嚐聚 (已結業)

#跟住我食唔中伏 #串燒推薦 早幾日去咗 #圍方thewai 朝聖😎傍晚就上網search到沙角邨有抵食串燒🤩一出港鐵站就望到對面勁多燈牌❤️好少可冬菇亭咁靚本身係俾個$148串燒套餐吸引來但去到門口又見到任食火鍋都好正🤣同埋心心又食唔到咁多串燒…最後決定火鍋另再加串燒拼盤😋 #我本人真係很happy老公係飲得之人，仲order咗2公升Suntory生啤塔🎉 #我即打卡🤣個串燒拼盤真心靚🥹❤️睇到真係食慾大增串燒+生啤真心係人生享受🤤燒得好靚，唔會太乾又夠巨大串👍估唔到墨魚丸同牛丸都勁好食！ #推薦必食串燒 任食火鍋嘅美國肥牛好好食‼️心心不停追加🤣其他配料都唔錯，鮮牛肉夠滑，水魷魚新鮮彈牙👍蔬菜又新鮮唔老，出菜速度都好快無漏單✅仲有限定追加配料，勁多芝士丸類😍岩哂心心，佢勁中意！任飲飲品都有好多選擇，而且晚市任食火鍋仲送特飲❤️ #又靚又好飲我地揀咗華田雪山 & 草莓乳酸七喜 #靚 #好味 #大杯 餐廳內外設計都幾靚🥹真心唔似冬菇亭🤣燈牌超靚岩哂打卡😍好似我哋咁，襯太陽未落哂山去影就最靚✌🏻價錢仲有勁多優惠：火鍋任食早鳥價$158💥長者優惠$118，小童價$78

我哋去咗沙角邨食任飲任食火鍋（$188）🔥🔥同埋亦都加咗$88要串燒拼盤，同埋加咗$168飲2公升Suntory 生啤塔咁首先講咗打邊爐先啦我哋就揀咗鴛鴦湯（椰子雞湯/冬蔭功湯）（+$30）我想講佢哋嘅湯底，真心幾出色👍👍特別係冬蔭功湯真係超濃郁（先酸甜後辣嗰種感覺好正😝😝）濃郁到根本唔使點醬汁跟住就講吓佢哋嘅肉類/海鮮啦美國肥牛食落去好重牛肉香味😗😗鮮牛肉食落去都好滑而我自己最鍾意嘅就係豬頸肉🥰🥰因為真係幾爽口、彈牙比較特別嘅係呢間舖頭有得食牛骨髓而佢哋嘅青口同埋水魷魚色落去都好新鮮之後跟住就講吓佢哋嘅串燒啦（基本上雞牛豬嗰啲都有齊曬㗎啦）我覺得佢哋燒得幾入味☺️☺️而且雞肉串同埋雞翼都好嫩滑同埋佢哋今個月都做緊推廣活動只要幫襯佢哋嘅任食火鍋就會送一杯特飲‼️‼️我就揀咗要雪山華田飲落去味道都算幾濃郁😉😉而我朋友就揀咗要芒果乳酸七喜呢杯飲落去甜度都幾啱啱好最後值得一提嘅係佢哋有好多唔同嘅霓虹燈牌🤩🤩如果鍾意打卡嘅人不妨嚟呢度食飯影吓相

今次又嚟到沙田嚐聚到食靚靚雞煲啦🐤一嚟到又係比岀面五光十色嘅燈光牌吸引，大大隻寫住沙角邨燈光做舖頭特色，當然最唔少得嘅就係個天使翼，真係非常之吸引，方便一啲朋友仔嚟呢度打卡📸🌟原隻雞煲 $168我地今次叫咗小辣，一送到黎已經門聞到好濃嘅香味，又開爐保持住雞煲嘅熱度，食落去肉質結實嫩口，而且煮到好入味，好香辣👍🏻仲叫左碗白飯，真係一件接一件，超正😉 🌟自助區飲品可以仼飲入面嘅罐裝野飲，有汽水🧃茶，冬瓜茶等

陪回港友人故地重遊，再聚原來往時常去的冬菇亭已經不復再，近幾年香港的變遷真大. 以前非常熱鬧擺滿枱凳，而家反而得兩間冬菇亭造型餐廳，旁邊則是公用健身設施. 難得嚟到，即管試吓啲餐廳，見到呢間餐廳食物選擇好吸引，環境都幾四正，就入去試下個$168 重慶雞煲，另加$20 每人可以任飲罐裝無酒精飲品，$38 有生啤一杯. 見佢哋有烤魚串燒火鍋等等有不同價錢套餐同任食等. 坐低冇耐店員哥哥已經為我們送上香味十足嘅雞煲，撻著個爐睇住佢滾咋咋聲. 我哋可以自行到雪櫃拎飲品，有多達十款以上任君選擇有茶/可樂/ 清熱飲品等. 水及醬料亦可以自助形式自取. 原隻雞煲非常足料，香氣滿溢，醬汁濃郁香辣惹味令人流曬口水. 叫左個小辣個辣度啱啱好. 配料青椒紅椒蒜芫荽等香甜可口. 雞肉結實有咬口有雞味，配上熱辣辣白飯，好滿足. 仲有冰涷生啤非常解喝. 兩個人三百有找！

話說中午放lunch食過呢間餐廳唔錯 見到佢夜晚任飲食火鍋🍲先做緊$188全包價 有晚收工好想食火鍋 便便地就同男朋友講不如食呢間 佢既醬料對比同類餐廳黎講算多 由其個芫荽🌿係最特別 個特別之處係佢唔係用葉 佢得d莖😂但個味就濃好多👍🏼K小編同男朋友就揀左個椰子🥥雞湯底 清清地又唔會太清😂野食方面都大路 除左一般野食外 肥牛、菜類、菇類同丸等 仲有限定配料😝小編推介芝士🧀️豆腐💯 食既時候要小心啲 因為會爆汁 牛筋丸都彈牙爽口 連小編呢啲唔係幾食丸既人都encore左幾次😋另一個比較特別嘅喺百頁豆腐 佢個口感較煙靭 有彈性😂同埋有牛骨髓 外面好多任食既火鍋店都唔一定有 雖然佢冇蝦食但係佢有水魷 仲要係水魷蘇多同好大條😜中午食lunch見過人地飲佢地既特飲已經覺得好吸引 原來夜晚食任飲任食嗰個套餐會送埋特飲🤩（好似係限時優惠）小編同男友就分別叫左草莓乳酸七喜同阿華田雪山🥤個草莓🍓乳酸七喜酸酸甜甜 食慾大開😛而個華田雪山個雪山係胚芽黎 都唔太甜 兩杯野都幾好飲👍🏼P.S. 題外資訊：19:30前埋單走人先係$158咋

之前喺網上見到對沙角邨嚐聚嘅評價普遍正面, 最後膽粗粗一支公入去一試。第一次去, 五點半鐘晚市剛開始, 叫咗佢哋嘅雞煲, 先試中辣, 結果無令我失望, $168 份量極足, 物有所值, 雞件斬得大大件, 香滑可口, 一啲都唔鞋身, 現今出邊好多雞煲都整得太甜, 嚐聚嘅雞煲就無咗呢個問題, 如果再多些少香料就更理想, 再嘆番兩杯 Suntory 神泡生啤, 配搭舒適嘅環境及優質友善嘅服務, 感覺非常良好。後來發覺就算一個人入座, 都可以以$188 叫佢哋嘅任食火鍋, 再每位加 $20 就可以任食埋雞煲, 而7點半前埋單平$30, 即係$178, 比齋 order 雞煲只是貴咗 $10, 就可以打埋邊爐, 任飲汽水/罐裝茶, 及包多一杯特飲, 相當抵食 👍 晚市亦有串燒套餐供應, 價錢$148 包任飲, 亦都物有所值, 約 friend 過嚟食下串燒飲下生啤吹下水唔錯㗎, 有如屋邨內的酒吧 🍺🍺🍺 有第一次, 結果有第二三次, 值得光顧 👍

好耐冇去屋村入面嘅「冬菇亭」食野，呢間「嚐聚」裝修好有心思，燈牌係晚上顯得更加可愛場內都幾浪漫喎🤭有任食打邊爐有幾個湯底都想試，最後選了老闆介紹嘅椰子雞湯底。好香，飲落係淡淡椰子奶味，好舒服呀！醬料嘅款式樣樣齊！每一款食材雖然唔會上好多份量，但反而更好喎！因為咁先可以食到多樣式，唔會浪費食物！同埋原來晚市有限定送特飲優惠，原味乳酸和草莓都好好飲呀，超爽！加88蚊仲有埋串燒拼盤，真係會食到捧住肚腩走🤣計落好低食喎！

火炭夜晚真係無咩野食，唯有出返沙田！上openrice 睇到沙角村冬菇亭有間叫「嚐聚」食雞煲、烤魚、打邊爐🍲，最重要係有生啤😂同事話雞煲一定要配生啤架喎！仲要係生啤塔有得自己酙，又夠凍！我地叫左一個雞煲，選擇左普通辣度，雞煲份量好足而且好夠醬香味！如果唔夠食仲可以每位加$20無限添加雞煲，之後我地再黎個火鍋任飲任食，沙角分店仲有限定火鍋配料選擇（詳情留意店舖資訊），每位惠顧任食火鍋都會額外有一杯夏日特飲（晚巿任食火鍋限定），飯餐就加$8可以改配特飲！我點左草莓乳酸口味，配雞煲夠解辣麻～自從冬菇亭裝修後我都無黎過沙角邨，估唔到依家餐廳咁靚，「嚐聚」好搶眼好多燈牌位打卡，一出沙田圍站就一定見到！話口未完，同事已經約左人再食🤣仲話性價比夠高喎！

以前就好中意黎沙角邨呢頭打邊爐，貪佢有風味又抵食🤭 一段時間冇黎之後，原來呢度已經有好大改變，餐廳都裝修得好靚好有特色，既然沙角邨係我舊時打邊爐既勝地，今次再黎緊係都係要打邊爐啦😆天氣熱就係特別想食辣野😆 今次打邊爐加配左泡椒烤魚🤤 炸魚本身已經有炸過，所以表面係好香脆，而內裏肉質好嫩滑👍🏻最正既係一路滾，麻辣味就一路滲入魚肉度，愈食愈麻，愈食愈爽🥰🥰😆食完烤魚之後就打邊爐喇😆湯底叫左椰子雞湯底，當然要試一啖湯頭先啦😆椰子味好香濃，好順滑，就咁已經飲左一碗湯先😛火鍋配料方面都好多選擇，有車打芝士丸、牛筋丸、菇菌三鮮餃子、百葉豆腐、連牛骨髓都有😳 魚皮，響鈴、肥牛、豬梅肉呢d就當然唔少得架啦😆飲品方面，惠顧任食火鍋會隨送大大杯特飲，除左特飲仲有飲品任飲，超抵食抵飲！今餐食得好滿足，性價比亦都好高，一分錢兩分貨！😆

放工想飲啤吹啤水，唔一定係去酒吧嘅，冬菇亭一樣有呢個作用喺沙角邨有一間佈滿好靚霓虹燈牌嘅火鍋店，乾淨光猛又抵食跟餐可以加個兩L嘅啤酒塔，相當之巨，打晒邊爐走人，兩個人勉強飲得晒自問酒筲箕嘅大胃，都覺得好夠飲，就算有晚市特飲優惠，都冇飲到𠻹打邊爐之前，可以加錢選擇以烤魚代替湯底，大胃唔太食辣就揀咗原味蔥燒，反而更試到魚肉鮮香烤魚非常大條，先炸後烤唔會散颼颼，肉質嫩冇乜細骨，非常值得加配用烤魚嘅湯底，可以淥吓火鍋配料，先剔吓紙仔揀嘢食先呢間分店都有限定食材，有鴨血、芝士豆腐、芝心包星星豆腐、長洲大魚蛋、芝士火腿波、車打波同田園蝦餅一份都好多，如果填兩份就會好飽其他食材都意外地新鮮，豬梅肉竟然勁有肉香鮮牛勁大塊勁彈牙，同埋居然有牛骨髓任嗌，餃子好大隻好滿足

餐廳資料：沙田沙角村［嚐聚］網址: https://s.openrice.com/QrbS0lVG900~uefQAAA地址: 沙田沙角邨沙角熟食中心9-12號舖電話: 36892680今日忙到冇食午餐，就來一個early dinner，去沙田圍站附近的［嚐聚］吃任飲任食火鍋 + 串燒拼盤 ，餐廳出面有明亮的燈牌，我倆很容易便找到這間店舖☺️湯底我哋點選了椰子雞湯，清甜可口🤗整體來說，打邊爐任吃的食物選擇也不少，食材新鮮，例如美國肥牛及鮮牛肉肥瘦適中，有牛味；牛肉丸及墨魚丸彈牙；魷魚、牛柏葉夠爽口；炸魚皮及響鈴也炸到脆卜卜，放進鍋底兩秒吸吓美味的湯底就吃，好正❤️蔬菜點了油麥菜、生菜、粟米及金菇，也新鮮美味👍另外，這間分店有新增限定火鍋配料，我哋試了長洲大魚蛋、芝士火腿波及鴨血，水準平均☺️串燒方面，各款肉類新鮮嫩滑；牛丸、墨魚丸香口惹味，皮脆肉嫩的雞翼就百吃不厭，加上一些菇類平衡下也不錯，一次過滿足打邊爐及燒烤的慾望🤣另外，這裏有限定送特飲優惠(只限晚市任食火鍋)，夏日特飲我們揀選了芒果乳酸多多七喜，大大杯又有果肉，是夏天清涼開胃的好選擇😋整體來說，這小店價錢親民實惠，性價比高，我倆一邊傾

位於沙田住宅區的「嚐聚」雞煲打邊爐，是一個非常值得推薦的餐廳。他們主打經濟實惠的飽肚任食套餐，價格非常親民，而且提供多種選擇，包括雞煲、打邊爐和串燒等等。讓我們來詳細了解一下這家餐廳的特色。首先，「嚐聚」的雞煲是這家餐廳的招牌菜。這個雞煲非常特別，它的香料味道非常濃郁，讓人不能自拔。而且，雞肉非常嫩滑，配上其他的配料，味道更是美味。而且，這個雞煲還有不同的辣度選擇，讓人可以根據自己的口味來選擇。除了雞煲之外，「嚐聚」還提供了打邊爐和串燒等其他選擇。打邊爐的湯底非常清甜，而且非常適合夏季食用。而串燒則是非常入味，肉質也非常嫩滑。不論是哪一種選擇，都讓人垂涎三尺。最重要的是，「嚐聚」的價格非常實惠。平均每人消費只需要$200，就可以享受到這麼豐盛的美食。這樣的價格對於一個聚餐來說非常划算，而且還能讓人吃得盡興。總之，「嚐聚」是一家非常值得推薦的餐廳。他們的雞煲、打邊爐和串燒都非常美味，價格也非常實惠。如果你想享受美食，又不想花太多的錢，那麼「嚐聚」絕對是一個不容錯過的好選擇。

估唔到喺沙田都有川味特色小食，就嚟到「嚐聚」。我哋就點咗一份烤魚，烤魚上面嘅辣椒非常惹味，辣度啱啱好，以及配菜上有洋蔥、芫荽，索晒烤魚汁香味。最特別嘅地方係魚皮燒到金黃色，食落去脆卜卜，魚肉味道清新爽口，口感鮮嫩😋啲湯底簡直係冇得陣，麻得嚟又香，啲魚或者嘢食掛哂啲湯，逼返食材啲鮮味出嚟，真係一流👍🏻另外我哋加咗少少錢轉做火鍋放題，都有好多嘢簡，我哋每樣都嗌咗啲，同埋嗌咗好多肥牛，鮮牛肉，梅肉。佢哋啲牛肥瘦均勻，又新鮮，放題嚟講都算唔錯，好過出邊嗰啲火鍋放題好多，我最推薦的是牛肉丸，彈牙得嚟又鮮甜，同埋佢個牛柏葉，水魷魚都好爽脆，所有材料都非常新鮮👍🏻加上原本嘅湯底，成件事昇華哂

近排去沙田打邊爐，餐廳除左有任飲任食火鍋外，另外仲可加$68湯底轉烤魚，可以食到烤魚之餘，又可以食到其他火鍋配料，性價比十分高，價錢親民外，亦可以一次食到多款種類美食$188任飲任食火鍋火鍋湯底轉烤魚+$68口味有麻辣泡椒烤魚或原味蔥燒烤魚選擇，今次揀咗麻辣泡椒味，湯底味道麻麻辣辣，配上肉質嫩滑肥美清江魚，味道惹味香濃，每啖魚肉都充滿湯汁，食落十分過癮海鮮有水魷魚同青口，味道鮮甜有嚼口肉類有美國肥牛、鮮牛肉、牛柏葉、豬肚、雞柳等配料，美國肥牛肥瘦適中，食落有牛肉味，牛柏葉食落柔軟爽脆人氣配料百頁豆腐、魚腐、炸魚皮、響鈴，每款都可以吸收哂湯底精華，味道濃郁香口蔬菜類油麥菜同娃娃菜味道清甜，另外仲有菇類及丸類等其他配料粉麵類有公仔麵、烏冬、粉絲及白飯，多款主食選擇，公仔麵麵質彈牙爽口同烤魚味道好夾

沙田沙角邨有好嘢食推介，性價比超高，有得食火鍋+ 串燒 同埋飲生啤啊！！餐廳外邊仲有一啲好靚嘅燈牌， 有沙角邨、 天使之翼等等， 都係一啲唔錯嘅打卡位！ 呢間餐廳推出嘅任飲任食火鍋 + 串燒拼盤真係超值！加$88就可以享受到多款嘅串燒拼盤，原價係$148嘅價值。而火鍋方面，佢哋提供咗好多選擇，包括美國肥牛、鮮牛肉、牛骨髓、牛柏葉、美國豬梅肉、菇菌三鮮餃子、百頁豆腐同埋響鈴等等，令人目不暇給。蔬菜方面亦有油麥菜同生菜，可以加入火鍋一齊煮食。 如果你鍾意海鮮，嗰度嘅水魷魚同青口都非常新鮮美味，可以加入火鍋中一齊煮熟。而粉麵類方面，有公仔麵、烏冬、粉絲同白飯可供選擇，滿足唔同人嘅口味。 最吸引人嘅係串燒拼盤，有雞肉串、豬肉串、牛肉串、雞中翼、墨魚丸、牛筋丸、大蔥、秋葵、鮮冬菇同雞髀菇等等。串燒烤得香脆，肉質鮮嫩，每一口都充滿濃郁嘅炭烤風味，令人垂涎欲滴。 每一款都有獨特嘅風味。無論係肉類定蔬菜類，都可以滿足不同口味嘅食客。另外，如果你鍾意飲啤酒，可以試試佢哋嘅生啤tower，冰涼爽口，可以一邊享受美食，一邊品味清涼嘅生啤酒，冰涼爽口，絕對能夠增添食慾。 嚐聚嘅任飲任食火鍋絕對係超值嘅選擇。唔