23
18
12
港鐵深水埗站 D2 出口, 步行約7分鐘 繼續閱讀
電話號碼
37283454
附加資料
消費滿$200才能使用信用卡
營業時間
今日營業
07:00 - 23:00
星期一至日
07:00 - 23:00
付款方式
Visa Master 現金 銀聯 八達通 支付寶
其他資料
酒精飲品
加一服務費
室外座位
食評 (61)
等級2 2018-11-20
258 瀏覽
想過一個悠閒、懶洋洋嘅下午~一個人走左去美荷樓,嘆Lunch上網睇有好多款意粉嘅選擇,但去到...餐單已經轉左,定唔知係星期日嘅關係~款式少左好多結果叫咗個簡簡單單嘅卡邦尼扁意粉,因為只有一個小時用膳嘅關係,無加飲品。呢度買餐要先在櫃台買餐,佢會俾個電子板你,當電子板響你就可以返去櫃台取餐,但當你一個人嘅時候就有點不方便...加上星期日嘅關係人比較多幸好,呢度位置多,當日未至於滿座😝呢個意粉份量十足,我最欣賞係啲菇,味道好鮮超級鍾意,本身以為會食唔哂,但食食下唔覺唔覺食哂了個汁唔算太濃太「漏」個人認為啱啱好 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-03
811 瀏覽
深水埗成日都會經過但係好少會行到咁上今日特登行上去食41冰室間餐廳嘅裝修見好多人影相好靚你睇吓佢嘅裝修都幾有特色㗎嘢食種類唔算多不過價錢唔算貴晚餐會有湯送個湯係南瓜湯叫左少食拼盤全部都係芝士芝士炸豚肉同魷魚爆曬d cheese 出黎lee 個不得了⋯⋯賣相幾好嫁不過我食左一啖軟殼蟹嘩腥到不得之了....即嘔唔講笑完全食唔到落去而甜品就係Dreyers 雪糕lee 度地方大所以點完餐之後會比個alarm 你拎得會bibi 叫 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-15
1198 瀏覽
話說上星期同朋友行完嘉頓山搵野食,無意中發現呢間冰室好似發現新大陸咁😂門面裝修好特別,絕對岩晒鍾意打卡影相既人,入面亦都好闊落,d檯凳都好舒服,仲見到有人係度睇書煲劇添👍🏻成間餐廳都好特別,無論d擺設同埋檯凳都好時尚!野食方面都好多選擇,西餐為主,我地嗌左脆炸軟殼蟹,野菌忌廉汁燴飯,烤春雞配燒汁,配凍檸茶同好立克,兩個湯,仲有兩個Dreyer’s雪糕,勁抵!Total埋單先$139!燒春雞外脆內軟,雞肉好嫩滑,個汁都幾濃,薯條都好好食!呢個軟殼蟹飯亦唔錯!推介 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-18
1836 瀏覽
呢間餐廳一直想去好耐,因為見佢裝修幾靚,影相打卡一流。但長期冇乜人食,都覺得有啲奇怪㗎啦,今次一試,果然!首先味道方面,真係非常一般,我叫左個鱈魚扒,好乾,小小汁都冇,同大學canteen質素相若。而且衛生環境都非常一般,雖然佢哋裝修真係幾靚,影相都好靚,但係太污糟啦,好多蚊滋飛來飛去。由於我個餐有薯條我出去攞茄汁嘅時候冇晒茄汁,我同店員講話個茄汁樽已經冇晒茄汁啦,佢比隻匙羹叫我自己撩出來。最恐怖嘅事,我一打開個茄汁樽,有好多蚊只喺茄汁樽度飛出嚟,我寧願唔要茄汁了。最後都食唔落。留咗個非常壞的印象比我。以後唔會再嚟! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-07
1460 瀏覽
前(5-5-2018 Sat)晚同老公o係嘉頓山睇完夜景後食晚飯,乾脆o黎美荷樓呢間啦,由於唔晏,所以重有位,搵好位睇menu,menu一係o係大門口,一係就o係收銀o度,要自己影低至去買.睇完一輪,決定要左邊$48.00起o既餐,但原來係lunch.唯有再揀,同老公揀o左兩個跟沙律或餐湯o既set dinner,我想要一個沙律一個餐湯,但已經冇晒沙律,餐湯又冇選擇,只係羅宋湯,食物齊晒開餐.羅宋湯半碗,味道溫和又唔太酸,菜都幾多o既.味道: 3分然後食主菜:1. $68.00 o既芝士菠菜餡忌廉汁意大利雲吞睇見份量唔多,但撈一撈原來都有8隻,食落,餡唔似菠菜,似豆蓉多啲,忌廉汁滑唔鹹,OK.味道: 3.5分2. $68.00o既香烤百里香美國春雞配燒汁半份原來配以有薯條, 厚薯條OK正常唔錯.香烤百里香美國春雞都幾香脆,我食下半截,汁多肉嫩,唔錯o既.而燒汁味道好淡.味道: 4分加$20.00要是日甜品芝士蛋糕.好細件,口感同出面食o既有啲唔同,係差少少.味道: 3分服務:我o地其實都唔係好晏去到,但已經冇晒沙律外,連主食牛扒都冇,好彩我o地冇諗住叫.當我o地等餐o既儀器振動,即o野食ready,咁我去攞啦,分o左3次都算,當我攞埋最後o個樣,交返個儀器俾出餐o既女職員走人時,佢突然問齊晒未?佢係咪叫我?丟本能同疑惑地擰返轉頭,佢就即刻話唔好意思,你o既餐攞晒呵? 而我o地坐o個個位幾熱,細心睇,原來頭頂o既分體式冷氣機冇開到,老公出去叫人開,個女職員問老公幾多號枱.我老公就走返過o黎睇,張枱冇枱號,我老公睇到冷氣機出風口黐o左張有No. o既label,就去同佢o地講,咁佢o地就開o左. 之後老公同我講返,個女職員問完,老公轉身返o黎睇,佢感覺到佢好似想攞張floor plan出o黎俾我老公睇.大佬呀!你明知你o地啲枱冇枱號,我o地又唔係你職員,唔該你第一句就唔係咁問啦.而我老公話,係問出餐o個位. 但老公攞茄汁時,啲茄汁比較難唧,清潔姐姐見到即刻問係咪冇晒?呢個職員就醒目喇.3.5分環境: 3.8分衛生:我o地坐o個張枱係冇人收o野,我明白係上手o既客人唔自己將食具放去食具架,但佢o地都要有職員睇同收o架?其他:水同醬油係自己斟. 繼續閱讀
(以上食評乃用戶個人意見 , 並不代表OpenRice之觀點。)