喜記蟹將軍

營業中

休息中

有日即興去食蟹 餐廳座位都舒適 當日被安排坐圓形既梳化位 果到仲有D Robot會幫手出菜都幾得意 我地叫左幾道菜避風塘炒蟹：呢度出名食避風塘炒蟹 蟹都有分四種Size 有大中小同特大因應人數同喜好揀Size 我地只有2個人又想試多D唔同菜式 所以就叫左一隻小 另外蟹既辣度同樣有得揀 但食得避風塘炒蟹我建議就算唔食得辣都應該叫微辣 咁先可以食到呢道菜原本既風味 “避風塘” 係香港獨有既烹調方法 其實係用上大量蒜粒/豆豉/葱/辣椒等調味料而炒成而呢度既避風塘味道就真係做到好香口同惹味 蟹肉又新鮮 肉質結實鮮甜 整體黎講係幾出色 我地仲打包左D炸蒜返屋企煮野食延續美味 店員仲話其實好多人都會打包 因為實在太香口避風塘九肚魚：有時如果係出面飲茶見到廚部小點有呢個小食我都會嗌 中意佢香口 而且係屋企係還原唔到街外食既味道 九肚魚既肉質細嫩 仲好滑 經過避風塘既烹調方式外皮香脆 內裡鮮嫩 蒜蓉同辣椒既搭配 令呢個小食惹味香口之餘又不失魚肉既鮮美 瑤柱蛋白炒飯：好簡單既一道炒飯 唔洗用咩夠貴食材 但同樣可以整到好好食 飯做到粒粒分明有咬口 食落唔會好油但又好夠鑊氣好香口 配埋辣蟹果D避風塘炸蒜拌埋

喜記蟹將軍 地理位置方便店鋪空間感十足 光猛乾淨食物多選擇 服務有效率鍾意食蟹嘅朋友一定唔可以錯過主菜 🔅 喜記正宗炒辣蟹有專人會幫你扑開蟹鉗小辣已經好夠味建議唔使太辣保留番海鮮嘅鮮味🔅椒鹽雙拼九肚魚和鮮魷炸醬夠薄身 好惹味魚肉鮮嫩 鮮魷有口感除左蟹出色其他海產也很不錯🔅喜記椒鹽富貴蝦蝦肉新鮮彈牙十分推介🔅招牌蟹油炒麵雖然已經食到好飽但這個炒麵必食濃郁蟹油香 炒麵乾身除左蟹之外其實仲有好多其他菜式小炒下次再黎食過

尖沙咀喜記旗艦店食記｜避風塘辣蟹美味體驗🦀✨🥢第一擊當然要点鎮店之寶【避風塘炒辣蟹】！成盤蟹上枱時已經聞到濃郁蒜香同埋辣椒乾香，蟹身開邊炸到金黃，蒜蓉吸晒蟹嘅鮮味，鮮甜香脆，冇得彈，食唔停口。🫣蟹肉鮮甜彈牙，辣度剛好帶出蟹鮮，鑊氣十足！朋友話呢度辣蟹比之前係其他地方食過嘅更夠鑊氣，更好味真係冇介紹錯～🦑🐟跟住叫【椒鹽雙拼】，九肚魚炸到外層薄脆，內裡軟滑；魷魚夠厚身又彈牙，呢個雙拼啱嗮有選擇困難症嘅朋友，一次過試勻兩款招牌小食～🍍🍗【鮮果咕嚕肉】賣相好吸引，大大粒外脆內軟，外層糖醋汁酸甜開胃，滲埋菠蘿同洋蔥嘅果香，幾適合襯住辣蟹轉吓口味！🥬【蒜蓉炒油麥菜】簡簡單單最考功夫，油麥菜嫩綠新鮮，蒜蓉爆香後炒得剛好軟韌，帶啲鑊氣香，食完濃味海鮮後食返碟菜平衡吓，感覺健康啲～🍜最後加單【避風塘炒牛河】，河粉干身，牛肉片嫩滑，避風塘的蒜香辣椒碎鋪滿面，比傳統乾炒牛河多份惹味成餐飯食足兩個鐘，邊食邊傾計，餐廳服務態度好，坐得又舒服，係聚餐唔錯嘅選擇💥📍喜記尖沙咀旗艦店 尖沙咀彌敦道118-130號美麗華廣場2期2樓268-270號舖 （尖沙咀地鐵站B1出口）步行約2分鐘

一諗想食避風塘辣蟹🦀就會諗銅鑼灣鵝頸橋附近嘅喜記原來九龍都有得食,係尖沙咀都有分店,人流都幾多🔸 喜記正宗炒辣蟹(小)蟹肉厚實,肉質鮮甜,勁多炸蒜好惹味😋最正店員會幫我哋拆肉🥰🔸 招牌椒鹽富貴蝦外殻金黃酥脆,肉質彈牙鮮嫩,仲爆膏🦐同樣店員都幫我哋拆殼🥰🔸 豉椒炒蜆蜆肉新鮮肥美,豉椒汁甜甜辣辣咁🔸 金銀蛋浸時蔬金銀蛋令到波菜更突出清甜🥬🔸 招牌蟹油炒麵好有鑊氣,麵條吸收晒d蟹油香味😋😋

😌我大口妹朋友實在太多，飯局真係一個接一個，今次朋友話之前喺銅鑼灣食過橋底蟹，就係呢間分店其中一間，開咗喺美麗華商場入邊，因為方便我係尖沙咀做完眼睫毛行之後過去聚，佢哋話呢間蟹係超出名好食，今次真係食到一個，我從來未食過咁好食嘅肉蟹，類似避風塘炒蟹咁好多炸蒜粒，啲蒜粒俾我食晒咁滯😂好食到誇張！隻肉蟹又啖啖肉，仲要叫咗一隻細蟹都咁大隻！仲有店員幫手剝蟹，如果唔係都幾喱Hea😂，仲會剝埋瀨尿蝦添！超級方便又有服務！

🍽 食後感｜真材實料，抵到震嘅中菜體驗成餐飯食落嚟，每道菜都冇伏位，而且份量十足，喺尖沙咀呢個地段真係抵到喊！🦀 避風炒辣蟹｜辣得過癮金黃色嘅蒜粒同辣椒鋪到滿滿，蟹身開邊處理得好仔細，肉嫩，蟹膏濃郁到痴住牙齒～🌶 辣度夠！記得撈埋底下嘅蒜，香口到可以當零食食！🌿 涼拌木耳｜解膩神器，爽口到震木耳咬落「咯咯聲」超級爽脆，襯埋酸辣開胃嘅調味汁，加埋蔥絲同辣椒圈點睛，成個口腔瞬間醒曬～🌶 食完辣蟹再食呢味，簡直係「冰火交融」💚🐚 蒜蓉粉絲蒸元貝｜元貝 size 大過我個掌心！鋪底嘅粉絲完全吸收曬元貝汁同蒜蓉香，一夾起就「絲絲纏綿」，送入口中軟滑帶韌，比元貝更搶鏡！🐚 元貝本身則鮮嫩無渣，咬落有海水嘅鹹鮮味，蒜蓉夠香但唔會過濃！🌱 豆豉鯪魚炒油麥菜｜鑊氣爆棚，舊舊有魚香呢味家常菜最考功夫！油麥菜炒到翠綠不韌，每條都掛住豆豉香，重點係鯪魚碎夠多，咬落去鹹香帶微焦，同菜葉嘅清甜平衡得超好～🥬 🍜 蟹油炒麵｜靈魂收尾，鮮香滿瀉以為食完主菜就完？呢碟炒麵先係壓軸炸彈！麵條用蟹油炒到金黃，每一條都勁掛汁，咬落去煙韌帶焦香～🍝 記得趁熱食，蟹油凝住前將所有醬汁同麵條撈勻！

呢間以避風塘炒蟹打天下嘅老牌食肆，就算開咗好幾間分店，尖沙咀呢間旗艦店依然威水 🍲 招牌避風塘炒辣蟹滿盤金黃嘅蒜香辣椒碎閃到眼瞓，裡面嘅蟹肉夠香口仲帶住甜味。蟹肉落口，金蒜、辣椒一齊爆香，初初係陣陣焦香，跟住再感受到辣味。最正嘅係蟹鉗，餐廳會幫手拆蟹，我哋等食就得，雪白雪白嘅蟹肉，鮮、香、辣夾攻，真係食到停唔到口。🍤 招牌椒鹽富貴蝦手背咁大嘅蝦開背去腸，蝦肉實淨，外殼炸到脆卜卜，蝦殼都想舐埋。椒鹽咸香帶麻，蝦肉嘅鮮甜味仲突出。我連蝦殼都唔放過，裡面仲有啲蝦膏，咸鮮味喺口裡爆開，配凍啤酒一流！🍶 辣酒煮花螺呢啲辣酒煮花螺，簡直係辣界殺手！酒香夾住辣椒同花螺鮮味，濃稠湯汁笠住螺肉。螺肉爽口彈牙，食到後尾辣味越來越濃，過癮！🍚 瑤柱蛋白炒飯本來以為呢味炒飯只係襯襯場，點知變成清盤王！蛋白炒到滑潺潺，瑤柱絲好鮮，米飯乾身又唔會鞋。單食已經夠鮮，平時唔食飯嘅朋友都食唔少。喜記嘅避風塘系列真係名唔虛傳，喺尖沙咀呢個地頭食到呢個水準嘅海鮮，抵食過買六合彩！

🌃 尖沙咀呢頭永遠都好熱鬧，呢間「喜記」旗艦店裝修夠晒闊落，有種舊式大排檔嘅溫暖，又帶點時尚感，未食已經覺得舒服。📝 落單時熱情推薦招牌避風塘炒辣蟹，話呢度隻隻都爆膏爆肉，梗係要試啦！🦀 首先登場嘅避風塘炒辣蟹，一上枱已經見到滿滿金黃色蒜粒鋪喺蟹上面，辣椒同乾蔥嘅香氣撲鼻而來！蟹鉗有半只拳頭咁大，辣度剛剛好，帶點微辛反而更凸顯蟹嘅鮮味！🐟 跟住嚟嘅椒鹽九肚魚，上菜時熱氣騰騰，魚身炸到金黃酥脆，椒鹽味調得剛好，鹹香酥脆，魚肉本身冇咩骨，啖啖肉好啱我呢啲懶人，一碟轉眼就清光～🥩 最驚喜係避風塘牛仔粒！外層帶點避風塘嘅香脆，內裡軟嫩多汁，肉味濃郁，配埋炸過嘅蒜粒，呢個配搭真係估你唔到，連平時少食牛嘅朋友都食多咗幾粒～🥬 蒜蓉菜心綠油油，菜心夠嫩，簡簡單單但做得細心，平衡返成臺濃味餸，剛好中和返個胃。🍚 成餐飯食到尾聲，嘴裡還留着避風塘嘅香口，同朋友一邊抹嘴一邊讚，呢度真係大件夾抵食，難怪開業咁耐依然多人排隊。突然覺得呢種充滿煙火味嘅地方，先係香港美食最吸引之處 💡

食蟹？一係唔食，一食就要去專門店食，最好更有人幫手搣蟹鉗！以為妙想天開，原來香港真係有咁嘅服務，尖沙咀美麗華廣場的「喜記蟹將軍」，有專人代勞，打碎蟹殼起肉，據說因為了解客人的難處，牙齒保護更重要，真細心！高級商場內，環境衛生舒服，周一晚都滿座，記得訂位。兩個人，點四樣：豉椒炒蜆 $108，大大粒肉，醬汁好好味。避風塘炒肉蟹 $788，超美味，肉蟹鮮嫩無比，新鮮的甜味，梳梳蟹肉，大量炸蒜，香而不辣。乾鍋花菜 $98，幾辣吓，但咁樣先至香，好爽口，我鍾意食。招牌蟹油炒麵 $88，個樣似豉油王炒麵，當然食起上嚟味道更加香，更豐腴。燕窩雪梨雪耳糖水，最後贈送的，真係唔簡單，有燕窩食，出乎意料之外，少少甜咋，感覺好清，食得健康。朋友真係好介紹，呢餐非常滿意！

呢度係專食海鮮嘅舖頭款式種類都幾多而且好衛生有價機械人車送到你個位侍應阿姐好好禮貌，會幫你剝蟹 食得輕鬆，又舒適肉蟹一隻 嗌咗小辣估唔到會有咁澎湃嘅炸蒜成座山咁高啲肉蟹辣辣地甜甜地 蟹蓋仲有蟹膏 喜記椒鹽富貴蝦 成隻手咁大嘅瀨尿蝦侍應幫手拆肉之後 真係成啖肉咁樣食落口啲椒鹽味好香豉椒炒蜆 個黑椒味道幾濃郁 啲蜆都大大隻 有口感蒜茸時蔬熱辣辣炒出嚟幾香招牌蟹油炒麵 呢個一定要食，因為啖啖都充滿蟹嘅香味炒麵幾硬身 好有口感

喜記喺香港都開咗幾十年，係以食避風塘炒蟹出晒名，見尖沙咀都有分店，又見佢裝修幾靚同地方闊落，就入去試吓睇下質素仲keep唔keep到～-嚟呢度食，一定要食避風塘炒辣蟹，啲炸蒜多到滿瀉，香口唔油膩，仲有陣陣蟹香，用嚟送飯一流😋蟹鉗見到大大隻，入面都係啖啖肉，連埋炸蒜一齊食，食都停唔到口🤤-由於炸蒜太正，所以叫多個避風塘炒牛河🤣牛河炒得夠乾身唔油膩，配埋炸蒜有啲脆脆地嘅口感，比起平時食嘅牛河味道特別濃郁，特別正👍🏻-食熱氣嘢唔好俾佢停🤣呢間店另一鎮店之寶，椒鹽九肚魚，梗係要試吓啦，一咬落去熱到出晒煙，證明即叫即炸！而且粉漿唔厚，外脆內嫩，果然名不虛傳。-最後叫個冇咁熱氣嘅牛肉粒，估唔到佢係連牛骨上，賣相一流🤣牛肉啱啱煮到五成熟，牛味好濃，而且肉質夠淋，估唔到呢到唔止海鮮好食，連牛肉都咁正👍🏻

忙左成個星期Happy Friday梗係要食餐好😋 同事帶路來到尖沙咀食我最愛嘅海鮮餐🦀 我地點了幾款招牌菜😍 🌟避風塘炒辣蟹🦀賣相固然吸睛🤩蟹肉鮮嫩肥美， 蟹鉗裡的肉質特別結實飽滿， 炸香的蒜蓉和辣椒碎均勻地附著在蟹肉上，脆卜卜，又唔太辣，正呀！ 雖然點的是小份，但份量依然很足👍🏻 吃得十分滿足，最驚喜的是有專人幫我地拆蟹鉗，啱哂我呢啲鍾意食蟹又唔想拆蟹嘅 小吃貨😆😆 🌟喜記椒鹽富貴蝦我地揀Stardard Size 都幾大隻🤩 富貴蝦肉質鮮嫩多汁，椒鹽味道滲透到了 每一口蝦肉中，外酥裡嫩，啖啖肉😋 🌟豉椒炒蜆蜆肉鮮甜肥美，清洗得十分乾淨， 沒有沙子，搭配適量的蒜和豆豉， 讓整道菜更加惹味😛 🌟金銀蛋浸時蔬時蔬選用了小白菜，配金銀蛋，讓整道菜清爽可口，小白菜清脆口感，又融入了金銀蛋的獨特風味，好適合搭配其他重口味的海鮮一起食😚 🌟招牌蟹油炒麵炒麵的面條吸收了蟹油的鮮香， 口感爽滑而不油膩，加上炸香的蒜味道更令我食慾大增，嘿嘿😜 整間店以暖色為主調🔸裝修風格典雅🙆🏼‍♀️ 營造出溫馨而高檔的用餐氣氛，枱與枱之間有充足空間，坐得好舒服😀房入面有幅美人魚🧜‍♀️牆好有特色， 望住美人魚🧜‍♀️食

喜記正宗炒辣蟹（小）：一上枱就聞到陣蒜香辣椒嘅霸氣，隻蟹好大隻呀！侍應仲會幫手開蟹鉗添！小辣對我嚟講剛剛好，蟹肉啖啖肉又彈牙，個避風塘惹味到我想拎嚟撈飯！雖然$680係真係有啲肉赤，但係隻蟹真係好好食！抵佢係招牌！ 豉椒炒蜆 ：鑊氣十足！蜆肉肥嘟嘟冇沙，豉汁鹹香帶甜，仲有啲微辣後勁，送啤酒一流！不過有兩隻蜆仔瞓咗覺（即係冇開到），扣少少分啦。蒜蓉時蔬：食咁多濃味嘢，一定要叫碟菜平衡返。蒜蓉好香，青菜爽甜冇渣，合格！招牌蟹油炒麵：麵底炒到乾身又索晒蟹油香，邪惡度爆燈！ 本身都好鐘意食炒麵嘅我，俾滿分呢碟炒蟹油炒麵！

講食蟹一定諗起呢度，店員仲會幫手剝埋殼，坐定定等食就得🦀 正宗蒜蓉辣蟹（$788） 餐廳嘅招牌菜之一。蟹上面鋪滿咗香脆嘅蒜蓉，上枱已經聞到好香，齋睇已經覺得吸引。蟹肉味道鮮甜，蒜蓉同辣椒落得恰到好處。惹味得黎唔會搶左蟹既鮮味🐚 豉椒爆蜆（$108） 豉椒炒蜆香氣十足，蜆肉飽滿多汁。豉椒嘅香味令炒蜆增添左一份惹味🥬 豆鼓鯪魚油麥菜（$98） 油麥菜上枱時仲好脆口，鹹香嘅豆鼓鯪魚同清甜嘅油麥菜互相襯托，應該冇乜人會唔鍾意食🍝 蟹油炒麵（$88） 用左招牌巴炸蒜炒，將傳統豉油王炒麵提升至另一層次。麵條吸收咗蟹油嘅香氣，每一啖都好惹味，爽滑彈牙。

移咗民嘅舊同學返香港探親，佢話最難忘就系香港嘅美食，約咗我嚟呢間食避風塘炒蟹嘅老字號餐廳。我哋兩個真系好耐冇嚟，我哋一邊食一邊傾偈，坐咗成三個鐘😆。🥢油鹽水浸蜆$108上湯帶著濃濃嘅胡椒味，蜆肉及粉絲盡吸上湯嘅精華，咸鮮清香，系我鐘意嘅味道。🦀肉蟹$788避風塘煮法，成座山嘅香蒜，睇到都開心🤣，蟹肉飽滿，蒜香濃郁，我將啲蒜蓉鋪喺蟹肉上面，食到舔舔脷。最好就系店員會幫客人拆肉，實在太好😀。🦞喜記椒鹽富貴蝦$488巨型嘅瀨尿蝦，蝦肉肥厚，仲有好多蝦膏，椒鹽又香又惹味。🥬蒜茸時蔬（$78）：菜心新鮮，簡單清炒，清新爽口。最後餐廳仲送咗番薯糖水。呢餐食得好開心。