囍麵見

營業中

休息中

黑雨天四周都濕濕的哪裏也不想去！找個地方吃頓豐富的下午茶也許會令心情好一點。從來是粉麵忠粉的我選了這間位於灣仔QRE Plaza內的囍麵見嘆下午茶！為何選上它正因那用上10小時熬製的濃郁湯底。我們點選一碗米線再加上幾款小食！作為下午茶真的超級豐盛。我跟餐加$3選了凍檸茶，車爸爸則喝凍檸水$25，檸茶富茶香不會澀口加上新鮮檸檬真心不錯。手拍青瓜$16！新鮮的青瓜混上麻辣醬汁，吃下去口感爽脆帶惹味麻辣好開胃。炸魚餅$12！魚餅香口不油煙韌彈牙，帶點紅咖喱的香氣不錯吃。秘製雞中翼$14/兩隻！酥脆香口的雞皮引起牙齒共鳴，內裏雞肉富有肉汁吃罷高呼熱氣萬歲。滷水豬大腸$18！這味是車爸爸最愛的美食當然不會錯過，這個價錢竟然得到份量十足的豬大腸真心驚喜，豬大腸口感煙靭而且滷得入味，最重要仍然帶有豬腸的靈魂香氣是吸引的。招牌花膠濃湯雞米線$65！我們還額外加上配料蘿蔔$6、鮮腐竹$6及豬皮$8豐富到不行。衝著這湯而來當然第一時間要呷一口！雞湯醇厚香甜喝得出真材實料，最重要是喝罷不會口渴超讚耶。內裏富有三件香滑的花膠筒！吸滿雞湯香氣味道真的好迷人，可以將滿滿的膠原蛋白吞下肚實在太幸福了吧。雞件份量不少

灣仔QRE Plaza食肆極多，中西兼備，這一晚，我就與太太在這一間應該開業不是太久的新米線店吃了一頓價錢不貴的豐富晚餐。太太揀了「招牌花膠濃湯雞米線」（$78）做她的晚餐。據餐廳介紹，這兒的濃雞湯是每天明火熬製最少10小時而成的，我試喝了一口，味道確是濃郁，不過就有點偏鹹。至於這米線除湯以外的另外兩個主角，花膠份量可以，也夠腍滑，不過米線中的雞不是髀位，所以骨肉比例只是一半一半，沒有啖啖是肉吃得那麼痛快。加了冬菇和豬大腸的「腩肉魚腐濃湯雞米線」（$84）的腩肉頗為大件，足有三件之多，同樣有三件的魚腐就十分軟腍。至於那都算入味的鹵水豬大腸，就切得細碎了點，沒有大大件的那麼有嚼頭。兩款加配小食，其一是帶辣的「手拍青瓜」（$16），辣得都幾開胃。另一道小食「秘製雞中翼」，四隻才$26。雞翼新鮮炸起，皮極脆，肉也嫩，既够熱度，也好味道，我很喜歡。還點了「白灼時蔬」（$18），下了蠔油添味的灼生菜，健康有益。埋單二百元，平均一人一百元，已吃得飽飽的，都算幾抵食。

返工食lunch試米線舖，$100有找食到招牌湯底加小食。「秘製雞中翼」$14/2隻雞翼先滷後炸，脆皮香口，咬落皮肉自動分離，滷汁入味，$14兩隻贏晒一般茶餐廳。「招牌花膠濃湯雞米線」$78/碗湯底鮮甜，看到寫着用老雞熬足10小時，怪不得。濃度飲落黏唇，沒味精敏感，很掛米線。花膠及鮮雞肉片足料，髀位嫩滑帶皮，食到最尾啖湯很飽足。老實評，$78在中午食到足料花膠湯底，真的抵過自己煲。見到米線種類都幾多，還有麻辣口味，下次有機會會再來吃！

服務態度差，Lunchtime時段等咗半小時先講壞機做藉口，望都唔望廚房話追緊，點知連個客叫咩食都唔知😂兩個樓面阿姐掛住累喺廚房門口傾計，完全唔望啲客舉手想叫佢地幫手跟單，要自己行去出餐位拍佢地先有反應，仲識串「你唔見我幫緊你地追架咩」。出面叫位都非常混亂，見其他人都反映成日skip住嗌位。食物方面普普通通，依個價錢嚟講可以好少少咁。主要係員工溝通方面真係超混亂，一路食一路聽同事大叫咩枱未食野，咩枱淨係食咗小食，嗌哂交咁。

見呢間麵店開張咗冇幾耐，今日lunch time決定過嚟試一試。中午過嚟有空枱，唔使等位。我同朋友分別點了招牌的花膠濃湯雞米線（$78）同埋黃酒雞米線（$72）。首先講吓我嘅黃酒雞米線，一嚟到首先飲啖湯先，因為餐廳標榜自己的雞湯熬製了10個小時，一飲落去，覺得係唔重味精嘅，但係就完全冇黃酒嘅香味，同埋個湯嘅味道太甜，甜唔係鮮甜嘅甜，係好似落咗砂糖或者冰糖嗰種甜，可能係因為湯裏面有好多紅棗同杞子等等。完全掩蓋了雞湯應有嘅鮮甜。我點呢個黃酒雞米線，好期待嘅就係嗰種黃酒嘅香味，但係我可以話呢一個係完全冇酒味，湯頭有啲失望。尤其是係餐廳標榜熬製10個鐘嘅雞湯。分量方面係大嘅，夠飽嘅。然後講吓裏面啲雞，我認為雞肉方面就要睇你好唔好彩，我朋友嗰碗大部份都係雞胸肉，佢就話鞋到不得了，唔想食，我就好彩啲，我嗰碗入邊有啲雞髀肉，所以唔係全部都係鞋嘅肉。但我認為最大問題係啲雞完全冇味，唔止係冇雞味，係連少少調味都冇。我為咗唔好嘥咗啲雞，就問樓面嘅阿姐有冇豉油，我諗點豉油食會好味啲，但阿姐話冇豉油，咁我問佢鹽有啦掛，佢就話鹽都冇，咁我問佢可唔可以問廚房攞啲，佢極不情願地去廚房攞了一碗鹽俾我，我就有禮貌地問佢