影片
以上資料只供參考, 請與餐廳確認詳情
今次去咗長沙灣青山道一間性價比點高嘅點心專門店，係一間社企營運嘅餐廳，環境方便就腳，餐廳主打點心同埋甜品，點心價格好親民，嗰日中午去場內都坐滿客人，好熱鬧。所有蒸籠點心即叫蒸，保證新鮮滾熱辣。山竹牛肉充滿鮮味，加上喼汁，回味無窮。食物算係新鮮，質素喺水準之上，所以長期都吸引咗好多長沙灣街坊去飲茶。我個人鍾意食佢哋嘅木桶飯。鳳爪排骨木桶飯，排骨同飯嘅份量都幾多，性價比好高。腸粉好嫩滑，餡料亦都好豐富。
繼續閱讀
人均消費約為$51-100，是一個既能品嚐美食又能支持社會公益的好去處。其實呢間食店已經幫襯咗超過10次，食物質素一直都保持水準，由佢開業幫襯到現在👍食到好嘢之餘，又可以幫到人真係好開心😁會繼續支持😊而且呢度嘅食物水準都保持得好好，適合一家大細或者自己一個人過嚟嘆茶座位又舒適👍上菜快😊服務又好好，價錢平民價錢😁好多人喺附近住，都會幫襯吓，而且有好近寫字樓地鐵站行過嚟都唔使10分鐘😍👍👍👍。
繼續閱讀
首先要同大家講呢間餐廳暫時得Walk in！中午時間亦都非常多人嘅 😂😂😂😂😂放假排隊去到試吓係咪真係咁好食!🥢🥢✨喜樂海苔蝦餃✨蟹籽鮮肉燒賣✨金銀滿屋脆皮腸✨古法胡椒餅✨七彩鮮蝦腐皮卷✨椰汁錦鯉魚一個人邊度有可能食到咁多啊🤔點心紙可以揀要兩粒定係要四粒㗎！呢下超加分！當預製菜已經喺香港餐廳出現好普遍！餐廳每款點心都係舖頭師傅整😱😱😱😱呢種熱誠我諗打敗晒成個長沙灣嘅九成嘅餐廳！每款點心上到嚟都係熱辣辣！賣相味道都超班！胡椒餅比較罕見！脆皮腸粉餡料好豐富!!最後梗係要留肚食埋佢個靚靚甜品🤤🤤每個員工其實嘅招呼都好熱情同令人舒服！當我問可唔可以影相呀？可能會影到你個樣啵！佢：”好呀！影得我靚D！係OpenRice多啲人見到多啲嚟食！”🤳🏻🤳🏻希望大家一直支持社企餐廳!佢哋係好有熱誠！同埋呢間餐廳真係好好食㗎🤤🤤🤤🤤🤤
繼續閱讀
月前聽朋友講，長沙湾麗新商場附近新開一間名為喜樂嘅點心甜品專門店，點心好食街坊價，今日特別去食晏，果然如朋友所言點心非常美味😋該店點心即叫即蒸，有些點心每籠兩件，人少飲茶可以叫多幾款，夠貼心🥰今日我哋點嘅沙爹金錢肚入味夠冧、七彩鮮蝦腐皮卷同海苔鮮蝦餃都食出喺鮮蝦、原隻椰皇芋茸燉蛋白唔太甜兼芋頭味濃、椰汁錦鯉魚造型精美；各樣點心食材新鲜味道佳，抵讃👍最最抵讚嘅係喜樂肯聘用弱能人士👍👍👏👏加上食品味美價錢合理，一定會再來😍
繼續閱讀
今日大年初二，全部都晏咗起身，冇預設去邊度食晏，揸車經過呢間新嘅點心店，即管試吓。入到去見到都差不多滿座，都有幾多老人家添，坐低之後，一睇張點心紙感覺好窩心，好多點心都係兩件（我估計為咗方便啲老人家一個人都可以飲茶嘅關係），叫咗八款點心，蝦餃、燒賣、懷舊魚翅餃、芋角、排骨陳村粉同埋鳳爪，樣樣都性價比幾高，對比埋價錢我覺得係淨係水準之上，一定會再嚟支持佢哋，見到個個員工做嘢都好有幹勁又勤力，好少寫食評嘅我都要讚吓。
繼續閱讀