥碎, 配搭剛好! 試左一件豬扒煎得鬆香可口! 小店差唔兩點多, burger 和 沙律都賣晒。*店面裝修簡約, 服務一流, 食品有水準!…查看更多

因為喺炮台山返工關係，基本上每朝返工都會去食早餐，所以其實都試過好多唔同餐廳嘅早餐，最後同事介紹我去呢間四寶，果然好味！最鍾意佢外賣會將麵同湯分開裝，返到公司都唔會淋晒，太細心。而家已經變左我每朝返工指定嘅早餐餐廳！另外，如果細心留意，其實佢地啲夥計好有善，我諗好難茶餐廳會有人情味，但係呢度我見到有，真心希望可以維持水準，保持食物質素，唔好食食下又變難食。今日堂食食左一個叉燒蛋飯，wow！好正！如果可以多啲蔥同豉油就更好！我今日都忍唔住同個侍應講，啲嘢食真係好好味。…查看更多

前幾日中午去左依間四寶食堂食午餐，地方細細，坐既位置唔算多，約二三十個位左右，坐得算幾逼下。佢地食品種類唔算多，主要都係豬扒、雞扒，配搭飯、麵、通粉或沙律咁。賣相都算幾好，價錢絕對對得住質素！叫左推介嘅蔥油豬扒飯，豬扒煎得非常香，蔥油配搭豬扒口味非常唔錯。豬扒份量都算幾大，仲有煎蛋同火腿，女仕未必食得哂。隔離叫左叉燒蛋飯，睇落都唔錯，下次都可以試下。飲埋杯餐飲即磨咖啡，真係一個相當唔錯嘅午餐！希望以後食品款式可以多的啦！…查看更多

呢間冰室/茶餐廳開左半年有多，可惜佢平日收六點，銀行假期，無機會黎到。等左半年終於有機會食到啦😁炸豬排滑蛋飯配黑松露白汁 $50賣相幾精美，一點也不像頹飯。份量好大碗，豬排炸得夠脆，我食左一半就停左手，好岩大胃王。下次試其他------…查看更多