喜記避風塘炒辣蟹 (肇明大廈)

🔸喜記避風塘炒辣蟹🔸辣酒煮花螺🔸椒鹽瀨尿蝦🔸避風塘炒辣蟹🔸清酒鮑魚--尋晚同朋友去咗喜記避風塘炒辣蟹嘅銅鑼灣總店，一入去就感覺好地道，裝修唔花巧但好有香港味，啲阿姐招呼都幾爽快，冇咩扮嘢。我哋叫咗佢哋招牌菜——避風塘炒辣蟹，真係香到癲，蒜香夠晒惹味，蟹肉又鮮又彈牙。辣酒煮花螺都唔錯，酒香滲入螺肉，啖啖都好有層次。椒鹽瀨尿蝦就炸得香脆，唔會太油，啖啖都係鮮味。清酒鮑魚就比較清新，啱晒鍾意淡口嘅朋友。整體嚟講，食物水準高，價錢合理，平均每人$250左右，晚餐食得飽又滿足。下次一定會再嚟，尤其係想食啲重口味海鮮嘅時候！…查看更多

朋友推介呢間餐廳食海鮮🦀大碟又有鑊氣聽講呢間係總店星期五收工黎食好多人等位 叫左幾樣多人叫既菜式　✧喜記避風塘炒辣蟹呢度招牌菜之一 用辣椒同炸蒜爆炒 蟹肉好厚實配埋啤酒一流🤩　✧ 豉椒青口豉椒汁好濃好岩餸飯 青口都好鮮甜　✧ 蟹油炒面望落平平無奇 但加左蟹油落去超惹味！　✧ 椒鹽瀨尿蝦瀨尿蝦好彈牙好炒得好香口 調味啱啱好不會過咸食到lamlam脷👅　✧ 鹽焗花螺帶有咸香同海水鮮味 配埋海鮮醬 一粒接一粒咁食 　✧ 臘肉炒芥蘭臘肉咸香配爽脆既芥蘭 食落唔會苦澀　…查看更多

朋友帶我嚟食呢間餐廳，啲菜式真係好有水準特別係避風塘系到炒蟹同瀨尿蝦最正，睇返張相都流晒口水。晚飯時間都幾多人嚟食，好彩我哋預先book咗位。下次再試吓其他嘢食先。…查看更多

🏠紅色招牌好醒目，門面貼滿明星同食客打卡相，感覺好有人氣～餐廳，座位擺設幾整齊，好適合朋友、家人一齊聚會食飯。避風塘炒辣蟹🦀 呢個肯定係招牌菜啦！蟹嘅分量好足，蟹殼金黃，蒜酥、辣椒碎鋪滿成碟，香氣撲鼻～蟹鉗肉厚又飽滿，咬落啖啖肉。蒜酥炒得好香好脆，微微辣勁過癮，連埋蟹肉一齊食，口感層次好豐富，完全體驗到避風塘菜式嘅魅！ 其他小菜🐚炒蜆、涼瓜炒牛肉同辣酒煮花螺花螺。炒蜆好新鮮，冇沙，調味剛好，食到蜆肉本身嘅鮮味；涼瓜炒牛肉，牛肉好嫩，青椒爽脆，鹹香惹味，好送飯；炒花螺都唔錯，螺肉彈牙，醬汁入味，蔥段同辣椒增添咗香氣，每款小炒都有水準，冇踩雷～ 💬食完呢餐，覺得「喜記」果然名不虛傳，招牌避風塘炒辣蟹確實出色，其他菜式都好穩陣。服務員態度幾好，落單上菜都好快手🥳…查看更多

今次帶埋屋企人去咗喜記，專誠嚟試佢哋嘅招牌菜「避風塘炒辣蟹」。環境乾淨舒服，非常適合同朋友或家人聚餐！我哋試咗以下菜式:避風塘炒辣蟹：呢道菜真係無得輸！蟹肉鮮嫩，啖啖肉，配上香辣嘅炸蒜蓉同埋香料，味道十分出色，食唔停口！果然係招牌菜！豉椒炒蜆：蜆肉鮮美無沙，豉椒嘅風味唔會掩蓋海鮮本身嘅味道，炒得岩岩好，又有鑊氣！涼瓜牛肉：呢道菜清爽又健康，涼瓜嘅苦味中和咗牛肉嘅油膩，兩者搭配得相當好椒鹽瀨尿蝦：蝦肉鮮甜夠大隻，椒鹽味道剛剛好，肉質非常好，食落去令我哋忍唔住想再叫多一碟！豉椒青口：青口煮得剛好，好滑，豉椒醬汁入味，配搭蒜香，味道非常開胃，好適合配飯添！蟹油炒麵：最後嘅蟹油炒麵，麵條吸收咗蟹油嘅香味，炒得香氣四溢，蟹肉點綴其中，令整碗麵更加豐富美味。喜記嘅食物質素高，味道出色，環境舒適，無論係招牌菜定係其他海鮮款式，絕對值得推薦！下次再嚟試其他菜式！…查看更多