嘉多娜餅屋

營業中

休息中

這天剛好要到佐敦附近辦點事，於是忍不住去了法式布甸包的始祖嘉多娜餅店朝聖🙈這間佐敦分店位置有點隔涉，實際上它是在柯士甸，而那邊很多時過馬路都要經隊道，加上google map的地址有誤，我走了不少冤枉路才找到。網上資料指布甸包的出爐時間為下午1:30及4:30，我去到的時候其實已5:30，但外面不見有人龍，於是抱著碰運氣的心態進去看看，結果布甸包和此分店獨家的泡芙布甸都仍然有售，而店員早已將它們兩個一袋的分好。我每款買了兩個，但只用個爛鬼膠袋來盛載麵包實在不夠保護力，走不了半條街麵包中間的布甸已經漏出來了🤦‍♀️店家建議熱食可放焗爐或氣炸鍋加熱，其中兩個布甸包我放了雪櫃兩天才吃，焗完後麵包仍然煙韌脆口，布甸部分亦充滿蛋香，甜度適中。至於泡芙布甸加熱後則變了一pat嘢，雖然不影響味道，不過口感上有點奇怪，建議還是即食比較好😂😂法式布甸包$153.5/5⭐️泡芙布甸$204/5⭐️🍞嘉多娜餅屋🥐 地址：佐敦文苑街1-23號文英樓地下1號舖

法式布甸包逢2pm新鮮出爐，每日限量100個，今日5點幾去買都有幾個人排隊，好彩終於食到啦～買左原味$15/個同朱古力味$20/個；法式原味布甸餡唔會太甜，蛋味好出，奶味都濃郁；朱古力布甸包味係朱古力層下面都係原味布甸，兩種味道夾埋一齊唔會太漏，而且餡非常厚！可以用匙羹一啖一啖咁樣筆黎食，或者成舊咬，係滿滿嘅滋味啊～雪凍食就會好似雪糕咁嘅口感，岩晒夏天食～包皮煙韌，好有咬口，下次想試埋綠茶味同泡芙😋

第一次吃嘉多利啲麵包是係佢佐敦文英樓那間舖買的,巳是好耐之前既事, 這間唔知係咪元祖店，但當時佢仲未爆紅成人氣店, 只不過是街坊口中的好吃麵包舖. 再次聽到嘉多利這個名就係朋友介紹佢既名物"布甸包", 仲發現原來佢有幾間店, 除咗文英樓, 仲有油痳地同何文田店, 當時要買到這個名物 "布甸包", 係要用上近1個鐘時間去排隊, 仲要在疫情期間. 真的好利害!!! 今次去文英樓附近吃飯, 順便走去看看. 啊! 巳無之前的搶購潮, 不過其實我最喜愛的, 仍舊是佢既"芝士吐司", 吐司內充滿芝士粒粒， 若趁熱吃， 麵包更鬆軟， 所以每次都是義無反悔的吃了再算， 肥就肥吧！!

布甸包熱潮好似已經過左好耐 所以今次咁啱經過柯士甸站就上去睇下有冇布甸包買到 去到冇排隊人潮 都冇限時4:30先發售 所以就好好彩咁買左兩個😎店員姨姨會問用盒定係袋裝 不過好多已經裝好預備定🤣當然仲有台灣3Q餅 好多麵包可以揀！🥯原味布甸包💰15就咁望落一個盒淨係裝到兩個布甸包都算好大舊 外面嘅法包裂紋比較多 入面嘅奶黃布甸芯好似凝固左咁 拎返屋企之後我冇用氣炸鍋或者其他 反而擺係雪櫃冷凍左一陣跟著食✌🏻冷凍完嘅法包皮會比較硬身 難咬開 同埋覺得冇乜麵包嘅香甜味 好平淡無味 但係咬開之後入面嘅奶黃芯反而流左出來 液體嘅狀態好靚又好有動態 我仲以為雪完會凝固好似蛋撻芯咁🫣內芯嘅custard份量好足 但係我就覺得忌廉味太重 定唔知係蛋腥味主宰左成個布甸芯 雖然流心好正但係就冇左香滑嘅感覺 有D漏可能我食嘅方式唔係最好食 或者我個人唔啱原味 下次試下抹茶或者其他餅屋賣嘅布甸包嘅口味 睇下係咪嘉多娜最好味🫢📌 嘉多娜餅屋 (佐敦)佐敦文苑街1-23號文英樓地下1號舖

🍽️ 嘉多娜餅屋 (佐敦)佐敦文苑街1-23號文英樓地下1號舖😋原味法式布甸 $15 (4.5/5)呢間舖最hit一定係布甸，佢建議焗一焗返熱黎食180度2分鐘，係真係幾好食，外脆加埋啲布甸好食🤤但可能期望太高，覺得都好食既，但唔會為咗佢排成個鐘🤣😋朱古力味法式布甸 $15 (4.6/5)見到有朱古力味就試埋，估唔到朱古力味幾濃，而且唔甜，都好食🤤😋原味泡芙 $20 (5/5)呢間既泡芙超出色！好食到癲，佢啲吉士多到爆，又唔會好甜，食落唔膩，好好食！☺️😋開心果脆脆泡芙 $25 (4.7/5)呢個係限定，每人限購2個嫁咋，鐘意食開心果既朋友仔一定鐘意食，佢開心果味濃郁，但我都係鍾意食原味多啲🥰😋蒜香乳酪包 $18 (4.7/5)呢個見佢樣貌都幾吸引，見好多人都買就試吓，強烈建議一定要整返熱嚟食，熱食佢啲乳酪溶溶地好好食🤤蒜香味都好重，可以一試👍😋紅豆銅鑼燒 $15 (4.4/5)呢個都好足料嘅，紅豆好多，但呢個食到一半好滯🙈建議share食好啲，味道唔錯嘅係💁‍♀️呢間分店位置有啲偏僻，平時唔會經過🤣💁‍♀️排隊排咗半個鐘都還可以接受，再耐啲就不了🙈整體🫶(4.7/5)

Finally my turn to try these popular creme burlee bread!!The original flavour one was $15 and it was very good! The creme burlee is creamy, oozy and has the custardy vanilla flavour Couldn’t resist to also try the Belgium chocolate flavourIt was $20 and looks grand with gold foil on top The dark chocolate layer was rich and thick It was sooo delicious The bottom is the same burlee cremeThis one has doubled the amount of deliciousness - a decadent piece of dessert

朋友話未食過，今日出開黎買帶佢去買下。岩岩好係4點出爐個轉買，我地4點4去到，估唔到仲買到💕布甸包買夠4個就會有盒裝，建議唔係住附近又或者唔係即刻食既就買夠有盒，咁拎d布甸先唔會漏哂出黎🤗🔸原味（$15）蛋味濃郁，而且嫩滑，外脆內軟令人欲罷不能🔸朱古力味（$20）甜甜既朱古力，配上原味係底，又唔會過膩因為拎番屋企食，所以可以180度焗3分鐘，焗脆個包，而布甸🍮流心咁食😋除左買布甸包我地仲買左個開心果泡芙（$25），成個拳頭咁大隻，而且入面既cream有濃濃既開心果，好正👍🏻

每次假期嘅下晝經過，都見到長長嘅人龍，超高人氣！之前食過佢嘅布甸麵包，都覺得幾好食，今次一於試吓布甸泡芙😋🍽️布甸泡芙啱啱好新鮮出爐，香氣滿瀉🤤外皮少少脆，內餡係吉士味嘅布甸，有著濃郁嘅奶油，味道同布甸麵包嘅布甸一樣，都係偏甜。我哋問過老細，佢話推薦放喺雪櫃一日先之拎返出嚟食，口感會再好啲👍🏻👍🏻同埋員工非常好人，見到我哋鍾意影相，又好好奇，特登拉開一盤滿嘅布甸泡芙俾我哋影相🥰🫶🏻

嘉多娜嘅布甸包曾經日日排晒長龍，雖然依加無咁難買，但都keep住限量製，我試過兩次食完晚飯去佐敦店買都仲有！不過早喺布甸包推出前已經食過唔少何文田分店嘅包，最印象深刻係佢哋嘅炒蛋包，做早餐超正！•🥢 泡芙布甸包 $20泡芙係遲過布甸包推出，而且前排都推出過開心果味，但暫時未撞到有😢 雖然都係叫布甸泡芙，但入面嘅內餡係比較流質，似吉士醬多過布甸，同布甸包內餡有啲分別，吉士醬食落蛋香同奶香都出啲；泡芙皮帶點牛油香，拎返屋企即晚食都仲有少少脆，只有個底淋咗少少🤏🏼•🥢 法式布甸包 (原味/朱古力) $15 簡單啲講就係將布甸放入圓法包，但食落外脆內軟，一啲都唔普通！法式布甸可以凍食/熱食，兩種都試過，但鍾意焗返熱食多啲，因為焗返熱布甸部分會流心啲，而且外層法包都會脆啲！凍食嘅話外層嘅法包就唔脆而係比較韌🙈 布甸部分其實佔咗個包嘅8-9成容量，味道稍為偏甜，但可以接受～而朱古力味並唔係成個朱古力味嘅布甸，而係4份之3嘅原味布甸加一層厚厚嘅比利時朱古力醬/布甸(?)朱古力味濃郁得嚟帶輕微嘅苦味🤤 仲可以稍為中和返原味布甸嘅甜味，不過亦都會蓋過咗布甸嘅蛋香味喇🫢 朱古力控一定要試朱古力味啦🍫

馳名麵包店｜📍嘉多娜餅屋（佐敦）♡朱古力布甸包♡｜💰$20包體偏韌，箍緊牙嘅朋友仔會食得比較辛苦🙈布丁包表面嘅朱古力漿下都係原味布甸，兩者混合之下會無咁甜腬🫶🏻個人覺得比原味布甸包好食啲，而且表面仲要金箔，打卡一流😂♡開心果脆脆泡芙♡｜💰$25泡芙表面有開心果脆增添口感但泡芙皮相對淋身🥺入面嘅開心果cream雖然多但味道偏淡🥺個人寧願佢濃味少cream，食上嚟會更滿足。題外話食完之後喉嚨有少少起痰feel😂

放假去左買嘉多娜泡芙食🫶之前食法式布甸包覺得一般，包中間挖空部分嘅麵包邊個人覺得好韌。雖然布甸都ok滑，但係俾麵包拉低左不少分數🥲🐾泡芙布甸$20但係泡芙布甸就完全唔同喇🫶🫶真係好好食，一啖咬落去小心幼滑忌廉夾心喺四面八方噴出黎😆😆泡芙面頭脆，夾心奶滑，偏流質，唔會太甜😋😋門口寫佢地選用法國鐵塔牌忌廉，奶味香濃😚好好食😚🐾餐蛋包 $13喺門口食完泡芙，諗住入返去影d麵包相時竟然撞正餐肉炒蛋包出爐！我黎過5、6次，對上一次食到係年幾之前😅另外仲有火腿炒蛋包出爐🙌麵包軟熟，熱辣辣，炒滑蛋用左牛油炒，食每啖成個口都係香濃牛油味，蛋呈半生熟😚滑到不得了，餐肉切得好厚，$13黎講比普通包貴，但食得出用料足同靚！抵！

今日經過柯士甸站附近，突然醒起嘉多娜餅店近期出新產品，諗住碰一碰運氣！ 竟然沒有用人排隊😙😙，諗著試開心果泡芙！可惜未到時間，咁唯有買個原味泡芙試一試！買完準備走既時候聽到店員既姊姊話有開心果泡芙出爐，咁當然要買多件啦！ 1. 開心果泡芙 $25件泡芙面層鋪滿開心果碎🥳，視覺享受😎咬落去第一啖充滿開心果味😊😊泡芙脆口，開心果忌廉份量超多，爆餡，但開心果味好淡，唔夠濃，但忌廉滑身，整體來講普通！ 2. 原味泡芙。$20 件 泡芙內餡充滿吉士忌廉，但忌廉比較削身，太稀而且比較甜，吉士忌廉太多食落有點滯，如果甜度減少同忌廉企身點比較好！

$140芒果黑森林蛋糕（半磅）半磅大概適合5人食用🤤傳統賣相，舖滿水果，有蜜瓜、芒果、士多啤梨、藍莓、菠蘿，芒果舖到好似一朵朵花咁好靚🫶🏻🫶🏻朱古力碎鋪滿成個蛋糕🎂內層有黑加侖子味啫喱❤️簡直係黑森林蛋糕既靈魂！仲要有新鮮芒果夾心😻真係好正🫶🏻✨朱古力味既海綿蛋糕甜度適中，唔會過甜，非常好味🤤海綿蛋糕質地唔硬仲幾軟熟👍🏻非常適合一家大細慶祝生日食👨‍👩‍👧‍👦另外加寫生日牌只需$20😁

終於有時間去試呢間布甸包元祖店 舖頭會唔會有幾個唔同嘅出爐時間 半個鐘頭之前已經有人排隊😱可想而知佢嘅受歡迎程度法式布甸包 $15@1呢款布甸包嘅蛋味同雲呢拿味非常香濃😍但同時間甜度亦都啱啱好布甸質地唔會太流心，反而有小小似吉士醬嘅濃稠質地，而佢麵包質地相比起紅豆更為煙韌😗📍嘉多娜餅店地址：佐敦文苑街1-23號文英樓地下1號舖推薦：💛💛💛💛🤍#hkfoodie #hkfood #hkblog #likeforlikes #香港美食 #香港好去處 #香港食評 #佐敦美食 #油麻地美食

有日去柯士甸站途中路過見唔算多人就黎試下⭐️開心果脆脆泡芙面層鋪滿開心果碎 令口感更豐富泡芙薄身唔脆 內餡忌廉份量唔少開心果忌廉 輕身香滑 開心果味唔算濃 簡單講就係香味濃過味道 但整體都算唔錯⭐️泡芙布甸泡芙薄身唔脆 內餡布甸偏稀味道帶吉士香 感覺食到有奶粉味味道略甜 食落有少少膩 整體還好個人覺得泡芙雪凍食會好食啲⭐️法式布甸常溫 法包韌 布甸香滑 略甜熱食 法包脆 布甸稀 偏較流質 略甜 凍食 法包更韌 布甸會較實 略甜三種方式都唔算好食個人唔識欣賞呢個組合⭐️特濃朱古力雙層法式布甸法包同上面一樣 所以唔多講表面有片金箔作點綴 多左份貴氣上層 朱古力 味道都幾香濃 但都係略甜完全蓋過咗下層原味布甸嘅味道感覺係甜上加甜 都係普通總結：味道還可以 冇驚喜泡芙比法式布甸包出色起碼個配搭組合係夾嘅 要排隊真的不了 完全唔值個人覺得泡芙都可以一試法式布甸包唔推介