喜越

營業中

休息中

香港地walk-in食越南菜想找素? 我估十間都唔知有無一間有, 呢間喜越竟然有炸豆腐撈米粉或者金邊粉, 仲-要-有-素-汁, 素食者表示好歡喜☺️☺️只係咁黑仔當日賣晒豆腐先變咗春卷, 不過都好食, 懷念胡志明市之我仲嗌咗calamansi桔仔茶, 養生嘅熱飲走甜就基本啦🤣🤣大家有機會試吓個炸豆腐出唔出色!☺️🍜蔬菜春卷撈米粉 🍊桔仔茶

今晚Happy Friday …… 在Kennedy town 食夜晚飯兼買小小嘢，正當買完野行返出大馬路時諗下食d 乜時，見到有一間幾亮眼的食店，都見到大大隻字有個越字，咁越南野一向鐘意食，就被吸引下入左去了……店舖比較細，廚房煮食部份已佔左較多位置，見到好似得四五張枱…. 好似d 擺位設計上好似有少少問題…..叫左個法式雞肉法包和牛柳撈河，2 杯檸檬soda…. 個雞肉法好食，內𥚃好豐富, 唔錯；個牛柳撈河係熱食，牛肉唔差，好多調味… 但杯飲品比較酸… 係真的很酸😅留意佢哋星期一至日，有一款食物會有折，我今日就法包8 折，大家可以望望先order ….

見新開張的鋪頭都幾靚，入去試試個午餐，雖然午餐的選擇唔算多，但食落味道和口感都唔錯，賣相又幾吸引，味道感覺係不味精，價錢不算貴。因最近農曆新年，店內出了新品『開心果斑蘭年糕』還配上椰漿，超超超超級好味

菜單簡單，但食物好食兼有特別特飲，例如菠蘿梳打冰，或椰子冰， 特別喜歡墨魚餅春卷及豬肉餅加太陽蛋飯， 但雞扒上次外皮有點焦燶, 待改善， 魚塘食地方比較比較淺窄，但環境算清潔服務員都很有禮貌

今日一行5人去行下街係堅離地搵到間新開越南餐廳入去試下出奇地好味●手拉腸粉，皮薄足料最緊要係個汁，一定要點黎一齊食●推薦必食 越式墨魚餅好重鮮墨魚味，夾埋墨魚餅下面既菜底一齊食又另一個層次●無骨雞腳沙律我自己唔鐘意食酸野，呢個係屋企人話要食 所以都試下，又ok wo，無我想像中咁酸，酸酸甜甜又帶點辣，幾開胃●桔仔魚露雞翼好大隻雞翼😂 食落啖啖肉，好脆口●拼盤撈米粉好足料，好大盤，有2個汁可以選擇，職員好好，話唔夠汁可以再加汁拼盤餸有 越式春卷，炸豆腐，厚厚既肉餅，燒雞扒，燒豬腩●燒豬腩仔好憎食肥膏既我，呢個一試難忘，燒得好香，就咁食覺得會有少少膩，之後我夾埋配菜既蘿蔔絲一齊食，解左膩之餘燒既香味仲保留到，西利呢～●推薦 雞蛋咖啡一定要搞混先飲，層次感突出我叫既係小甜版，真係好好飲好似有種飲緊雞蛋布丁起泡版，唔係好識形容，好特別●菠蘿沙冰新鮮菠蘿做既沙冰，清爽解渴，小朋友勁鐘意●椰子沙冰我未試小朋友已經飲晒😅呢間一定會再去，試埋法包，好難得搵到有間餐廳既職員好禮貌，唔錯唔錯

有朋友介紹話堅尼地城開左間好好食既越南餐廳，難得放假就約朋友去試下，門面落地大玻璃，望入去環境裝修都好chill, 都好舒服。我同朋友點左越南腸粉，店員話最近先推出，即叫即製，之後點左肉餅撈米粉，傳統法包，桔仔雞翼，見餐牌有好多得意咖啡，之後叫左雞蛋咖啡同桔仔梳打越南腸粉：腸粉皮Q彈好滑，有扎肉芽菜伴碟再配合魚露食，好好味肉餅撈米粉：好有炭烤味，肉juicy，個酸汁好味，唔係死酸個隻，有魚鮮味，越南米粉好滑傳統法包：包焗得外脆內軟，好正👍 入面有牛扎肉比較少有，有鵝肝醬 i like it，酸蘿蔔醃得好好,口感好豐富，超好食😋😋桔仔雞翼：勁大隻，炸得好脆，外皮唔會太厚，醃得好入味雞蛋咖啡：厚厚嘅蛋泡，甜甜地入口好似食緊布甸，越南咖啡好香桔仔梳打：ok 既，飲落去好Fresh ，酸酸地解膩一流

堅尼地城不嬲只係得一兩間越南菜餐廳，最近見到呢間新開張嘅越南餐廳，即刻入去試一試手勢！入到去座位唔多，有個開放式廚房，冷氣正常。Menu之中嘅菜式其實選擇唔多，不過款款都有越南味道。我揀咗呢一個款式撈檬，個炭燒雞扒嘅炭燒味非常之香，食落仲有淡淡雞油味。擺盤其實都幾打卡able，而且店員建議用類似食沾麵嘅方式食呢一道菜，唔好將醬汁直接倒落麵食呀！咁先係最傳統嘅食法喎😜😜不過無論如何，整體都都幾好食，我個人建議份量可以多少少，因為食完都唔係咁飽🤣🤣

試新野! 西環開了間新派越南菜, 先讚一下越南白咖啡, 豆香味濃, 是我杯茶! 講有特色的就係椰子咖啡, 有驚喜。前菜木瓜沙律清新份量足, 夠四人食; 招牌法包餡料豐富, 外脆內軟, 見到很多人外賣, 估計是附近的回頭客。越式拼盤份量也大, 最重要不會油淋淋, 墨魚卷是水準以上之作。燒豬腩肉撈米粉, 燒得焦脆, 喜歡豬腩肉的人應該點。廚師是地道越南人, 對食物有要求, 店員也很建談, 在這裡重拾小店情懷, 會再encore! 加油!

中學畢業後，沒有太多機會再踏足西環，今日舊起重遊，勾起不少兒時回憶。周邊建築物已摩登不少，但不難發現當年大街小巷的印記。行行吓經過一間小店「喜越Hey Viet」，入去醫肚。叫咗：木瓜沙律、小食拼盆、豬肉餅撈米粉、越南白咖啡、桔仔梳打。實在太好味，還外賣了兩盒越南無骨鳳爪回家給小姐、少爺（因為自己唔識整）。😅😅😅味道、服務態度非常好，初以為廚師係越南人，原來唔係，估唔到香港人都可以發揮到咁嘅廚藝和煮出正宗越南風味。正！👍🏼👍🏼👍🏼