善茶 (已結業)

很喜歡很喜歡的味道，以前還在中環街市有分店的時候，我絕對是棒場客！很地道嘅香港奶茶味道！只可惜中環街市已經不在了！幸好，最近發現觀塘原來有分店！那就好了，我可以繼續支持支持！…查看更多

📍善茶🇭🇰 觀塘協和街33號裕民坊YM² 1樓裕民里1B8-1B9號舖裕民坊成個商場裝修都行香港復古風格一開頭係俾佢港式嘅裝修吸引到好特別好復古 綠色嘅門面再加牆身香港風格嘅畫作 好岩打卡🤣原來佢賣嘅係港式奶茶 再加埋台式嘅珍珠就等我試下先😋 招牌珍珠絲襪奶茶 $32好香好滑 完全就係茶餐廳飲到嘅嗰種味道茶底幾好 少少甘 但唔會好甜 好飲佢嘅珍珠就係正常 都有煙韌嘅感覺整體嚟講都好好 如果飲台式飲到悶可以試吓港式！…查看更多

☕️紅豆絲襪奶茶 $32 (8/10)茶味超級香濃香醇，茶底好豐富，有茶嘅香味同埋澀，帶少少回甘，口感好順滑，一啲都唔鞋口，真係似出面老字號茶餐廳嗰啲傳統絲襪奶茶！紅豆甜甜地，偏硬比較有口感。整體嚟講幾唔錯！推薦指數: 8/10真心唔錯，奶茶飲得過！…查看更多

真係好奇殺死貓嗱，人類係會俾精神影響理性行動嘅。由於忍左好長時間冇食出面街嘢，就好似一個人忍你忍左幾十年，突然有一日瘋狂鬧爆你一樣，我今日好奇心爆發，叫左4杯奶茶外賣。幾日前喺街試左一杯港式奶茶，味道好標準，幾好飲，見到個餐牌好好奇。今日趁我心理唔平衡終於爆發，就試埋其他。所以加埋前後係5杯。1.招牌奶茶 : ⭐⭐⭐⭐ 好標準果隻港式奶茶味，但我叫微糖，如果半糖或少糖個味會更出。2.薑汁奶茶 : ⭐ 唔係店嘅錯，係本身薑就唔應該配奶茶，所以飲完好後悔。3.yin yeung : ⭐⭐本人失憶無限次，次次問完聽完又失憶，唔知咩係yin yeung, 所以叫左。飲完後悔到癲，因為我本身唔飲得咖啡。飲左第一啖先知原來yinyeung係咖啡。 如果我會俾⭐，但正常人會俾⭐⭐⭐所以拉平係⭐⭐。4. 珍珠紅豆奶茶 : ⭐⭐ 今次係店嘅錯，唔係我叫錯啦。紅豆本來應該配奶味重啲嘅台式奶茶先岩，而佢個茶味重啲嘅港式奶茶就變左好似陌生人搭枱一樣，唔多舒服，但好過薑汁奶茶架啦，薑汁奶茶直頭想叫佢cut左佢，改賣純薑茶冇咁嬲。5.未飲已經飽到嘔，飲左兩啖蓋返好，聽日再飲，反正我本身叫熱飲係冇冰嘅，可以聽日整返熱先飲埋佢。味道係⭐⭐.5 ， 夾過薑好多，夾過紅豆少少，但都係覺得唔夠夾，覺得奶味再重返啲先夾。但我以後唔洗再因為好奇而試啦，朱古力始終都係原味最好飲。朱古力始終都係原味最好飲。朱古力始終都係原味最好飲。重要嘅嘢要講3次。結論 : 原來以我味蕾嚟講，所有嘢，一律原味，原味，原味，先係最好味。😑😑😑 anyway。每個人口味都唔同，我覺得唔夾嘅嘢，可能其他人會好鍾意。所以冇話叫人唔好學我亂咁試嘅。自己決定啦。我唔會知其他人岩咩架。幫唔到您。😑😑 唔好當我幫人賣廣告，我只係太耐冇飲街外嘢心理唔平衡，想滿足下好奇心姐。冇咩事我lang返出去做嘢啦。拜拜 !…查看更多

星期日咁啱行開嗰邊 突然好想飲杯嘢⋯之後就買咗杯鐵觀音奶茶飲，飲咗一兩啖覺得好好飲（因為唔鍾意飲珍珠奶茶覺得太甜）但佢杯鐵觀音奶茶好清唔會太甜⋯所以之後就再買多兩支冷泡茶返屋企⋯如果鍾意飲茶嘅你哋行開可以試吓…查看更多

招牌絲襪奶茶 微甜走冰+咖啡點子 $30今日咁啱要嚟裕民坊拎嘢 見到呢間飲品店幾特別 一於嗌杯試吓嗌左走冰都有小小凍凍地🤩唔怕啲冰溶晒溝淡左 嗌微甜對於健康嘅香港人都係啱啱好 好似吊起茶味嘅作用咁茶底好濃 奶岩岩好 夠滑 小小鞋口但絕對唔係令人唔舒服個種 下次可以走甜熱飲嘅版本😍今次嗌咗咖啡點子 即係咖啡啫喱 甜甜地咖啡味唔算好出 可能因為茶太濃 但口感幾好 代替珍珠冇咁飽肚嘅好選擇…查看更多

本人不是奶茶精 不過比起台式飲品更喜歡港式嘅 金鳳 太興 我杯茶 師父好茶 我都覺得唔錯 自己偏好少甜一點 所以如果可以少甜都會揀 呢間我由尖沙咀時代已經幫襯 有時飲焦糖奶茶 有時飲普通奶茶 次次都飲凍 冇一次令我失望 不過我唔推薦中環店 佢好多已經調好 冇得tailor made 今日終於去返觀塘站試 一試 尖沙嘴嘅回憶返晒嚟 支持香港特色小店 一定要試…查看更多

經過觀塘食嘢，喺裕民坊行吓，見到呢間茶飲店幾特別，好有舊香港情懷。餐牌亦到幾創新，竟然有有氣羅漢果茶因為我好鍾意飲鐵觀音，就揀咗放嗰啲觀音同埋蜂蜜柚子鐵觀音，兩杯都好香茶味，芒果味都好特出，好好飲…查看更多

港式樽仔絲襪奶茶 $22有日去咗觀塘，經過呢間舖頭覺得好有特色，俾佢嘅港式懷舊裝修吸引住，一定要打下卡😆再望一望有啲乜嘢特別嘢飲啦😁原來呢度係主打奶茶，有各款唔同種類嘅奶茶，我今次就揀返一個傳統嘅樽仔絲襪奶茶試一試，估唔到又幾好飲喎👍佢嘅茶味幾香濃帶少少苦澀，飲落幾滑，鍾意佢唔會好甜，奶味唔重，味道介乎台式珍珠奶茶同茶餐廳奶茶之間，炎炎夏日飲番一支真係透心涼🤩…查看更多

裕民坊商場開業一段時間，今日終於過來參觀一下。甫入商場，就見到一排小店並排而列。這些店舖門面都統一用上懷舊風設計的仿鐵閘，感覺親切。 筆者愛奶茶，每日都要有一杯提神。每逢經過餐廳自稱xx師傅坐鎮，都必去拜訪一下，例如旺角的【茶王冰室】陳子平師傅、灣仔【我杯茶】羅師傅、洪水橋【大發茶餐廳】賴師傳。 今日遇到裕民坊商場內的【善茶】，見到珍珠奶茶、奶蓋、觀音茶系列、紅豆冰系列、檸檬系列……以為是台式奶茶店或新派喫茶店…… 筆者興趣不大……回程時再行入去，見到傳統手作＊絲襪大奶茶＊金茶王推薦，好似好正宗……綱上話店主之前跟金茶王學藝，選用斯里蘭卡幼茶、中粗、大黃及細黃四種不同茶葉拼出獨門茶底。另外，棄用黑白淡奶，改用金茶淡奶，令等筆者急不及待叫一杯招牌絲襪奶茶。耐心等待少女冲奶茶……但奇怪不見到有沸騰的水壺、又沒有沸騰的水蒸氣……奇怪。【招牌絲襪奶茶 $22 細】一接到杯熱奶茶……暖的……心想這個紙杯隔熱效果那麼好？！打開杯蓋一看，奶茶顏色不錯又看似順滑。入口微暖……第一次叫熱奶茶是微暖……非常失望！最基本的熱都做不到。另外奶茶已經預先加入糖……筆者是不加糖的，只想單單品嚐奶茶的真味道。店方沒有預告又沒有問，令筆者沒有選擇權利。最近去灣仔的【金鳳茶餐廳】外賣熱奶茶，店員都有問筆者要否落糖，因為不跟糖包。大家樂、美心這些連鎖店奶茶比這個所謂的傳統絲襪奶茶好多，至少夠熱又不會預先加糖。什麼跟金茶王學學藝，最近坊間都有不少跟茶王學冲奶茶班，但做到傳統奶茶又真係有幾個？這小店還是行新派奶茶路線較合適！不過，有10%營利捐合慈善機構，又不得不讚賞這顆心！…查看更多

茶底冇問題 係珍珠問題 加個港式又貴人幾蚊 完全唔值 唔建議飲 原來真係唔好飲 可以唔使買 芝士奶蓋貴人10蚊 不了 仲要打夠80字 傻的嗎 總之唔好飲 唔好買 真既 冇呃你 去第二間好過 唔係講笑…查看更多

之前飲開呢一間嘅奶茶真係好好飲，不過就唔算特別鍾意飲奶茶，比較鍾意飲芝士奶蓋，今次就試吓佢個芝士奶蓋。🍴 真！芝士鐵觀音 $36 (6/10)四季春無糖，茶味有香味，比較苦澀，芝士奶蓋好厚身，質感比較杰，偏鹹香，芝士味都香濃，食到芝士嘅粒粒，只係茶底比較差啲，同埋一杯唔係太大杯，價錢都比較貴少少。推薦指數: 6/10下次都係飲番奶茶穩陣啲，鐵觀音個茶底真係一般。…查看更多

上次試左善茶既招牌紅豆港式奶茶，今次試咖啡點子港式鴛鴦岩晒三心兩意既我，又想飲咖啡，又想飲奶茶，又想食咖啡味仙草最重要當然係要少糖走冰，岩晒關注健康既人仕要咗少糖入口真係不太甜，感覺冇咁有罪惡感而且走冰都唔會怕杯飲品變咗室溫，佢依然都係凍㗎，好處就係唔使擔心啲冰融晒之後，會令到杯飲品味道淡咗，如果唔想飲冰極飲品，走冰都係一個唔錯嘅選擇鴛鴦一如既往就是港式茶記的味道帶一點酸味，而加埋咖啡仙草入口濃濃咖啡味，連埋鴛鴦同飲品嚐到2種口味+口感咖啡仙草亦十分爽口，食得過癮，而且份量都唔少，食晒成杯都好有飽肚感㗎見佢有新產品推出，好似係岩鹽焦糖唔知奶茶定咖啡下次試下先…查看更多

觀塘裕民坊自從重建後，又新又靚巴士及小巴總站上蓋的商場多左好多有特色的店舖及食肆行到攰攰地想搵啲野飲下，對台式珍珠奶茶飲到有啲悶，想試啲新野見到呢間善茶有充滿地道風味既絲襪奶茶，即刻入去支持下而且絲襪奶茶既配搭仲有非常有香港味道既紅豆冰即刻要左杯小糖小冰既絲襪奶茶紅豆冰嘆下店舖裝修都好有香港舊街景既樣子，襯晒呢個商場既主題，懷舊香港風味絲襪奶茶茶味都好香，紅豆都可以一粒粒咁食到，唔係一pat 紅豆漿～唔錯而且要左少糖真係唔會太甜，比較健康既選擇岩晒想飲台式珍珠奶茶以外既選擇…查看更多

奶茶係好多人每日嘅必需品，呢間小店就以傳統嘅絲襪奶茶做主角，推出唔同嘅茶，以推廣港式奶茶呢個非物質文化遺產。小店仲曾有金茶王嘅指導，咁勁就緊係要試試佢。————————————————🥤樽仔絲襪奶茶, $22（4/5）飲落茶味香濃，茶嘅苦澀味同甜味互相平衡。唯一差少少係唔夠滑身，如果多少少奶就好喇。不過真係同茶餐廳冇乜分别，而且又有得加珍珠同奶蓋嗰啲台式配料，經過嘅可以試下。————————————————…查看更多