影片
以上資料只供參考, 請與餐廳確認詳情
今朝去上水做嘢，老細話十點先有嘢做，叫同事帶我去食早餐先，同事帶咗我去新康街一間小食店，同事仲話附近最好食係呢間，我問佢有咩食，同事話正常早餐呀～豬扒嗰啲囉，講咗幾次豬扒但我無理，店員問食乜？我要沙嗲牛肉麵加煎蛋，熱咖啡。轉頭同事話呢到啲豬扒好食，牛肉麻麻地，我真係無言～中伏了。的確沙嗲牛肉好唔掂，醃到過曬龍腍晒，仲要好多筋，又無沙嗲味，湯底無乜味，麵就火喉啱啱好。好彩杯咖啡夠翻唔少分，夠香夠濃無酸味。
繼續閱讀
一早諗住出黎上水食早餐 又唔知食咩野好 就見倒這間地方小小 但又好多人既鋪頭 叫左份沙嗲牛肉 腸 出前一丁。加個火腿奄列 熱檸水個奄列 入面既火腿係熱 好熱。方包好軟熟D沙嗲牛肉好好味 最用心製作係果條腸。佢介開佢 仲要有煎過 而家茶餐廳好多地方都無lee間咁有水準 👍🏻👍🏻👍🏻雖然地方細坐得唔舒服 但下次都一定會再黎食💪🏻💪🏻💪🏻
繼續閱讀
天氣好凍去上水食早餐，本來想去附近食腸粉，點知無開，就近揀咗呢間外表平實嘅小食店，白底紅字，裝修好簡陋，摺枱膠櫈，店內已滿（只有4張枱）店外行人路放咗枱，不過實在太凍，店內有位即入，地方頗油膩，因為開放式廚房不停煎炸食物！早餐都係普通港式早餐，落單後廚房廚師摩打手出菜！紅腸福麵（$34）紅腸煎得香脆，福麵爽口，湯底惹味！火腿奄列淨方包：奄列滑，火腿絲熱正常，方包鬆軟！熱檸茶：茶底夠熱整濃微澀！正常同事食：沙嗲牛肉麵（$32）五香肉丁餐肉米粉（$32）熱奶茶：食物本身好簡單，不過因為即叫即做，每樣都熱辣辣，呢樣在天寒地凍下加晒分！唔會係煎好一堆放埋一邊攤！從店員有禮，好爽手！我哋轉枱都無問題！無祈望下的驚喜
繼續閱讀