嘆茶 (已結業)

那晚踢完波,十點半左右,三個人去醫肚,入去本來叫餐蛋丁,之後佢話廚房收左,得返燒味,只好每人都叫左燒鹅米。等左十五至二十分鐘,D食物好似冇煙煮食,D米粉勁硬。算LA,都照食,到比錢時,我地睇張餐牌時$28元+8元茶錢都係36元左右,睇返張單每人五十幾元。問經理,佢話個張餐牌係下午價錢,晚上唔同,咁我地問點解比下午張餐牌我地,佢話同事比錯。咁問佢拿張晚上餐牌,佢又話冇,加上個經理態度十分差。......明騙消費者。五十幾一碗難食的燒鹅米

這間嘆茶睇落有點似茶餐廳，但又有燒味、點心，甚至有魚池賣海鮮，更有貴賓房，給我的感覺是三不像。還是吃番茶記的食品，要個回鍋肉炒公仔麵。可惜，公仔麵鑊氣不足，唔得香口；回鍋肉連筍，是罐頭貨色。對罐頭，而且辣汁欠奉的回鍋肉沒有什麼興趣，反而爽脆的筍會吃幾片。杯凍奶茶，茶味好鬼重，甚至有點澀，不好。如果真的要嘆茶，倒不如行過幾步去豪華，會更入型入格，更對口味。

今日放工之後去咗公司附近果間"嘆茶"食晏, 呢間嘢新開咗一段時間都未有機會試,因為成日都"爆晒", 一坐低, 睇咗其中一個餐牌, 嘩! D價錢比起其他茶餐廳都貴咗D喎! 但望望其他推介餐牌, D價錢就合理, 我order咗個泰式醬海鮮炆米, 而我男友恐龍就order咗菌皇肉片炒面, 係等嘢食期間, 我地就睇卡位旁的電視, 值得一讚, 每個卡位旁都有一部獨立電視, 當然你唔好expect部電視好大, 但以茶餐廳來講, 都算唔錯咯, 睇咗一陣, D嘢食就到嘞 :嘩, 大家睇吓圖先, 我無食過以$32蚊食海鮮飯或者面, 會有"珊湖蚌"囉, 而且仲有"帶子"添, 個泰式醬酸酸甜甜好開胃, "正"!! 而恐龍果個菌皇肉片炒面, 大家又睇吓相, 超大碟囉! 我好少喺街食肉片, 因為好多時D肉片都俾D梳打粉"嗱"到無晒肉味, 但係呢碟有肉味之餘, 仲好"淋", 再用肉絲炒面的面做面底, 脆卜卜再加D醋, 又超多菇, 好美味呀~~~! 雖然兩碟嘢都幾大碟, 但我地都通通清晒! hehehe! 我地仲發現咗, 呢到有免費WIFI提供, 本來諗住食完飯去library做assignment, 依家唔駛去之

見佢新開張, 試下去食其實係門口都覺得怪,冇餐牌入到去~發覺佢都叫做ok 平~$29-32~諗住叫黎食~跟住一早黎到個朋友即時話呢個價錢要1點前埋單~ok...算....但已經有上左賊船既感覺好~再睇另一張餐牌~wah!最平既飯都38...再望真d 有個四寶飯~$32...都ok wo 另外個frined叫豬扒羅宋面叫個侍應黎~落完正想叫野飲~佢話我地叫既餐係唔包野飲~熱加$6~凍加$7...同一張餐牌~同一種color但唔同price...心裡火到黎埋~~食飯....個四寶飯都好一般~d燒仔硬到爆~但比得咁既錢~我去食太興好過啦~朋友e個面仲差~個豬扒冇味既冇下次~大家要去就自己諗啦

尋晚我又再幫襯"嘆茶"喇今次食0既係晚餐, 2個人分別叫左帶子豆豉蒸豆腐, 蝦乾冬菇蒸矮瓜及白飯一碗, 另餐廳奉送燒鵝例牌一碟. 評語如下:讚 :- 服務有禮兼勤快- 茗茶方面有白毫銀針, 鐵觀音等, 比一般酒樓特別- 新張期內, 凡2人以上幫襯小菜即送燒鵝 (真係鵝而非鴨). 雖然係免費, 但係燒鵝味道唔錯, 肉質亦幾滑, 分量唔少, 仲有脾位食添- 要求0的餸少油亦大致做到- 0的餸唔算細碟彈:- 要求帶子豆豉蒸豆腐落少0的豆豉, 點知仲係落左好多, 淨係撥出0黎唔要0既都足以放滿半隻碗, 所以攪到碟豆腐幾鹹下- 蝦乾冬菇蒸矮瓜0的蝦乾都好鹹, 真係唔用0黎送飯唔得- 唔計果碟免費燒鵝, 前後只係叫左兩個餸及一個飯, 但係加埋0的茶水花生埋單要成一百八十幾(已經唔收加一), 其實都幾貴總結:下次我都係試下飲茶食點心, 好似划算0的

今朝叫左個豬排湯意粉+牛油方包+熱檸水, 盛惠$20, 讚:- 環境新淨, 有多部大小型電視- 服務OK, 雖然有少少亂- 方包自動"熨"底- 熱飲份量好足- 全日免加一, 又唔洗另外加錢彈:- 無乜冷氣 (可能我坐果位無)- 豬排無味- 湯底都無味整體0黎講都唔錯, 我見唔少人食佢0既點心早餐, 下次有機會我都會再去食

見灣仔開了間叫"嘆茶"的, 心想開在灣仔道的該不是品茗小店. 有可能是台式飲品店吧. 一看才知是趁著點心店熱潮正盛時開的餐廳. 舖面很大, 裝修挺好的.並非一般茶記格局. 周圍都是大電視. 卡位更有"私人"的小電視. 餐廳內還有個小的魚池, 還有個"VIP"房...etc.是日要了早餐, 有四款中西式的選擇, 見另有"點心紙", 即選了"蔥花油條腸" 配特式的"法式鵝肝咸水角". 先來的腸粉皮雪白, 質感是滑溜的, 反而欠點米香. 點點的蔥花帶點翠綠, 沒有蝦米總覺有點"齋"...蘸的豉油是分開上的. 油條有兩件是脆的, 但其餘的卻是韌的. 整體配搭是ok的, 只是在油條扣了分."法式鵝肝咸水角"一客有三個, 用小籃子盛著上桌時還有一股熱氣湧上來, 外層先香脆後軟糯. 肉餡的豬肉剁得很細, 但餡料還是偏向甜味較重. 當然是不怎吃到有什麼鵝肝在內, 作為普通點心還算可以. 隨早餐送的"中國茶"很熱, 但很淡, 亦只有一種選擇的茶. (店方可能忽略了"嘆茶" 除了食物重要, 沒有"茶", 何來有得"嘆"呢?), 餐牌內有齊中西扒類焗飯燒味及炒粉麵, 比一般茶記的選擇較多元化. 此店冷氣是

味皇就搬咗去集成, 同事報料話呢度開咗間新野, 仲帶隊嚟試吓! 全新斥資百萬豪裝, 門面的確唔錯. 門口亦間開一角做埋外賣燒味, 內裏地方頗大, 感覺舒適. 我地幾個人坐張圓枱, 午市推介有成十個選擇, 價錢約$32 - 45不等, 凍飲要加$2蚊.在心大心細的情況下, 我揀咗 鮑絲肉排飯. 單看餐單, 我其實想像唔到係點樣整嘅飯, 於是我都穩陣咁問吓侍應, 但她只奇炒地回答: 係排骨飯! 真係俾佢吹漲! 我夠知肉排=排骨啦! 但當飯送嚟時, 我先晃然大吾! 原來係蒸排骨飯, 咁點解餐單唔寫明(鮑絲肉排蒸飯)? 我諗連侍應佢自已都唔係太清楚!慨來之, 則安之. 已經送到嚟, 都要食架啦. 奶白的排骨啖而無味, 成碟豉油倒落去都唔掂. 白飯又硬又乾到一舊舊咁, 一個字: 差! 我只吃了排骨同小小白飯而已! 同事們有d食燒味飯, 質素一般, 但幾貴! 因為雙拼係冇飲品跟, 要散叫! 另外有d同我一樣, 中招! 唔明點解用咗咁多錢裝修, d食物可以咁差? 真係無下次了! 對不起, 第一個食評就要俾個cry... 但事實就係咁!