囍記大閘蟹專門店 (已搬遷)

秋風起💨又係時候食大閘蟹啦🦀今年因為大陸批文遲出搞到依家11月先有得食😭呢一間囍記又上年開始就已經有幫襯，價錢勁親民，學生檔都食得起🤑今次買咗四兩($35)同五兩($65)公蟹🦀，加埋啱啱好＄100😃買兩隻蟹以上會送紫蘇葉，蟹醋，薑同黑糖😍如果買夠六隻中會送大力剪用大火蒸20分鐘就可以食啦🤤五兩蟹差唔多有一隻手掌咁大，一打開已經多膏到爆出來，蟹肉同膏鮮甜，會食唔停口😎食完飲番杯用姜同黑糖沖嘅茶☕️，就可以驅寒啦

一知道有大閘蟹賣，即刻幫襯，今年係第二年幫襯！短短一星期已經幫襯咗兩次，因為真係好多膏，好好味！第一次買咗四両半同五両黎試下，四両半無咁多膏。四両五両第二次幫襯買哂五両，老闆都話四両半唔知黑解係小啲膏，佢話四両同五両都多，唯獨四両半係相對小啲。買大閘蟹會跟一set胶剪，一支醋，紫蘇葉，姜同糖。第一次買果陣可以Whatsapp留貨，第二次買嘅時候就話暫時停止留貨服務。如果驚無貨，去之前可以Whatsapp問咗先，咁就唔洗驚白行啦！

女朋友話想食大閘蟹，發現食開果間D蟹有問題下曬架。之後有Friend 介紹見到囍記做緊5折優惠，就快無貨，立即狗衝去睇下咩料，好彩去到都重有貨。$156蚊再5折，真係平到喊出黎。咁平起初都擔心左一下，驚有問題，店員好細心解釋大閘蟹貨源同驗過冇事先上架。最後買左6隻六兩全公，收工立即同女朋友蒸黎食。開蟹隻隻都爆膏，白膏十分好味，不過其中有一隻有小小澀，總體都非常OK。因為蒸完太吸引唔記得影相，下次去買會再補返相。