影片
以上資料只供參考, 請與餐廳確認詳情
食家推介
今日經過油麻地，諗起朋友之前強烈推介佢屋企附近呢間冰室。公司三文治外層的麵包酥脆，內餡十分豐富，有厚厚嘅滑蛋、鮮嫩嘅雞肉同埋清甜嘅蕃茄，帶有多重口感。無骨海南雞飯雞肉鮮美嫩滑，油飯香軟，吸收了雞汁和香料的味道，好好味。咖喱蝦球飯本身想食咖喱牛腩飯，不過太好買已經一早沽清，所以就試吓呢個咖喱雞球。蝦球彈牙，最正就係個咖喱汁，濃稠滑順，香味濃烈，用嚟送飯一流！紅豆冰紅豆甜而不膩，好飲！而且仲有兒時回憶！
繼續閱讀
呢日做完運動又去揾食，好餓所以睇呢間午餐menu幾順眼就坐低咗，價錢其實都唔貴，60上下就有個lunch set包埋飲品，想講本身menu好似係寫湯/飲品，但上枱又俾晒湯+飲品，好扺XDD個湯都幾好味，唔會淡朋友要咗慢煮咖哩牛筋腩飯，我喉嚨仲有啲唔舒服，唯有食清啲要個海南雞飯。咖喱飯上到黎好澎湃，大大條筋同埋都多腩，仲要啲腩都煮到好淋，唔會話咬唔開or好柴之後到我個海南雞飯，啲飯被遮住咗睇落好白，但翻開啲雞食落口試下，真係油飯嚟嘅😂 雞嘅份量都幾多，特別一提佢個汁有驚喜，睇落有啲紅色我本身都驚佢係辣，但食落以酸酸哋開胃為主，唔辣可以放心食~做完運動特別餓，趁有啲quota我哋又加咗個公司三文治。好彩有叫，我第一次見有雞扒咁足料，仲要真係厚實juicy嘅雞扒，另外仲有炒得啱啱好嘅滑蛋，超滿足❤️
繼續閱讀
今日去咗油麻地喜鳳冰室醫肚，呢間傳統茶餐廳真係好有香港情懷！叫咗兩份套餐加一個下午茶，份量足又抵食。先講套餐，一份係勁蔥厚豬扒飯，豬扒切得厚實又juicy，蔥油香到不得了，撈飯食一流；另一份係海南雞飯，雞肉嫩滑，飯粒油香，配嗰碟醬真係正！套餐仲包咗例湯—椰子雞湯，清甜又滋潤，飲完暖晒胃。下午茶就叫咗咖吔多士，多士烘得香脆，咖吔醬濃郁又唔會太甜，啖啖都係回憶嘅味道。飲品方面，點咗兩杯經典冰室款：紅豆冰同奶茶紅豆冰。紅豆冰甜度剛好，紅豆煮得軟綿，加冰超refreshing；奶茶紅豆冰就係奶茶控嘅福音，茶味濃滑配紅豆，層次感好豐富。整體嚟講，喜鳳冰室嘅價錢親民，環境又有舊香港嘅味道，係食地道美食嘅好去處！下次要試佢哋其他招牌，下次再同大家分享啦～
繼續閱讀
要數代表著香港飲食文化的話，茶餐廳必定佔很重要的位置，今天到訪位於油麻地的「喜鳳冰室」享用午膳-🔹鮮豬膶雞酒湯飯 $62奉送例湯及飲品，例湯足料鮮甜豬膶爽滑軟嫩無腥羶味，加入煎生熟荷包蛋及鮮雞件，雞肉緊實細緻；高湯飲到濃香的黃酒及鮮雞味道，油膩感低-🔹海南雞半隻 $108附麻醬沙律菜及甜碌醬汁；雞皮爽滑，雞肉緊緻嫩滑，肉香不俗，蘸上醬汁有提鮮作用-🔹紅燒牛展手工麵 $65奉送例湯及飲品3 大件牛展配上紅蘿蔔及白蘿蔔；牛展煮至軟腍嫩滑，夾雜著牛展的筋膜，蘿蔔腍甜，手工麵細滑帶韌性，湯底微辣醒胃
繼續閱讀
跟媽媽到油麻地果欄買水果後，就到附近喜鳳冰室食下野先慢煮咖喱牛筋腩飯⭐️爽滑牛筋腩，煮得腍軟入味，牛腩份量多，咖喱辣中帶香，非常惹味鮮豬潤雞酒湯麵⭐️⭐️大量豬潤，雞件、蔬菜，仲有一隻雞蛋，先飲湯，湯甜超香酒香及淡淡薑味，豬潤有驚喜，厚身但彈牙嫩滑，不乾不柴。雞肉易脫骨，吃後超溫暖西多士⭐️蛋漿再加上羊煎炸，口感酥脆，加上煉奶邪惡，份外好味奶茶紅豆冰⭐️⭐️滿滿紅豆，香滑奶茶同紅豆味，甜度剛剛好，必叫整體滿意。人情味滿滿，店員殷勤
繼續閱讀