影片
以上資料只供參考, 請與餐廳確認詳情
因為次次經過都見到依間野好多人食所以一直都好奇究竟點解咁多人食哈 原來又係一間熟客不用排隊的酒家服務員好串嘴 對熟客又係另一個樣想要佢地燒鵝燒肉雙拼飯 加錢都唔係問題但就話唔可以咁雙拼🌝成個茶樓好似要嗌交咁 無論客人定職員都好燥底 講野超級大聲🌝野食又唔係特別好食
繼續閱讀
上年6月，我應該第一次走來屯門這個商場嘞！媽咪有晚打算不煮飯，建議走到屯門良景廣場3樓的酒樓 <嘉年華海鮮酒家>，晚上 7:30 時段，已經起碼8成食客，真的好旺！食到 9:00 前，已剩番兩三成食客！就算疫情改善及相關政策放寬，並以隔板相隔，感覺上，提高私隱度又容易傾計！當我發覺我找不到我的食評，才留意到，店名已改！以前是：嘉年華火鍋酒家現時是：嘉年華海鮮酒家餐牌一家四口晚飯都要追單客家煎釀豆腐 (例) $88一客8件，既香且滑，大大件的豆腐，顯得表面的豬肉餡少得可憐！黑醋金薯咕嚕肉 (例) $98跟菠蘿咕嚕肉同價，新口味點來一試，長方體外型的就是蕃薯，其他就是咕嚕肉，薄脆甜美的外層包住，咕嚕肉的肉質被鬆肉粉弄至口感好腍，雖然有外脆內軟的雙重口感，卻是覺得有點怪！上湯焗海蝦伊麵 $118+$20 芝士底 蝦大約有10隻， 媽咪記得以前這裡食過蝦是霉， 今次鮮甜爽口，估計用冰鮮蝦，質素好過以前！伊麵軟硬適中，吸收芝士汁，食一碗都不覺得膩滯！豉汁蒸白鱔 $208等足半個鐘，還要追單， 見到送來時，跟另一枱的蒸白鱔一起用食物車仔送上，白鱔入口鮮爽，豉汁香口惹味又入味， 不過好油！父親節晚餐：4人套餐 $638 由淡味至濃味花膠海皇燴翅的確選用真魚翅，略為份量少而已！加入花膠絲，口味啱大家胃口！濃湯魚腐浸菜苗魚湯調味恰到好處，軟腍腍的魚腐吸收魚湯幾入味，白菜仔都幾嫩！碧綠炒斑球西蘭花入口清爽，石斑起肉，依起來啖啖肉！金薯黑醋咕嚕肉套餐的貨色，炸漿較薄，每件蕃薯及咕嚕肉都相對正價的細件，味道不變！野菌斑腩斑腩醬汁幾濃味，卻不及豉油王中蝦！ 夾雜魚骨，配料有草菇、...。豉油王中蝦有8隻蝦，非常惹味！色澤鮮明，鮮甜爽口，醬汁更提升鮮味！白飯 $12/ 碗晚芥 $12/ 位供應濕紙巾及洗手用的檸檬茶
繼續閱讀
唉，諗住星期日唔洗咁早起身啦點知主人👩🏼🐯拎埋個老母出嚟叫我去搵位飲茶🤬好啦求其搵間啦朝早8點幾就出左門口🕖心諗星期日要同啲公公婆婆爭位👴🏻🧑🏻🦳哎喲，好彩唔洗等位🤭我就緊係開定茶擺好晒嗰陣☯️等主人同埋外母大人到啦但係食咩當然唔到我揀啦🙇🏻♂️🙇🏻♂️鮮蝦腐皮卷🌟🌟（真心麻麻哋好油，同埋唔夠脆，重要係凍嘅）黑金流沙包🌟🌟🌟🌟（呢個流沙包回頭率100%，可能因為佢真係啱啱蒸起，個皮唔會太厚，個餡嘅味道又啱啱好👍🏻）蟹籽燒賣皇🌟🌟（唔知點解個燒賣好鹹，可能個廚師心情唔係太好）香煎鹹薄𦉘🌟🌟🌟（呢個煎得唔錯，雖然都係油比較多，但係食落去都可以食到脆口同煙韌既混合）回頭率%40今日有外母大人眷顧又唔使受靶🥰🥰
繼續閱讀
嘉年華酒樓到飲左好幾年 每逢有咩日子親戚朋友都會約埋係呢度食飯飲茶食個包🥐好耐無食過 咁岩同朋友仔無野做 就約埋去飲茶傾下計👧🏻👧🏻👧🏻專登入去 門口好多人等位 大約等左10張枱先入到去👅蝦餃燒賣呢兩部係每次去酒樓必叫既！其實呢兩味都已經好反映到酒樓嘅質素 食呢兩樣點心 就可以知道間酒樓咩料！☕️蟹子燒賣皇$25燒賣質素都正正常常ʕ •ᴥ•ʔ☕️鮮蝦蝦餃$25蝦餃嘅質素就麻麻 個皮唔夠彈牙 蝦肉唔多 食落冇咩口感 食左一嚿就收手🥲☕️豉汁蒸鳳爪☕️香煎薄餅罉以上兩款都正正常常，冇咩驚喜，薄罉得唔夠香同脆🥲☕️黑金流沙包呢一個係我食過全餐最好食嘅點心！一搣開一半 真係流心㗎 唔會甜同膩💓🐿食過咁多年整體質素每年下降⬇️以前真係會覺得嘉年華好食 但係依家真係麻麻哋 粗粗地飲茶都可以接受 但係唔好期待話真係好好食🥹市面上越開越多新式嘅小型點心館 食物質素好好🤤希望大型酒樓都可以做返好啲 大家都可以食返好好味嘅點心🥰
繼續閱讀
之前經常幫襯，覺得呢度D野食又平😍，質素都ok😋 , 就成日嚟。但係個日，我地坐落，見到D價錢早已升級。由$28 碗燒肉瀨粉升至$32🥲。呢樣都唔緊要，人地要揾食，我十分明白😉。我地叫咗碗燒肉瀨粉，發現原來加咗料🧐，有隻黑色物體在湯中暢泳😨，自由自在，無拘無束🥴。我地叫侍應😵。佢換咗碗米線😮，只係免咗一位茶錢(我地有三個人)😬，算了吧!🙃再來不來，大家自行决定吧!😗😀我不行了🤗
繼續閱讀
您可能會有興趣的...