影片
更多
2016-01-26
634 瀏覽
同朋友去筲箕灣搵地方食午餐連下午茶，見呢度唔洗等位又有卡位，即管入去試試，點知咁就中伏了~喺外面睇，佢既裝修都幾光鮮新淨，點知坐到入去，見到成地都係餐紙，即刻大打折扣，心諗點解仲污槽過d舊式茶餐廳架？ 打開餐牌都幾多嘢食揀，最後我揀左午餐既瑞士汁雞翼拼芝士腸撈一丁，我fd就叫左下午茶既日式照燒雞扒撈丁，講真我地唔係好有要求既人，正常茶餐廳質素已收貨，但結果真係超級失望~先講講個瑞士汁雞翼拼芝士腸撈一丁，平時食開嘅瑞士汁唔會咁稀架，佢頂晒籠只能話係好淡既鹵水汁，隻雞翼d肉好梅下，d腸仔又凍既，成碟野都唔似新鮮整，最唔開心係上枱時見到碟邊有條頭髮，唉~食左幾啖真係食唔落去~諗住轉戰個羅宋湯頂肚，點知一樣咁難飲，連呢d咁基本野都整得咁難食，想點？！而我個fd既日式照燒雞扒撈丁亦相當「經典」，d雞扒又係死死實實，然後比左兜黑媽媽、類似麵豉湯既物體比你將d麵掛湯食，碗野好咸又有陣怪味，完全唔會令人有食慾想食落去~唔知係我地黑仔叫著d最難食既野定係點，但無論如何都無第二次luu~bye~
喺外面睇，佢既裝修都幾光鮮新淨，點知坐到入去，見到成地都係餐紙，即刻大打折扣，心諗點解仲污槽過d舊式茶餐廳架？
打開餐牌都幾多嘢食揀，最後我揀左午餐既瑞士汁雞翼拼芝士腸撈一丁，我fd就叫左下午茶既日式照燒雞扒撈丁，講真我地唔係好有要求既人，正常茶餐廳質素已收貨，但結果真係超級失望~
先講講個瑞士汁雞翼拼芝士腸撈一丁，平時食開嘅瑞士汁唔會咁稀架，佢頂晒籠只能話係好淡既鹵水汁，隻雞翼d肉好梅下，d腸仔又凍既，成碟野都唔似新鮮整，最唔開心係上枱時見到碟邊有條頭髮，唉~食左幾啖真係食唔落去~諗住轉戰個羅宋湯頂肚，點知一樣咁難飲，連呢d咁基本野都整得咁難食，想點？！而我個fd既日式照燒雞扒撈丁亦相當「經典」，d雞扒又係死死實實，然後比左兜黑媽媽、類似麵豉湯既物體比你將d麵掛湯食，碗野好咸又有陣怪味，完全唔會令人有食慾想食落去~
唔知係我地黑仔叫著d最難食既野定係點，但無論如何都無第二次luu~bye~
張貼
