喜喜冰室 (已結業)

今日午餐去喜喜食個常餐雞肉蘑菇忌廉湯通粉，湯汁夠濃鮮奶黑松露炒蛋，如果你鍾意食黑松露嘅味道，就會覺得好食牛油焗餐包~不過不失凍朱古力~杯朱古力啲奶落得唔夠至於裝修呢間餐廳係算特別嘅，懷舊嘅裝修風格

茶餐廳係我星期六，日三餐首選。之前食過喜喜銅鑼灣店，食物一般。今次好大勇氣再試九龍灣店，芝士多士好味，但係個义燒真係唔得，乾到爆，食咗兩片已經無力再咬，睇相應該都feel到

來到九龍灣，不知令您聯想起甚麼? 是港鐵旗下的商場、上蓋物業、十六年前的疫症，還是新式的商貿區? 美食盡在十八區，來到觀塘區的九龍灣，又有那些美食等著我呢?荼記的常餐配凍檸茶，作為lunch頹廢餐真的正常不過。但來到九龍灣的囍囍冰室，最吸引我的是索女餐和型男餐，瞬即把常餐比下去。索女餐．HK$49鮮奶黑松露炒蛋，牛油焗餐包，雞肉蘑菇忌廉湯通粉，凍檸茶。黑松露炒蛋好香好滑，黑松露亦夠多，性價比較高；雞肉蘑菇忌廉通粉係超級邪惡，濃湯底、啖啖雞肉、大量蘑菇及適當的香草調味料，近乎完勝!型男餐．HK$49蔥花火腿炒蛋、芝士牛油扒多士、蕃茄牛腩濃湯伊麵，懷舊唂咕。蔥花炒蛋的看似平常不過，但也很講究功架，海量的蔥花帶起了淡淡的味道；蕃茄牛腩濃湯伊麵亦是必吃的項目之一，帶有西芹、蘿蔔、蓄茄、椰菜等蔬菜粒，加埋濃味牛腩，整個湯底非常出色，懷舊唂咕味既像阿華田又像朱古力。若來到九龍灣，可一嘗喜喜冰室，美食和服務態度值得稱讚外，其懷舊裝飾亦一樣值得俾like。

門外麵包櫃都幾抵食喎呢類冰室最大賣點好多時係彩色招牌另外就係門口既麵包櫃,有好多出爐麵包買最常見都係蛋撻,雞批,合桃蛋糕,波羅包,椰撻,雞尾包,餐肉蛋包腸仔包呢間喜喜冰室門外都有賣未夠鐘食飯又買隻蛋撻食下,$7 皮唔係酥皮,曲奇皮,夠脆口,蛋皮面別光滑焗得岩岩好,蛋汁仍然保留到,另外蛋夠香,蛋漿香甜,唔錯雞批都夠大隻,下次會試埋,其他款麵包都賣相OK,係略貴一點點#喜喜冰室 #九龍灣食記地址: 九龍灣牛頭角道77號淘大商場2期地下G211-G214舖 

好耐無嚟哩度食野了 今次係午餐時間嚟左哩度幫襯喔🤩😍真係成日都好full的 但好好彩今次都有位 不用等好耐的喔👍🏽😀今次小妹點了哩個脆皮炸脾西炒飯 🤩😍賣相真係好靚好睇好吸睛👀✨味道方面好好好味呀👍🏽👍🏽😋🤤完全係正宗嘅色香味俱全😄😀炒飯炒得好靚 係有蝦仁🍤火腿粒 叉燒 青豆粒 啲飯仲食到係有茄汁味的 最鐘意食西炒飯😛😋炸雞脾真係好大隻又啖啖肉 睇得出係炸得好有誠意 仲有啲椒鹽係面的🍗🤤正正子‼️‼️‼️值得再嚟再encore!!!!!🤤🤤

已經好耐冇黎過喜喜因為之前覺得有d 質素下降Li 度以懷舊做主題以我坐緊ge卡位為例就以車衣為主題今次叫ge係索女餐以49蚊黎講黑松露香 蛋滑餐包亦唔係空氣包 不過放得耐 個包係硬ge忌廉湯通粉rich 凍檸茶仲有青檸tim睇黎有進步喎

多年前食過銅鑼灣的《喜喜冰室》，懷舊味濃，深受小弟愛戴，尤其最愛佈置成七八十年代的模樣，乃香港最美的年代。今次走到淘大的《喜喜》，仍是懷舊味濃。門面與室內裝潢都富懷舊味，Designer都下過不少功夫餐牌上不少選擇，令人目不暇給此為型男餐 $49，蔥花火腿炒蛋、芝士牛油多士、蕃茄牛腩濃湯伊麵，配懷舊唂咕。炒蛋為一整碟的面積，蔥花與火腿粒全方位佈滿炒蛋多士則充滿芝士香味，入口即有牛油芳香，不單調的味覺，且十分脆口。至於伊麵湯底似羅宋湯，份量充足，帶點蕃茄酸味，又有雜菜粒在內，非常健康和開胃牛腩都彈口，不太韌，大概有四五件。伊麵麵底似福字麵，頗爽口此為索女餐 $49，鮮奶黑松露炒蛋、牛油多士、雞肉蘑菇忌廉湯通粉、配凍檸茶。黑松露滿滿藏在炒蛋內，有鮮奶炒令蛋更滑至於通粉則更creamy，雞肉和蘑菇份量都不少，有以香草伴碟，色香味俱全。左：凍檸茶，右：懷舊唂咕（味道似黑朱古力）

星期六要開工，梗係食個早餐提提神，去開附近見呢間評價唔錯，試下無妨。剛入門就見到「職工飯堂」4字，好配合我呢d週末返工人士心境，超舊式電話同裁縫機，夠晒復古。呢個大櫃後面全部都係枱，都容納到唔少人。收銀附近係放雪櫃同賣麵包的地方，望到都覺得懷舊，好似睇電視果d講早期香港既電視劇咁。牆上擺設都係復古，等野食時候可以留意下黎打發時間。叫左個蕃茄牛腩米 $29，上枱時好香，食第一啖時，真係「咦」一聲，係有重蕃茄的羅宋湯味！好食喎！除左牛腩，仲有唔少蔬菜、紅蘿蔔同蕃茄，好豐富。我偷偷望過其他枱，原來其他單餸係冇咁多配料，食果下覺得自己選啱左！真係好開胃！加左$12蚊，有豬扒煎蛋及牛油多士，食評果然冇介紹錯，呢個多士冇得頂！真係食完一塊仲想再加呀! 超級鬆軟，鹹鹹地好入味，又唔乾身，係食咁耐多士以黎，比較好食的。豬扒擋住左睇唔清，但其實好大塊，同多士長度差唔多，煎得啱啱好。呢個夾糖盒真係好少見，而家仲係一粒粒方糖更加少見，懷舊feel就係要呢d！加糖時覺得自己好似以前d大老闆咁。

喜喜冰室位置較接近牛頭角，門外的裝潢屬於比較古舊一點設計，好像70,80年代，平時都只是經過，今次才是第一次到喜喜冰室食野。比起其他餐廳，11點半前仍有早餐是吸引，再加上沒人在餐廳外待位，當下吸引了我。餐廳內都尚算大，呈L型，可能外面下大雨，都頗多人進食，要等了一會才有位，雖然有張大圓枱，但店員都有禮貌請我稍等，並說明若坐大枱，好大機會之後需要轉座位。等了不夠5分鐘就有位，趕緊望望餐牌。餐牌好風趣，有型男索女餐，很搞笑。早餐是正常大路的選擇，我點了一碗漢堡扒米粉、熱檸水。2塊漢堡扒，湯內有少少栗米，感覺不會太清，但看著就覺得不會夠飽及不豐富，上枱時覺得$29好像不太划算的樣子。之後再加了$9，要火腿奄列+牛油多士。火腿奄列不過不失，火腿絲略少，但蛋煎得不錯。牛油多士大推介！超好食，並不是多士爐整出來，似是煎出來，除了牛油，感覺似芝士味，外脆內軟，非常香口，在整個早餐中非常搶鏡！若只單點一碗米粉是絕對不飽，建議加配會比較飽肚。

放工到九龍灣吃晚餐又未諗食乜行行下去咗淘大個邊然後見到喜喜冰室廣告牌，就過去睇下。門面同普通茶餐廳無異，但入面就好有香港懷舊風。卡位盡是製衣行業元素。加上自己有製衣，有多一份親切感，最得意係枱底有衣車開關制因為不太餓叫了份型男餐被芝士牛油多士吸引住，再配奶茶紅豆冰，超正。不過食落都幾飽男友食雜扒餐，份量真係好多。不過少少overcook下次再試其他！

今日約左朋友係九龍灣MCL睇AVENGER4呀!! 時間係11:55!!因為要睇成個3鐘, 一定要填一填肚, 又好想食早餐!!呢間冰室既早餐ORDER時間係去到11點半架!!!去到門口既時候勁開心!!叉燒意粉+豬扒煎蛋+牛油多士+熱咖啡(拼博 $29 再追加 $12)沙嗲牛肉公仔麵+蜜糖雞扒茄汁豆+牛油多士+麥精(拼博 $29 再追加 $12+$3)牛油多士牛油多士牛油多士!!無論你叫咩餐記得都一定要包左呢個牛油多士!!! 好好味!! 我一定會為左呢個牛油多士再黎喜喜冰室!!!仲有個麥精!! 而家真係唔係好多茶餐廳/冰室有得加維他奶同麥精!! YUMMY!!! 我開頭見唔到咋, 我朋友叫左我先知有,,,下次都要轉麥精!! (同飲紙包既感覺係唔一樣啊)!!雖然話就話係早餐, 其實都食左成個常餐落肚, 但好滿足!!!熱推!!!

好野,今晚個衰佬終於有時間同我食飯啦! XD,雖則就唔係話出去食,但都可以撐下台腳啊去左屋企附近間喜喜冰室,其實淘大至得寶成條街都有好多間冰室同茶餐廳,尤其間龍x超多人,不過好無食就哼哼la! 喜喜都幾有特色,裝修好有HK 50-60年代既懷舊設計!我就見左最愛既西炒飯食,不過呢度既西炒飯好特別,係用美極炒既,所以特別鮮味!另外仲可以加$8多個羅宋湯同菠蘿包,羅宋湯好夠酸又重牛味,雖則有少許鹹,但係都好夠味! 而菠蘿包都好大個啊,難得去到咁夜仲有脆薄薄既菠蘿包食,好好味呢!而個衰佬呢,就叫左個咖哩牛腩飯,男人既浪慢喎...見到兜牛腩果下,真係哇左聲: "咁多牛筋既...筋仲多過,正喎! 個衰佬食到lam晒俐添喎,事關佢最like牛筋喎!呢餐茶記雖然食既係普通野,不過味道好classic!

今日在這個悠閒的日子，享受一下上當年的生活情趣。👇🏽留意下個窗，有雞毛掃，新一袋應該未見識過，而且個牌扁好似去左廟街咁，打卡景點。這裡絕對可以打卡用，間間分店同樣有著當年的香港情懷，有的古舊報紙廣告，也有製衣設計的檯面，連電視節目也有當年時髦造型，相當有風情。跟住睇下餐牌，都幾吸引同有綽頭。好吸引有維他奶，與別不同。整體來說：環境和食物勻很有特色，但味道一般，下午茶份量比較少，女孩子就剛好，男士們就可能唔夠，而且某些餐飲價錢偏貴。不過，本人認為播懷舊經典金曲比睇電視更能提高檔次。

充滿懷舊裝飾的食店， 牆壁滿是 五六十年代 嘅圖片， 餐牌用左當時好興嘅圖片， 擺設亦都有舊式嘅打字機同埋衣車食物方面就認真麻麻喇， 奶茶紅豆冰太過甜，冇咗奶茶味， 豬潤通粉D豬潤好嚡。型男餐， 牛腩通粉啲牛腩都算啦林， 不過就好細粒，炒滑蛋都ok ，多士都唔錯。

晚餐叫咗個忌廉汁焗海鮮飯，$68，個飯淨係得墨魚同蝦，無乜料之餘賣相亦都唔得。個汁係一般茶餐廳忌廉汁，味道一般，炒飯唔係乾身，但係最大問題係個飯入面仲要有蝦殼同墨魚骨，完全唔知想點