喜惶點心專門店 (已改名) 查看

我地3個人去整左個點心做晚餐食物質素掂值得推介所有食品都香噴噴 熱氣騰騰每位3元茶錢重要無加一店員又好客氣有禮貌都係我口頭禪香港人緊係幫襯自家小店啦依家真係好少做得好又抵食嘅食店架喇

同朋友呢兩日都食點心做午餐，食上癮之下，今晚同靚靚去左食新開無耐既點心店做晚餐。茶位3x2酥皮焗叉燒包20久違了的一道，一撕開，入面叉燒醬香傾巢溢岀，包包質地鬆化。黑椒牛仔骨25靚靚的至愛，黑椒味甚濃，而且牛肉帶不多un位，口味不俗。柱侯金錢肚24我飛佛，難得岀品又幾淋軟，仲做得幾入味tim😋蝦餃皇15兩粒飲茶必叫，蝦餃入面的🦐ok彈牙，皮薄涵靚。蟹籽燒賣皇14兩粒大大粒的豬肉內涵料，沒有肉so，飲茶也不能少。鮮蝦菜苗餃20餃皮不過薄，夾起不痴身，入面既白菜仔放得滿滿的，蝦偏少，還是可以接受。豉汁排骨19肥多瘦少，看上去定律般的有層油，吃上口倒是剛剛好，啖啖排骨肉，份量好多。薑蔥牛柏葉23這個十分爽口，薑蔥味較淡，濃些更好，切得比較大，小一點會好些。瑶柱灌湯餃35兒時往茶樓一定會點，今天重温一下當年。餃中的豬肉瑶柱菇同蝦等不是重點，重點是加入醋酸份外美味，餃皮褶口不夠軟滑，可以更好的。

炸菜牛肉飯好有家的味道呀！重要嘅同煲仔飯相似，連煲上，對飯好有要求嘅我，佢嘅飯軟硬適中有飯香，炸菜撈埋啲新鮮牛肉真係好好味呀！建議唔洗落豉油，因為已經夠味，我食過兩次，食過之後成日都掛住佢煲飯😂原隻蝦腸腸粉皮夠滑，蝦都多大隻，得意嘅係佢放左翠肉瓜一齊卷埋做餡料，都幾新奇，仲有佢個咸水角都係唔食唔食唔得嘅，响好多酒樓都冇佢個水準，皮唔厚，足料，新鮮炸起熱辣辣，本人都係咸水角怪，呢度都算冇得頂👍🏿價錢仲好合理，响旺角嘅點心店中，佢價錢都算係平💰上次埋單時收錢個個人仲話攞張單返黎再食有9折，今次第二次我緊係帶返黎啦⋯⋯😂

晚上在女人街尋找醫肚食肆，路過這間新開的點心店便入去一試。店內環境寬敞清潔，店員態度良好👍🏼此店標榜點心即叫即蒸，牛肉餡用新鮮牛肉做，所以特意點了粟米牛肉餅，煎得卜卜脆，很香口😋！傳統的叉燒包和蘿蔔糕都很有水準！榨菜牛肉飯很入味！飯後叫了棗皇糕和杞子桂花糕甜度剛剛好😊！兩個人最後吃得飽飽，很滿足的一餐！而且價錢合理，每人茶錢才是$3!飯後老闆還説拿著收據下次光顧會有九折，一定會再來試試其他的食品！這一次是第一次來寫食評，希望來鼓勵下店主，繼續努力保持水準！

今晚同老婆仔喺旺角揾野填肚， 見到間新開張嘅中式點心專門店， 叫"喜惶", 喺女人街入面， 咁要試下啦。。。Wow, 啲野ok好食, 全部熱辣辣上枱， 真係即叫即蒸， 但亮點係碟碟都好鬼足料， 兩個人叫5款點心， 竟然食唔晒， 埋單100蚊有找， 係。。。真係100蚊唔使， 喺旺角又好食， 又抵食嘅， 真係唔多選擇， 下次同老婆仔落旺角行街再去幫襯。。。Yeah (阿媽要再下次先， 笑) Ps#老闆重話攞住張收據，下次有9折， 真係抵到暈呀。。。

行過女人街，見到有新野就入去試下。一入去見到門口幾得意，寫住(樓上有位喎 ）咁就上咗上面坐 ， 喺旺角食咗咁多年嘢 ，都未試過有個環境令我咁舒服 。點心款式也不少有四十多款，價錢亦合理 ，點咗個牛肉球， 一個榨菜牛肉飯， 加多一個牛仔骨， 樣樣味道都好食。 埋單仲要話( 攞住收據 下次有九折）。會翻食！

小店乾淨企理，桌椅有小小窄，好在人不多，服務周到友善，點心做得很用心，山竹牛肉彈牙，玖菜餃香脆，棉花鷄鮮嫩，青菜心腍甜，白腸粉軟滑，黑糖糕甘香。價錢盛惠106，收據可當九折券下次再用，一切充滿惊喜！

排骨飯 飯粒軟硬適中 每粒飯都沾到豉油 味道一絕即拉腸粉 口感一絕 每條又滑又彈口 不是一般店蒸到林晒 即拉的腸粉果然正 加埋甜醬麻醬 簡直可以一次過把七條腸粉食晒 價錢$16有咁多條實在抵食燒賣大大粒 肥廋肉比例很好 口感軟 味好自己很喜歡點心 去過不同大少貴平的點心舖 喜煌算是食味水準很高的小店 堅持即叫即蒸使食咪出來保持一份新鮮的咪道這是很多大酒樓不能嘗到的味道價錢算抵 咪道又好 性價比很高呢間小店在旺角 我諗我都會時時襯剛剛上學前六點去食冇咁多人又嘆到美食因為好味又唔貴 中午時間真係好多人 即叫即蒸時間要等長啲 但好味的野等下都有所謂 但若係附近工作可以早啲打電話去叫外賣 蒸好打返比你取 勁方便 今次朋友唔食牛 冇試佢哋的牛點心 要再去多幾次 試晒佢啲點心

個仔有d唔舒服，我地去完睇醫生就諗下有d咩啱佢位小病人食啦。過女人街，發現有間新開點心專門店，就諗中式應該啱佢口味。一入門口地方乾淨，都幾闊落，感覺幾好。坐底後待應又好有禮貌，值得一讚。落單後需要等一陣，因為寫明即叫即蒸，而時間係可以接受的，起碼上枱新鮮又熱辣辣嘛餐廳標明肉餡均用新鮮牛肉，所以我都慕明叫左d牛類點心而阿仔一坐底就話要食馬拉糕，自己食晒成籠無得淨最驚喜係埋單時仲話比我地知，憑住張單下次光顧仲會有9折添！好抵食呀

見完客匆匆忙忙甘諗住純粹醫肚，甘啱見到新開左咪碰下運氣囉😅本身鐘情點心店，喜歡小時侯嗰種感覺。但唔知幾時開始，點心變左 dim sum 衝出左亞洲變左地道美食🙄蒸飯屬必點項目，通常 lung 個點心就當一餐～居然喺個 menu 比我瞄到有少見嘅“炸菜牛肉飯” ，唔洗講就整個試下咩料先，另外就蝦餃燒賣2選1揀左😏蒸飯黎講，又點少得“豉油”😏😏感覺良好，再比多少少就更好😝。 “牛肉”，足料，靚，山竹牛肉甘鋪哂面～大滿足。然而，主角嘅“炸菜”略嫌失色，可以選擇更惹味同有咬勁嘅黎送飯同牛肉 (純粹個人口味，不喜勿插😜)。總括都係正嘅，出面唔多食到，睇個豉油同牛肉就知係好“用心”嘅👍最後決定左蝦餃，來來去去都係呢啲嘢，味道較一般好，勝在真材實料 ，15蚊2隻蝦餃有4隻甘新鮮嘅蝦，仲想點😎今次真係來去匆匆，menu 都無時間睇，下次有機會再同老婆去試過。

同女朋友下晝出開旺角, 行過女人街肚餓試食呢間新開嘅點心專門店新裝修舖頭乾淨, 唔洗等位, 侍應服務態度好點心選擇多, 特色係用新鮮牛肉叫左牛肉球, 牛肉腸, 韮菜餃, 菜苗餃, 綿花雞落單計點心大約10分鐘至15分鐘到, 樣樣即叫即蒸黎到熱辣辣牛肉球大粒, 咬落肉質好彈, 喼汁味道幾特別, 唔似係一般喼汁腸粉皮薄又滑, 牛肉餡多韮菜餃煎到好脆, 食果陣要小心熨咀菜苗餃皮煙韌, 唔會一夾就散綿花雞雖然係用豬皮唔係用魚肚, 但係呢個價錢可以接受總括黎講味道啱我, 免加一抵食, 會再幫襯