嚐味 (頌安商場) (已結業)

我以為香港通貨膨脹已經去到咁厲害！難食海南雞飯買到$62夜晚想食個海南雞飯，見到呢間有得賣，平時夜晚呢間已經冇人食，都知有d伏，但人總會重複犯錯，所以我決定睇吓佢有幾伏，店員服務態度唔錯，都幾有禮貌，多謝前多謝後，呢點無可厚非，對我有啲改觀，我就叫咗一個海南雞飯凍咖啡價值$63 連一蚊外賣盒費，返到屋企打開之後，我笑咗一聲，呢個飯可以買$62？？憑乜嘢，外觀上，$30都比多佢，雞就得幾舊，仲要得一個醬，啲雞鞋過我鞋底，仲有個黃油飯，得個黃色就當係黃油飯？淡而無味，食咗兩啖，已經成盒放咗落垃圾桶，大家唔信嘅可以去試吓

本身想去時代冰室，不過看了一看，不太察覺在何處，反正來到馬鞍山都好像沒有怎麼吃過這類餐廳冰室裏，看見嚐味，印象中它是屬於味皇的，也算是不錯的餐廳，就吃這間吧。本身沒有印象味皇的海南雞是如何的，但印象中之前吃過也不太差，後來才想起，之前覺得味皇的厚切牛脷相當出色，於是再次叫了，印象中燒汁沒有什麼特別，這次就一次過試一試咖喱汁。上次是用大碟，另外就舖了幾片牛脷，這次反而是一碗飯，然之後令一隻細碗盛載咖喱汁以及牛脷。餐牌上，咖喱汁有兩隻辣椒，果然比外邊的，例如大快活咖喱，辣得多不算是辣到要汗流浹背，但也難免有點冒汗的牛脷份量沒有上次那麼多，上次好像有四大片，而且偏厚身；這次的牛脷，只有一片是厚切大片的，另外一篇是牛舌頭，另外還有一條長條型的牛脷，好像不夠大方。長條型牛脷，還算爽口，但礙於兩片都是牛脷頭的位置，口感難免會比較差；厚切牛脷那一塊就比較好，夠厚身，不過好像煎得不夠香，那麼當然就是因為它將牛脷一瓶放進咖喱汁裏邊，即使剛剛煎香，知道那麼香，也會被汁醬淹沒了香氣吧。結果，這間味皇的嚐味可能是最差一間，但它質素也不算太低，至少牛脷會比起另一邊那間「老爹」的薄切牛脷吸引一點。經常說要支持小店

今日相約住附近的媽媽結伴來到頌安商場逛逛，兩母女來個下午茶談天說地，也可順道往頌安街市買餸返屋企。好耐冇食海南雞飯，這店海南雞是去骨的，好想試試。飯的份量有一碗，午餐是足夠的。採用無公害無激素靚雞，啖啖肉，肉質又香又滑好滋味。海南雞必備汁料，星加坡醬油、薑蔥、仲有辣辣地南洋辣醬，沾雞食 是常識吧。港式熱奶茶是我的至愛，必點，加一包黄糖剛剛好。另外叫多個咖央多士連飲品，下午茶餐價錢經濟包飲品，傾下講下又一個悠閒寫意的下午時光。

今日因工作關係入到黎馬鞍山，所以就入左黎商場黎醫下肚仔。 因為呢間即刻有位所以就入左黎。個人黎講真係好鐘意食牛脷，所以有個餐係牛脷食就即刻order左咁其實個飯份量都大，但質素就麻麻，個汁一黎太淡味，二黎好稀，所以唔好食。跟住個牛利其實未去到好差，事因係佢煎得好香，個嚿肉本身質素好差，咬落無牛脷本身爽口有咬口嘅感覺但其實呢個價位，50幾蚊唔算好過份，我都仲接受到，但我d frd食嗰d海南雞飯/沙薑雞飯真係唔討好Overall黎講麻麻地

之前喺呢度食早餐，都仲有$28嘅餐，不過最近應該百物騰貴，見到餐牌都更新左，價錢亦相對提高左，早餐最平嘅都要$32了。今次叫咗一個扎肉湯米粉，好適合喜歡清淡嘅朋友，因為個湯真係好清，而且扎肉都只係薄薄幾片，相比起平時食嘅公仔麵、午餐肉、腸仔等咁肥膩嘅早餐，呢度的確有啲比較清新又健康嘅選擇。

星期六的中午又一家人出街飯，唔想去咁遠其實都唔係好多選擇，即管睇下嚐味洗唔洗等位，有時會見到有堆人在門口等，今日無，望入去有枱只係未執好，所以等左3分鐘就入得。呢間嘢叫自己做星馬泰美食，裝修都好有東南亞風味，不過主要都係四人卡位或餐枱，對於多過四人的組合比較唔方便，只有兩張U型枱(可坐6人)啱用或者得門口2-3張卡位可以打橫連住坐。食物方面，其實佢款式都幾多，今日叫左午餐精選裡面的意式蕃茄魚柳意粉($47)、西冷牛扒腸仔配蒜茄汁飯($48)加一個常餐($36)全部餐都可以附送椰子雞湯，基本上次次黎呢度都會飲呢個湯，其實唔算好好味，我唔識分佢有冇落味精，不過椰子味重，而且好多，次次都食到你唔想食，雪耳都有，但雞絲都有幾條食下既。先黎左個西冷牛扒腸仔配蒜茄汁飯($48)，塊牛扒太多筋，用刀切都有難度，小朋友好難咬到。腸仔唔知係咪廚師牌，都偏咸。至於意式蕃茄魚柳意粉($47)，魚柳都大塊，不過D汁整到淋哂，意粉不過不失。佢地鍾意用沙律菜做配菜，無煮過的。常餐($36)除了左火腿煎蛋加多士(心型碟上！)仲選擇了沙嗲牛肉米粉，對小朋友就有點辣，大人當然無問題！呢度上餐速度都算快，而且一坐落佢就會

馬鞍山市中心既商場換位換店過後，好多間餐廳都吾做早市，搵間食早餐都難。唯有去頌安食啦！嘗味坐滿人，就走入去試試。早餐選擇都幾多，港式三文治，湯粉面，歐陸式早餐，健康既麥皮都有。早餐可以揀搭蛋，真係好少有。但係我炒蛋火腿，就俾阿姐閙架😤。火腿烚蛋牛奶多士，用心形碟上，幾 sweet。😍牛奶多士有牛奶味，不過就好似差緊塊牛油。沙嗲牛面既牛肉都 okay，但個面煮吾夠，硬左D。所以吸收吾到湯，又硬又無味。😒嘗過就算，下次會試下格離。😌

外賣叫左海南雞，無醬跟，油飯無味，d雞好似擦子膠咁，個喇沙無味到清湯咁，豬頸肉又韌又無味，香矛雞翼一d 香矛味都無，老老實實無心機就唔好做飲食啦，真係請都唔食，兩個字垃圾，好耐無食過呢d咁差水準既餐廳，無論食物定簡單到一杯柚子蜜都可以整到咁不知所謂，奉勸大家食個杯麵或者捐錢去慈善團體都好過貼錢買難受，唯一可以讚既係外賣包裝好整齊

是日去了人稱"美食沙漠"的馬鞍山工作，由於工作地點較近頌安，唯有係呢邊醫肚... 都係得幾間連鎖食店選擇。。原本想食譚仔又排曬長龍，見到呢間嚐味有下午茶又幾多選擇，即管入去試試~花多眼亂。。最後決定點了魚腐喇沙龍蝦湯米線～配熱奶茶～ 食物到枱後有點驚訝！比想像中多料同大碗！ 魚腐5大粒，沒有魚腥又不會太粉，仲有一粒豆卜同半隻蛋，喇沙湯香濃米線也夠滑。 呢個年代$34包熱飲抵食夾大件味道又唔差，仲係邊度搵？

下午茶時間，走到這東南亞餐廳品嚐加央多士餐。想不到這個餐都頗豐富，除了多士，還有沙律、焗豆和火腿。主角當然是加央多士啦。多士是即製的，因此質感及溫度都可以。但美中不足的是加央醬過少，很難得地才能夠品嚐得到。希望可以改善一下啦。

今日趕住出門..9點左右想係樓下食個快早餐..唔想食Mcdonald's..見大家樂又勁多人排隊..唯有食嚐味..之前有食過lunch既...第一次黎食早餐..叫左個蕃茄腸仔通配火腿蛋牛油多士...個多士好乾...炒蛋完全無味..又散..好失望...個蕃茄通不過不失...但稱唔上好味...只能講係街坊野食..但馬鞍山係美食沙漠係無錯..想食個正正常常既早餐都幾難..最好既選擇只係快餐🤦🏽‍♀️🤦🏽‍♀️🤦🏽‍♀️

都已經一段時間冇黎呢條邨，有日行過呢個商場，見到有間餐廳以前未食過，就膽粗粗入黎試下。呢間餐廳主力星馬泰風味，就即管試試佢既實力。下午茶時段人流不多，反而係好多其他落場既伙記黎食。經餐廳職員推介，我就試左無骨海南雞飯加泰色酸辣醬汁。海南雞肉質屬合格水平，而職員所推介既泰色酸辣醬汁就反而一般，唔酸唔辣，不太惹味，而且醬汁份量少，有D到喉唔到肺既感覺。黃油飯都算幾香，飯都好夠軟熟，最緊要飯夠熱！成個餐我會比75分！

開幕第一日到依家幫襯足咁耐，唔係因為佢好味，而係無野好食！開幕咁耐，近日先換左少少新餐牌。有個二人餐幾好果！服務方面:有個後生女職員，奇奇怪怪。一坐低就會行到勁埋等你落order，同佢講等一陣，佢都要企到勁貼等你。佢餐廳餐具係枱底櫃桶，但呢個職員偏偏又鐘意企係枱邊搞到你攞唔到！經理算係咁，只係如果你擋佢路，佢就會黑面！

馬鞍山沒有很多有特色得來有價廉物美的餐廳，尤其是我住的頌安邨更加嚴重。現在商場有這間「嚐味」，成為很多居民吃飯的首選。每逢吃飯時間，都會有很多人在餐廳門口等候。餐廳裏座位舒服，而且裝修很別致，以屋村餐廳來說算十分吸引。要留意的是，某些冷氣位可能會比較凍。我點了無骨海南雞飯。這個應該是餐廳的招牌菜。餐飲方面，我選擇了餐湯。今日的湯是雪耳湯。這個湯很熱，飲盡後感到十分溫暖。雪耳很大塊、很滑，我想也沒想過這麼滋潤，很適合我這些經常要說話的人。整個海南雞飯餐有豆和沙律。份量剛剛好！有這碟豆給我感覺是比較健康。我特別想提那個醬汁。這個海南雞醬汁酸酸甜甜、卻又不辣，吃進口沒有渣滓，令我在這一餐飯當中多番回味。不要以為所有泰國菜都是辣的。來為海南雞飯做大特寫吧！海南雞飯是無骨的，來自雞髀肉。雞件順着肌肉嘅紋理來切，進口十分易咬啊。我認為要透徹地品嚐這個雞，必須連皮吃！因為這些皮十分滑，並讓雞的香氣帶出來，且不是太過肥，吃了都不覺得油膩。這碟油飯混有薑絲，是很香口的。我覺得若是換咗白飯實在不行。海南雞肉配合醬汁，夾住油飯來吃，每一啖都令我感到好滿足呀！可惜雖然座位十分舒服，感到很享受，不過人流實在太多