四季同糖

營業中

休息中

今日lunch突然想掃街， 就過黎藍田匯景哩邊行下。。本身已經上網揀好幾間店要買， 見哩間四季同糖好似新野， 就想試下，見openrice 寫佢 14：00開始營業， 我就14：30左右先去， 點知去到話要15：00先可以落單 ， 所以建議要食既朋友， 唔好太早到。。今次我買左兩碗外賣， 一碗濃芒小丸子， 一碗仙草雙芋齊下 （仙草，芋泥，芋圓，紅豆），可以揀汁底 （鮮奶/椰奶/奶茶/黑糖）我今次揀左椰奶底， 真係好足料， 好多仙草，佢d芋泥就唔算好綿，會有d芋頭粒係度，整體都係好食跟住朋友果碗小丸子就不停讚佢芒果好甜下次行開有機會都會再試下其他

好欣賞細細盒糖水竟然都會分裝好細心同埋有奶茶底呢樣都幾surprise勁香同仙草勁搭 其他配料都okay嘅 係紅豆同芋泥偏甜咗啲 食一兩啖已經有啲膩 但整體都係好好味嘅 唯一有啲失望嘅芋圓冇乜味同少少硬 本身諗住食芋圓先叫😖 但包心芋圓都唔錯 推介👍🏿 唔想食咁甜 一定要試奶茶底😋 同埋牛角包都唔錯 勁多cream 同nuts 但喺唔知點解啲cream 溶得勁快 明明即叫即整即食但喺都有少少水狀 雖然口感差少少 但係味道可以 值得一試