65
16
14
餐廳: 囍慶酒樓
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

所有分店 (3)
電話號碼
28278803
附加資料
無肉餐單詳情: 每天供應少量素食菜式
營業時間
今日營業
11:00 - 23:00
星期一至日
11:00 - 23:00
付款方式
Visa Master AE 現金 銀聯
其他資料
酒精飲品
泊車 詳細介紹
電話訂座
加一服務費
電視播放
招牌菜
大海班 乳豬拼盤 紅燒雞煲翅 鮑魚片
食評 (105)
等級4 2018-08-15
78 瀏覽
同朋友踩完單車,就喺附近搵吓有乜嘢美食,一行六人梗係要食返啲小菜醫飽個肚。見到酒樓有泊車優惠,最高可以免費泊車4小時,有得食又有得免費泊車,非常方便。經過見到囍慶酒樓門面,環境舒適,而且座位位置寬敞,隨即店員就帶咗我哋入去坐一張大圓枱。店員服務態度親切殷勤,隨即幫我地開咗一壺茶,茶位每人都只係$12,因為有小朋友,職員隨即攞咗BB椅子俾小朋友坐。酒樓以小菜為招牌菜,而且多種種類選擇,包括時令小菜、燒味、主食同埋海鮮等等。前菜係酸菜,每人食少少,好開胃。一盅杏汁燉白肺價錢都只係$168,隨即我哋order左一盅濕濕口,湯水呈現奶白色,入面肺嘅份量都非常多,咬落去質感好林,湯水味道鮮甜,而且非常滋潤。除咗湯水之外,餐廳亦提供啤酒、汽水等等酒水,當然唔少得叫一支可口可樂爽一爽喉嚨。隨即叫咗兩份小食-川味口水雞好快就嚟咗,見到賣相非常吸引,面頭鋪滿醬汁同埋花生粒,食落去雞皮好薄,而且肉質軟口,醬汁唔係好辣,食落去嘅滋味。另外朋友都讚好紅燒乳鴿好好食。我哋四大兩小就叫咗四個小菜一齊share嚟食。當中嘅黑松露帶子炒蛋非常濃郁嘅黑松露味道,而且帶子份量都非常多,咬落去爽口彈牙,炒蛋炒得好滑,食落去奶味濃郁。除此之外,菠蘿咕嚕肉炒得好有鑊氣,食落去咕嚕肉同埋菠蘿🍍酸酸甜甜嘅味道,好開胃。除此之外,仲有油鹽水浸菜遠同埋菠蘿咕嚕肉,每一款小菜都好大碟。甜品叫咗芒果布甸同埋紅豆沙。芒果布甸入面嘅芒果肉好鮮甜,好快就食晒了。最後我哋四個人埋單都係$1100左右,六個人食咁多嘅份量,相比價錢合理,而且每一款食物都好味,值得再encore。 繼續閱讀
(以上食評乃用戶個人意見 , 並不代表OpenRice之觀點。)
高水準中菜酒家 焦點食評
等級4 2018-07-11
1041 瀏覽
囍慶我今晚揀了囍慶酒樓,價錢算實惠,菜式選擇都有很多,我們七點去食就唔使等位,但七點多後開始多人。烏雞燉花膠螺頭湯,好足料的燉湯,花膠、螺肉、瘦肉、原隻烏雞,鮮味無窮,老火湯真係好好飲!上湯焗龍蝦伊麵,呢個又係超抵食,龍蝦好多肉,伊麵份量適中。 一大隻龍蝦開邊,好容易就可以成嚿龍蝦肉起出嚟,方便過平時斬開一嚿嚿, 龍蝦肉鮮甜而肉質爽彈,質素非常好。伊麵味道亦都煮得啱啱好,絕對抵食。吊燒雞賣相很好,皮非常香脆,食落出奇地好食,雞肉入味而且嫩滑,有好豐富肉汁,肉不靭,值得推薦。金蒜粉絲蒸貴妃蚌隻,貴妃蚌很新鮮,蒜蓉蒸真的無得輸,鮮甜多汁又彈牙。椒鹽鮮鮑魚,蒸鮑魚食得多,椒鹽鮑魚第一次食,外面炸得香脆,裏面鬆軟。菠蘿咕嚕肉,甜酸味適中又有鑊氣,非常開胃,咕嚕肉炸粉薄身又炸得香脆,咬落啖啖肉香。金銀蛋莧菜賣相不錯,蔬菜新鮮,有鹹蛋皮蛋一齊,清得黎唔會太寡。食到好飽好飽,仲可以憑單免費泊車,又唔使喺市區同人迫,下次會再黎過! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-14
1494 瀏覽
朋友在科學園上班,今日又來到科學園晚飯,飯後又順便可以散步回家。今日來到科學園區入面的「囍慶」。門口夠派頭。酒樓不算太大,但非常乾淨光猛。裝修好新酒樓剛好餐牌有很多海鮮,正合我這個海鮮迷的心意。首先先來一個白灼九節蝦,蝦份量比想像中少,但勝在新鮮彈牙。蝦肉超彈牙!正!蒜蓉粉絲蟶子都非常不錯,蟶子有湯匙般長,肉質厚實,配上好入味粉絲,送飯一流另一蒜蓉粉絲貴妃蚌,同樣新鮮!一向喜愛蠔,豈能錯過這個薑蔥美國桶蠔,薑蔥加上醬汁,味道濃郁。美國桶蠔一向肥美size夠大,入面共有6-7大隻蠔!$138好抵食另一抵食之選一定是上湯龍蝦伊麵,酒樓做特價只需$128,且配有伊麵底。龍蝦雖屬較細size,但非常厚肉,特別蚶位啖啖肉。蔬菜方面點了一個豉汁涼瓜牛肉,比預期中驚喜,牛肉入口即溶,而且牛味好重!最後侍應送上陳皮紅豆沙做甜品,味道有點太甜,但誠意搭救 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-26
1182 瀏覽
入夜之後嘅科學園可以搵食嘅地方唔多, 而科學園入面最岩一家大細一齊食嘅就係囍慶酒樓而家已經好少地方有支裝懷舊汔水可以叫,所以平時少飲汔水嘅我都忍唔住叫左一支($12)。呢度食飯有晚市4選一優惠,可以用$168 就叫一隻燒鵝,咁抵當然唔可以放過啦,其實其餘三款都好抵食,$1蚊1隻雞,$68有龍躉,仲要$128就有原隻龍蝦食,真係唔知點揀好最後揀埋個孖寶D,咁就可以食埋隻吊燒雞同龍蝦,都只係$398燒鵝大大隻皮脆肉嫩,表面油份足夠,好令身,一口咬落去鵝油隨著鵝肉慢慢滲入口腔,令我不自覺食完一舊又一舊。蟶子配埋蒜蓉粉絲蒸,都完全可以食返出蟶子嘅鮮味龍蝦伊面D 龍蝦剝殼一D 都有難度,全因為酒樓已經將最難搞嘅鉗位分開左,就算就咁用筷子食一樣冇問題雞肉嫩滑,唔點個汁都夠哂味道炒飯好香,仲有唔少蝦仁、瑤柱絲同元貝喺入面芥菜好嫩綠,配以薯仔,成煲湯都好清甜呢個就味道正常,金銀蛋都多既魷魚酥就好大條,而炸粉都好薄最後叫多個斎米配燒鵝 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-15
28 瀏覽
難得同屋企人食飯,就去啲比較靜啲嘅酒樓大家聚埋一齊食飯。見到科學園商場入面有一間叫做囍慶酒樓,就去試吓。餐廳門面開陽,而且招牌大大隻字,仲係以我最鍾意嘅白色為主題,裝修歐陸化,華麗而且有氣派。餐牌圖文並茂,而且食物圖片非常吸引,價錢合理,每款餸菜都唔超過$100,好抵食咁。小食方面叫咗川味口水雞同埋紅燒乳鴿試吓。不得不讚紅燒乳鴿外皮燒得好香脆,而且每一邊乳鴿都好多肉,特別雞髀位置肉質鮮嫩,而且好夠味。平時少湯水飲嘅我,即刻叫返一盅杏汁燉白肺。一盅大約有六碗份量,飲落去杏汁味道非常濃郁,而且好鮮甜。小菜方面實在太多選擇,每一款都好想試吓,最後我哋叫咗油鹽水浸菜遠、黑松露帶子炒蛋、秘製重慶雞煲同埋菠蘿咕嚕肉等。當中嘅秘製重慶雞煲入面嘅雞件非常多,而且配料十足,所以食落去每一件雞都非常夠味,而且肉質滑嫩,最後我哋每人叫一碗白飯,以上嘅餸菜簡直送飯一流。而且汽水同埋甜品多款選擇,最後我哋分別每人叫咗一碗糖水,為呢一餐豐富嘅晚餐畫上句號。 繼續閱讀
(以上食評乃用戶個人意見 , 並不代表OpenRice之觀點。)