嘆番碗 車仔麵 (已結業)

叉燒撈丁麵都唔錯～但係肉質比較硬身！有好多肉都咬唔開！麵質只是出前一丁，只有豉油都味道！沒有其他味道！但係職員非常友善！到餐非常快捷！呢個唔錯呀。食物方面希望有所改善！

雞扒肉燥飯（$46+$1外賣價）🌟🌟🌟🌟雞扒係煎過既，就算冧左肉燥係面，都有d會食到係有d d 脆，幾好食。同雞肉既咸度適中，襯番個飯幾好食。肉燥表現都唔錯，汁同肉既比例都適中，有時重可以食到d大大粒既肉。不過對我黎講飯就比較多，下次可以睇下可唔可以叫少飯啦！飲品🧃🧃🧃🧃🧃我就揀左紙包飲品-蘋果綠，佢都有幾款紙包飲品比大家去揀既，同佢都可以叫檸茶檸水果d。但有得叫紙包，我就一定揀紙包啦，咁樣好似抵d？😂😂

師傅早一陣子黎過呢一間食店 ，發覺都幾好唔錯，所以早幾日放飯嘅時候諗唔到食乜，就想起呢間食店，決定再黎多次返啅，而師傳今次去嘅時間比上次還要遲，但去到食店竟然冇乜人，真係估佢唔到喎，唔知咩玩法呢? 於是乎入去坐低後跟住就劃嘢食。上次食完一個九大簋之後，今次師傅決定試下其他嘢，諗左一陣決定柯打個米粉，之後就揀左幾個餸，師傅決定今次唔好食返同上次差唔多嘅嘢，所以揀咗三個餸係上次有柯打，再柯打另外三個餸係從來未試過嘅。於是乎揀左豬紅，雞中翼，豬腸，牛丸，墨魚丸同龍蝦丸，再配上辣汁同腩汁。說時遲那時快，碗車仔麵就到，先試下佢湯底，湯底味道嘅幾香幾甜，味道討好，辣汁撈落啲湯底度，發覺味道再正啲，又唔算好辣，不俗喎。豬紅係一粒粒，味道正常，唔算話滷得好入味，但又唔算係冇味，滑滑的口感，可以。雞中翼今次散叫果然有兩隻，一如上次，雞中翼滷得非常入味，加上雞中翼非常滑身，8蚊有兩隻又確實幾扺食。至於豬腸，豬腸炆得唔算入味，但今次又幾肥，加上炆得夠腍，收貨啦。至於三種丸，簡單啲嚟講都算唔得，丸本身肯定係來貨，唔會自己整，所以都唔會有好大期望。牛丸唔香，加上唔爽口唔彈牙 ，咬落去個口感好差，一入口已經唔鍾意

師傅喺呢個環頭咁多年，從來都唔知呢度有一間食店，如果唔係最近話要寫車仔麵食評，相信都未必會發現到呢間食店。趁住呢一日天氣好，又冇落雨，師傅索性行遠少少，黎呢度會一會佢。食店地點又唔算好難搵，不過如果冇上網睇過，或者冇人介紹，根本好難發現呢個位置會有一間食店，仲要係食車仔麵。師傅搵到之後就行入去食店，食店裏面都幾多人，好多人喺度食緊晏，師傅一支公好難搵唔到位，所以好快就被安排入座，坐低再望下佢間食店，店內都幾多嘢食，有飯，有麵，有三文治等等，當然唔少得車仔麵啦，既然師傅黎到呢個地方，咁一定係試佢嗰車仔麵。二話不說就攞張車仔麵嘅餐單出黎，睇下有咩好食。望一望41蚊四個餸一個麵底，再望一望50蚊八寶餸，似乎食個八寶抵玩啲喎，加上佢嘅食物師傅都會想食，所以就決定柯打個八寶麵，另外再加多一份豬腸 ，加腩汁同香辣汁，油麵，之後就交咗張點餐紙比侍應。說時遲那時快，碗車仔麵就放左喺師傅面前，八寶有乜嘢呢 ?有魚蛋，豬紅，豬皮，牛筋腩，魷魚，雞中翼，蘿蔔同埋滷水蛋。當然仲有師傅另加嘅一份豬腸，前後九個餸，午餐食九大簋，咁咪話唔盞鬼!先試下佢湯底，湯底味道嘅幾香幾甜，味道討好，就算冇加到嗰啲辣汁，都有少少

奶茶，茶好淡，要叫佢加茶膽先得魚蛋有五粒。唔掂，質地勁削，咖哩有啲苦燒賣都係五粒。。好粉。。。。同食粉團無分別之前幫襯過一次，覺得食得下，今次。。。。🤮轉咗人？

呢頭大約有4間車仔面我食過曬 因為車仔面is my life呢間係最高質最有heart啲店員又好連續食左兩日推介：雞翼 豬腸 魚蛋唔知點解豬腸一日有老水一日冇？但冇老水都好食冇臭味下午茶冇講幾點開始唔記得問店員

月事不適肚子冷冰冰，本身想去另一間食碗辣面暖肚。 但無想食既野....就開openrice搵附近餐廳。就見到「嘆番碗」，醒起上次無食到佢既限定湯底。又咁近（之後要買餸）就去一去。 果然有驚喜。下午茶餐有車仔面，梗係叫佢既限定龍蝦湯試試。 老實說：食車仔面的鋪頭多數都係「嘈」「燥」「趕」，想休息既我都有一秒擔心。 但伙計姐姐好窩心，我問下午茶同車仔面餐單有乜分別，佢都好溫柔答我。 環境可能下午茶時間，歌聲無過大好舒服，完全清掉「嘈、燥、趕」之感。值得一讚。 講翻碗面，我叫牛筋腩蘿蔔油面配龍蝦湯，起初以為湯底係橙色典型樣。黎到又唔係喎。 但好夠熱，岩我正要熱食既體質。 第一口試湯底，喂！好野，清甜，但口感少少厚身，有蝦味感覺好溫暖。讚！ 餸： 牛筋整體夠冧，不會有啲硬有啲過龍溶晒。 面： 油面配落個湯到好正，油面個質地同湯個厚厚地質感一齊入口，好舒服。 加埋成碗野夠熱。食完係好有滿意感的車仔面。 即刻治癒左我有點虛弱的body.

Hello 今次係我第一次寫食評不過呢就唔係我第一次食呢間餐廳我係一個無麵不歡、又好鍾意食菜既人自從Office 由灣仔搬左去太古城, 我就無啖好食經常花左大半個Lunch hr係太古城遊盪:因為附近D 野實在太貴又無咩選擇更唔好講話要食麵同有菜有一日偶然係openrice 見到呢間新開既車仔麵店 我就專登行左10-15 mins 去試下果次我就試左佢限定既龍蝦湯底 清甜得離又無味精 正啊我又簡左好多好多既菜真係好耐未試過食一個咁滿足既lunch ~~ 我既腳骨力果然無白廢到haha其實今個星期我都已經離左兩次...今日我就搵埋我同事一齊離試無左龍蝦湯 反而有鮮茄醬 好鍾意蕃茄既我更加鍾意呢個湯底今次食左雞翼 好入味！都因為咁 個湯就咸左 不過 都係唔會覺得口乾～～好開心 我lunch 終於有地方好去laaaPS 同事杯凍奶茶飲淨左 店員主動話幫佢轉外賣杯 好貼心既服務態度啊

出街食晏諗食乜真係好頭痕, 唔想食飯, 但又唔想食salad, 咁搵下有冇粉麵類比較吸晴啦。Openrice到搵搵, 見開左間車仔麵, 離公司又唔遠, 試下會唔會好過上次定再伏先…兩餸, 三餸, 四餸定八寶麵呢? 通常我都係魚旦, 豬皮, 豬紅, 蘿蔔。如果叫呢個四餸麵都$39, 咁不如叫個八寶麵試下算啦, 好食咪encore, 伏既話…都係一次啫所謂既招牌八寶麵, 係包括: 牛筋腩, 雞亦, 魷魚, 豬紅, 豬皮, 魚旦, 蘿蔔, 老水旦。堅係好多款, 我揀左油麵同清湯, 試下咩料子先打開個蓋既第一個反應係, 點解老水旦咁淺色既? 粒魚旦咁白既? 牛筋腩咁多肥膏既? 牛筋腩 – 好多肥膏, 好乾雞亦 – OK魷魚 – OK 豬紅 – OK 豬皮 – OK 魚旦 – 冇味蘿蔔 – OK老水旦 – 基本上佢唔算得上係老水….旦油麵 – OK清湯 – OK, 但我以為清湯真係清的….整體黎講$48食呢個招牌麵係可一不可再, 因為唔值呢個價錢

想不到鰂魚涌有咁好味嘅車仔丐，2:30後還送飲品，最特別係龍蝦湯底，好鮮甜，車仔丐嘅餸又多類型又好味，環境又潔淨，服務又好，真係值得試完再試。最重要係食完無口渴........正

平時，都好鐘意食車仔麵，佢的汁無味精，食完唔覺特別口渴。而且，佢既飲品真係有聽有睇少甜同少冰。我食左8寶車仔麵，個魚旦好入味係陣皮魚旦，d 豬血一d 都唔散，八爪魚鬚有少少辣唔係白烚家！！雖然，個地方少少但用料係上等。我仲外賣左龍蝦車仔麵，個龍蝦汁好正呀！會再返黎食！！

早兩日返工，發現公司附近新開左間車仔麵店，我見佢門口張貼的價錢牌唔係貴，所以入去一試。佢主打車仔麵，我緊係叫個牛筋腩米試下啦。佢個清湯底唔錯，唔會好似坊間食完個湯底，口渴都暈；牛筋腩夠淋，又入味。我呢個咖啡精，當然加$2要杯即磨咖啡醒神啦，全單不過$29，試問鰂魚涌、太古一帶有幾多間茶記有咁平的早餐？我開左個account好耐，睇食評就多，但未寫個食評，我覺得單憑佢抵食又好食的早餐，應該寫返個食評鼓勵下佢

小弟同幾個朋友喺佢第一日開已經去試過，抱住一試無妨嘅十心態去試，個人認為車仔麵要整得好，真心難！好多都重幾難食，但呢間嘢真係幾有心，首先個湯底，好夠味但飲多幾啖都唔會話口乾，無好似出面嘅車仔麵一係就勁味精，一係就淡過水，D鹵水食物入味鹵水汁調得好，第二碗試咗干撈，因為好少見車仔麵有干撈，食咗沙嗲汁油麵干撈，我覺得重好食過湯麵，撈粗麵都應該會好正，值得去再食，食咗佢個龍蝦，係好食不過就真係貴，如果平返二三十蚊就會再食