喜悅餐廳 (已結業)

今日返返下工好肚餓 喺同事嘅慫恿之下 叫咗個tea嚟食咁我就叫咗雞翼配西多士同埋一杯橙汁 30蚊 感覺都唔錯 雞翼炸得幾香口 西多士更加好 佢入面嘅花生醬都幾多 而且炸得非常外脆內軟 加埋少少糖漿 呢個組合都真係幾正 呢個價錢有嘢食有嘢飲 都食得飽 欣賞 幾抵不過就要講一講 店員係有啲燥底嘅 我哋打電話去叫外賣 就用咗個餐嘅號碼嚟叫 跟住佢哋就有少少惡咁叫我哋講番個名 我諗算係佢嘅特色掛 😅😅 所以如果佢地可以吾好咁燥底呢間餐廳就perfect 啦

出世就住係呢頭，呢間餐廳以前叫嘉樂，前幾年先搬左，改埋名，原班人馬。當年都成日幫襯，D野平靚正，當時仲係學生我都食得起。後尾屋企冇煮飯，就成日落黎食，食到好似已經成為我地既飯堂。平時一個人諗唔到食咩就直接黎到呢度，今日lunch都唔例外。加左佢whatsapp佢個頭像會show每日快餐同晚餐，方便叫外賣。今日堂食，揀左豉汁蒸排骨。快餐有湯，有飯，有餸，有野飲，一餐好既飯缺一不可。味道食左咁多年都keep到，真難得。

今日經過餐廳門口諗住試一試 伏已中 一坐底 完全沒有招呼 叫餐 個啊姐隔幾尺遠問你食咩 重複講左3次 佢都話聽吾清 好心你行多2步過黎落單啦 懶到咁 最後講到第四次超級大聲 全間餐廳都知我食咩餐 佢先聽到 諗住講左4次佢實無落錯單啦 碗野黎到 我呆左。我要公仔麵 佢俾左通粉我 大佬點可能聽錯左公仔麵係通粉啊 同個啊姐講。佢理都費事理我 亦無打算換返俾我 之後我個餐係跟煎蛋2隻 一早落單叫佢熟蛋 一上枱 隻蛋既蛋黃生到識震既 只能夠說 下午茶時間 得2枱客人你地都可以做到咁既服務咁既質素好難吾令到我上黎寫個食評俾你地 最後杯凍檸茶係苦的 一飲落口似飲緊隔夜24味涼茶加左幾片檸檬👎🏻👎🏻👎🏻

放假第三擊黎到好耐冇黎ge茶餐廳食晏就環境都幾逼下 我都係叫番 常餐（$38）（又唔記得影相）沙爹牛肉麵咸牛肉奄列多士熱檸茶一般茶記質素 唔係特別好食/難食做開街坊生意 胜在人情味 伙記好nice

每次下午茶時段, 若是我們來到 太子, 都必然會去幫襯 "喜悅餐廳" ~Menu ~吃的都一定是 ....特式煎蕃茄鹹牛肉三文治 (配熱飲) $29煎三文治最好味之處, 是用牛油把三文治的底面以慢火煎至香身脆口, 質地比烘底多士軟身, 但卻多了一份牛油的鹹香, 蕃茄牛肉餡是罐頭鹹牛肉再加蕃茄粒 .... 滋味無窮 ~熱飲, 西洋菜蜜味道調得甜度適中, 非常潤喉 ~本篇完 ~

星期日下午在家的附近找東西食，想到附近有一間茶餐廳想來了一段時間，就是「喜悅餐廳」。「喜悅餐廳」是在界限街32-34號地下，對我來說這一間食店的印象是前身是一間車仔麵店，因為食了很多年所以很有感情，結業之後就開了這一間的食店，多次行過都看見店內有很多的人客而卻步，而今次看見店內沒有太多的人客就進去進餐。來到時十一時半左右，午餐的人流還未到，很容易就找到張卡位坐下，叫餐時沒有叫很多食客都推介的煎三文治，只是簡單叫了二個是日快餐:焗豬扒飯和馬來炒貴刁。焗豬扒飯($38) 份量不太大的焗豬扒飯，豬扒切得細細件，表面的茄汁不太多，食落也沒有太大的酸感，下面的飯不會太乾身，食落都可以，這個價錢來說感覺已經足夠。馬來炒貴刁($38) 份量都不少，炒香了的蛋條和肉絲拌著咖哩味的貴刁來食都十分重的鑊氣，加上了一些的蔥條也增加了整個炒貴刁的清香感，也是可以的快餐。進餐前後的人客都不太多，始終不是熱門的進餐時間，看看牆上食物的選擇很多，多到有一些眼花撩亂的感覺，不過推動我下次再來的必定是其他食客推介的煎三文治。簡單快捷的快餐，普通茶餐廳「喜悅餐廳」。

今朝好想好想食個豐富早餐..不過一諗起宜家D茶記咁hea, 都係算把啦! 糊里糊塗再繼續行. 「喜悅」- 個名啱聽, 阿 Q 精神叫我要行入去.門口已經有人幫我開定門, 一坐低, 感覺乾淨、企理、井井有條...開始睇餐牌, 好似少咁 D 例牌早餐, 不過又有中式早餐炒麵 + 粥...餐飲更有「果汁先生 8 安士」(更唔洗另加錢), 又少有喎 ! 其實叫嘅嘢食只係 D 普通嘢. 最值得一提嘅係塊牛油多士, 一向唔食包、又唔好牛油嘅我, 見到塊剛剛烘起, 又脆又香嘅多士...二話不說, 一大啖咬落去, 又脆、又香, 齋睇個樣都忍唔住呀!!!不過直至走嘅一刻, 都見到D員工(均齡50以上)有講有笑, 好融洽.地方又整潔、而且又有晚市小炒, 都可以一試呀!

搬了新鋪，名都改了，唔知食物質素有無昇LV?所以叫左個下午茶「雞翼拼西多士😋」+凍奶茶😎大約30分鐘就送到上來，奶茶D冰好彩未溶曬😊，即刻飲啖先， 茶和奶比例做幾好，不會偏重任何一面，所以口感都幾滑，但香氣一般（可能凍飲關係）。好，試下主菜，一打開 點解d雞翼咁細隻又黑😰，食落雞皮唔脆？但又唔似鹵水？肉又無味，都唔知係咩嚟，究竟廚師點做出來😡到西多士，無牛油在面，好彩中間有花生醬，但再失敗就係，口感似麵包多過似西多士！外層都唔脆😡整體嚟講，失敗埋計$30

我一直都係喜悅的FANS黎.....由佢以前嘉樂開始到依家新地址一直都有幫襯開一直以黎我都係叫開外賣下午茶GE不過今次係第一次出現D禁GE錯誤....態度都令人好失望平時下午茶叫開佢一個芝士焗肉醬通粉今次佢黎左個肉醬"意"粉....係正價黎我打去問佢地....佢地講話我叫GE係意粉我真係下左一聲....自問都叫左你地成5年外賣......會唔會係叫錯呢?之後又話你要叫下午茶先有嫁嘛你冇叫我地就唔當你叫下午茶嫁啦一直都係禁叫開.....唔係話佢地不過下午茶時間禁都知係叫緊下午茶啦不過佢地員工D態度每況愈下其實餐廳由搬到酒店旁邊開始主打大陸人生意....門口都用簡體字介紹不過作為本地人唔希望好似呃我禁囉講返個正價意粉個肉醬個味唔錯....係焗到有D過火.....面D芝士焗到好老同D意粉好似用水6完就放係底禁冇咩味如果係用價錢比黎講....係有D差

每次弄頭髮前都習慣地找尋太子區的食肆作午餐地點,幸運地發現區內兩家食肆也蠻有興趣,今次首先以有煎麵包的喜悅餐廳勝出。在著名自由行酒店側的喜悅,印象中以前是家地道車仔麵店,現在變成較舒適的光猛茶記,讓一眾酒店住客以最方便途徑認識港式茶餐廳食物。今次主打煎麵包,只是一件麵包怎可滿足,有飯有湯的午餐又吃不下,不如單點一碗沙爹牛肉通粉($25)好了。大大碗的通粉真的夠份量,不知道常餐的同款通粉會否一樣如此重型了??第一時間消滅幾條菜味單薄的青綠菜心,以免被熱湯令其變得更淋。無坑通粉在茶記而言已是有水準,爽口有彈力的口感不比高級意粉遜色,在油份稍多的沙爹湯相伴下,反而令通粉多了一份油潤,咕嚕咕嚕的轉眼被消滅掉。沙爹牛肉少見的切成稍厚及大片,好多時遇上的都是薄得幾乎可以吹走又或是可撥入碎牛之列的所謂牛肉片,厚身如此的牛肉很有咀嚼勁卻一點不韌,浸湯後也嚐到牛肉裡面有著曾醃過味道,不過也不會掩蓋本身的牛肉味,五至六片的厚切牛肉算是足料了。店方所用的沙爹汁的確稍多油,推算是廚師先生曾以食油炒過沙爹醬之故,這道算得夠濃的沙嗲味道其實未夠香,鹹味偏重的調味如沙爹牛肉包定會更惹味(鹹)。三文治餐轉煎麵包要加$

今日再次到太子，睇到招牌寫住特式煎三文治，就入去試下。我試左煎咸牛番茄三文治，果然好特式！包面用牛油煎過，食到牛油味之餘，又感受到包面好脆，番茄吸收熱力後所流出既汁，令你覺得內軟外脆。