喇沙大少 (已結業)

下午同朋友去食飯,還沒吃完便想收嘢。不一會,第二個服務員又走嚟收嘢,但是我們還沒吃完!收嘢後,飲品還未飲完便要埋單。好似趕客走咁!如果想約朋友下午吃飯,傾下偈,千萬別幫襯。

因為見佢嘅碗好傳統，所以一行三人一齊黎試吓，點知.....我哋叫咗一個海鮮喇沙，海南雞喇沙，炒貴勻，另外加6蚊要特飲。喇沙睇落顏色正常，食落濃味都好夠，唔辣，麵係參參，即係米粉加油麵，份量唔係太多，女仔黎講啱啱好，海南雞不外如是，有啲鞋口，冇味，一定要點醬先有味，唔似食緊海南雞。貴勻有幾舊蝦，魷魚，同啲配菜，味道同港式乾炒牛河無分別....呢個特飲更加伏, 紅豆冰得少少紅豆，佔成杯嘢十分之一，又無椰汁味，好大可能係花奶，荔枝冰係7喜加3粒荔枝，龍眼冰只有黃糖水味，呢3杯嘢真係飲得好唔底!!個餐送甜品，唔好以為係新加坡甜品，只不過係一件貌似tiramisu 嘅蛋糕仔，好似麻雀咁大，味道好奇怪。今餐真係伏，以後唔會食!呢度有加一服務，埋單每人86左右。

因為喺附近番工，所以午飯成日都會食呢間，試過好多唔同款式，好多都好食👍🏻海南雞&海鮮喇沙都係熱門，喇沙湯底少少辣有椰香味，撈檬幾清新，仲有印尼炒飯都好香好好味，碗碗都好大份，一定會飽！

每次經過MegaBox都見到喇沙大少排晒長龍，今次決定等耐啲都要試一試試，點知一等...就係45分鐘😅不過唔緊要啦！美食大過天！馬上叫咗佢哋最出名既喇沙先！「無骨海南雞喇沙」$72先講湯底：有濃濃嘅椰奶香味，蝦膏味都幾重😍豆卜亦都索晒湯嘅精華，唯一美中不足嘅係米粉同油麵質地都比較淋身！海南雞肥膏太多，件數亦不多，肉質尚算合格， 仍有可以做得更好嘅空間！馬來蟹肉炒粉絲$85蟹肉嘅份量一眼就睇晒😅少得可憐！粉絲質地不夠乾身比較黏同難夾開，蛋又醉到一粒粒🙈 總結：喇沙湯底真的很不錯， 如果能改善麵條軟硬到應該會更好！

店員冇熱誠，服務差絕!就算野食吸引，我連淡氣都吞唔落，叫人客點食野!事源如下:我哋兩個人入到店內，見冇人招呼都算，問店員係咪可以自由坐，因為眼見面前有張6人吉枱，加上門面冇人等，點知個四眼女員工答我地叫我地拎飛，話我地前面有個number等叫飛。我心諗門口一個人都冇，你仲叫人等位，個老闆請著你真係倒米,因為呢間野管理同效率都極差!!擺明唔想做生意!之後我地係門口等多陣，見仲未叫飛，我忍唔住走去問個看似女經理既人，之後個經理叫個下屬跟進，個四眼女員工仲講大話，話叫左号，仲話過埋号。當我個內心已經爆左粗，講大話都唔係咁瓜!雖然之後安排左位比我地坐，但點知隔離枱有对老夫婦都係比個四眼女員工好串咁斥責，我睇見都好嬲，索性起身唔食，走人! YOU LOSE YOUR CUSTOMERS!!!如果我真係光顧一定会比錢買難受!

難得來到MegaBox，試吓一啲平時好少食嘅嘢。一到達還沒有想到食什麼類型🤔🤔只是看那些比較特別😬最後選擇了喇沙大少。門口有位服務員帶我們到一張卡位坐下，雖然地方比較狹窄，但都還算可以😝我們點了食物後，就等了約5分鐘，我點的素菜喇沙已到了，另外還點了一個馬拉盞炒椰菜，還有一個蝦醬炒飯給兩杯飲料，我還是覺得喇沙的質素很好吃之前在銅鑼灣的一間吃過他的湯是比較奶的，而這家喇沙大少的喇沙有種微辣的感覺，我個人覺得很好吃😋。喜歡辣辣的口感😍

又到星期五食晏嘅時候， 九龍灣一向出名多公司超多人，食晏時一定要同人爭位， 排隊係平常事。今日同同事一齊去咗九龍灣megabox搵食，搵到到一間叫喇沙大少嘅新加坡餐廳， 見到門口好多人排隊，但其實都唔個食乜好，都照取飛排隊啦！之後大約等咗半個鐘， 卒之有位， 入去一坐低睇睇個餐牌，我就叫咗一個 冇骨海南雞喇沙，之後又要等多大約十五分鐘，卒之我個餐終於到喇，搞一搞個喇沙麵底，發覺成嚿麵底都冇搞鬆過， anyway整體嚟講，佢個湯底都尚算ok，但可惜味精比較濃郁，而且啲雞話就話冇骨，但因佢比我嗰份是雞翼位，所以就超多骨，同埋雞皮多個肉。食完之後返到公司，勁口渴需要飲好多水。

下午六時許進入店內，只得我們一枱，點過菜後，便聽著三個伙記交談，他們完全像食客一般，大聲傾談，尤其是束馬尾的女待應，站在水吧前嘈過不休，聲浪夾雜餐廳本身播著的英文歌，覺得好煩擾。食物來到有點失望，諗住馬拉盞炒椰菜苗比通菜貴，出品應該很嫩，怎知錯了，比白色的椰菜更硬，蝦醬炒飯味道不錯，串燒海蝦也食得過，、喇沙如其他食評所謂，椰味重。如果想靜靜享用食物就不要來這一間，或者唔怕食物被加料可以叫侍應收聲！

放工同同事又嚟megabox食飯吹水，揀左好耐冇嚟嘅喇沙大少。我好鍾意呢度嘅喇沙湯底，濃郁得嚟唔算好辣，最重要係好多料，有蝦，蜆，豆卜，魚蛋，雞蛋等等，對為食嘅我嚟講係好好嘅選擇XD不過今次嘅海南雞飯就失色咗啲啦，雞肉有啲"鞋", 唔夠鮮嫩，不過份量算多，男仔都食得飽小食另加我最喜愛嘅無骨酸辣鳳爪，酸辣度剛剛好，最怕嗰啲酸到震嘅鳳爪，呢個perfect池呀！總括嚟講喇沙大少係我目前新加坡菜嘅首選，閒時都會再嚟探下啲喇沙XD

呢間野真係嚇死人食物我覺得還可以但問題係店員對佢menu 嘅野係完全唔清楚老豆嗌左杯野飲叫大少魔法梳打(圖入面個杯)杯野黎左之後一飲我覺得係有酒精叫呀媽飲佢都覺得有叫左店員過黎一個話唔清楚成份都算成間點冇人知杯野係點溝出黎冇人知成份冇人知有冇酒係入面問題係老豆係要揸車唔知飲左咁點?Menu 冇寫有酒精間野都唔似有攞酒牌我真心覺得呢個係好嚴重嘅錯一錯在你員工對食物飲品毫無了解可言二如果杯野真係有酒成份而menu冇寫我係可以去食環告你地呢間野可一不可再

端午節去左Emax睇戲，第一次係哩度睇戲，原來又幾好座幾舒服，以後就係哩度睇戲啦🤩🤩🤩睇完戲好肚餓啦，要去揾野食嚕，行行下去左megabox，原本諗住去宜家食，不過睇怕都係超多人架啦，唯有睇下仲有咩選擇啦，去到11/F見到哩間食東南亞餐廳，見到有位唔多人，即刻入去先🤗🤗🤗公眾假期都有午餐menu，而且都好多選擇，最後叫左嗰海南雞飯同埋豬手飯，朋友話佢碟豬手飯啲豬手都炆得好淋，不過就唔多熱咯，至於我碟海南雞好大碟，一定比其他餐廳大碟，啲雞多到呢，而且啖啖肉，我最鐘意食雞胸，咁岩全部都係雞胸位置，而且仲有菜心食，不錯不錯！

唔知有無人同我一樣覺得每日諗lunch食乜野真系好鬼煩🙈！同事今日提議去食喇沙大少食晏～由德福廣場行去mega box 都唔系好遠～大約7-10分鐘左右到..唔想行嘅可以坐shuttle bus ..不過有時會好多人排隊坐車，所以我地都系行過去算。今次我試左佢個無骨豬手飯～豬手燜得好軟身好入味～加上無骨～食落好方便唔駛lur ，送飯真系一流！Lunch 黎講價錢都算實惠，環境都乾淨舒適。下次可以再黎試埋其他菜式。

服務態度差，明明有位又唔比客人入坐！Lunch time, 個個都趕時間，都唔知啲枱擺係度做咩！問佢幾時可以入到，又唔答人！食物又上得慢！唔夠人就請多幾個part time la.....

復活節假期來到mega box逛街，行到中午時份去搵食，見喇沙大少不是很多人，可以立即有位座。中午關係，餐牌有多款Lunch Set, 有喇沙類，飯類等等，包飲品及一份小甜品，70多元節日價錢，還可以吧。海南雞喇沙，海南雞都算份量足，而且是無骨，雖然不太有雞味，但總算不太肥和味道不俗。喇沙湯麵側由油麵及米粉配搭而成，幾特別，但湯底側不夠濃味，椰味也不足，只屬一般。唯服務都不錯，以這價錢來說都還算可以吧。

我唔大食都覺得份量細，但味道還可以。個menu既圖好易令人誤會，圖中既咖牛腩係有埋薄餅一齊，點知一問個侍應，只得咖哩牛腩，薄餅另叫！個小食拼盤圖中乜都有齊有2層，但睇真D文字就寫只能選4樣😑要好小心叫野食囉！