影片
港鐵銅鑼灣站 A 出口, 步行約6分鐘
繼續閱讀
電話號碼
26606663
營業時間
今日營業
18:00 - 23:00
星期一至五
11:30 - 14:30
18:00 - 23:00
星期六至日
18:00 - 23:00
公眾假期
18:00 - 23:00
以上資料只供參考, 請與餐廳確認詳情
有關獎賞計劃
高質私房菜推介🤗六月頭先開張嘅飯店Keep住長期都爆滿好難book位呢度裝修古典優雅，另設有包廂每款菜式都做得精緻講究，好考師傅功架👍啱哂一大班人一齊聚餐🥢桔皮鵝肝鵝肝口感細滑入口即溶 🥢芥末凍花螺上枱時已剝左殻，啖啖肉咁食唔怕整污糟隻手👍好細心，花螺鮮味爽口🥢玫瑰凍鴿好入味，鴿肉仲好嫩滑🥢潮式醃熟羅氏蝦蝦肉鮮甜彈牙，蝦頭有蝦膏，鮮味得來又有酒香味🥢四季燉湯（五指毛桃鮑魚燉豬展）超足料，有好多隻鮑魚，勁鍾意飲有五指毛桃既湯，鮮甜得黎又可以健脾補肺🤤🥢豉汁聖子刀削麵蟶子大隻得黎，又鮮甜彈牙，洗得好乾淨冇沙刀削麵好有咬口，仲掛滿豉椒汁，帶少少辣🥢魚湯金米海東星斑東星斑已起骨，啖啖肉，肉質細滑，上枱後倒上奶白色嘅魚湯，鮮甜嘅魚湯加魚肉加脆脆米一齊食，口感層次好豐富，呢度餸係我今晚既大愛🤤🤤🤤🥢椒麻手撕新鮮雞（半隻）用上龍崗新鮮雞，啖啖嫩滑雞肉，配上椒麻油香，麻辣口感令人食得好過癮🥢玫瑰煙燻新鮮雞 （半隻）淡淡的煙燻玫瑰香，雞肉好嫩滑，雞皮好香脆，連雞胸都好好食，唔會好鞋🥢招牌豉油皇炒麵看似簡單嘅炒麵，鑊氣十足，看上去好似好油，但其實好乾身爽口，食到好飽，但都食左一碗🤭四季飯店📍灣仔天樂里2-4號金豐商業大廈地舖
繼續閱讀
琴晚同班friend食飯揀咗間主打潮式海鮮嘅私房菜一入去就聞到陣陣鑊氣同埋燉湯嘅香味坐低冇耐，店員就開始上菜每道餸都係即叫即整，熱辣辣上枱樣樣都好新鮮 海苔墨魚 墨魚鮮嫩彈牙，咬落去仲有少少爽口配埋海苔嘅香氣，鹹香得嚟又唔會搶咗墨魚嘅鮮味口感層次好豐富韭菜蝦皮蠔仔春卷 平時食春卷多數係豬肉或者素菜餡今次試咗呢個蠔仔版本，真係有驚喜韭菜嘅香味好突出，但完全唔會蓋過蠔仔嘅鮮甜脆卜卜嘅外皮包住juicy嘅餡料，好食到停唔到口 潮式熟醃羅氏蝦潮式醃蝦我第一次食原來用半熟既蝦去醃製建議先食蝦身，感受吓蝦肉嘅鮮甜同爽彈之後再啜吓蝦頭，裏面嘅蝦膏濃郁到爆，仲帶少少酒香，正！ 四季燉湯 老火湯就飲得多，但呢個湯真係夠晒足料材料包括有豬肺、雞腳、大白菜、豬𦟌 豬肺洗得好乾淨大白菜同豬𦟌令湯底更加清甜飲完喉嚨好舒服 梅子花龍蝦球 龍蝦肉超級嫩滑咬落去彈牙得嚟仲帶少少爽口梅子醬唔會太酸，甜甜哋同龍蝦嘅鮮味好夾 豉椒汁炒蟶子皇刀削麵 蟶子皇大大隻，鮮甜冇沙豉椒汁炒得夠鑊氣，刀削麵吸盡啲精華麵質煙韌有咬口，同蟶子一齊食口感同味道都滿分玫瑰煙燻新鮮雞 一上枱就聞到陣陣煙燻香雞皮微微焦脆，入面嘅肉質竟然可以咁嫩滑玫瑰嘅香氣好特別，唔會太濃，就令成道菜多咗份優雅感旁邊嘅薄荷葉唔止係裝飾夾埋雞肉一齊食，清新得嚟又解膩 啫啫蝦乾芥蘭煲一嚟到就聽到「啫啫」聲，香氣撲鼻乾嘅鹹香完全滲入芥蘭度，菜莖爽脆冇渣熱辣辣咁食真係超正 龍蝦頭抓拆肉泡飯店員將泡飯上枱之後，即場倒入脆米通聽到「咋」一聲，視覺同聽覺都享受埋拆出嚟嘅龍蝦肉仲保持到嫩滑，加埋煙煙韌韌嘅米通口感好過癮，係完美嘅收尾
繼續閱讀
銅鑼灣天樂里『四季飯店』門面樸實環境以暖黃燈籠與懷舊花磚營造氛圍有房間包廂，可以自己一班人一間房都得 海苔墨魚外層酥脆不油，海苔鹹香提鮮墨魚肉軟嫩帶彈性滴咗伴碟嘅青檸後鮮味更出韭菜蝦皮蠔仔春卷春卷皮薄脆原來入面仲有粒蠔仔，蠔仔飽滿多汁韭菜與蝦皮，非常創新 潮式熟醃羅氏蝦食法講究先食蝦身，肉質緊實帶酒香跑出後啜蝦頭，膏脂豐腴甘醇係幾特別嘅四季燉湯真材實料豬肺潔白無腥鳳爪燉出膠質杏汁味道非常濃，但係又唔油喎 梅子花龍蝦球原隻龍蝦頭上台，好有氣派蝦球上面點咗酸甜梅子醬彈牙爽實玫瑰煙燻雞全晚得到最高嘅評分皮脆肉嫩，煙燻香龍蝦頭泡飯見功夫：熱湯澆落飯中「渣渣」響湯底醇而且厚，拆肉鮮甜總括成班朋友嚟食就真係唔錯嘅交通位置地理方便
繼續閱讀
最近網紅餐廳，好多kol又po相又大讚，我上星期食完，當晚經歷實在念念不忘，要打幾隻字分享一下。環境，環境令我呢次嘅經歷分數大減。有啲樓底，但牆身唔吸音，是但一枱有人大聲講嘢已經全間餐廳都聽到。當晚有枱靚仔靚女食飯，未食已經開哂大酒，嘈到乜咁，內容得三句:飲啦！ / ！ / / 講每句野都係用喉嚨嗌出黎咁，餐廳其他人完全同唔到自己朋友傾偈講野，中途已經同侍應表達過，佢竟然同我哋講係咁㗎喇係會咁嘈㗎。每枱食客都成日望佢哋，但啲侍應完全冇諗過請佢哋降低聲量，如果餐廳係行咁”地”嘅路線，不如你喺價錢同marketing方面反映番？ 做番少少expectation management會好啲，難為其他幾檯客完全溝通唔到，都要係咁問隔離位:咩話？ 你講咩？ 勁辛苦。((有一檯想寸嘈嗰檯嘅人，所以特登大大聲識野，何必呢，結果係更加嘈))見到有檯帶父母黎食，好明顯佢哋都冇諗過咁嘈咁多粗口圍繞個空間，父母都明顯想拿拿聲食完快啲走。食物，我會定義呢餐飯絕對overpriced。食材okay，但質素絕對冇其他人講得咁神，除非班食客少食中菜，真係真係普通中菜貨色，唔需要咁貴。話有酒嘅冇酒香，好多餸都有carbs墊底，但啲啲粉麵只係熟咗再墊底，冇掛汁，冇入味。茶醺雞最好食，海鮮嗰幾樣signature野堅普通，雞油同蟹唔match，蟹本身有肉地，有膏，好食，但唔係廚師功勞。蟶子基本野，條魚視覺效果好好。前菜偏細碟，呀另外茶位人頭$60，咁嘅環境，唉，又係非常差強人意。我地班朋友食嘢速度正常，而侍應勤力換碟係好事，但未食完呀姐就急急收碟，成舊蟹未拆，成羹蟹羔未食，真係覺得啲食客會咁浪費？而且未有下一碟菜要上，你趕咩呀。當一大班人食飯，又有酒飲嘅時候，難免講野會大聲啲，一般酒樓有地墊，幅牆痴哂海棉，吸音能力高。又或者大排檔，通常空曠露天。呢間餐廳如果行大排當路線就係上品，但想做中式fine dine就真係要花啲心思喇。
繼續閱讀
一開張已經大受歡迎，到訪當日全場爆滿，主打潮式海鮮時令小菜，最適合與朋友家人聚會！一行12人連甜品食齊15道菜，人均HKD 800中，勁食海鮮超抵！海鮮系列主菜必食【雞油花雕蒸紅花蟹陳村粉】，蟹肉鮮甜又入味，花雕酒香加上大蜆，所有味道滲入滑溜陳村粉；【豆豉紫蘇焗龍蝦】紫蘇少見搭配豆豉，配彈牙龍蝦更鮮味；大隻又澎湃【椒鹽汁虎蝦王】鮮甜必啜蝦頭，【麒麟東升斑】啖啖肉，配黃椒醬，每片魚肉更搭一隻鮮蝦，鮮味再提升！Pair酒記得叫【海王龍蝦泡飯】，jarrrr一聲脆米倒入鮮甜魚湯，酒場必備！【招牌玫瑰煙燻雞】另一必食菜式，煙燻味適中不會似拜神雞( ๑⃙⃘ˊᵕˋ๑⃙⃘ )juicy嫩滑！【手工脆皮咕嚕肉】依傳統方法炮製，用上肥腩肉新鮮菠蘿，香脆酸甜；四季燉湯超足料，當日有鮑魚、苦橄欖、檸檬葉等，鮮味之餘更回甘⋆⸜ ⚘ ⸝⋆前菜：凍花螺、桔皮鵝肝、軟嫩凍鴿、軟腍凍南非鮑魚，全部豪爽又開胃！【韭菜蝦皮蠔仔春卷】最令人難忘，超金黃酥脆，包住鮮滑蠔仔好好食𐔌՞ ܸ.ˬ.ܸ՞𐦯⌘ 芥味凍花螺 ｜桔皮鵝肝 ｜韭菜蝦皮蠔仔春卷 ⌘ 玫瑰凍鴿 ⌘ 味酥凍南非鮑魚 ⌘ 四季燉湯 - 苦橄欖檸檬葉鮑魚⌘ 椒鹽汁虎蝦王 ⌘ 手工脆皮咕噜肉 ⌘ 雞油花雕蒸紅花蟹陳村粉 ⌘ 豆豉紫蘇焗龍蝦 ⌘ 麒麟東升斑 ⌘ 招牌玫瑰煙燻雞 ⌘ 海王龍蝦泡飯 ⌘ 啫啫蝦乾芥蘭煲 ⌘ 精選甜品
繼續閱讀