嚐在心米線 (已結業)

經開黃埔 唔係咁肚餓就食碗麵 試一試呢間價錢都幾抵食 餐廳細細地 都幾窄但香港地寸金尺土 咁平都預咗唔好坐明白既！男朋友嗌咗個閩東肉燥飯配 蝦皮紫菜湯 $44好好食！！佢唔係台灣個種入口即溶個種但個味調得好好！鹹鹹甜甜咁同出面既肉燥係唔同同埋佢真係食得出用偏瘦既肉唔係台灣個種肥豬肉菜又比出面多！感覺好似平時媽咪煮既飯健康得黎又好味而我就係嗌咗藥膳牛肉米線 加$2 轉咗扁麵呢個都好好味首先個扁麵口感好好！我好怕米線太滑 無哂口感佢個麵似上海麵 軟硬度岩岩好！而且牛肉份量多！$44一碗有成十塊八塊但就唔算太驚喜！菜亦比出面多！最正最正係湯底！真係有淡淡既藥膳味！唔算好濃！易入口唔係好似出面好勁藥味個種飲得出唔係味精湯佢仲要加咗好少好少既麻辣食到最後少少麻好味整體黎講呢間小店抵食又好味！服務都好好味精又唔多岩哂健康或者想清淡少少既！我就一定會再食試埋其他！！唯一美中不足既係除咗唔太好坐之餘佢個電視好大聲咁播緊浙江衛視...........好大聲既普通話都幾影響 幾嘈我寧願佢播返Tvb.......

米線是香港人至愛的食物之一，位於紅磡德民街的小巷，有一間小店值得推薦給大家～～湯底選擇主要有兩款：藥膳湯底、豬骨湯底。每款湯底食得出不含味精，全部真材實料製作，藥膳配牛𦟌，豬骨配肉燥。份量十足，中午時段還有套餐選擇，送一客小食及飲品。

雖然自己是個米線控，卻未試過這間位於德民街的小店。這天和老公晚上去看演唱會，所以決定先來黃埔覓食再行上去。因為是日有點不適，所以決定吃這間開始清一點的米線店。我們叫了一個藥膳牛肉米線、一碗番茄肉碎米線，再加個醉豬手小食。牛肉米線湯底都是吃不出太濃的藥膳味，反而牛肉似有點藥膳，酸菜的味道跟別的米線店好像有點不一樣，不會醃得太酸。雖然味道清清地，感覺也不錯，更加健康。我更喜歡番茄肉碎米線，吃得出蕃茄自然的酸味挺開胃，是感覺真材實料的湯底，明顯地沒有加任何味精，難怪標榜自己是有營食肆。它不是走濃味米線方向，第一眼好像不太吸引，但卻令人更有家的感覺。加了份醉椒豬手，看見另外兩台都有點，似是很受歡迎。沒有感覺到「椒」，倒是有很濃的酒味。

位於黃埔A出口附近舖仔細細 位置唔算顯眼周邊有3間算出名食肆 (港式雞蛋仔, 台式飲品同雞翼店)但係都坐滿架老闆娘好勤力 起門口招呼客人落單每人一張紙我揀咗 藥膳牛肉米線 ($42) (走酸菜 走辣 走油)再另加 菠菜($6) 特製大魚丸 ($23) 特製蝦丸 ($12)好大碗啊👀原來原先已經有生菜 不過幾條咁 $6加菠菜份量ok樣子很健康 湯底望落清淡的確而且湯底唔油之餘好香藥材味 放心 香得黎唔似飲緊中藥 反而覺得係健康養生唔係加工味精👍🏻米線份量好多 即使食到尾米線仍然唔淋唔易斷 少許彈牙 較滑身 都唔錯牛肉食得出新鮮牛味 少許肥肉 都算淋 可惜太少! 得幾舊細嘅 而且多數薄嘅😢特製大魚丸 ($23)雖然貴啲 不過有8粒 可以share食頭兩粒okay嘅食得出佢係新鮮材料整因為真係有魚腥味食到最後個2粒 可能係我唔好彩...係咁食到啲硬硬地嘅嘢...原來係因為佢真材實料 用真魚肉所以有短短嘅魚骨!!!想吞但係啲骨又硬得濟 粗咗啲仲有條叉咗起牙肉到😣蝦丸 ($12)其實依個係食完魚丸後加依個得3粒一開始諗佢會唔會都有蝦殻 好在冇反而幾好食🦐冇真係食到蝦 但係都有蝦味而且其實佢啲丸特

第一次來試食藥膳牛肉湯麵，走辣。來到既時候大概6.10 pm, 人唔多，仲有好多位揀。有電視睇，座位都唔算好逼，正常。waitress服務態度不錯，有笑容。等待上菜時間正常。藥膳湯唔算好重藥膳味，d牛肉都幾易咬，如果再切薄少少可能更好，米線幾彈牙。整個米線唔算非常驚喜，但唔係差，可以一試。

朋友嚟黃埔揾我晏晝有啲嘢搞，搞掂就去食個靚晚餐，因為朋友仲有啲感冒未清，所以帶佢食健康少少~~呢到一早聽朋友介紹過，話呢間嘢係佢做完運動嘅飯堂，因為呢間係有營食肆🤣我嗌咗招牌藥饍牛肉米線$41，個湯底係勁濃藥饍味😱但之前聽朋友講扁麵較索湯，所以跟手轉咗，仲加$6配咗菠菜~~~之前上網睇啲人話食完7成飽左右，我十分質疑😂咁大碗喎 我食完飲埋湯係110%飽！！😂😂不過我就略嫌啲餸嘅份量少咗啲！同埋可能因為我餐單揀咗走油所有食落啲菜都再清淡啲！😆😳

呢間位於黃埔站附近嘅嚐在心米線一啲都唔顯眼，但我偏愛這裡嘅藥膳牛肉米線，Lunch食有Set較抵👍🏻由於佢個藥膳牛肉湯真係好好味，所以就算成日想試吓其他湯底，最終都忍唔住嗌返佢。我未喺第度食過藥膳湯底，但呢到嘅藥膳味啱啱好，唔會太濃藥味，而且配牛肉好夾。佢啲米線唔會好淋，而且有啲俾人揀走唔走酸菜、蔥嗰啲。佢碗米線入面已經有少少牛肉，生菜，所以追加餸或者小食可以叫其他。我自己就鐘意叫雞亦(+6)，好入味好正。但其實蝦丸(+0)，紫菜蝦皮(+10)，同芙蓉蛋(+13)都好好食但就貴少少。今次四條友食就試哂佢。跟餐會送飲品，菊花茶我都覺得好正。😍另外，佢其實係福建嘅小店來？所以有得叫扁肉，即係好細粒嘅雲呑嚟，都幾得意可以試下。但燒豬頸肉勁細粒(上圖手機前面炸左細細粒果碟)，份量又小，得8細粒，就唔建議叫！唔記得食滿幾錢可以做會員，每次消費滿35蚊就可以減2蚊。😁間舖又係好細，但坐得都舒服嘅，得一個姐姐做樓面，但佢都好有禮貌。👍🏻👍🏻

依家米線舖越開越多 但係好多餐廳都好多味精今日我要同大家推介嘅係 喺黃埔嘅嚐在心米線每次我去呢間餐廳都只會叫同一款米線蕃茄肉碎米線 走油 同必定加酸菜酸菜酸酸辣辣 同個湯底好夾佢個湯底有淡淡嘅蕃茄香 而且仲有蕃茄肉食咗咁多次都唔覺得佢加咗味精不過講句老實話佢之前個番茄湯底比而家更加濃 更加好味 但我都會繼續支持因為佢個湯底好有家嘅味道 完全係健康之選不得不同大家推介係佢個自家製特大魚丸佢係自己用魚肉打出嚟嘅 而圖入邊有啲橙色 就係啲蝦米 所以食落去非常有口感同埋非常有魚味 推介俾大家不過有朋友話有少少腥 但我就接受到嘅如果你唔介意加兩蚊 可以試吓飲佢個蜂蜜檸檬水佢嘅蜂蜜同檸檬都好夾 我每次都會叫ps 餐廳老闆應該係內地人開 因為餐廳長年累月都係播湖南電視

同男友去睇舞台劇 短暫的婚姻，幾好睇👍睇完就去咗紅磡搵嘢食，呢間唔多起眼，本以為伏，仲見到有「有營食肆」標籤，以為難食，點知唔係🙇‍♂️🙇‍♂️🙇‍♂️入去時空無一人，只有老闆娘，仲以為唔好食，但原來都只是片面之見。男友叫咗碗藥膳牛肉麵，啲湯清甜兼無味精，好飲，如果要加湯就要+$6，唔係有實力嘅店都無呢個自信👍👍👍我就叫咗碗番薯湯米線，又係好食的真材實料。食食下，人愈來愈多，最後更差不多滿座👍👍如果大家經過紅磡，不妨試一試👍👍

係紅磡住hall，晚晚都要諗食咩，好彩紅磡都幾多好野食但係晚晚出街食，都想搵d健康嘅嚟食。自從搵到呢間嚐在心之後，幾乎就成為左我嘅飯堂喇呢個係我最常叫嘅蕃茄肉碎米線蕃茄湯充滿鮮味，肉碎夠多，仲會加兩條菜。而且佢有好多格仔比客人剔，有得揀少油走油等等，絕對岩曬d追求健康嘅人呀🥰而且跟餐可以配佢地自家製嘅菊花茶，有熱有凍，唔會太甜，可以下火好好味道除左呢個米線，我仲好推介家鄉炒米粉，超足料好好味，仲會送個蝦皮紫菜湯

落堂又落左紅磡覓食 呢間米線店位於民泰街既小巷裏面藥膳牛肉米線 $51藥膳湯底少少甜 加埋d酸菜都唔錯 但藥膳味就唔係咁重~佢地主打無味精 食完都唔算話特別口渴~牛肉有肥有瘦 不過比較碎濕濕 但都有點牛肉香 同埋都唔會太韌米線順滑彈牙配左個魚丸 咬落軟熟 感覺上較平時d魚蛋真材實料 友人食左個肉碎米線配腩肉 腩肉一咬落去幾彈牙 仲好濃酒香😳✨✨✨✨✨✨✨✨✨✨✨✨✨✨✨✨✨✨整體黎講 配料份量比較少 味道又未算特別 價錢都唔平 整體cp值唔高 同埋環境比較逼狹~

自問唔係譚仔嘅擁躉，反而間唔時會來呢一間小店食米線，發覺都有唔少人鍾意幫襯呢一間小店。我一路食開佢嘅蕃茄湯米線，個番茄湯夠濃，配菜就有豬肉碎同埋生菜雲耳咁，食落去都比較清新開胃。男朋友第一次黎食就食咗個拌面，配咗個紫菜湯，呢間小店標榜冇味精，但係我一飲個湯就覺得味精比較重，有啲失望喎，如果再有下一次黎食就唔會揀呢一個啦。

是日遊車河日，同男朋友揸架車四圍去。去到黃埔附近實在太肚餓啦，我地決定係黃埔問緊餐廳食。見到呢間餐廳有藥膳湯麵食覺得幾得意，於是我地就膽粗粗走左入去。牛肉藥膳湯麵🍜我好耐以前食過一次，今次係人生第二次食。湯底藥膳味其實唔算好濃，只係有淡淡的藥膳香味，怕會太濃味的人都唔需要太擔心，而且酸酸辣辣咁好開胃。牛肉整得好入味好「淋身」👍🏻👍🏻👍🏻估唔到有時隨機走入去的小店，都可以好有水準！😀

前兩日去睇子華神個棟篤笑就去左紅磡附近搵野食，本身想食間外賣壽司店竟然執左，另一間又無開，逼於無奈求其搵間近近地又唔太貴既食，就揀左呢間。我地叫左藥膳牛肉米線同埋閩東肉燥飯，四十幾蚊又唔算貴既，但食物質素並唔算好高。藥膳牛肉米線$41份量唔算好大，但一般食量黎講食完都有七成飽，牛肉調味唔錯，肉既軟硬度都適中，但最大既敗筆就係佢個藥膳湯底係幾乎食唔出藥膳味，如果唔講既話可能會以為係酸菜牛肉麵。所以如果係想食藥膳既話就建議唔好食呢間啦，但如果想食碗正正常常既牛肉麵既話，呢間係做到既。閩東肉燥飯$44見到餐牌上話係推薦菜所以就叫左碗試下，肉燥幾好食但又未去到好高質，只係中上。除左肉燥之外重有啲生菜同半隻鹵水蛋，隻蛋都幾入味，唔錯，但就淨係得呢三樣野，我覺得無其他餸黎講呢個價有啲貴。平時去其他餐廳食豬扒肉燥飯都係四十幾，所以淨係得肉燥既話唔係好抵食。叫呢個飯另外會送碗湯，但碗湯偏咸，味道亦只係一般。整體黎講呢間野全部野都中規中矩，無好難食又唔太好食，唔想食咁貴又想食下台灣野都可以試下。

做野太忙，遲左放lunch。前兩日又瘋狂食，覺得少少滯，想食清淡d。點知打開銀包，發現淨返$50大元，而眼望四周，幾乎間間較平既餐廳都企滿等位既人，真係大檸樂。亂行亂逛比我搵到嚐在心，menu$50或以下，無加一，最重要係無人等緊位。望落雖然唔吸引，但無錢就唔好要求咁多，填得飽肚就算。原本想叫蕃茄牛肉米線，但怕米線難消化，轉麵又要加錢，哪有錢加？為免無錢埋單，最後揀左飄香拌麵。$42原來係套餐，有埋小食同飲品，所以揀左大魚丸同熱菊花茶。麵好好食，麵質軟熟，但撈左花生醬好黏口，好彩有個魚丸蝦皮紫菜湯，倒左落去變湯麵，無咁黏，味道仲幾好。不過果兩粒魚丸真係唔好食，雖然有芹菜蝦米香，但質感好削好散。好好食就稱唔上，但無咩特別要求，只為填肚既話，呢間可以on the list.